उदगीर येथे संस्कार भारतीच्या वतीने आयोजित नारदीय कीर्तनातून ह. भ. प. सायली कुलकर्णी यांनी स्वातंत्र्यवीर वि. दा. सावरकर यांच्या जीवनप्रवासातील अनेक महत्त्वपूर्ण पैलू उपस्थित रसिकांसमोर उलगडले. लहान वयातच कीर्तनकार म्हणून उदयास येत असलेल्या सायली कुलकर्णी यांनी सावरकरांच्या जीवनातील घटनांचे सविस्तर वर्णन केले. स्वातंत्र्यवीर सावरकरांची १४३ वी जयंती, वंदे मातरम गीताचा शतकोत्तर सुवर्णमहोत्सव आणि राष्ट्रीय स्वयंसेवक संघाचे शताब्दी वर्ष या त्रिवेणी औचित्यावर संस्कार भारती उदगीर शाखेने या कीर्तनाचे आयोजन केले होते. सायली कुलकर्णी यांनी आपल्या कीर्तनात स्वातंत्र्यवीर सावरकरांच्या देशभक्तीवर आणि त्यांनी केलेल्या महत्त्वपूर्ण ग्रंथांच्या लेखनावर प्रकाश टाकला. तसेच, संतश्रेष्ठ तुकोबारायांच्या अभंगांचा दाखला देत त्यांनी सावरकरांचे महत्त्व विषद केले. कार्यक्रमाच्या अध्यक्षस्थानी संस्कार भारती उदगीर शाखेचे अध्यक्ष सतीश उस्तुरे होते, तर संस्कार भारतीच्या देवगिरी प्रांत अध्यक्षा प्रा. स्नेहल पाठक प्रमुख पाहुण्या म्हणून उपस्थित होत्या. यावेळी बोलताना प्रा. पाठक यांनी स्वातंत्र्यवीर सावरकर हे केवळ देशभक्त नव्हते, तर त्यांनी देशाला स्वातंत्र्य मिळवून देण्यासोबतच सामाजिक प्रबोधनावरही भर दिल्याचे सांगितले. त्यांनी नारदीय कीर्तनासारखा उपक्रम राबवल्याबद्दल संस्कार भारतीचे कौतुक केले आणि उदगीर शाखेला नवीन कलाकारांना सांस्कृतिक व्यासपीठ उपलब्ध करून देण्याचे आवाहन केले. अध्यक्षीय समारोपात सतीश उस्तुरे यांनी संस्कार भारती उदगीर शाखेच्या उपक्रमांची माहिती देऊन आगामी काळात कलोपासनेचे उपक्रम राबवण्याचा मानस व्यक्त केला. कार्यक्रमाची सुरुवात मान्यवरांच्या हस्ते स्वातंत्र्यवीर सावरकर आणि भारतमातेच्या प्रतिमेच्या पूजनाने झाली. गोपाळ जोशी यांनी संस्कार भारतीचे ध्येयगीत सादर केले. धनंजय गुडसूरकर यांनी प्रास्ताविक केले, तर श्रीपाद सिमंतकर यांनी सूत्रसंचालन केले. डॉ. रविकांत पाटील यांनी आभार प्रदर्शन केले. डॉ. संजय कुलकर्णी, अजय दंडवते, सचिव विक्रम हलकीकर, कोषाध्यक्ष योगेश मूर्के, प्रा. मुकेश कुलकर्णी, प्रदीप पत्तेवार, प्रा. प्रसाद जालनापूरकर, प्रा. गौरव जेवळीकर, प्रा. राहुल आलापुरे, बालाजी मूर्के यांच्यासह संस्कार भारतीच्या पदाधिकाऱ्यांनी कार्यक्रमाच्या यशस्वीतेसाठी पुढाकार घेतला.

Laxman Ugile

उदगीर, लातूर, महाराष्ट्र•

1 hr ago

उदगीर येथे संस्कार भारतीच्या वतीने आयोजित नारदीय कीर्तनातून ह. भ. प. सायली कुलकर्णी यांनी स्वातंत्र्यवीर वि. दा. सावरकर यांच्या जीवनप्रवासातील अनेक महत्त्वपूर्ण पैलू उपस्थित रसिकांसमोर उलगडले. लहान वयातच कीर्तनकार म्हणून उदयास येत असलेल्या सायली कुलकर्णी यांनी सावरकरांच्या जीवनातील घटनांचे सविस्तर वर्णन केले. स्वातंत्र्यवीर सावरकरांची १४३ वी जयंती, वंदे मातरम गीताचा शतकोत्तर सुवर्णमहोत्सव आणि राष्ट्रीय स्वयंसेवक संघाचे शताब्दी वर्ष या त्रिवेणी औचित्यावर संस्कार भारती उदगीर शाखेने या कीर्तनाचे आयोजन केले होते. सायली कुलकर्णी यांनी आपल्या कीर्तनात स्वातंत्र्यवीर सावरकरांच्या देशभक्तीवर आणि त्यांनी केलेल्या महत्त्वपूर्ण ग्रंथांच्या लेखनावर प्रकाश टाकला. तसेच, संतश्रेष्ठ तुकोबारायांच्या अभंगांचा दाखला देत त्यांनी सावरकरांचे महत्त्व विषद केले. कार्यक्रमाच्या अध्यक्षस्थानी संस्कार भारती उदगीर शाखेचे अध्यक्ष सतीश उस्तुरे होते, तर संस्कार भारतीच्या देवगिरी प्रांत अध्यक्षा प्रा. स्नेहल पाठक प्रमुख पाहुण्या म्हणून उपस्थित होत्या. यावेळी बोलताना प्रा. पाठक यांनी स्वातंत्र्यवीर सावरकर हे केवळ देशभक्त नव्हते, तर त्यांनी देशाला स्वातंत्र्य मिळवून देण्यासोबतच सामाजिक प्रबोधनावरही भर दिल्याचे सांगितले. त्यांनी नारदीय कीर्तनासारखा उपक्रम राबवल्याबद्दल संस्कार भारतीचे कौतुक केले आणि उदगीर शाखेला नवीन कलाकारांना सांस्कृतिक व्यासपीठ उपलब्ध करून देण्याचे आवाहन केले. अध्यक्षीय समारोपात सतीश उस्तुरे यांनी संस्कार भारती उदगीर शाखेच्या उपक्रमांची माहिती देऊन आगामी काळात कलोपासनेचे उपक्रम राबवण्याचा मानस व्यक्त केला. कार्यक्रमाची सुरुवात मान्यवरांच्या हस्ते स्वातंत्र्यवीर सावरकर आणि भारतमातेच्या प्रतिमेच्या पूजनाने झाली. गोपाळ जोशी यांनी संस्कार भारतीचे ध्येयगीत सादर केले. धनंजय गुडसूरकर यांनी प्रास्ताविक केले, तर श्रीपाद सिमंतकर यांनी सूत्रसंचालन केले. डॉ. रविकांत पाटील यांनी आभार प्रदर्शन केले. डॉ. संजय कुलकर्णी, अजय दंडवते, सचिव विक्रम हलकीकर, कोषाध्यक्ष योगेश मूर्के, प्रा. मुकेश कुलकर्णी, प्रदीप पत्तेवार, प्रा. प्रसाद जालनापूरकर, प्रा. गौरव जेवळीकर, प्रा. राहुल आलापुरे, बालाजी मूर्के यांच्यासह संस्कार भारतीच्या पदाधिकाऱ्यांनी कार्यक्रमाच्या यशस्वीतेसाठी पुढाकार घेतला.