ସୁବର୍ଣ୍ଣପୁର ଜିଲ୍ଲାପାଳ ପ୍ରଶାସନିକ କାର୍ଯ୍ୟବ୍ୟସ୍ତତା ମଧ୍ୟରେ ମାନବିକତାର ଏକ ଉଜ୍ଜ୍ୱଳ ଉଦାହରଣ ସୃଷ୍ଟି କରିଛନ୍ତି। ଆଜି ଦିନ ପ୍ରାୟ ୧୨ଟା ସମୟରେ ବାତ୍ୟାଜନିତ ପୁନଃରୁଦ୍ଧାର କାର୍ଯ୍ୟର ତଦାରଖ କରି କାର୍ଯ୍ୟାଳୟକୁ ଫେରୁଥିବା ବେଳେ ଜିଲ୍ଲାପାଳ ଏକ ବୃଦ୍ଧ ଦମ୍ପତିଙ୍କୁ ପ୍ରଚଣ୍ଡ ଖରା ଓ ଗରମ ମଧ୍ୟରେ ଚାଲୁଥିବା ଦେଖି ତୁରନ୍ତ ନିଜ ଗାଡ଼ିରୁ ଓହ୍ଲାଇ ସେମାନଙ୍କୁ କାର୍ଯ୍ୟାଳୟ ଭିତରକୁ ଡାକିଥିଲେ। ପଚରାଉଚରା ପରେ ଜଣାପଡ଼ିଲା ଯେ, ସେମାନେ ଉଲୁଣ୍ଡା ବ୍ଲକର ନୂଆଗାଁର ପ୍ରାୟ ୭୫ ବର୍ଷୀୟ ମୁରଲୀ ଦଳେଇ ଓ ତାଙ୍କ ୬୨ ବର୍ଷୀୟା ସ୍ତ୍ରୀ ସୁନାଫୁଲ ଦଳେଇ। ମୁରଲୀ ଦଳେଇ ପ୍ରାୟ ୧୫ ବର୍ଷ ହେଲା ଦୃଷ୍ଟିଶକ୍ତି ହରାଇଥିବା ବେଳେ ସ୍ତ୍ରୀ ସୁନାଫୁଲ ହିଁ ତାଙ୍କର ଏକମାତ୍ର ସାହାରା। ବୃଦ୍ଧ ଦମ୍ପତି ଜିଲ୍ଲାପାଳଙ୍କୁ ଜଣାଇଥିଲେ ଯେ, ସେମାନେ ସରକାରୀ ଭତ୍ତା ଓ ରାସନ ସୁବିଧା ପାଉଥିଲେ ମଧ୍ୟ ନିଜସ୍ୱ ବାସଗୃହ ନଥିବାରୁ ଏକ ଘର ପାଇଁ ଦୀର୍ଘ ଦିନ ଧରି ଅପେକ୍ଷା କରିଛନ୍ତି। ଏହା ଶୁଣି ଜିଲ୍ଲାପାଳ ତୁରନ୍ତ ଉଲୁଣ୍ଡା ବିଡିଓଙ୍କ ସହ ଫୋନରେ କଥା ହୋଇ ସେମାନଙ୍କ ଯୋଗ୍ୟତା ଆଧାରରେ ସରକାରୀ ଆବାସ ଯୋଗାଇ ଦେବାକୁ ପଦକ୍ଷେପ ନେବାକୁ ନିର୍ଦ୍ଦେଶ ଦେଇଥିଲେ। ସେ ସେମାନଙ୍କୁ ଖୁବଶୀଘ୍ର ଘର ମିଳିବ ବୋଲି ଆଶ୍ୱାସନା ମଧ୍ୟ ଦେଇଥିଲେ। କେବଳ ସରକାରୀ ଦାୟିତ୍ୱ ନୁହେଁ, ଜିଲ୍ଲାପାଳ ମାନବିକତାକୁ ଅଗ୍ରାଧିକାର ଦେଇ ସେମାନଙ୍କ ସହ ଆତ୍ମୀୟତାର ସହିତ କଥା ହୋଇଥିଲେ ଏବଂ ସେମାନଙ୍କ ଭଲମନ୍ଦ ବୁଝିଥିଲେ। ବୃଦ୍ଧ ଦମ୍ପତିଙ୍କ ମୁହଁରେ ଖୁସି ଦେଖି ସେ ନିଜେ ମଧ୍ୟ ଆତ୍ମସନ୍ତୋଷ ଅନୁଭବ କରିଥିବା ପ୍ରକାଶ କରିଥିଲେ। ଆଲୋଚନା ଶେଷ ହେବା ପରେ ଜିଲ୍ଲାପାଳ ନିଜେ ସେମାନଙ୍କୁ କାର୍ଯ୍ୟାଳୟର ଦୁଆର ପର୍ଯ୍ୟନ୍ତ ବାଟ କଢ଼ାଇ ଦେଇଥିଲେ। ତାଙ୍କର ଏହି ସରଳତା, ସମ୍ବେଦନଶୀଳତା ଓ ମାନବିକ ବ୍ୟବହାରକୁ ନେଇ ସାଧାରଣ ଲୋକଙ୍କ ମହଲରେ ପ୍ରଶଂସାର ସ୍ୱର ଶୁଣିବାକୁ ମିଳିଛି। ଜିଲ୍ଲାପାଳଙ୍କ ଏହି କାର୍ଯ୍ୟ ପ୍ରମାଣିତ କରୁଛି ଯେ, ପ୍ରଶାସନର ମୂଳ ଉଦ୍ଦେଶ୍ୟ କେବଳ ଶାସନ ନୁହେଁ, ବରଂ ଲୋକଙ୍କ ଦୁଃଖସୁଖରେ ସାଥୀ ହେବା, ଯେଉଁଥିରେ ସେ ଗରିବ ଓ ଅସହାୟଙ୍କ ପାଇଁ ଜଣେ ପ୍ରକୃତ ବନ୍ଧୁ ସାଜିଛନ୍ତି।

