पिंपरी चिंचवड महापालिकेतर्फे 'जनगणना २०२७' अंतर्गत सुरू असलेल्या 'घरसूचीकरण व घरगणना' प्रक्रियेसाठी नागरिकांना सहकार्य करण्याचे आवाहन करण्यात आले आहे. महापालिका आयुक्त तथा प्रधान जनगणना अधिकारी डॉ. विजय सूर्यवंशी यांनी ही प्रक्रिया वेळेत व प्रभावीपणे पूर्ण करण्यासाठी नागरिकांच्या सक्रिय सहभागाची मागणी केली आहे. महापालिका क्षेत्रात १६ मेपासून प्रगणकांमार्फत ही प्रक्रिया सुरू असून, ती १४ जून २०२६ पर्यंत चालणार आहे. या जनगणनेमध्ये १ ते १५ मे २०२६ या कालावधीत स्व-गणना पूर्ण केलेल्या नागरिकांनी त्यांना प्राप्त झालेला स्व-गणना ओळख क्रमांक (SE ID) प्रगणकांना उपलब्ध करून देणे आवश्यक आहे, कारण याशिवाय संबंधित घराची जनगणना प्रक्रिया अंतिम पूर्ण होऊ शकत नाही. ज्या नागरिकांनी अद्याप स्व-गणना केलेली नाही, त्यांची माहिती प्रगणकांकडून प्रत्यक्ष भेटीद्वारे नोंदवली जात आहे. पिंपरी चिंचवड महापालिकेचे उप आयुक्त तथा शहर जनगणना अधिकारी सचिन पवार यांनी सांगितले की, जनगणना कायदा, १९४८ अंतर्गत राबविण्यात येणारी ही राष्ट्रीय पातळीवरील महत्त्वाची प्रक्रिया असून, शिक्षण, आरोग्य, पायाभूत सुविधा आणि नागरी सेवांच्या प्रभावी नियोजनासाठी अचूक व विश्वासार्ह माहिती संकलन करणे महत्त्वाचे आहे. यामुळे, नागरिकांनी अधिकृत प्रगणकांना सकारात्मक प्रतिसाद देत विचारण्यात येणारी माहिती वेळेत व अचूकपणे उपलब्ध करून 'जनगणना २०२७' प्रक्रिया यशस्वी करावी, असे आवाहनही त्यांनी केले.

City Mirror News

Media house पिंपरी चिंचवड, पुणे, महाराष्ट्र•

1 hr ago

पिंपरी चिंचवड महापालिकेतर्फे 'जनगणना २०२७' अंतर्गत सुरू असलेल्या 'घरसूचीकरण व घरगणना' प्रक्रियेसाठी नागरिकांना सहकार्य करण्याचे आवाहन करण्यात आले आहे. महापालिका आयुक्त तथा प्रधान जनगणना अधिकारी डॉ. विजय सूर्यवंशी यांनी ही प्रक्रिया वेळेत व प्रभावीपणे पूर्ण करण्यासाठी नागरिकांच्या सक्रिय सहभागाची मागणी केली आहे. महापालिका क्षेत्रात १६ मेपासून प्रगणकांमार्फत ही प्रक्रिया सुरू असून, ती १४ जून २०२६ पर्यंत चालणार आहे. या जनगणनेमध्ये १ ते १५ मे २०२६ या कालावधीत स्व-गणना पूर्ण केलेल्या नागरिकांनी त्यांना प्राप्त झालेला स्व-गणना ओळख क्रमांक (SE ID) प्रगणकांना उपलब्ध करून देणे आवश्यक आहे, कारण याशिवाय संबंधित घराची जनगणना प्रक्रिया अंतिम पूर्ण होऊ शकत नाही. ज्या नागरिकांनी अद्याप स्व-गणना केलेली नाही, त्यांची माहिती प्रगणकांकडून प्रत्यक्ष भेटीद्वारे नोंदवली जात आहे. पिंपरी चिंचवड महापालिकेचे उप आयुक्त तथा शहर जनगणना अधिकारी सचिन पवार यांनी सांगितले की, जनगणना कायदा, १९४८ अंतर्गत राबविण्यात येणारी ही राष्ट्रीय पातळीवरील महत्त्वाची प्रक्रिया असून, शिक्षण, आरोग्य, पायाभूत सुविधा आणि नागरी सेवांच्या प्रभावी नियोजनासाठी अचूक व विश्वासार्ह माहिती संकलन करणे महत्त्वाचे आहे. यामुळे, नागरिकांनी अधिकृत प्रगणकांना सकारात्मक प्रतिसाद देत विचारण्यात येणारी माहिती वेळेत व अचूकपणे उपलब्ध करून 'जनगणना २०२७' प्रक्रिया यशस्वी करावी, असे आवाहनही त्यांनी केले.