ગોધરામાં ૭૬ લાખની વ્હેલ માછલીની ઉલ્ટીસાથે એક શખ્સ ઝડપાયો પંચમહાલ એસ.ઓ.જી. પોલીસની મોટી કાર્યવાહી પંચમહાલ-ગોધરા સ્પેશિયલ ઓપરેશન ગ્રુપએ બાતમીના આધારે ગોધરા-બામરોલી ચોકડી પાસેથી ₹૭૬.૮૦ લાખની કિંમતના ૭૬૮ ગ્રામ શંકાસ્પદ વ્હેલ માછલીની ઉલ્ટી સાથે એક ઇસમને ઝડપી પાડી વન્યપ્રાણી સંરક્ષણ અધિનિયમ હેઠળ કાયદેસરની કાર્યવાહી હાથ ધરી છે. પંચમહાલ ગોધરા રેન્જના આઈ.જી. આર. વી. અસારી તથા પોલીસ અધિક્ષક ડૉ. હરેશભાઈ દુધાત દ્વારા વન્યપ્રાણીઓના અવશેષોની ગેરકાયદે હેરફેર રોકવા આપેલી સૂચના અન્વયે એસ.ઓ.જી. પી.આઈ. આર. એ. પટેલના માર્ગદર્શન હેઠળ ટીમ પેટ્રોલિંગમાં હતી તે દરમિયાન પોલીસ કોન્સ્ટેબલ હિતેશકુમારને મળેલી ચોક્કસ બાતમીના આધારે બામરોલી ચોકડી પાસે વોચ ગોઠવવામાં આવી હતી. આ દરમિયાન શંકાસ્પદ હોન્ડા એક્ટિવા નંબર GJ17CJ8635 ને રોકી તપાસ કરતા ચાલક સુરેશ રજનસિંહ બારીયા રહે. ધોળી, તા. ગોધરાની ગાડીની ડેકીમાંથી પ્લાસ્ટિકની થેલીમાં રાખેલ સફેદ રંગનો શંકાસ્પદ ઘન પદાર્થ મળી આવ્યો હતો. એફ.એસ.એલ. અધિકારી અને રેન્જ ફોરેસ્ટ ઓફિસર દ્વારા સ્થળ પર કરવામાં આવેલી પ્રાથમિક તપાસમાં આ પદાર્થ કિંમતી એમ્બરગ્રીસ હોવાનું ખુલ્યું હતું. પૂછપરછ દરમિયાન આરોપીએ કબૂલાત કરી હતી કે તે આ જથ્થો વડોદરાથી લાવ્યો હતો અને ઊંચી કિંમતે વેચી કમિશન મેળવવા માટે ગ્રાહકની શોધમાં હતો. પોલીસે ₹૭૬,૮૦,૦૦૦ ની કિંમતનું એમ્બરગ્રીસ, ₹૪૦,૦૦૦ ની એક્ટિવા અને ₹૩,૦૦૦ નો મોબાઈલ ફોન મળી કુલ ₹૭૭.૨૩ લાખનો મુદ્દામાલ જપ્ત કર્યો છે. હાલ પકડાયેલ આરોપી અને મુદ્દામાલને આગળની તપાસ અને કાયદેસરની કાર્યવાહી માટે વન વિભાગને સોંપવામાં આવ્યો છે.

Ashish Baria

પત્રકાર ગોધરા, પંચમહાલ, ગુજરાત•

2 hrs ago

ગોધરામાં ૭૬ લાખની વ્હેલ માછલીની ઉલ્ટીસાથે એક શખ્સ ઝડપાયો પંચમહાલ એસ.ઓ.જી. પોલીસની મોટી કાર્યવાહી પંચમહાલ-ગોધરા સ્પેશિયલ ઓપરેશન ગ્રુપએ બાતમીના આધારે ગોધરા-બામરોલી ચોકડી પાસેથી ₹૭૬.૮૦ લાખની કિંમતના ૭૬૮ ગ્રામ શંકાસ્પદ વ્હેલ માછલીની ઉલ્ટી સાથે એક ઇસમને ઝડપી પાડી વન્યપ્રાણી સંરક્ષણ અધિનિયમ હેઠળ કાયદેસરની કાર્યવાહી હાથ ધરી છે. પંચમહાલ ગોધરા રેન્જના આઈ.જી. આર. વી. અસારી તથા પોલીસ અધિક્ષક ડૉ. હરેશભાઈ દુધાત દ્વારા વન્યપ્રાણીઓના અવશેષોની ગેરકાયદે હેરફેર રોકવા આપેલી સૂચના અન્વયે એસ.ઓ.જી. પી.આઈ. આર. એ. પટેલના માર્ગદર્શન હેઠળ ટીમ પેટ્રોલિંગમાં હતી તે દરમિયાન પોલીસ કોન્સ્ટેબલ હિતેશકુમારને મળેલી ચોક્કસ બાતમીના આધારે બામરોલી ચોકડી પાસે વોચ ગોઠવવામાં આવી હતી. આ દરમિયાન શંકાસ્પદ હોન્ડા એક્ટિવા નંબર GJ17CJ8635 ને રોકી તપાસ કરતા ચાલક સુરેશ રજનસિંહ બારીયા રહે. ધોળી, તા. ગોધરાની ગાડીની ડેકીમાંથી પ્લાસ્ટિકની થેલીમાં રાખેલ સફેદ રંગનો શંકાસ્પદ ઘન પદાર્થ મળી આવ્યો હતો. એફ.એસ.એલ. અધિકારી અને રેન્જ ફોરેસ્ટ ઓફિસર દ્વારા સ્થળ પર કરવામાં આવેલી પ્રાથમિક તપાસમાં આ પદાર્થ કિંમતી એમ્બરગ્રીસ હોવાનું ખુલ્યું હતું. પૂછપરછ દરમિયાન આરોપીએ કબૂલાત કરી હતી કે તે આ જથ્થો વડોદરાથી લાવ્યો હતો અને ઊંચી કિંમતે વેચી કમિશન મેળવવા માટે ગ્રાહકની શોધમાં હતો. પોલીસે ₹૭૬,૮૦,૦૦૦ ની કિંમતનું એમ્બરગ્રીસ, ₹૪૦,૦૦૦ ની એક્ટિવા અને ₹૩,૦૦૦ નો મોબાઈલ ફોન મળી કુલ ₹૭૭.૨૩ લાખનો મુદ્દામાલ જપ્ત કર્યો છે. હાલ પકડાયેલ આરોપી અને મુદ્દામાલને આગળની તપાસ અને કાયદેસરની કાર્યવાહી માટે વન વિભાગને સોંપવામાં આવ્યો છે.