മഴക്കുറവിൽ പാടങ്ങൾ വിണ്ടുകീറുന്നു; ഒന്നാംവിള കൃഷി നഷ്ടമാകുമെന്ന ആശങ്കയിൽ കർഷകർ മഴക്കുറവിൽ പാടങ്ങൾ വിണ്ടുകീറുന്നു; ഒന്നാംവിള കൃഷി നഷ്ടമാകുമെന്ന ആശങ്കയിൽ കർഷകർ ചിറ്റിലഞ്ചേരി: ഏറെ പ്രതീക്ഷയോടെ ഒന്നാംവിള നെൽകൃഷിയിറക്കിയ കർഷകർ അപ്രതീക്ഷിതമായി മഴ കുറഞ്ഞതോടെ ദുരിതത്തിൽ. മഴക്കുറവ് മൂലം കൃഷിയിറക്കാൻ വൈകിയെങ്കിലും പിന്നീട് ലഭിച്ച മഴയിൽ നെൽച്ചെടികൾ നന്നായി വളർന്നിരുന്നു. വളപ്രയോഗവും പൂർത്തിയാക്കി കതിർ വരുന്ന സമയത്ത് പാടങ്ങളിൽ വെള്ളമില്ലാതായതാണ് കർഷകരെ ആശങ്കയിലാക്കുന്നത്. മേലാർകോട് കുണ്ടുപറമ്പിലെ കർഷക രാധയുടെ പാടത്തും വെള്ളമില്ലാത്തതിനെ തുടർന്ന് മണ്ണ് വിണ്ടുകീറിത്തുടങ്ങി. കതിർ വരുന്ന സമയത്ത് ആവശ്യത്തിന് വെള്ളം ലഭിക്കാതെ വന്നാൽ കതിരുകൾ പതിരായി മാറുമെന്ന ആശങ്കയിലാണ് രാധ. മഴ മാറിയതോടെ ദിവസങ്ങൾക്കുള്ളിലാണ് പാടത്ത് വിള്ളലുകൾ രൂപപ്പെട്ടതെന്നും കർഷകർ പറയുന്നു. ഇനി അടിയന്തരമായി വെള്ളം ലഭിച്ചില്ലെങ്കിൽ ഒന്നാംവിള കൃഷി തന്നെ നഷ്ടപ്പെടുന്ന സാഹചര്യമാണെന്ന് കർഷകർ ചൂണ്ടിക്കാട്ടുന്നു. മഴ ലഭിച്ചില്ലെങ്കിൽ പോത്തുണ്ടി അണക്കെട്ടിൽനിന്നുള്ള ജലവിതരണമാണ് കർഷകരുടെ ഏക പ്രതീക്ഷ. അണക്കെട്ടിൽനിന്ന് ആവശ്യമായ വെള്ളം ലഭിച്ചില്ലെങ്കിൽ കൃഷി സംരക്ഷിക്കാൻ കഴിയാത്ത സ്ഥിതിയാകുമെന്ന ആശങ്കയും ശക്തമാണ്. പോത്തുണ്ടി അണക്കെട്ടിൽനിന്നാണ് നെന്മാറ, അയിലൂർ, മേലാർകോട്, വണ്ടാഴി, വടക്കഞ്ചേരി, പല്ലശ്ശന, എരിമയൂർ കൃഷിഭവനുകളുടെ പരിധിയിലെ വിവിധ പാടശേഖരങ്ങളിലേക്ക് ജലസേചനം നടത്തുന്നത്. 55 അടി സംഭരണശേഷിയുള്ള പോത്തുണ്ടി അണക്കെട്ടിൽ നിലവിൽ 40 അടി വെള്ളമാണുള്ളത്. അതേസമയം, അയിലൂരിലെ ബ്രാഹ്‌മണ്യാപുരം, പുതുച്ചി, ചീതാവ്, മുതുകുന്നി, പാലമൊക്ക് തുടങ്ങിയ വാലറ്റ പ്രദേശങ്ങളിൽ ഇതിനോടകം വെള്ളമില്ലാത്ത സ്ഥിതിയാണ്. മഴ തുടർന്നും വിട്ടുനിന്നാൽ കൂടുതൽ പാടശേഖരങ്ങളിലേക്ക് ജലക്ഷാമം വ്യാപിക്കുമെന്ന ആശങ്കയിലാണ് കർഷകർ. കൃഷി നശിക്കുന്നതിന് മുമ്പ് അടിയന്തരമായി ജലവിതരണം ഉറപ്പാക്കണമെന്നാണ് കർഷകരുടെ ആവശ്യം.

Risban Mohamed

ആലത്തൂർ, പാലക്കാട്, കേരളം•

19 hrs ago

മഴക്കുറവിൽ പാടങ്ങൾ വിണ്ടുകീറുന്നു; ഒന്നാംവിള കൃഷി നഷ്ടമാകുമെന്ന ആശങ്കയിൽ കർഷകർ മഴക്കുറവിൽ പാടങ്ങൾ വിണ്ടുകീറുന്നു; ഒന്നാംവിള കൃഷി നഷ്ടമാകുമെന്ന ആശങ്കയിൽ കർഷകർ ചിറ്റിലഞ്ചേരി: ഏറെ പ്രതീക്ഷയോടെ ഒന്നാംവിള നെൽകൃഷിയിറക്കിയ കർഷകർ അപ്രതീക്ഷിതമായി മഴ കുറഞ്ഞതോടെ ദുരിതത്തിൽ. മഴക്കുറവ് മൂലം കൃഷിയിറക്കാൻ വൈകിയെങ്കിലും പിന്നീട് ലഭിച്ച മഴയിൽ നെൽച്ചെടികൾ നന്നായി വളർന്നിരുന്നു. വളപ്രയോഗവും പൂർത്തിയാക്കി കതിർ വരുന്ന സമയത്ത് പാടങ്ങളിൽ വെള്ളമില്ലാതായതാണ് കർഷകരെ ആശങ്കയിലാക്കുന്നത്. മേലാർകോട് കുണ്ടുപറമ്പിലെ കർഷക രാധയുടെ പാടത്തും വെള്ളമില്ലാത്തതിനെ തുടർന്ന് മണ്ണ് വിണ്ടുകീറിത്തുടങ്ങി. കതിർ വരുന്ന സമയത്ത് ആവശ്യത്തിന് വെള്ളം ലഭിക്കാതെ വന്നാൽ കതിരുകൾ പതിരായി മാറുമെന്ന ആശങ്കയിലാണ് രാധ. മഴ മാറിയതോടെ ദിവസങ്ങൾക്കുള്ളിലാണ് പാടത്ത് വിള്ളലുകൾ രൂപപ്പെട്ടതെന്നും കർഷകർ പറയുന്നു. ഇനി അടിയന്തരമായി വെള്ളം ലഭിച്ചില്ലെങ്കിൽ ഒന്നാംവിള കൃഷി തന്നെ നഷ്ടപ്പെടുന്ന സാഹചര്യമാണെന്ന് കർഷകർ ചൂണ്ടിക്കാട്ടുന്നു. മഴ ലഭിച്ചില്ലെങ്കിൽ പോത്തുണ്ടി അണക്കെട്ടിൽനിന്നുള്ള ജലവിതരണമാണ് കർഷകരുടെ ഏക പ്രതീക്ഷ. അണക്കെട്ടിൽനിന്ന് ആവശ്യമായ വെള്ളം ലഭിച്ചില്ലെങ്കിൽ കൃഷി സംരക്ഷിക്കാൻ കഴിയാത്ത സ്ഥിതിയാകുമെന്ന ആശങ്കയും ശക്തമാണ്. പോത്തുണ്ടി അണക്കെട്ടിൽനിന്നാണ് നെന്മാറ, അയിലൂർ, മേലാർകോട്, വണ്ടാഴി, വടക്കഞ്ചേരി, പല്ലശ്ശന, എരിമയൂർ കൃഷിഭവനുകളുടെ പരിധിയിലെ വിവിധ പാടശേഖരങ്ങളിലേക്ക് ജലസേചനം നടത്തുന്നത്. 55 അടി സംഭരണശേഷിയുള്ള പോത്തുണ്ടി അണക്കെട്ടിൽ നിലവിൽ 40 അടി വെള്ളമാണുള്ളത്. അതേസമയം, അയിലൂരിലെ ബ്രാഹ്‌മണ്യാപുരം, പുതുച്ചി, ചീതാവ്, മുതുകുന്നി, പാലമൊക്ക് തുടങ്ങിയ വാലറ്റ പ്രദേശങ്ങളിൽ ഇതിനോടകം വെള്ളമില്ലാത്ത സ്ഥിതിയാണ്. മഴ തുടർന്നും വിട്ടുനിന്നാൽ കൂടുതൽ പാടശേഖരങ്ങളിലേക്ക് ജലക്ഷാമം വ്യാപിക്കുമെന്ന ആശങ്കയിലാണ് കർഷകർ. കൃഷി നശിക്കുന്നതിന് മുമ്പ് അടിയന്തരമായി ജലവിതരണം ഉറപ്പാക്കണമെന്നാണ് കർഷകരുടെ ആവശ്യം.