मुलींच्या शिक्षणाला प्रोत्साहन देण्यासाठी आणि शिक्षण सक्षमीकरणाचा आदर्श निर्माण करण्यासाठी, चंद्रपूरमधील बोर्डा गावात रोटरी क्लब चंद्रपूरच्या वतीने एका विशेष कार्यक्रमाचे आयोजन करण्यात आले. या कार्यक्रमात राज्याचे माजी मंत्री तथा आमदार श्री. सुधीर मुनगंटीवार यांच्या हस्ते जिल्हा परिषद शाळेतील २५ विद्यार्थिनींना सायकलींचे वितरण करण्यात आले. या उपक्रमामुळे विद्यार्थिनींना शिक्षणासाठी आवश्यक सुविधा मिळाल्या असून त्यांचा आत्मविश्वास वाढवणाऱ्या या प्रयत्नामुळे शिक्षण सक्षमीकरणाचा प्रभावी संदेश समाजात पोहोचला आहे. यावेळी रोटरी क्लबचे अध्यक्ष संदीप रामटेके, सचिव राजेश गण्यारपवार, प्रकल्प संचालक अनुप यादव, गोंडवाना विद्यापीठाचे माजी कुलगुरू डॉ. विजय आईंचवार, जिल्हा परिषद शाळेचे मुख्याध्यापक प्रशांत कातकर, उपसरपंच दीपक खनके, भाजपा जिल्हा महामंत्री शुभम गेडाम आणि शिक्षक राहुल गंधारे यांसह अनेक मान्यवर उपस्थित होते. आ. मुनगंटीवार यांनी या प्रसंगी मार्गदर्शन करताना बल्लारपूर मतदारसंघाला महाराष्ट्रातच नव्हे, तर देशात आदर्श आणि क्रमांक एकचा मतदारसंघ बनवण्याची आपली भूमिका सातत्याने राहिली असल्याचे सांगितले. त्यांनी रोटरी क्लबच्या कार्याचे कौतुक केले आणि सायकलींच्या वितरणाने विद्यार्थिनींच्या शिक्षणाच्या प्रवासाला गती मिळेल असे म्हटले. मुनगंटीवार यांनी समाजहितासाठी योगदान देणाऱ्या सामाजिक संस्था आणि दानशूर व्यक्तींचे आभार मानले, तसेच इतरांनीही सामाजिक कार्यात सक्रिय सहभाग नोंदवावा असे आवाहन केले. मुलींना शिक्षणासाठी सायकली उपलब्ध करून देणे ही काळाची गरज असून, अशा उपक्रमांमुळे त्यांचे भविष्य अधिक सक्षम होईल यावर त्यांनी भर दिला. त्यांनी जिल्ह्यातील सुमारे पाच हजार मुलींना कौशल्याधारित शिक्षणाची संधी उपलब्ध करून देण्यासाठी एसएनडीटी विद्यापीठाचे उपकेंद्र उभारण्याचे काम सुरू असल्याची माहिती दिली. तसेच, बल्लारपूर येथे स्वर्गीय सुषमा स्वराज यांच्या नावाने उभारण्यात येत असलेल्या कौशल्य विकास केंद्रामध्ये महिलांना रोजगारक्षम बनवण्यासाठी विविध प्रशिक्षण अभ्यासक्रम दिले जाणार असून, या केंद्राचे उद्घाटन लवकरच होणार असल्याचेही त्यांनी सांगितले. बोर्डा गावात सिमेंट रस्ते, पिण्याच्या पाण्याच्या सुविधा, शहीद स्मारक आणि विविध सामाजिक सभागृहांसह अनेक विकासकामे पूर्ण झाल्याची माहितीही आ. मुनगंटीवार यांनी दिली. सायकली मिळाल्याने विद्यार्थिनींचा शाळेत ये-जा करण्याचा वेळ वाचेल, त्या वेळेचा उपयोग त्यांनी अधिक वाचन, अध्ययन आणि ज्ञानार्जनासाठी करावा, असे आवाहन त्यांनी केले. तसेच, शिक्षणाच्या बळावर बोर्डा गावाचे नाव उज्ज्वल करावे अशी अपेक्षा व्यक्त केली. प्रतिनिधिक स्वरूपात आराध्या राजेंद्र संत्रे, काव्या सतीश लोणगाडगे, शिवण्या विकास मडावी, अभिलाषा श्यामलाल शेंडे आणि जैनबखातून मुश्ताक शहा या विद्यार्थिनींसह एकूण २५ मुलींना सायकलींचे वितरण करण्यात आले. या उपक्रमाने विद्यार्थिनींच्या शिक्षणाच्या प्रवासाला मोठे बळ मिळाले असून, शाळेत ये-जा करण्यासाठी त्यांना मोठी सुविधा उपलब्ध झाली आहे. कार्यक्रमाच्या शेवटी नवीन चोरडिया, गुरजीतसिंग गडहोक, अनुप पोरेड्डीवर, जय वाघाडे यांनी मुनगंटीवार यांचा शाल, श्रीफळ व स्मृतिचिन्ह देऊन सत्कार केला. कार्यक्रमाचे संचालन डॉ. सिमला गाजरलावार यांनी केले, तर आभार प्रदर्शन सचिव राजेश गन्नारपवार यांनी केले.

