देगलूर तालुक्यातील तमलूर येथे देगलूर, बिलोली आणि नांदेड आगाराच्या एसटी बसचा रात्रीचा मुक्काम काल रात्रीपासून सुरू झाला आहे. देगलूर आगाराचे व्यवस्थापक श्री. संजय अकुलवार तमलूरकर यांच्या प्रयत्नांमुळे हा निर्णय यशस्वी झाला. गेल्या दीड वर्षांपासून नांदेड ते शेळगाव नृसिंह मार्गावरील बिलोली आगाराची जी एसटी महामंडळाची बस रात्री मुक्कामासाठी थांबत होती, तीच बस शनिवार, २० जून २०२६ पासून आता दररोज रात्री तमलूर येथे मुक्कामाला थांबत आहे. आज सकाळी तमलूर बसस्थानकावर एसटी महामंडळाच्या बसची पूजा करण्यात आली. यावेळी गावकऱ्यांच्या वतीने वाहक आणि चालकांचा यथोचित सत्कारही करण्यात आला. या सत्कार सोहळ्यात तमलूर नगरीचे तंटामुक्ती अध्यक्ष तसेच सेवा सहकारी सोसायटीचे चेअरमन श्री रवीशंकर इरन्ना गुत्ते यांच्या हस्ते एसटी महामंडळ बसची पूजा आणि वाहकांचे स्वागत करण्यात आले. तर तमलूर नगरीचे पोलीस पाटील श्री मारोतराव गायकवाड यांच्या शुभहस्ते चालकांचे स्वागत करण्यात आले. यानंतर एसटी महामंडळाची बस नांदेडकडे मार्गस्थ करण्यात आली. या प्रसंगी स्थानिक समस्त गावकरी मंडळी, ग्रामपंचायत सदस्य शिवकुमार गुत्ते आणि बसस्थानक परिसरातील व्यापारी वर्ग मोठ्या संख्येने उपस्थित होता.

जयपाल चांदोबा दावनगीरकर

Social worker देगलूर, नांदेड, महाराष्ट्र•

4 hrs ago

देगलूर तालुक्यातील तमलूर येथे देगलूर, बिलोली आणि नांदेड आगाराच्या एसटी बसचा रात्रीचा मुक्काम काल रात्रीपासून सुरू झाला आहे. देगलूर आगाराचे व्यवस्थापक श्री. संजय अकुलवार तमलूरकर यांच्या प्रयत्नांमुळे हा निर्णय यशस्वी झाला. गेल्या दीड वर्षांपासून नांदेड ते शेळगाव नृसिंह मार्गावरील बिलोली आगाराची जी एसटी महामंडळाची बस रात्री मुक्कामासाठी थांबत होती, तीच बस शनिवार, २० जून २०२६ पासून आता दररोज रात्री तमलूर येथे मुक्कामाला थांबत आहे. आज सकाळी तमलूर बसस्थानकावर एसटी महामंडळाच्या बसची पूजा करण्यात आली. यावेळी गावकऱ्यांच्या वतीने वाहक आणि चालकांचा यथोचित सत्कारही करण्यात आला. या सत्कार सोहळ्यात तमलूर नगरीचे तंटामुक्ती अध्यक्ष तसेच सेवा सहकारी सोसायटीचे चेअरमन श्री रवीशंकर इरन्ना गुत्ते यांच्या हस्ते एसटी महामंडळ बसची पूजा आणि वाहकांचे स्वागत करण्यात आले. तर तमलूर नगरीचे पोलीस पाटील श्री मारोतराव गायकवाड यांच्या शुभहस्ते चालकांचे स्वागत करण्यात आले. यानंतर एसटी महामंडळाची बस नांदेडकडे मार्गस्थ करण्यात आली. या प्रसंगी स्थानिक समस्त गावकरी मंडळी, ग्रामपंचायत सदस्य शिवकुमार गुत्ते आणि बसस्थानक परिसरातील व्यापारी वर्ग मोठ्या संख्येने उपस्थित होता.