हिंगोली जिल्ह्यात वाढत्या अपघातांचे प्रमाण कमी करण्यासाठी पोलिसांनी विशेष जनजागृती मोहीम सुरू केली आहे. पोलीस थेट रस्त्यावर उतरून नागरिकांना हेल्मेट, सीट बेल्टसह वाहतूक नियमांचे पालन करण्याचे आवाहन करत आहेत. अपघातमुक्त हिंगोलीसाठी नागरिकांनी सहकार्य करावे असे आवाहन प्रशासनाने केले आहे.

महाराष्ट्राच्या बातम्या आता 'न्यूज मराठी'वर 24x7 लाईव्ह पाहण्याची सुविधा उपलब्ध आहे.

मंठा तालुक्यातील वझर सरकटे येथील ५१ वर्षीय शेतकरी गोपीनाथ जनार्धन सरकटे यांचा डिझेल आणण्यासाठी दुचाकीवरून जात असताना झालेल्या अपघातात दुर्दैवी मृत्यू झाला आहे. सध्या पेरणीपूर्व शेती मशागतीची कामे वेगाने सुरू असताना, ग्रामीण भागात डिझेलची गंभीर टंचाई निर्माण झाली आहे, ज्यामुळे शेतकऱ्यांना इंधनासाठी दूरवर प्रवास करावा लागत आहे. वझर सरकटे गाव परिसरात पेट्रोल पंपाची सुविधा नसल्याने ही समस्या अधिकच गंभीर बनली आहे. माहितीनुसार, गोपीनाथ सरकटे हे प्रथम ढोकसाळ येथील अहिरे पंपावर डिझेलसाठी गेले होते. त्यानंतर त्यांनी माऊली (नायरा) पंपावरही प्रयत्न केला, मात्र दोन्ही ठिकाणी त्यांना डिझेल उपलब्ध झाले नाही. यानंतर ते मंठा शहराकडे येत असताना जालना-जितूर महामार्गावरील एस. आय. बँकेजवळ एका अज्ञात वाहनाने त्यांच्या दुचाकीला जोरदार धडक दिली. या अपघातात त्यांच्या डोक्याला गंभीर दुखापत होऊन त्यांचा मृत्यू झाला. अपघातानंतर संबंधित वाहन चालक घटनास्थळावरून पसार झाला. या हृदयद्रावक घटनेमुळे संपूर्ण परिसरात हळहळ व्यक्त होत असून, शेतकरी वर्गातून "डिझेल मिळाले नाही, पण शेतकऱ्याचा जीव गेला," अशी संतप्त प्रतिक्रिया उमटत आहे. या प्रकरणाचा पुढील तपास मंठा पोलीस करत आहेत.

जेव्हा कुटुंबाचे प्रमुख, राज्याचे मुख्यमंत्री आणि देशाचे पंतप्रधान आव्हान देतात, तेव्हा त्यांच्या मताशी सहमत असलेली जनता ते आव्हान स्वीकारते.

जालना जिल्ह्यातील जाफराबाद येथील सुगत पेट्रोल पंपावर डिझेल भरण्यासाठी आलेल्या शेतकऱ्यांमध्ये नंबरवरून वाद झाला. यामुळे डिझेल वाटप करण्यास पेट्रोल पंप कर्मचाऱ्यांना अडथळा निर्माण झाला.

लाला ब्रदर्स बिल्डर अँड डेव्हलपर्सने परभणी जिल्ह्यात 'साई सेवा नगरी प्लॉटिंग' प्रकल्पाचा शुभारंभ केला आहे. या नव्या प्रकल्पामुळे स्थानिक नागरिकांना भूखंड खरेदीची अनोखी संधी उपलब्ध झाली आहे.

अकोला जिल्ह्यातील शिवणी परिसरात असलेल्या आयशर ट्रॅक्टरच्या शोरूमला भीषण आग लागली आहे. या आगीत संपूर्ण शोरूम जळून खाक झाले असून, लाखो रुपयांचे मोठे नुकसान झाले आहे. आग विझवताना अग्निशामक दलाचा एक कर्मचारी गंभीररीत्या भाजला असून, त्याला उपचारासाठी रुग्णालयात दाखल करण्यात आले आहे.

Post by Nandkumar Motiram Totewad

परभणी शहरात रेल्वे स्टेशन समोर सुरू असलेल्या पार्किंगच्या रस्त्याचे काम निकृष्ट दर्जाचे होत असल्याची माहिती समोर आली आहे. या कामामध्ये योग्य प्रकारे खोदकाम न करताच रस्त्याचे बांधकाम केले जात असल्याचा आरोप आहे, ज्यामुळे कामाच्या गुणवत्तेवर प्रश्नचिन्ह निर्माण झाले आहे.

महाराष्ट्रामध्ये पेट्रोल-डिझेलच्या तीव्र टंचाईमुळे परभणी जिल्ह्यातील मानवत तालुक्यात डिझेल भरण्यावरून ग्राहकांमध्ये हाणामारी झाली. शेतकरी आणि नागरिक वाहनांसह कॅन घेऊन पंपांवर लांबच लांब रांगा लावत आहेत. या टंचाईमुळे शेतीची कामेही खोळंबत आहेत.