Shuru
Apke Nagar Ki App…
124-బద్వేల్ (ఎస్సి) అసెంబ్లీ నియోజకవర్గం పరిధిలోని గోపవరం మండలం, యన్.రామాపురం గ్రామానికి చెందిన పోలింగ్ కేంద్రం నెం. 265 బూత్ స్థాయి అధికారి, గ్రామ రెవెన్యూ అధికారి జి. గుర్రప్పను విధుల నుండి సస్పెండ్ చేశారు. భారత ఎన్నికల సంఘం ప్రతిష్ఠాత్మకంగా చేపట్టిన SIR-2026 కార్యక్రమంలో ఆయన తీవ్ర నిర్లక్ష్యం వహించినట్లు అధికారులు గుర్తించారు. ప్రతి ఓటరుకు ఎన్యూమరేషన్ ఫారాన్ని అందజేయడం, 2002 నాటికి అర్హులైన వారి వివరాలను నమోదు చేయించడం, వాటిని బూత్ లెవెల్ యాప్లో ఆన్లైన్ చేయడం వంటి విధులను సక్రమంగా నిర్వహించకుండా ఆయన నిర్లక్ష్య వైఖరి ప్రదర్శించారు. సంబంధిత అధికారులు పలుమార్లు హెచ్చరించినప్పటికీ ఆయన తన తీరులో ఎలాంటి మెరుగుదల కనబరచలేదు. ఈ నేపథ్యంలో కడప జిల్లా ఎన్నికల అధికారి మరియు జిల్లా కలెక్టర్ ఆయనపై క్రమశిక్షణా చర్యలు తీసుకుంటూ సస్పెన్షన్ ఉత్తర్వులు జారీ చేశారు. ఈ సందర్భంగా ఓటర్ నమోదు అధికారి మరియు రెవిన్యూ డివిజనల్ అధికారి చంద్రమోహన్ స్పందిస్తూ ఇతర బూత్ స్థాయి అధికారులకు హెచ్చరికలు జారీ చేశారు. భారత ఎన్నికల సంఘం ప్రతిష్ఠాత్మకంగా నిర్వహిస్తున్న SIR-2026 కార్యక్రమం విధుల్లో ఎవరు నిర్లక్ష్యం వహించినా, వారిపై సంబంధిత నిబంధనల ప్రకారం కఠినమైన క్రమశిక్షణా చర్యలు తీసుకోబడతాయని ఆయన స్పష్టం చేశారు.
జీ.మౌలాలి.
124-బద్వేల్ (ఎస్సి) అసెంబ్లీ నియోజకవర్గం పరిధిలోని గోపవరం మండలం, యన్.రామాపురం గ్రామానికి చెందిన పోలింగ్ కేంద్రం నెం. 265 బూత్ స్థాయి అధికారి, గ్రామ రెవెన్యూ అధికారి జి. గుర్రప్పను విధుల నుండి సస్పెండ్ చేశారు. భారత ఎన్నికల సంఘం ప్రతిష్ఠాత్మకంగా చేపట్టిన SIR-2026 కార్యక్రమంలో ఆయన తీవ్ర నిర్లక్ష్యం వహించినట్లు అధికారులు గుర్తించారు. ప్రతి ఓటరుకు ఎన్యూమరేషన్ ఫారాన్ని అందజేయడం, 2002 నాటికి అర్హులైన వారి వివరాలను నమోదు చేయించడం, వాటిని బూత్ లెవెల్ యాప్లో ఆన్లైన్ చేయడం వంటి విధులను సక్రమంగా నిర్వహించకుండా ఆయన నిర్లక్ష్య వైఖరి ప్రదర్శించారు. సంబంధిత అధికారులు పలుమార్లు హెచ్చరించినప్పటికీ ఆయన తన తీరులో ఎలాంటి మెరుగుదల కనబరచలేదు. ఈ నేపథ్యంలో కడప జిల్లా ఎన్నికల అధికారి మరియు జిల్లా కలెక్టర్ ఆయనపై క్రమశిక్షణా చర్యలు తీసుకుంటూ సస్పెన్షన్ ఉత్తర్వులు జారీ చేశారు. ఈ సందర్భంగా ఓటర్ నమోదు అధికారి మరియు రెవిన్యూ డివిజనల్ అధికారి చంద్రమోహన్ స్పందిస్తూ ఇతర బూత్ స్థాయి అధికారులకు హెచ్చరికలు జారీ చేశారు. భారత ఎన్నికల సంఘం ప్రతిష్ఠాత్మకంగా నిర్వహిస్తున్న SIR-2026 కార్యక్రమం విధుల్లో ఎవరు నిర్లక్ష్యం వహించినా, వారిపై సంబంధిత నిబంధనల ప్రకారం కఠినమైన క్రమశిక్షణా చర్యలు తీసుకోబడతాయని ఆయన స్పష్టం చేశారు.
