ସୁନ୍ଦରଗଡ଼ ଜିଲ୍ଲାର ବାଲିଶଙ୍କରା ବ୍ଲକ ଅନ୍ତର୍ଗତ ତୁମଳିଆ ପଞ୍ଚାୟତର ତୁମଳିଆ ଗ୍ରାମରେ ଚାଷୀମାନେ ବର୍ତ୍ତମାନ ଧାନ ରୁଆ କାର୍ଯ୍ୟରେ ନିୟୋଜିତ ଅଛନ୍ତି।

ସୁନ୍ଦରଗଡ଼ ଜିଲ୍ଲାର ବାଲିସଙ୍କରା ବ୍ଲକରେ ଯୁଗିଯୁଗେନ ସଂଗ୍ରାମ ସମିତି ପକ୍ଷରୁ ଡ୍ୟାମ ବନ୍ଦ ପ୍ରସଙ୍ଗକୁ ନେଇ ଏକ ସଭା କାର୍ଯ୍ୟକ୍ରମ ଆୟୋଜିତ ହୋଇଯାଇଛି।

ସୁନ୍ଦରଗଡ଼ ଜିଲ୍ଲା ବାଲିଶଙ୍କରା ସମିତି ସଭା ଗୃହରେ ଯୁଗୀ ଯୁଗୀଏନ ଡ୍ୟାମ ନିର୍ମାଣ ବିରୁଦ୍ଧରେ ଏକ ବିଶାଳ ସାଧାରଣ ସଭା କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି। ଯୁଗୀ ଯୁଗୀଏନ ଡ୍ୟାମ ନିର୍ମାଣକୁ ବିରୋଧ କରି ଏହି ବିଶାଳ ସାଧାରଣ ସଭାର ଆୟୋଜନ କରାଯାଇଥିଲା।

ଗତ ଗୁରୁବାର (୦୯-୦୭-୨୦୨୬) ଦିନ ହୀରାକୁଦ ଜଳଭଣ୍ଡାରରୁ ଚଳିତ ବର୍ଷର ପ୍ରଥମ ବନ୍ୟାଜଳ ନିଷ୍କାସନ କରାଯାଇଛି। ଉପରମୁଣ୍ଡରେ ପ୍ରବଳ ବର୍ଷା ହେତୁ ଜଳଭଣ୍ଡାରର ଜଳସ୍ତର କ୍ରମାଗତ ଭାବେ ବୃଦ୍ଧି ପାଉଥିବାରୁ କର୍ତ୍ତୃପକ୍ଷ ଏହି ପଦକ୍ଷେପ ନେଇଛନ୍ତି। ପୂଜାପାଠ ପରେ ସ୍ଲୁଇସ୍ ଗେଟ୍ ଖୋଲିବା ପ୍ରକ୍ରିୟା ଆରମ୍ଭ ହୋଇଥିଲା। ବାମ ପାର୍ଶ୍ୱରୁ ପୂର୍ବାହ୍ନ ୧୧.୪୬ ମିନିଟ୍‌ରେ ପ୍ରଥମ, ୧୧.୫୦ ମିନିଟ୍‌ରେ ଦ୍ୱିତୀୟ ଏବଂ ୧୧.୫୨ ମିନିଟ୍‌ରେ ତୃତୀୟ ଗେଟ୍ ଖୋଲାଯାଇଥିଲା। ଏହାପରେ ମଧ୍ୟାହ୍ନ ୧୨.୨୨ ମିନିଟ୍‌ରେ ଡାହାଣ ପାର୍ଶ୍ୱରୁ ଚତୁର୍ଥ ଗେଟ୍‌ଟି ଖୋଲାଯାଇ ମହାନଦୀକୁ ଜଳ ନିଷ୍କାସନ କରାଯାଇଛି। ଜିଲ୍ଲା ଜରୁରୀକାଳୀନ ବିଭାଗର ସୂଚନା ଅନୁଯାୟୀ, ଗେଟ୍‌ଗୁଡ଼ିକ ଖୋଲିବା ପରେ ମୋଟ ଜଳ ନିଷ୍କାସନ ୮୯,୭୯୧ କ୍ୟୁସେକ୍‌କୁ ବୃଦ୍ଧି ପାଇଛି। ଜଳଭଣ୍ଡାରର ବର୍ତ୍ତମାନର ଜଳସ୍ତର ୬୧୫.୧୫ ଫୁଟ ରହିଛି ଏବଂ ଏହା ଉପରମୁଖୀ ରହିଛି। ଏହି ସମୟରେ ଜଳଭଣ୍ଡାରକୁ ପ୍ରତି ସେକେଣ୍ଡରେ ହାରାହାରି ୧,୩୧,୦୦୩ କ୍ୟୁସେକ୍ ଜଳ ପ୍ରବେଶ କରୁଛି। ଜରୁରୀକାଳୀନ ବିଭାଗ ପକ୍ଷରୁ କୁହାଯାଇଛି ଯେ ବର୍ତ୍ତମାନ ଜଳଭଣ୍ଡାରର ସ୍ଥିତି ଓ ନିଷ୍କାସନ ପ୍ରକ୍ରିୟା ସମ୍ପୂର୍ଣ୍ଣ ନିୟନ୍ତ୍ରଣାଧୀନ ରହିଛି।

