ରାଜ୍ୟରେ ଆୟୁଷ୍ମାନ କାର୍ଡଧାରୀ ରୋଗୀମାନେ ହସ୍ପିଟାଲରେ ଚିକିତ୍ସା ସେବା ନପାଇବା, ଅନାବଶ୍ୟକ ହଇରାଣ ହେବା ଏବଂ ମାଗଣା ସୁବିଧାରୁ ବଞ୍ଚିତ ହେବା ଭଳି ଅଭିଯୋଗ ବଢ଼ିବା ପରେ ରାଜ୍ୟ ସରକାର କଡ଼ା ମନୋଭାବ ପୋଷଣ କରିଛନ୍ତି। ଏହି ପରିପ୍ରେକ୍ଷୀରେ, ସ୍ୱାସ୍ଥ୍ୟମନ୍ତ୍ରୀ ଘରୋଇ ଓ କର୍ପୋରେଟ୍ ହସ୍ପିଟାଲ କର୍ତ୍ତୃପକ୍ଷଙ୍କୁ ଡକାଇ ଏକ ବୈଠକ କରିଛନ୍ତି ଏବଂ ଯୋଜନାର ନିୟମ ଉଲ୍ଲଂଘନ କଲେ କଠୋର କାର୍ଯ୍ୟାନୁଷ୍ଠାନ ଗ୍ରହଣ କରାଯିବ ବୋଲି ଚେତାବନୀ ଦେଇଛନ୍ତି। ମନ୍ତ୍ରୀ ସ୍ପଷ୍ଟ ଭାବେ ନିର୍ଦ୍ଦେଶ ଦେଇଛନ୍ତି ଯେ ଆୟୁଷ୍ମାନ କାର୍ଡଧାରୀ ପ୍ରତ୍ୟେକ ରୋଗୀଙ୍କୁ ଉତ୍ତମ ଚିକିତ୍ସା ସେବା ସହ ସମ୍ମାନଜନକ ବ୍ୟବହାର ମିଳିବ। ଯଦି କୌଣସି ହସ୍ପିଟାଲ ରୋଗୀଙ୍କୁ ଫେରାଇ ଦିଏ କିମ୍ବା ସୁବିଧା ଦେବାରେ ଅବହେଳା କରେ, ତେବେ ସେମାନଙ୍କ ବିରୋଧରେ ସରକାରଙ୍କ ପକ୍ଷରୁ ଦୃଢ଼ ପଦକ୍ଷେପ ନିଆଯିବ। ଏହା ସହ, ରୋଗୀ ଭର୍ତ୍ତି ହେବାର ୩ ଦିନ ପୂର୍ବରୁ କରାଯାଇଥିବା ସମସ୍ତ ମେଡିକାଲ ଟେଷ୍ଟ ଆୟୁଷ୍ମାନ ପ୍ୟାକେଜ ଅଧୀନରେ ମାଗଣାରେ କରାଯିବ ବୋଲି ଏକ ବଡ଼ ନିଷ୍ପତ୍ତି ନିଆଯାଇଛି। ଏହି ନିୟମକୁ କାର୍ଯ୍ୟକାରୀ କରିବା ପାଇଁ ସମସ୍ତ ଘରୋଇ ହସ୍ପିଟାଲକୁ ସରକାର କଡ଼ା ନିର୍ଦ୍ଦେଶ ଜାରି କରିଛନ୍ତି। ରାଜ୍ୟର ବିଭିନ୍ନ ସ୍ଥାନରୁ ଆୟୁଷ୍ମାନ କାର୍ଡ ଥିଲେ ମଧ୍ୟ ଚିକିତ୍ସା ନମିଳିବା, ଟେକ୍ନିକାଲ ସମସ୍ୟା ଏବଂ ହସ୍ପିଟାଲ ପକ୍ଷରୁ ସହଯୋଗ ନମିଳିବା ଭଳି ଅଭିଯୋଗ ଲଗାତାର ଭାବେ ଆସୁଥିଲା। ଏହି ଘଟଣାଗୁଡ଼ିକୁ ଗୁରୁତ୍ୱର ସହ ନେଇ ସରକାର ଏବେ ନଜରଦାରି ବ୍ୟବସ୍ଥାକୁ ଆହୁରି କଡ଼ା କରିଛନ୍ତି। ଆୟୁଷ୍ମାନ ଯୋଜନାର ଲାଭ ପ୍ରକୃତ ହିତାଧିକାରୀଙ୍କ ନିକଟରେ ପହଞ୍ଚାଇବା ଏବଂ ରୋଗୀମାନେ ଯେପରି ହଇରାଣ ନହୁଅନ୍ତି, ସେଥିପାଇଁ ସରକାର ପକ୍ଷରୁ ତଦାରଖ ପ୍ରକ୍ରିୟାକୁ ଜୋରଦାର କରାଯାଇଛି।