More news from ఆంధ్రప్రదేశ్ and nearby areas
- వైఎస్ఆర్ జిల్లా బద్వేలు నియోజకవర్గ తెలుగుదేశం పార్టీ ఇన్ఛార్జ్గా సూర్యనారాయణ రెడ్డి నియమితులయ్యారు. ఈ మేరకు టీడీపీ అధిష్టానం తీసుకున్న నిర్ణయాన్ని వెల్లడిస్తూ పార్టీ రాష్ట్ర అధ్యక్షుడు పల్లా శ్రీనివాసరావు అధికారిక ప్రకటన విడుదల చేశారు. సూర్యనారాయణ రెడ్డి నియామకంతో బద్వేలు ప్రాంతంలో ఒక్కసారిగా హర్షాతిరేకాలు వ్యక్తమయ్యాయి. ఈ నియామక వార్త తెలియగానే బద్వేలు టీడీపీ నాయకులు, కార్యకర్తలు, అభిమానులు మరియు స్థానిక ప్రజలు బద్వేలు నాలుగు రోడ్ల కూడలి వద్దకు భారీగా చేరుకున్నారు. అక్కడ వారు పెద్ద ఎత్తున టపాసులు పేలుస్తూ విజయోత్సవం జరుపుకున్నారు. సూర్యనారాయణ రెడ్డి నాయకత్వానికి జై కొడుతూ నినాదాలు చేస్తూ పార్టీ శ్రేణులు అక్కడ పెద్ద ఎత్తున సంబరాలు నిర్వహించాయి.4జీ.మౌలాలి.
- వైఎస్ఆర్ జిల్లా సిద్ధవటం గ్రామంలోని పురాతన శ్రీదేవి భూదేవి సమేత రంగనాథ స్వామి ఆలయానికి చెందిన విలువైన భూములు అన్యాక్రాంతమవుతున్నాయి. ఆలయంలో ఒకపక్క అభివృద్ధి పనులు జరుగుతున్నప్పటికీ, దేవాదాయ (ఎండోమెంట్) శాఖ సిబ్బంది తీవ్ర నిర్లక్ష్యం కారణంగా స్వామివారి మాన్యాలు కబ్జాదారుల చేతుల్లోకి వెళ్తున్నాయి. ఇప్పటికే పలు సర్వే నంబర్ల పరిధిలో ఎకరాల కొద్దీ భూమి కబ్జాకు గురైనట్లు స్పష్టమైన ఆధారాలు లభ్యమవుతున్నాయి. కబ్జాకు గురైన భూముల వివరాల ప్రకారం, శాఖరాజుపల్లిలోని సర్వే నంబర్ 261లో 2 ఎకరాలకు పైగా, నేకనాపురం పరిధిలోని సర్వే నంబర్ 177లో 1 ఎకరా 16 సెంట్లు, సర్వే నంబర్ 36లో 23 సెంట్లు భూమి ఆక్రమణకు గురయ్యాయి. అలాగే వంతాటిపల్లె పరిధిలో సర్వే నంబర్ 157లో 58 సెంట్లు, సర్వే నంబర్ 164లో 38 సెంట్లు, సర్వే నంబర్ 185లో 1 ఎకరా 80 సెంట్లు భూమి అన్యాక్రాంతమైంది. పేర్కొన్న వివరాలే కాకుండా, రంగనాథ స్వామి ఆలయానికి చెందిన మరికొన్ని భూములు కూడా కబ్జాదారుల చేతుల్లోనే ఉన్నట్లు సమాచారం.1Ponna Eswaraiah
- ఎమ్మిగనూరు పట్టణంలో ఏపీఆర్టీసీ ఎంప్లాయిస్ యూనియన్ (AITUC) 75వ ఆవిర్భావ దినోత్సవం ఘనంగా జరిగింది. ఈ సందర్భంగా నిర్వహించిన కార్యక్రమంలో యూనియన్ ప్రతినిధులు ఏపీఆర్టీసీ ఎంప్లాయిస్ యూనియన్ జెండాను ఆవిష్కరించారు.1G VENKATESH YADAV