ପିଲାଙ୍କ ପାଠ୍ୟପୁସ୍ତକରେ ରାଜ୍ୟ ସରକାରଙ୍କ ତ୍ରୁଟିପୂର୍ଣ୍ଣ ତଥ୍ୟ ପ୍ରକାଶ ପାଇବା ପ୍ରତିବାଦରେ ଝାରସୁଗୁଡ଼ା ଜିଲ୍ଲାରେ ବିଜୁ ଯୁବ ଜନତା ଦଳ ଓ ବିଜୁ ଛାତ୍ର ଜନତା ଦଳ ପକ୍ଷରୁ 'ଶିକ୍ଷା ବଞ୍ଚାଓ ଅଭିଯାନ' ଆରମ୍ଭ ହୋଇଛି। ଏହି କ୍ରମରେ ଦଳ ପକ୍ଷରୁ ଝାରସୁଗୁଡ଼ା ତାରିଣୀ ମନ୍ଦିରଠାରୁ ଜିଲ୍ଲାପାଳଙ୍କ କାର୍ଯ୍ୟାଳୟ ପର୍ଯ୍ୟନ୍ତ ଏକ ବିଶାଳ ଶୋଭାଯାତ୍ରା ଅନୁଷ୍ଠିତ ହୋଇଥିଲା। ଶିକ୍ଷା ବ୍ୟବସ୍ଥାରେ ଅବ୍ୟବସ୍ଥା ଏବଂ ତ୍ରୁଟିପୂର୍ଣ୍ଣ ପାଠ୍ୟପୁସ୍ତକ ବଣ୍ଟନକୁ ନେଇ କର୍ମୀମାନେ ଗଣଶିକ୍ଷା ମନ୍ତ୍ରୀଙ୍କ ଇସ୍ତଫା ଦାବି କରି ଜୋରଦାର ପ୍ରତିବାଦ କରିଥିଲେ। ଆନ୍ଦୋଳନ ସମୟରେ ମନ୍ତ୍ରୀଙ୍କ କୁଶପୁତ୍ତଳିକା ଦାହ କରାଯାଇଥିଲା ଏବଂ ଶିକ୍ଷା ବ୍ୟବସ୍ଥାରେ ସୁଧାର ଆଣିବା ନିମନ୍ତେ ଜିଲ୍ଲାପାଳଙ୍କୁ ଏକ ଦାବିପତ୍ର ପ୍ରଦାନ କରାଯାଇଛି। ଏହି କାର୍ଯ୍ୟକ୍ରମରେ ବିଜୁ ଛାତ୍ର ଜନତା ଦଳର ସଭାନେତ୍ରୀ ଈପ୍ସିତା ସାହୁ, ବିଜେଡି ନେତା ସଞ୍ଜୀବ ମହାନ୍ତି, ପୂର୍ବତନ ବିଧାୟିକା ଅଳକା ମହାନ୍ତି, ପୂର୍ବତନ ବିଧାୟିକା ଦୀପାଳି ଦାସ ଓ ଜିଲା ପରିଷଦ ସଭ୍ୟ ସନତ ସିଂ ପ୍ରମୁଖ ବହୁ ବରିଷ୍ଠ ନେତା ଓ କର୍ମୀ ସାମିଲ ହୋଇଥିଲେ। ଆଗାମୀ ଦିନରେ ଶିକ୍ଷା ବ୍ୟବସ୍ଥାର ସୁରକ୍ଷା ପାଇଁ ଏହି ସଂଗ୍ରାମ ଜାରି ରହିବ ବୋଲି ଦଳ ପକ୍ଷରୁ ଚେତାବନୀ ଦିଆଯାଇଛି।

