मराठवाड्यातील नांदेड येथील स्वामी रामानंद तीर्थ मराठवाडा विद्यापीठाचे संस्थापक कुलगुरू डॉ. जनार्दन वाघमारे यांचे विद्यापीठ परिसरात स्मारक उभारण्याची मागणी 'डॉ. जनार्दन वाघमारे विचार मंच'च्या शिष्टमंडळाने शुक्रवारी केली. या शिष्टमंडळाने विद्यापीठाचे कुलगुरू डॉ. मनोहर चासकर यांची भेट घेऊन ही मागणी सादर केली. संस्थापक कुलगुरू आणि थोर शिक्षणतज्ञ कै. डॉ. जनार्दन वाघमारे यांचे कार्य अविस्मरणीय असून, त्यांनी स्वामी रामानंद तीर्थ मराठवाडा विद्यापीठाची मुहूर्तमेढ रोवून मराठवाड्यातील उच्च शिक्षणाची ज्योत प्रज्वलित केली. त्यांचे शैक्षणिक, सामाजिक व प्रशासकीय योगदान पुढील पिढ्यांना प्रेरणा मिळावी यासाठी विद्यापीठ परिसरात स्मारक उभारण्याची मागणी करण्यात आली आहे. मराठवाड्यात उच्च शिक्षणाच्या विकेंद्रीकरणासाठी १७ सप्टेंबर १९९४ रोजी स्थापन झालेल्या या विद्यापीठाचे संस्थापक कुलगुरू म्हणून डॉ. जनार्दन वाघमारे यांनी १७/०९/१९९४ ते १६/०९/१९९९ या काळात दूरदृष्टीने काम केले. विद्यापीठाची इमारत, विविध अभ्यासक्रम, महाविद्यालयांची संलग्नता आणि नोकरभरती या सर्वांची पायाभरणी त्यांनी अत्यंत मजबूत पद्धतीने केली. त्यामुळे त्यांचे स्मारक हे केवळ व्यक्तीचे स्मारक नसून विद्यापीठाच्या निर्मिती पर्वाचे प्रतीक ठरेल असे शिष्टमंडळाने नमूद केले. डॉ. जनार्दन वाघमारे विचार मंचच्या शिष्टमंडळात मंचचे अध्यक्ष प्रा. सुधीर साळुंखे, सचिव डॉ. दिगंबर नेटके, सिनेट सदस्य डॉ. अशोक मोटे, सिनेट सदस्य तथा प्राचार्य डॉ. संजय वाघमारे, प्राचार्य डॉ. सतीश यादव, डॉ. विनोद चव्हाण, विक्रम कदम आणि ॲड. निशांत वाघमारे यांचा समावेश होता. दरम्यान, राष्ट्रवादी काँग्रेस पार्टीचे आमदार रोहित पवार यांनीही कुलगुरू डॉ. मनोहर चासकर यांना दूरध्वनीवरून डॉ. जनार्दन वाघमारे यांच्या स्मारकासंदर्भात सूचना केली आहे.

Sunil Gawali

शिरूर-अनंतपाळ, लातूर, महाराष्ट्र•

9 hrs ago

मराठवाड्यातील नांदेड येथील स्वामी रामानंद तीर्थ मराठवाडा विद्यापीठाचे संस्थापक कुलगुरू डॉ. जनार्दन वाघमारे यांचे विद्यापीठ परिसरात स्मारक उभारण्याची मागणी 'डॉ. जनार्दन वाघमारे विचार मंच'च्या शिष्टमंडळाने शुक्रवारी केली. या शिष्टमंडळाने विद्यापीठाचे कुलगुरू डॉ. मनोहर चासकर यांची भेट घेऊन ही मागणी सादर केली. संस्थापक कुलगुरू आणि थोर शिक्षणतज्ञ कै. डॉ. जनार्दन वाघमारे यांचे कार्य अविस्मरणीय असून, त्यांनी स्वामी रामानंद तीर्थ मराठवाडा विद्यापीठाची मुहूर्तमेढ रोवून मराठवाड्यातील उच्च शिक्षणाची ज्योत प्रज्वलित केली. त्यांचे शैक्षणिक, सामाजिक व प्रशासकीय योगदान पुढील पिढ्यांना प्रेरणा मिळावी यासाठी विद्यापीठ परिसरात स्मारक उभारण्याची मागणी करण्यात आली आहे. मराठवाड्यात उच्च शिक्षणाच्या विकेंद्रीकरणासाठी १७ सप्टेंबर १९९४ रोजी स्थापन झालेल्या या विद्यापीठाचे संस्थापक कुलगुरू म्हणून डॉ. जनार्दन वाघमारे यांनी १७/०९/१९९४ ते १६/०९/१९९९ या काळात दूरदृष्टीने काम केले. विद्यापीठाची इमारत, विविध अभ्यासक्रम, महाविद्यालयांची संलग्नता आणि नोकरभरती या सर्वांची पायाभरणी त्यांनी अत्यंत मजबूत पद्धतीने केली. त्यामुळे त्यांचे स्मारक हे केवळ व्यक्तीचे स्मारक नसून विद्यापीठाच्या निर्मिती पर्वाचे प्रतीक ठरेल असे शिष्टमंडळाने नमूद केले. डॉ. जनार्दन वाघमारे विचार मंचच्या शिष्टमंडळात मंचचे अध्यक्ष प्रा. सुधीर साळुंखे, सचिव डॉ. दिगंबर नेटके, सिनेट सदस्य डॉ. अशोक मोटे, सिनेट सदस्य तथा प्राचार्य डॉ. संजय वाघमारे, प्राचार्य डॉ. सतीश यादव, डॉ. विनोद चव्हाण, विक्रम कदम आणि ॲड. निशांत वाघमारे यांचा समावेश होता. दरम्यान, राष्ट्रवादी काँग्रेस पार्टीचे आमदार रोहित पवार यांनीही कुलगुरू डॉ. मनोहर चासकर यांना दूरध्वनीवरून डॉ. जनार्दन वाघमारे यांच्या स्मारकासंदर्भात सूचना केली आहे.