ଯୁଧିଷ୍ଠିର ଖମାରୀ

ବୀରମହାରାଜପୁର, ସୋନପୁର, ଓଡ଼ିଶା•

10 hrs ago

ସୁବର୍ଣ୍ଣପୁର ଜିଲ୍ଲାପାଳ ପ୍ରଶାସନିକ କାର୍ଯ୍ୟବ୍ୟସ୍ତତା ମଧ୍ୟରେ ମାନବିକତାର ଏକ ଉଜ୍ଜ୍ୱଳ ଉଦାହରଣ ସୃଷ୍ଟି କରିଛନ୍ତି। ଆଜି ଦିନ ପ୍ରାୟ ୧୨ଟା ସମୟରେ ବାତ୍ୟାଜନିତ ପୁନଃରୁଦ୍ଧାର କାର୍ଯ୍ୟର ତଦାରଖ କରି କାର୍ଯ୍ୟାଳୟକୁ ଫେରୁଥିବା ବେଳେ ଜିଲ୍ଲାପାଳ ଏକ ବୃଦ୍ଧ ଦମ୍ପତିଙ୍କୁ ପ୍ରଚଣ୍ଡ ଖରା ଓ ଗରମ ମଧ୍ୟରେ ଚାଲୁଥିବା ଦେଖି ତୁରନ୍ତ ନିଜ ଗାଡ଼ିରୁ ଓହ୍ଲାଇ ସେମାନଙ୍କୁ କାର୍ଯ୍ୟାଳୟ ଭିତରକୁ ଡାକିଥିଲେ। ପଚରାଉଚରା ପରେ ଜଣାପଡ଼ିଲା ଯେ, ସେମାନେ ଉଲୁଣ୍ଡା ବ୍ଲକର ନୂଆଗାଁର ପ୍ରାୟ ୭୫ ବର୍ଷୀୟ ମୁରଲୀ ଦଳେଇ ଓ ତାଙ୍କ ୬୨ ବର୍ଷୀୟା ସ୍ତ୍ରୀ ସୁନାଫୁଲ ଦଳେଇ। ମୁରଲୀ ଦଳେଇ ପ୍ରାୟ ୧୫ ବର୍ଷ ହେଲା ଦୃଷ୍ଟିଶକ୍ତି ହରାଇଥିବା ବେଳେ ସ୍ତ୍ରୀ ସୁନାଫୁଲ ହିଁ ତାଙ୍କର ଏକମାତ୍ର ସାହାରା। ବୃଦ୍ଧ ଦମ୍ପତି ଜିଲ୍ଲାପାଳଙ୍କୁ ଜଣାଇଥିଲେ ଯେ, ସେମାନେ ସରକାରୀ ଭତ୍ତା ଓ ରାସନ ସୁବିଧା ପାଉଥିଲେ ମଧ୍ୟ ନିଜସ୍ୱ ବାସଗୃହ ନଥିବାରୁ ଏକ ଘର ପାଇଁ ଦୀର୍ଘ ଦିନ ଧରି ଅପେକ୍ଷା କରିଛନ୍ତି। ଏହା ଶୁଣି ଜିଲ୍ଲାପାଳ ତୁରନ୍ତ ଉଲୁଣ୍ଡା ବିଡିଓଙ୍କ ସହ