ଓଡ଼ିଶାରେ ରଥଯାତ୍ରାକୁ ସୁଚାରୁ, ସୁରକ୍ଷିତ ଏବଂ ଶାନ୍ତିପୂର୍ଣ୍ଣ ଭାବେ ସମ୍ପନ୍ନ କରିବା ଉଦ୍ଦେଶ୍ୟରେ ପୁରୀ ଟାଉନ୍ ହଲ୍‌ରେ ଏକ ସୁରକ୍ଷା ବ୍ୟବସ୍ଥାର ଉଚ୍ଚସ୍ତରୀୟ ସମୀକ୍ଷା ବୈଠକ ଅନୁଷ୍ଠିତ ହୋଇଯାଇଛି। ଓଡ଼ିଶା ପୋଲିସର ଡିଜିପି ଯୋଗେଶ ବାହାଦୁର ଖୁରାନିଆଙ୍କ ଅଧ୍ୟକ୍ଷତାରେ ଏହି ଗୁରୁତ୍ୱପୂର୍ଣ୍ଣ ବୈଠକ ଆୟୋଜିତ ହୋଇଥିଲା। ଏହି ବୈଠକରେ ରଥଯାତ୍ରା ସମୟରେ ଭିଡ଼ ନିୟନ୍ତ୍ରଣ, ଯାତାୟାତ ପରିଚାଳନା, ସୁରକ୍ଷା ବ୍ୟବସ୍ଥା, ଜରୁରୀକାଳୀନ ପ୍ରସ୍ତୁତି ଏବଂ ବିଭିନ୍ନ ବିଭାଗ ମଧ୍ୟରେ ସମନ୍ୱୟ ରକ୍ଷା କରିବାକୁ ନେଇ ବିସ୍ତୃତ ଭାବେ ଆଲୋଚନା କରାଯାଇଛି। ଏହା ସହିତ ଶ୍ରଦ୍ଧାଳୁମାନଙ୍କ ସୁରକ୍ଷା ଏବଂ ସେମାନଙ୍କର ନିର୍ବାଧ ଦର୍ଶନ ସୁନିଶ୍ଚିତ କରିବା ପାଇଁ ବୈଠକରେ ଉପସ୍ଥିତ ଅଧିକାରୀମାନଙ୍କୁ ଆବଶ୍ୟକୀୟ ଦିଶା-ନିର୍ଦ୍ଦେଶ ଦିଆଯାଇଛି।

ସମ୍ବଲପୁର ଜିଲ୍ଲାର ଅନେକ ସ୍ଥାନରେ ବନ୍ୟାଜଳ ହେଉ ଅବା ନାଳ-ନର୍ଦ୍ଦମା ଜଳର ନିଷ୍କାସନ ପାଇଁ କୌଣସି ବ୍ୟବସ୍ଥା କରାଯାଉ ନଥିବାରୁ ସାଧାରଣ ଜନସାଧାରଣ ଚରମ ହଇରାଣ ହରକତ ହେଉଛନ୍ତି। ପ୍ରଶାସନିକ ପଦବୀରେ ରହି ଅଧିକାରୀମାନେ ପୁଳା ପୁଳା ଦରମା ନେଉଥିଲେ ମଧ୍ୟ କୌଣସି କାମ କରୁନାହାନ୍ତି କିମ୍ବା ଲୋକଙ୍କୁ ସୁବିଧା ସୁଯୋଗ ଯୋଗାଇ ଦେଉନାହାନ୍ତି। କେବଳ ଗୋଟିଏ ସ୍ଥାନ ନୁହେଁ, ବରଂ ଜିଲ୍ଲାର ବିଭିନ୍ନ ସ୍ଥାନରେ ଏଭଳି ସମସ୍ୟା ଲାଗି ରହିଥିବା ବେଳେ ପ୍ରଶାସନ ଏହି ବିଷୟରେ କୌଣସି ସୁବିଧା କରୁନାହିଁ। ପ୍ରଶାସନର ଏଭଳି ନିଷ୍କ୍ରିୟତା କାରଣରୁ ଜନସାଧାରଣ କିପରି ଜୀବନଯାପନ କରିବେ, ତାହାକୁ ନେଇ ଗଭୀର ଅସନ୍ତୋଷ ପ୍ରକାଶ ପାଇଛି।

