लातूर जिल्ह्यात कोट्यवधी रुपयांच्या आर्थिक फसवणुकीप्रकरणी फरार असलेला मुख्य आरोपी किशोर धोंडीराम जाधव ऊर्फ किशोर महाराज शिवणीकर याला पोलिसांनी शिताफीने बेड्या ठोकल्या आहेत. लातूर तालुक्यातील खंडापूर येथे काही महिन्यांपूर्वी आयोजित अखंड हरिनाम सप्ताह आणि संतांच्या पादुकादर्शन सोहळ्यासाठी गोळा केलेल्या ३ कोटी ६५ लाख रुपयांचा हिशेब न दिल्याने हा वाद निर्माण झाला होता. भ्रष्टाचारविरोधी वारकरी संप्रदाय कृती समितीने केलेल्या आंदोलनानंतर एमआयडीसी पोलीस ठाण्यात याप्रकरणी गुन्हा दाखल करण्यात आला होता, त्यानंतर आरोपी फरार झाला होता. गुन्हा दाखल झाल्यापासून पोलीस पथक आरोपीच्या मागावर होते. गुप्त माहितीच्या आधारे लातूर पोलिसांच्या स्थानिक गुन्हे शाखेने एका ठिकाणी धाड टाकली, तेव्हा घराला बाहेरून कुलूप लावलेले दिसून आले. पोलिसांना चकवा देण्यासाठी आरोपीने बाहेरून कुलूप लावून आत लपून बसण्याचा प्रयत्न केला होता. तब्बल दोन तास चाललेल्या या नाट्यमय घडामोडीनंतर पोलिसांनी दरवाजा उघडून त्याला ताब्यात घेतले. सध्या पोलीस कोठडीत आरोपीची कसून चौकशी केली जात असून, भाविकांच्या गोळा केलेल्या ३ कोटी ६५ लाख रुपयांचा शोध घेण्याचे काम सुरू आहे.

बाळकृष्ण प्रकाश कदम

Farmer औसा, लातूर, महाराष्ट्र•

11 hrs ago

लातूर जिल्ह्यात कोट्यवधी रुपयांच्या आर्थिक फसवणुकीप्रकरणी फरार असलेला मुख्य आरोपी किशोर धोंडीराम जाधव ऊर्फ किशोर महाराज शिवणीकर याला पोलिसांनी शिताफीने बेड्या ठोकल्या आहेत. लातूर तालुक्यातील खंडापूर येथे काही महिन्यांपूर्वी आयोजित अखंड हरिनाम सप्ताह आणि संतांच्या पादुकादर्शन सोहळ्यासाठी गोळा केलेल्या ३ कोटी ६५ लाख रुपयांचा हिशेब न दिल्याने हा वाद निर्माण झाला होता. भ्रष्टाचारविरोधी वारकरी संप्रदाय कृती समितीने केलेल्या आंदोलनानंतर एमआयडीसी पोलीस ठाण्यात याप्रकरणी गुन्हा दाखल करण्यात आला होता, त्यानंतर आरोपी फरार झाला होता. गुन्हा दाखल झाल्यापासून पोलीस पथक आरोपीच्या मागावर होते. गुप्त माहितीच्या आधारे लातूर पोलिसांच्या स्थानिक गुन्हे शाखेने एका ठिकाणी धाड टाकली, तेव्हा घराला बाहेरून कुलूप लावलेले दिसून आले. पोलिसांना चकवा देण्यासाठी आरोपीने बाहेरून कुलूप लावून आत लपून बसण्याचा प्रयत्न केला होता. तब्बल दोन तास चाललेल्या या नाट्यमय घडामोडीनंतर पोलिसांनी दरवाजा उघडून त्याला ताब्यात घेतले. सध्या पोलीस कोठडीत आरोपीची कसून चौकशी केली जात असून, भाविकांच्या गोळा केलेल्या ३ कोटी ६५ लाख रुपयांचा शोध घेण्याचे काम सुरू आहे.