விருதுநகர் மாவட்டம், ஸ்ரீவில்லிபுத்தூர் நகர் காவல் நிலைய எல்லைக்குட்பட்ட தெற்கு தெருவில் உள்ள ஏடிஎம் மையத்தில், முதியவருக்கு உதவுவது போல் நடித்து அவரது வங்கி கணக்கிலிருந்து ரூ.3.75 லட்சம் பணத்தை மோசடி செய்து எடுத்த நபரை போலீசார் கைது செய்துள்ளனர். கடந்த 19.05.2026 அன்று, 70 வயதுடைய முதியவர் ஒருவர் ஏடிஎம் இயந்திரத்தில் பணம் எடுக்க முயன்றபோது, அடையாளம் தெரியாத நபர் ஒருவர் உதவி செய்வது போல் அணுகியுள்ளார். பின்னர், அந்த நபர் முதியவரின் ஏடிஎம் கார்டை மாற்றி, பயனற்ற மற்றொரு கார்டை அவரிடம் கொடுத்துவிட்டு, உண்மையான ஏடிஎம் கார்டைப் பயன்படுத்தி அவரது வங்கி கணக்கிலிருந்து ரூ.3,75,000 பணத்தை எடுத்துச் சென்றுள்ளார். இதுகுறித்து முதியவர் 29.05.2026 அன்று அளித்த புகாரின் பேரில் ஸ்ரீவில்லிபுத்தூர் நகர் காவல் நிலையத்தில் வழக்குப்பதிவு செய்யப்பட்டது. இந்த வழக்கை தொடர்ந்து, ஸ்ரீவில்லிபுத்தூர் உட்கோட்ட குற்றப்பிரிவு போலீசார் சம்பவம் நடைபெற்ற பகுதியில் உள்ள கண்காணிப்பு கேமரா காட்சிகளை ஆய்வு செய்து விசாரணை மேற்கொண்டனர். அதில், இச்சம்பவத்தில் தொடர்புடைய சிவகாசியைச் சேர்ந்த மாரிமுத்து (41), த/பெ. முத்துச்சாமி என்பவரை 30.05.2026 அன்று கைது செய்தனர். கைது செய்யப்பட்ட மாரிமுத்துவிடமிருந்து ரூ.90,000 ரொக்கம், ரூ.32,500 மதிப்புள்ள புதிய தொலைக்காட்சி பெட்டி மற்றும் ஒரு கைப்பேசி ஆகியவை பறிமுதல் செய்யப்பட்டன. பின்னர் அவர் நீதிமன்றத்தில் ஆஜர்படுத்தப்பட்டு நீதிமன்றக் காவலுக்கு அனுப்பப்பட்டார். மேலும், ஏடிஎம் மையங்களில் அறிமுகமில்லாத நபர்களின் உதவியை நாடாமல், எச்சரிக்கையுடன் செயல்படுமாறு காவல்துறையினர் பொதுமக்களுக்கு அறிவுறுத்தியுள்ளனர்.

குமார்

Kariapatti, Virudhunagar•

3 hrs ago

விருதுநகர் மாவட்டம், ஸ்ரீவில்லிபுத்தூர் நகர் காவல் நிலைய எல்லைக்குட்பட்ட தெற்கு தெருவில் உள்ள ஏடிஎம் மையத்தில், முதியவருக்கு உதவுவது போல் நடித்து அவரது வங்கி கணக்கிலிருந்து ரூ.3.75 லட்சம் பணத்தை மோசடி செய்து எடுத்த நபரை போலீசார் கைது செய்துள்ளனர். கடந்த 19.05.2026 அன்று, 70 வயதுடைய முதியவர் ஒருவர் ஏடிஎம் இயந்திரத்தில் பணம் எடுக்க முயன்றபோது, அடையாளம் தெரியாத நபர் ஒருவர் உதவி செய்வது போல் அணுகியுள்ளார். பின்னர், அந்த நபர் முதியவரின் ஏடிஎம் கார்டை மாற்றி, பயனற்ற மற்றொரு கார்டை அவரிடம் கொடுத்துவிட்டு, உண்மையான ஏடிஎம் கார்டைப் பயன்படுத்தி அவரது வங்கி கணக்கிலிருந்து ரூ.3,75,000 பணத்தை எடுத்துச் சென்றுள்ளார். இதுகுறித்து முதியவர் 29.05.2026 அன்று அளித்த புகாரின் பேரில் ஸ்ரீவில்லிபுத்தூர் நகர் காவல் நிலையத்தில் வழக்குப்பதிவு செய்யப்பட்டது. இந்த வழக்கை தொடர்ந்து, ஸ்ரீவில்லிபுத்தூர் உட்கோட்ட குற்றப்பிரிவு போலீசார் சம்பவம் நடைபெற்ற பகுதியில் உள்ள கண்காணிப்பு கேமரா காட்சிகளை ஆய்வு செய்து விசாரணை மேற்கொண்டனர். அதில், இச்சம்பவத்தில் தொடர்புடைய சிவகாசியைச் சேர்ந்த மாரிமுத்து (41), த/பெ. முத்துச்சாமி என்பவரை 30.05.2026 அன்று கைது செய்தனர். கைது செய்யப்பட்ட மாரிமுத்துவிடமிருந்து ரூ.90,000 ரொக்கம், ரூ.32,500 மதிப்புள்ள புதிய தொலைக்காட்சி பெட்டி மற்றும் ஒரு கைப்பேசி ஆகியவை பறிமுதல் செய்யப்பட்டன. பின்னர் அவர் நீதிமன்றத்தில் ஆஜர்படுத்தப்பட்டு நீதிமன்றக் காவலுக்கு அனுப்பப்பட்டார். மேலும், ஏடிஎம் மையங்களில் அறிமுகமில்லாத நபர்களின் உதவியை நாடாமல், எச்சரிக்கையுடன் செயல்படுமாறு காவல்துறையினர் பொதுமக்களுக்கு அறிவுறுத்தியுள்ளனர்.