ସୁନ୍ଦରଗଡ଼ ଜିଲ୍ଲାର ସବଡେଗା ବ୍ଲକ ଅନ୍ତର୍ଗତ ଡମକୁଡା ଗ୍ରାମ ପଞ୍ଚାୟତରେ ଯୁଗୀଯୁଗେନ ବନ୍ଧ ନିର୍ମାଣକୁ ବନ୍ଦ କରିବା ଲକ୍ଷ୍ୟରେ ଏକ ସଭା ଅନୁଷ୍ଠିତ ହୋଇଯାଇଛି। ଏହି କାର୍ଯ୍ୟକ୍ରମରେ ଯୁଗି ଜୁଗେନ୍ ସଂଗ୍ରାମ ସମିତିର ସମସ୍ତ ସଦସ୍ୟ ଯୋଗଦେଇ ପ୍ରକଳ୍ପର ବିଭିନ୍ନ ଦିଗ ସମ୍ପର୍କରେ ବିସ୍ତୃତ ଆଲୋଚନା କରିଥିଲେ। ସଭାରେ ସରକାରଙ୍କ ପଥଭ୍ରାନ୍ତ ନୀତିକୁ କଡ଼ା ଭାଷାରେ ବିରୋଧ କରାଯିବା ସହ ଉପସ୍ଥିତ ଜନସାଧାରଣଙ୍କୁ ସେମାନଙ୍କର ମୌଳିକ ଅଧିକାର ସମ୍ପର୍କରେ ସଚେତନ କରାଯାଇଥିଲା। ଜମି, ଜୀବିକା ଏବଂ ଜୀବନ ବଞ୍ଚାଇବା ପାଇଁ ଆଗାମୀ ଦିନରେ ନିଜ ଭିଟାମାଟି ପାଇଁ ସର୍ବସ୍ୱ ସମର୍ପଣ କରିବେ ବୋଲି ସଭାରେ ଏକମତ ହୋଇଥିଲେ।

ଶନିବାର ଦିନ ଝାରସୁଗୁଡ଼ା ଗସ୍ତ ସମୟରେ ରାଜସ୍ୱ ମନ୍ତ୍ରୀ ସୁରେଶ ପୂଜାରୀଙ୍କୁ ନେଇ ରାଜନୈତିକ ଚର୍ଚ୍ଚା ଜୋର ଧରିଛି। ସୋସିଆଲ ମିଡିଆରେ ଭାଇରାଲ ହେଉଥିବା ଏକ ଭିଡିଓରେ ଦାବି କରାଯାଇଛି ଯେ, ମନ୍ତ୍ରୀ ଝାରସୁଗୁଡ଼ା ବିଧାନସଭା ଅଞ୍ଚଳର କନ୍ଦାଘାଟ ଗାଁକୁ ଯାଉଥିବା ବେଳେ ଭେଡେନ ନଦୀ ନିକଟରେ କିଛି ଲୋକ ତାଙ୍କ ଗସ୍ତକୁ ବିରୋଧ କରିଥିଲେ। ସୋସିଆଲ ମିଡିଆରେ ପ୍ରଚାରିତ ଏହି ଭିଡିଓ ଅନୁଯାୟୀ, ଉକ୍ତ ବିରୋଧରେ ଝାରସୁଗୁଡ଼ା ବିଧାୟକ ଟଙ୍କଧର ତ୍ରିପାଠୀଙ୍କ ସମର୍ଥକ ଏବଂ ବିଜେପି କର୍ମକର୍ତ୍ତା ସାମିଲ ଥିବା ଦାବି କରାଯାଇଛି। ଏହି ଘଟଣା ପରେ ମନ୍ତ୍ରୀ ସେହି ସ୍ଥାନରୁ ଫେରିଯାଇଥିବା ମଧ୍ୟ କୁହାଯାଉଛି। ତେବେ ଏହି ଦାବିଗୁଡ଼ିକର ସ୍ୱାଧୀନ ଭାବେ ପୁଷ୍ଟି ହୋଇନାହିଁ। ଏହି ଘଟଣାକୁ ନେଇ ରାଜସ୍ୱ ମନ୍ତ୍ରୀ କିମ୍ବା ସରକାରଙ୍କ ପକ୍ଷରୁ ଏପର୍ଯ୍ୟନ୍ତ କୌଣସି ଆଧିକାରିକ ପ୍ରତିକ୍ରିୟା କିମ୍ବା ସ୍ପଷ୍ଟୀକରଣ ପ୍ରକାଶ ପାଇନାହିଁ।