SUDAM DAS

Newspaper publisher ଭୁବନେଶ୍ୱର, ଖୋର୍ଦ୍ଧା, ଓଡ଼ିଶା•

2 hrs ago

ରାଜ୍ୟରେ ଆୟୁଷ୍ମାନ କାର୍ଡଧାରୀ ରୋଗୀମାନେ ହସ୍ପିଟାଲରେ ଚିକିତ୍ସା ସେବା ନପାଇବା, ଅନାବଶ୍ୟକ ହଇରାଣ ହେବା ଏବଂ ମାଗଣା ସୁବିଧାରୁ ବଞ୍ଚିତ ହେବା ଭଳି ଅଭିଯୋଗ ବଢ଼ିବା ପରେ ରାଜ୍ୟ ସରକାର କଡ଼ା ମନୋଭାବ ପୋଷଣ କରିଛନ୍ତି। ଏହି ପରିପ୍ରେକ୍ଷୀରେ, ସ୍ୱାସ୍ଥ୍ୟମନ୍ତ୍ରୀ ଘରୋଇ ଓ କର୍ପୋରେଟ୍ ହସ୍ପିଟାଲ କର୍ତ୍ତୃପକ୍ଷଙ୍କୁ ଡକାଇ ଏକ ବୈଠକ କରିଛନ୍ତି ଏବଂ ଯୋଜନାର ନିୟମ ଉଲ୍ଲଂଘନ କଲେ କଠୋର କାର୍ଯ୍ୟାନୁଷ୍ଠାନ ଗ୍ରହଣ କରାଯିବ ବୋଲି ଚେତାବନୀ ଦେଇଛନ୍ତି। ମନ୍ତ୍ରୀ ସ୍ପଷ୍ଟ ଭାବେ ନିର୍ଦ୍ଦେଶ ଦେଇଛନ୍ତି ଯେ ଆୟୁଷ୍ମାନ କାର୍ଡଧାରୀ ପ୍ରତ୍ୟେକ ରୋଗୀଙ୍କୁ ଉତ୍ତମ ଚିକିତ୍ସା ସେବା ସହ ସମ୍ମାନଜନକ ବ୍ୟବହାର ମିଳିବ। ଯଦି କୌଣସି ହସ୍ପିଟାଲ ରୋଗୀଙ୍କୁ ଫେରାଇ ଦିଏ କିମ୍ବା ସୁବିଧା ଦେବାରେ ଅବହେଳା କରେ, ତେବେ ସେମାନଙ୍କ ବିରୋଧରେ ସରକାରଙ୍କ ପକ୍ଷରୁ ଦୃଢ଼ ପଦକ୍ଷେପ ନିଆଯିବ। ଏହା ସହ, ରୋଗୀ ଭର୍ତ୍ତି ହେବାର ୩ ଦିନ ପୂର୍ବରୁ କରାଯାଇଥିବା ସମସ୍ତ ମେଡିକାଲ ଟେଷ୍ଟ ଆୟୁଷ୍ମାନ ପ୍ୟାକେଜ ଅଧୀନରେ ମାଗଣାରେ କରାଯିବ ବୋଲି ଏକ ବଡ଼ ନିଷ୍ପତ୍ତି ନିଆଯାଇଛି। ଏହି ନିୟମକୁ କାର୍ଯ୍ୟକାରୀ କରିବା ପାଇଁ ସମସ୍ତ ଘରୋଇ ହସ୍ପିଟାଲକୁ ସରକାର କଡ଼ା ନିର୍ଦ୍ଦେଶ ଜାରି କରିଛନ୍ତି। ରାଜ୍ୟର ବିଭିନ୍ନ ସ୍ଥାନରୁ ଆୟୁଷ୍ମାନ କାର୍ଡ ଥିଲେ ମଧ୍ୟ ଚିକିତ୍ସା ନମିଳିବା, ଟେକ୍ନିକାଲ ସମସ୍ୟା ଏବଂ ହସ୍ପିଟାଲ ପକ୍ଷରୁ ସହଯୋଗ ନମିଳିବା ଭଳି ଅଭିଯୋଗ ଲଗାତାର ଭାବେ ଆସୁଥିଲା। ଏହି ଘଟଣାଗୁଡ଼ିକୁ ଗୁରୁତ୍ୱର ସହ ନେଇ ସରକାର ଏବେ ନଜରଦାରି ବ୍ୟବସ୍ଥାକୁ ଆହୁରି କଡ଼ା କରିଛନ୍ତି। ଆୟୁଷ୍ମାନ ଯୋଜନାର ଲାଭ ପ୍ରକୃତ ହିତାଧିକାରୀଙ୍କ ନିକଟରେ ପହଞ୍ଚାଇବା ଏବଂ ରୋଗୀମାନେ ଯେପରି ହଇରାଣ ନହୁଅନ୍ତି, ସେଥିପାଇଁ ସରକାର ପକ୍ଷରୁ ତଦାରଖ ପ୍ରକ୍ରିୟାକୁ ଜୋରଦାର କରାଯାଇଛି।