राज्यात विकासाचे दावे केले जात असतानाच, विधान परिषदेत समोर आलेल्या धक्कादायक आकडेवारीने बालकांच्या आरोग्याचा गंभीर प्रश्न पुन्हा एकदा ऐरणीवर आला आहे. सन २०२६ मध्ये राज्यात तब्बल १३ हजार ३२१ बालके तीव्र कुपोषित असल्याचे निष्पन्न झाले आहे. यामध्ये जळगाव जिल्ह्याची स्थिती सर्वात चिंताजनक असून, तिथे ३ हजार ८१४ तीव्र कुपोषित बालकांची नोंद झाली आहे. विधान परिषदेत आमदार प्रसाद लाड, सुनील शिंदे आणि एकनाथ खडसे यांनी रायगड व जळगाव जिल्ह्यातील कुपोषित बालकांच्या स्थितीबाबत प्रश्न उपस्थित केले होते. यावर लेखी उत्तर देताना महिला व बालविकास मंत्री आदिती तटकरे यांनी सर्वेक्षणातील आकडेवारी मांडली. रायगड जिल्ह्यात मार्च २०२६ मध्ये झालेल्या आरोग्य तपासणीत ९४ हजार ६१३ बालकांपैकी ३७१ बालके कुपोषित, तर त्यातील ४१ बालके तीव्र कुपोषित असल्याचे आढळून आले. जळगावमध्ये केलेल्या तपासणीत कमी वजनाची १९ हजार ५२९ बालके आढळली, ज्यात ३ हजार ८१४ बालके तीव्र कुपोषित असल्याचे स्पष्ट झाले. मंत्री आदिती तटकरे यांनी स्पष्ट केले की, एकात्मिक बालविकास सेवा योजनेंतर्गत अंगणवाडी सेविका दरमहा बालकांचे वजन आणि उंची मोजतात, ज्याची नोंद 'पोषण ट्रॅकर' प्रणालीमध्ये केली जाते. गेल्या तीन वर्षांच्या आकडेवारीवर नजर टाकल्यास, मार्च २०२४ मध्ये ५१ हजार ४७५, मार्च २०२५ मध्ये २९ हजार १०७, तर मार्च २०२६ मध्ये १३ हजार ३२१ बालके तीव्र कुपोषित असल्याचे समोर आले आहे.

Kiran Mali

Local News Reporter धरणगाव, जळगाव, महाराष्ट्र•

6 hrs ago

राज्यात विकासाचे दावे केले जात असतानाच, विधान परिषदेत समोर आलेल्या धक्कादायक आकडेवारीने बालकांच्या आरोग्याचा गंभीर प्रश्न पुन्हा एकदा ऐरणीवर आला आहे. सन २०२६ मध्ये राज्यात तब्बल १३ हजार ३२१ बालके तीव्र कुपोषित असल्याचे निष्पन्न झाले आहे. यामध्ये जळगाव जिल्ह्याची स्थिती सर्वात चिंताजनक असून, तिथे ३ हजार ८१४ तीव्र कुपोषित बालकांची नोंद झाली आहे. विधान परिषदेत आमदार प्रसाद लाड, सुनील शिंदे आणि एकनाथ खडसे यांनी रायगड व जळगाव जिल्ह्यातील कुपोषित बालकांच्या स्थितीबाबत प्रश्न उपस्थित केले होते. यावर लेखी उत्तर देताना महिला व बालविकास मंत्री आदिती तटकरे यांनी सर्वेक्षणातील आकडेवारी मांडली. रायगड जिल्ह्यात मार्च २०२६ मध्ये झालेल्या आरोग्य तपासणीत ९४ हजार ६१३ बालकांपैकी ३७१ बालके कुपोषित, तर त्यातील ४१ बालके तीव्र कुपोषित असल्याचे आढळून आले. जळगावमध्ये केलेल्या तपासणीत कमी वजनाची १९ हजार ५२९ बालके आढळली, ज्यात ३ हजार ८१४ बालके तीव्र कुपोषित असल्याचे स्पष्ट झाले. मंत्री आदिती तटकरे यांनी स्पष्ट केले की, एकात्मिक बालविकास सेवा योजनेंतर्गत अंगणवाडी सेविका दरमहा बालकांचे वजन आणि उंची मोजतात, ज्याची नोंद 'पोषण ट्रॅकर' प्रणालीमध्ये केली जाते. गेल्या तीन वर्षांच्या आकडेवारीवर नजर टाकल्यास, मार्च २०२४ मध्ये ५१ हजार ४७५, मार्च २०२५ मध्ये २९ हजार १०७, तर मार्च २०२६ मध्ये १३ हजार ३२१ बालके तीव्र कुपोषित असल्याचे समोर आले आहे.