સુરત શહેરમાં એક હૃદયદ્રાવક ઘટના બની છે, જ્યાં ડિંડોલી વિસ્તારની પ્રયોશા પાર્ક સોસાયટીમાં પોતાના ઘર પાસે રમી રહેલી ચાર વર્ષીય બાળકી સ્નેહાને બેફામ રીતે કાર ચલાવી રહેલા એક ચાલકે કચડી નાખતા તેનું કરુણ મોત થયું છે. કાર ચાલક નીતિન મિશ્રા, જે સોસાયટીનો જ રહેવાસી છે, તેણે બાળકીના ઘર પાસે વળાંક લેતી વખતે તેને અડફેટે લીધી હતી. સ્નેહાના રડવાનો અવાજ સાંભળીને તેનો પરિવાર અને સોસાયટીના અન્ય લોકો તાત્કાલિક ઘટના સ્થળે દોડી આવ્યા હતા. બાળકીને સારવાર માટે હોસ્પિટલ લઈ જવામાં આવી હતી, જ્યાં તબીબે તેને મૃત જાહેર કરી હતી. બાળકીના પરિવારે આક્ષેપ કર્યો છે કે કાર ચાલક નીતિન મિશ્રા ફોન પર વાત કરતા કરતા કાર ચલાવી રહ્યો હતો, જેના કારણે આ ગંભીર અકસ્માત સર્જાયો. પરિવારે આ ઘટના માટે જવાબદાર કાર ચાલક વિરુદ્ધ કડકમાં કડક કાર્યવાહી કરવાની માંગ કરી છે. ઘટનાની જાણ થતા જ ડિંડોલી પોલીસ તાત્કાલિક સ્થળ પર પહોંચી હતી અને કાર ચાલક નીતિન મિશ્રાની ધરપકડ કરી હતી. પોલીસે આરોપી વિરુદ્ધ ગુનો નોંધીને આગળની કાયદેસરની કાર્યવાહી હાથ ધરી છે.

Bharat Brahmbhatt

ચોરાસી, સુરત, ગુજરાત•

1 hr ago

સુરત શહેરમાં એક હૃદયદ્રાવક ઘટના બની છે, જ્યાં ડિંડોલી વિસ્તારની પ્રયોશા પાર્ક સોસાયટીમાં પોતાના ઘર પાસે રમી રહેલી ચાર વર્ષીય બાળકી સ્નેહાને બેફામ રીતે કાર ચલાવી રહેલા એક ચાલકે કચડી નાખતા તેનું કરુણ મોત થયું છે. કાર ચાલક નીતિન મિશ્રા, જે સોસાયટીનો જ રહેવાસી છે, તેણે બાળકીના ઘર પાસે વળાંક લેતી વખતે તેને અડફેટે લીધી હતી. સ્નેહાના રડવાનો અવાજ સાંભળીને તેનો પરિવાર અને સોસાયટીના અન્ય લોકો તાત્કાલિક ઘટના સ્થળે દોડી આવ્યા હતા. બાળકીને સારવાર માટે હોસ્પિટલ લઈ જવામાં આવી હતી, જ્યાં તબીબે તેને મૃત જાહેર કરી હતી. બાળકીના પરિવારે આક્ષેપ કર્યો છે કે કાર ચાલક નીતિન મિશ્રા ફોન પર વાત કરતા કરતા કાર ચલાવી રહ્યો હતો, જેના કારણે આ ગંભીર અકસ્માત સર્જાયો. પરિવારે આ ઘટના માટે જવાબદાર કાર ચાલક વિરુદ્ધ કડકમાં કડક કાર્યવાહી કરવાની માંગ કરી છે. ઘટનાની જાણ થતા જ ડિંડોલી પોલીસ તાત્કાલિક સ્થળ પર પહોંચી હતી અને કાર ચાલક નીતિન મિશ્રાની ધરપકડ કરી હતી. પોલીસે આરોપી વિરુદ્ધ ગુનો નોંધીને આગળની કાયદેસરની કાર્યવાહી હાથ ધરી છે.