ಚಿಕ್ಕೋಡಿಯ ಚೌಸನ್ ಶಿಕ್ಷಣ ಮಹಾವಿದ್ಯಾಲಯದ ಆವರಣದಲ್ಲಿ ಶನಿವಾರದಂದು "ಬದಲಾಗುತ್ತಿರುವ ತಂತ್ರಜ್ಞಾನದ ಯುಗದಲ್ಲಿ ಭವಿಷ್ಯದ ಶಿಕ್ಷಕರ ಸಬಲೀಕರಣಕ್ಕಾಗಿ ಯೋಜನೆಗಳು ಹಾಗೂ ಕಾರ್ಯಕ್ರಮಗಳು" ಎಂಬ ವಿಷಯದ ಕುರಿತು ಕಾರ್ಯಾಗಾರವನ್ನು ಹಮ್ಮಿಕೊಳ್ಳಲಾಗಿತ್ತು. ಕಾರ್ಯಕ್ರಮದಲ್ಲಿ ಮುಖ್ಯ ಅತಿಥಿಗಳಾಗಿ ಭಾಗವಹಿಸಿದ್ದ ಚೌಸನ್ ಶಿಕ್ಷಣ ಸಂಸ್ಥೆಯ ಅಧ್ಯಕ್ಷರಾದ ಸುರೇಂದ್ರನಾಥ್ ಟಿ. ಚೌಗುಲೆ ಮಾತನಾಡಿ, ಪ್ರಸ್ತುತ ದಿನಗಳಲ್ಲಿ ಕೃತಕ ಬುದ್ಧಿಮತ್ತೆ (ಎಐ) ಮತ್ತು ಆಧುನಿಕ ತಂತ್ರಜ್ಞಾನವು ಶಿಕ್ಷಣ ಕ್ಷೇತ್ರದಲ್ಲಿ ದೊಡ್ಡ ಕ್ರಾಂತಿಯನ್ನೇ ಸೃಷ್ಟಿಸುತ್ತಿದೆ. ಇದು ಶಿಕ್ಷಕರ ಉದ್ಯೋಗಗಳಿಗೆ ಸವಾಲೊಡ್ಡುತ್ತಿದೆ ಎಂಬ ಆತಂಕವಿದ್ದರೂ, ತಂತ್ರಜ್ಞಾನವು ಎಂದಿಗೂ ಒಬ್ಬ ಸಮರ್ಥ ಶಿಕ್ಷಕನಿಗೆ ಪರ್ಯಾಯವಾಗಲು ಸಾಧ್ಯವಿಲ್ಲ ಎಂದು ಅಭಿಪ್ರಾಯಪಟ್ಟರು. ಶಿಕ್ಷಕರು ಶಾಲಾ ಪ್ರಗತಿ ಯೋಜನೆ (SDP) ಮತ್ತು ಶಾಲಾ ಕಾರ್ಯ ಯೋಜನೆಗಳ ಮೂಲಕ ತಮ್ಮನ್ನು ಸಬಲೀಕರಣಗೊಳಿಸಿಕೊಳ್ಳಬೇಕು ಹಾಗೂ ತಂತ್ರಜ್ಞಾನದ ಅರಿವಿನ ಜೊತೆಗೆ ಸಂವಿಧಾನದ ಆಶಯಗಳನ್ನು ಅರಿತು ಬೋಧಿಸುವ ಗುಣಗಳನ್ನು ಮೈಗೂಡಿಸಿಕೊಳ್ಳಬೇಕು ಎಂದು ಕರೆ ನೀಡಿದರು. ಕಾರ್ಯಕ್ರಮದ ಅಧ್ಯಕ್ಷತೆ ವಹಿಸಿದ್ದ ಪ್ರಾಂಶುಪಾಲರಾದ ಡಾಕ್ಟರ್ ತನುಜಾ ಎಸ್ ಕುಮಾರ್ ಮಾತನಾಡಿ, ಭವಿಷ್ಯದ ಶಿಕ್ಷಕರು ಕೇವಲ ತಾಂತ್ರಿಕವಾಗಿ ಮುಂಚೂಣಿಯಲ್ಲಿದ್ದರೆ ಸಾಲದು, ಭಾರತೀಯ ಸಂವಿಧಾನದ ಪ್ರಮುಖ ನಾಲ್ಕು ಸ್ತಂಭಗಳಾದ ನ್ಯಾಯ, ಸ್ವಾತಂತ್ರ್ಯ, ಸಮಾನತೆ ಮತ್ತು ಭ್ರಾತೃತ್ವದ ಮೌಲ್ಯಗಳನ್ನು ವಿದ್ಯಾರ್ಥಿಗಳಲ್ಲಿ ಬಿತ್ತಬೇಕು ಎಂದರು. ಶಿಕ್ಷಣದ ಮೂಲಭೂತ ಹಕ್ಕುಗಳು ಹಾಗೂ ಪಡೆದ ಹಕ್ಕುಗಳ ಕುರಿತು ಶಿಕ್ಷಕರಿಗೆ ಸ್ಪಷ್ಟವಾದ ಜ್ಞಾನವಿರಬೇಕಾದದ್ದು ಮತ್ತು ವೃತ್ತಿಪರ ಗುಣಮಟ್ಟವನ್ನು ಹೆಚ್ಚಿಸಿಕೊಳ್ಳುವುದು ಇಂದಿನ ತುರ್ತು ಅಗತ್ಯವಾಗಿದೆ ಎಂದು ಪ್ರತಿಪಾದಿಸಿದರು. ಈ ಕಾರ್ಯಾಗಾರದ ಕುರಿತು ಪ್ರ ಶಿಕ್ಷಣಾರ್ಥಿಗಳಾದ ಚೈತ್ರ ಕಲ್ಲೋಳಿ, ಗೌರಮ್ಮ ವಾಲಿಕಾರ್, ಸುಮಯ ನದಾಫ್, ಶಾಂಭವಿ ವಿಶ್ವಕರ್ಮ ಮತ್ತು ಅನುಜಾ ಮೇತ್ರೆ ತಮ್ಮ ಅನಿಸಿಕೆಗಳನ್ನು ಹಂಚಿಕೊಂಡರು. ಕಾರ್ಯಕ್ರಮದಲ್ಲಿ ಚೌಸನ್ ನರ್ಸರಿ ಶಾಲೆಯ ನಿರ್ದೇಶಕರಾದ ಸವಿತಾ ಹೆಗಡೆ, ಮಾಜಿ ಶಾಸಕಿ ಹಾಗೂ ಸಂಸ್ಥೆಯ ಚೇರ್ ಪರ್ಸನ್ ಶಕುಂತಲಾ ಟಿ. ಚೌಗುಲೆ, ಪ್ರಾಧ್ಯಾಪಕರಾದ ಪ್ರೊ. ಕನಕಾಚಲ ಕನಕಗಿರಿ, ಡಾಕ್ಟರ್ ಎನ್. ಎಸ್. ಸಿಂದೆ, ಪ್ರೊಫೆಸರ್ ಶ್ರೀಧರ್ ಅಲ್ಕಿ, ರಾವೂತಪ್ಪ ಎಂ. ಎಂ. ಹಾಗೂ ಪ್ರಶಾಂತ್ ಪತ್ತಾರ್ ಉಪಸ್ಥಿತರಿದ್ದರು. ಇಡೀ ಕಾರ್ಯಕ್ರಮದ ನಿರ್ವಹಣೆಯನ್ನು ಪ್ರವೀಣ್ ಕಾಂಬಳೆ ನಡೆಸಿಕೊಟ್ಟರೆ, ಸುಚಿತ್ರಾ ಚೌಗುಲ ವಂದನಾರ್ಪಣೆ ಮಾಡಿದರು.

DR. S.S. NANAK

Local News Reporter ಯಾದಗಿರಿ, ಯಾದಗಿರಿ, ಕರ್ನಾಟಕ•

1 hr ago

ಚಿಕ್ಕೋಡಿಯ ಚೌಸನ್ ಶಿಕ್ಷಣ ಮಹಾವಿದ್ಯಾಲಯದ ಆವರಣದಲ್ಲಿ ಶನಿವಾರದಂದು "ಬದಲಾಗುತ್ತಿರುವ ತಂತ್ರಜ್ಞಾನದ ಯುಗದಲ್ಲಿ ಭವಿಷ್ಯದ ಶಿಕ್ಷಕರ ಸಬಲೀಕರಣಕ್ಕಾಗಿ ಯೋಜನೆಗಳು ಹಾಗೂ ಕಾರ್ಯಕ್ರಮಗಳು" ಎಂಬ ವಿಷಯದ ಕುರಿತು ಕಾರ್ಯಾಗಾರವನ್ನು ಹಮ್ಮಿಕೊಳ್ಳಲಾಗಿತ್ತು. ಕಾರ್ಯಕ್ರಮದಲ್ಲಿ ಮುಖ್ಯ ಅತಿಥಿಗಳಾಗಿ ಭಾಗವಹಿಸಿದ್ದ ಚೌಸನ್ ಶಿಕ್ಷಣ ಸಂಸ್ಥೆಯ ಅಧ್ಯಕ್ಷರಾದ ಸುರೇಂದ್ರನಾಥ್ ಟಿ. ಚೌಗುಲೆ ಮಾತನಾಡಿ, ಪ್ರಸ್ತುತ ದಿನಗಳಲ್ಲಿ ಕೃತಕ ಬುದ್ಧಿಮತ್ತೆ (ಎಐ) ಮತ್ತು ಆಧುನಿಕ ತಂತ್ರಜ್ಞಾನವು ಶಿಕ್ಷಣ ಕ್ಷೇತ್ರದಲ್ಲಿ ದೊಡ್ಡ ಕ್ರಾಂತಿಯನ್ನೇ ಸೃಷ್ಟಿಸುತ್ತಿದೆ. ಇದು ಶಿಕ್ಷಕರ ಉದ್ಯೋಗಗಳಿಗೆ ಸವಾಲೊಡ್ಡುತ್ತಿದೆ ಎಂಬ ಆತಂಕವಿದ್ದರೂ, ತಂತ್ರಜ್ಞಾನವು ಎಂದಿಗೂ ಒಬ್ಬ ಸಮರ್ಥ ಶಿಕ್ಷಕನಿಗೆ ಪರ್ಯಾಯವಾಗಲು ಸಾಧ್ಯವಿಲ್ಲ ಎಂದು ಅಭಿಪ್ರಾಯಪಟ್ಟರು. ಶಿಕ್ಷಕರು ಶಾಲಾ ಪ್ರಗತಿ ಯೋಜನೆ (SDP) ಮತ್ತು ಶಾಲಾ ಕಾರ್ಯ ಯೋಜನೆಗಳ ಮೂಲಕ ತಮ್ಮನ್ನು ಸಬಲೀಕರಣಗೊಳಿಸಿಕೊಳ್ಳಬೇಕು ಹಾಗೂ ತಂತ್ರಜ್ಞಾನದ ಅರಿವಿನ ಜೊತೆಗೆ ಸಂವಿಧಾನದ ಆಶಯಗಳನ್ನು ಅರಿತು ಬೋಧಿಸುವ ಗುಣಗಳನ್ನು ಮೈಗೂಡಿಸಿಕೊಳ್ಳಬೇಕು ಎಂದು ಕರೆ ನೀಡಿದರು. ಕಾರ್ಯಕ್ರಮದ ಅಧ್ಯಕ್ಷತೆ ವಹಿಸಿದ್ದ ಪ್ರಾಂಶುಪಾಲರಾದ ಡಾಕ್ಟರ್ ತನುಜಾ ಎಸ್ ಕುಮಾರ್ ಮಾತನಾಡಿ, ಭವಿಷ್ಯದ ಶಿಕ್ಷಕರು ಕೇವಲ ತಾಂತ್ರಿಕವಾಗಿ ಮುಂಚೂಣಿಯಲ್ಲಿದ್ದರೆ ಸಾಲದು, ಭಾರತೀಯ ಸಂವಿಧಾನದ ಪ್ರಮುಖ ನಾಲ್ಕು ಸ್ತಂಭಗಳಾದ ನ್ಯಾಯ, ಸ್ವಾತಂತ್ರ್ಯ, ಸಮಾನತೆ ಮತ್ತು ಭ್ರಾತೃತ್ವದ ಮೌಲ್ಯಗಳನ್ನು ವಿದ್ಯಾರ್ಥಿಗಳಲ್ಲಿ ಬಿತ್ತಬೇಕು ಎಂದರು. ಶಿಕ್ಷಣದ ಮೂಲಭೂತ ಹಕ್ಕುಗಳು ಹಾಗೂ ಪಡೆದ ಹಕ್ಕುಗಳ ಕುರಿತು ಶಿಕ್ಷಕರಿಗೆ ಸ್ಪಷ್ಟವಾದ ಜ್ಞಾನವಿರಬೇಕಾದದ್ದು ಮತ್ತು ವೃತ್ತಿಪರ ಗುಣಮಟ್ಟವನ್ನು ಹೆಚ್ಚಿಸಿಕೊಳ್ಳುವುದು ಇಂದಿನ ತುರ್ತು ಅಗತ್ಯವಾಗಿದೆ ಎಂದು ಪ್ರತಿಪಾದಿಸಿದರು. ಈ ಕಾರ್ಯಾಗಾರದ ಕುರಿತು ಪ್ರ ಶಿಕ್ಷಣಾರ್ಥಿಗಳಾದ ಚೈತ್ರ ಕಲ್ಲೋಳಿ, ಗೌರಮ್ಮ ವಾಲಿಕಾರ್, ಸುಮಯ ನದಾಫ್, ಶಾಂಭವಿ ವಿಶ್ವಕರ್ಮ ಮತ್ತು ಅನುಜಾ ಮೇತ್ರೆ ತಮ್ಮ ಅನಿಸಿಕೆಗಳನ್ನು ಹಂಚಿಕೊಂಡರು. ಕಾರ್ಯಕ್ರಮದಲ್ಲಿ ಚೌಸನ್ ನರ್ಸರಿ ಶಾಲೆಯ ನಿರ್ದೇಶಕರಾದ ಸವಿತಾ ಹೆಗಡೆ, ಮಾಜಿ ಶಾಸಕಿ ಹಾಗೂ ಸಂಸ್ಥೆಯ ಚೇರ್ ಪರ್ಸನ್ ಶಕುಂತಲಾ ಟಿ. ಚೌಗುಲೆ, ಪ್ರಾಧ್ಯಾಪಕರಾದ ಪ್ರೊ. ಕನಕಾಚಲ ಕನಕಗಿರಿ, ಡಾಕ್ಟರ್ ಎನ್. ಎಸ್. ಸಿಂದೆ, ಪ್ರೊಫೆಸರ್ ಶ್ರೀಧರ್ ಅಲ್ಕಿ, ರಾವೂತಪ್ಪ ಎಂ. ಎಂ. ಹಾಗೂ ಪ್ರಶಾಂತ್ ಪತ್ತಾರ್ ಉಪಸ್ಥಿತರಿದ್ದರು. ಇಡೀ ಕಾರ್ಯಕ್ರಮದ ನಿರ್ವಹಣೆಯನ್ನು ಪ್ರವೀಣ್ ಕಾಂಬಳೆ ನಡೆಸಿಕೊಟ್ಟರೆ, ಸುಚಿತ್ರಾ ಚೌಗುಲ ವಂದನಾರ್ಪಣೆ ಮಾಡಿದರು.