ଫୋନରେ କଥା ହୋଇ ସେମାନଙ୍କ ଯୋଗ୍ୟତା ଆଧାରରେ ସରକାରୀ ଆବାସ ଯୋଗାଇ ଦେବାକୁ ପଦକ୍ଷେପ ନେବାକୁ ନିର୍ଦ୍ଦେଶ ଦେଇଥିଲେ। ସେ ସେମାନଙ୍କୁ ଖୁବଶୀଘ୍ର ଘର ମିଳିବ ବୋଲି ଆଶ୍ୱାସନା ମଧ୍ୟ ଦେଇଥିଲେ। କେବଳ ସରକାରୀ ଦାୟିତ୍ୱ ନୁହେଁ, ଜିଲ୍ଲାପାଳ ମାନବିକତାକୁ ଅଗ୍ରାଧିକାର ଦେଇ ସେମାନଙ୍କ ସହ ଆତ୍ମୀୟତାର ସହିତ କଥା ହୋଇଥିଲେ ଏବଂ ସେମାନଙ୍କ ଭଲମନ୍ଦ ବୁଝିଥିଲେ। ବୃଦ୍ଧ ଦମ୍ପତିଙ୍କ ମୁହଁରେ ଖୁସି ଦେଖି ସେ ନିଜେ ମଧ୍ୟ ଆତ୍ମସନ୍ତୋଷ ଅନୁଭବ କରିଥିବା ପ୍ରକାଶ କରିଥିଲେ। ଆଲୋଚନା ଶେଷ ହେବା ପରେ ଜିଲ୍ଲାପାଳ ନିଜେ ସେମାନଙ୍କୁ କାର୍ଯ୍ୟାଳୟର ଦୁଆର ପର୍ଯ୍ୟନ୍ତ ବାଟ କଢ଼ାଇ ଦେଇଥିଲେ। ତାଙ୍କର ଏହି ସରଳତା, ସମ୍ବେଦନଶୀଳତା ଓ ମାନବିକ ବ୍ୟବହାରକୁ ନେଇ ସାଧାରଣ ଲୋକଙ୍କ ମହଲରେ ପ୍ରଶଂସାର ସ୍ୱର ଶୁଣିବାକୁ ମିଳିଛି। ଜିଲ୍ଲାପାଳଙ୍କ ଏହି କାର୍ଯ୍ୟ ପ୍ରମାଣିତ କରୁଛି ଯେ, ପ୍ରଶାସନର ମୂଳ ଉଦ୍ଦେଶ୍ୟ କେବଳ ଶାସନ ନୁହେଁ, ବରଂ ଲୋକଙ୍କ ଦୁଃଖସୁଖରେ ସାଥୀ ହେବା, ଯେଉଁଥିରେ ସେ ଗରିବ ଓ ଅସହାୟଙ୍କ ପାଇଁ ଜଣେ ପ୍ରକୃତ ବନ୍ଧୁ ସାଜିଛନ୍ତି।