- వైఎస్ఆర్ జిల్లా బద్వేల్ నియోజకవర్గ నూతన టీడీపీ ఇన్ఛార్జ్గా డీసీసీబీ ఛైర్మన్ మంచూరి సూర్యనారాయణరెడ్డికి సీఎం చంద్రబాబు బాధ్యతలు అప్పగించారు. ఈ నిర్ణయంతో సంతోషంలో మునిగిపోయిన ఆయన వర్గీయులు, అనుచరులు బద్వేల్ పట్టణంలోని నాలుగు రోడ్ల కూడలిలో బాణాసంచా పేలుస్తూ ఘనంగా సంబరాలు చేసుకుంటున్నారు. గతంలో ఈ నియోజకవర్గ ఇన్ఛార్జ్గా రితేశ్ రెడ్డి వ్యవహరించారు. ఇప్పుడు మంచూరి సూర్యనారాయణరెడ్డికి బాధ్యతలు అప్పగించడంతో ఆయన అనుచరులు బద్వేలులో పెద్ద ఎత్తున విజయోత్సవాలు జరుపుకుంటున్నారు.1LAKKU SIVA SANKAR reddy
- నెల్లూరు నగరపాలక సంస్థ పరిధిలో కోటి 39 లక్షల రూపాయల భారీ వ్యయంతో 7 ప్రాంతాలలో సిగ్నల్ లైట్లను ఏర్పాటు చేశారు. అయితే, ఇవి ఏర్పాటు చేసినప్పటి నుండి కేవలం 4 రోజులు పనిచేస్తే, ఏకంగా 30 రోజులు పనిచేయడం లేదు. ఈ ఘోరమైన సమస్య కేవలం 36వ డివిజన్ పరిధిలోనే ఉందా లేదా మిగిలిన అన్ని ప్రాంతాల్లో కూడా ఇలాగే ఉందా అనేది తెలియడం లేదు. అసలు ఈ లోపం ఎక్కడ ఉందో ప్రజలకు అర్థం కావడం లేదు. సిగ్నల్ లైట్లు కొనుగోలు చేసిన కంపెనీలో లోపమా, కాంట్రాక్టు ఇచ్చిన వ్యక్తిదా, అధికారులదా లేక నాయకులలో లోపమా అని జనం గందరగోళానికి గురవుతున్నారు. ఇందులో అత్యంత విచిత్రమైన విషయం ఏమిటంటే, సాధారణంగా సిగ్నల్ లైట్లలో ఎరుపు, పసుపు, గ్రీన్ అనే మూడు రంగులు ఉండాలి. కానీ ఇక్కడ ఎప్పుడు చూసినా కేవలం పసుపు రంగు లైట్ మాత్రమే కొట్టుకుంటూ ఉంటోంది. ఒక్కసారి కూడా ఎరుపు లేదా గ్రీన్ లైట్ వెలగడం లేదు. ప్రతిసారీ ఈ పసుపు రంగు లైట్ మాత్రమే ఎందుకు కొట్టుకుంటుందో ఎవరికీ అర్థం కావడం లేదు.1JB
- నంద్యాల కోర్టులో జరిగిన జాతీయ మెగా లోక్ అదాలత్లో తమ ఆత్మీయులను కోల్పోయిన బాధితులకు ఇన్సూరెన్స్ కంపెనీల నుండి రూ. 3 కోట్ల 50 లక్షల ఆర్థిక సహాయం లభించింది. ఈ సందర్భంగా గౌరవ నంద్యాల మూడో అదనపు జిల్లా జడ్జి అమ్మన్న రాజు చేతుల మీదుగా బాధితులకు ఈ చెక్కులను పంపిణీ చేశారు. ఈ కష్టకాలంలో బాధితులకు అండగా నిలిచిన వకీల్ సాబ్ సుబ్బరాయుడుపై అభినందనల వర్షం కురుస్తోంది. ఈ కార్యక్రమంలో పాల్గొన్న జడ్జి అమ్మన్న రాజా మాట్లాడుతూ, జాతీయ మెగా లోక్ అదాలత్లో 125 మోటర్ వెహికల్ యాక్సిడెంట్ కేసులను పరిష్కరించినట్లు తెలిపారు. న్యాయవాదులు ఎన్నడూ లేని విధంగా కక్షిదారులు రాజీ పడేలా విశేష కృషి చేశారని కొనియాడారు. మోటర్ వెహికల్స్ యాక్సిడెంట్ కేసులు, జిల్లా కోర్టు స్థాయి సివిల్ కేసులు, బ్యాంకు వ్యవహారాలు, లిటికేషన్ కేసులు కలిపి దాదాపు 300 వరకు పరిష్కారం కానున్నాయని ఆయన పేర్కొన్నారు. ఇన్సూరెన్స్ కంపెనీలకు సంబంధించి న్యాయవాది సుబ్బరాయుడు మాట్లాడుతూ, ఇన్సూరెన్స్ కంపెనీల సహకారంతో పాటు కంపెనీల లీగల్ అడ్వైజర్ విజయ శేఖర్ రెడ్డి సహాయంతో 30 నుంచి 40 కేసులకు సంబంధించి రూ. 3 కోట్ల 50 లక్షల విలువైన చెక్కులను బాధితులకు పంపిణీ చేయడం జరిగిందని వివరించారు. బాధితుల పక్షాన నిలబడి అండగా నిలిచిన వకీల్ సాబ్ సుబ్బరాయుడికి అభినందనలు వ్యక్తమవుతున్నాయి.3Syed Rafi
- ఆంధ్రప్రదేశ్ ముఖ్యమంత్రి, తెలుగు దేశం పార్టీ జాతీయ అధ్యక్షులు నారా చంద్రబాబు నాయుడు బద్వేలు నియోజకవర్గ నూతన టీడీపీ ఇన్చార్జిగా డీసీసీబీ బ్యాంకు చైర్మన్ మంచూరి సూర్యనారాయణ రెడ్డి ని నియమించారు. ఈ నేపథ్యంలో, బద్వేలు టీడీపీ యువ నాయకులు చెరుకూరి రవికుమార్ నాయుడు ఆధ్వర్యంలో నియోజకవర్గంలోని పొరుమామిళ్ల మండలంలో భారీ సంబరాలు జరిగాయి. సీనియర్ నాయకులు, పార్టీ నాయకులు, కార్యకర్తలు మరియు గ్రామాల నుంచి భారీ సంఖ్యలో ప్రజలు తరలివచ్చి కేక్ కట్ చేసి మంచూరి సూర్యనారాయణ రెడ్డి కి హృదయపూర్వక శుభాకాంక్షలు తెలియజేశారు. ఈ సందర్భంగా నాయకులు మాట్లాడుతూ, మంచూరి సూర్యనారాయణ రెడ్డి నాయకత్వంలో బద్వేలు నియోజకవర్గంలో పార్టీ మరింత బలోపేతం అవుతుందని విశ్వాసం వ్యక్తం చేశారు. ప్రతి కార్యకర్తను కలుపుకొని పార్టీ విజయానికి కృషి చేస్తామని తెలిపారు. రాబోయే ఎన్నికల్లో బద్వేలు నియోజకవర్గంలో తెలుగుదేశం పార్టీ ఘన విజయం సాధించేలా అందరం ఐక్యంగా పనిచేద్దామని వారు పిలుపునిచ్చారు.1జీ.మౌలాలి.
- ఉప ముఖ్యమంత్రి శ్రీ పవన్ కళ్యాణ్ గారికి శస్త్ర చికిత్స జరిగింది. ఆయన రెండు భుజాలకు రొటేటర్ కఫ్ ఇంజ్యూరీస్ కావడంతో, వైద్యులు తొలుత కుడి భుజానికి శస్త్ర చికిత్సను నిర్వహించారు. ఈ శస్త్ర చికిత్స సుమారు మూడున్నర గంటలపాటు కొనసాగింది. 2016లో జరిగిన గాయాలకు తోడు, పోరాట యాత్ర నుండి గత ఎన్నికల ప్రచారం వరకు పార్టీ శ్రేణులు, అభిమానులు ఆయన చేతులు పట్టి లాగడం వల్ల ఈ రొటేటర్ కఫ్ గాయాలు తీవ్రతరమయ్యాయని సమాచారం.1ఆకుల చంద్రమోహన్