राहुल पाटील (मराठीचे शिलेदार)

Co-ed school हिंगणा, नागपूर, महाराष्ट्र•

3 hrs ago

मुलींच्या शिक्षणाला प्रोत्साहन देण्यासाठी आणि शिक्षण सक्षमीकरणाचा आदर्श निर्माण करण्यासाठी, चंद्रपूरमधील बोर्डा गावात रोटरी क्लब चंद्रपूरच्या वतीने एका विशेष कार्यक्रमाचे आयोजन करण्यात आले. या कार्यक्रमात राज्याचे माजी मंत्री तथा आमदार श्री. सुधीर मुनगंटीवार यांच्या हस्ते जिल्हा परिषद शाळेतील २५ विद्यार्थिनींना सायकलींचे वितरण करण्यात आले. या उपक्रमामुळे विद्यार्थिनींना शिक्षणासाठी आवश्यक सुविधा मिळाल्या असून त्यांचा आत्मविश्वास वाढवणाऱ्या या प्रयत्नामुळे शिक्षण सक्षमीकरणाचा प्रभावी संदेश समाजात पोहोचला आहे. यावेळी रोटरी क्लबचे अध्यक्ष संदीप रामटेके, सचिव राजेश गण्यारपवार, प्रकल्प संचालक अनुप यादव, गोंडवाना विद्यापीठाचे माजी कुलगुरू डॉ. विजय आईंचवार, जिल्हा परिषद शाळेचे मुख्याध्यापक प्रशांत कातकर, उपसरपंच दीपक खनके, भाजपा जिल्हा महामंत्री शुभम गेडाम आणि शिक्षक राहुल गंधारे यांसह अनेक मान्यवर उपस्थित होते. आ. मुनगंटीवार यांनी या प्रसंगी मार्गदर्शन करताना बल्लारपूर मतदारसंघाला महाराष्ट्रातच नव्हे, तर देशात आदर्श आणि क्रमांक एकचा मतदारसंघ बनवण्याची आपली भूमिका सातत्याने राहिली असल्याचे सांगितले. त्यांनी रोटरी क्लबच्या कार्याचे कौतुक केले आणि सायकलींच्या वितरणाने विद्यार्थिनींच्या शिक्षणाच्या प्रवासाला गती मिळेल असे म्हटले. मुनगंटीवार यांनी समाजहितासाठी योगदान देणाऱ्या सामाजिक संस्था आणि दानशूर व्यक्तींचे आभार मानले, तसेच इतरांनीही सामाजिक कार्यात सक्रिय सहभाग नोंदवावा असे आवाहन केले. मुलींना शिक्षणासाठी सायकली उपलब्ध करून देणे ही काळाची गरज असून, अशा उपक्रमांमुळे त्यांचे भविष्य अधिक सक्षम होईल यावर त्यांनी भर

दिला. त्यांनी जिल्ह्यातील सुमारे पाच हजार मुलींना कौशल्याधारित शिक्षणाची संधी उपलब्ध करून देण्यासाठी एसएनडीटी विद्यापीठाचे उपकेंद्र उभारण्याचे काम सुरू असल्याची माहिती दिली. तसेच, बल्लारपूर येथे स्वर्गीय सुषमा स्वराज यांच्या नावाने उभारण्यात येत असलेल्या कौशल्य विकास केंद्रामध्ये महिलांना रोजगारक्षम बनवण्यासाठी विविध प्रशिक्षण अभ्यासक्रम दिले जाणार असून, या केंद्राचे उद्घाटन लवकरच होणार असल्याचेही त्यांनी सांगितले. बोर्डा गावात सिमेंट रस्ते, पिण्याच्या पाण्याच्या सुविधा, शहीद स्मारक आणि विविध सामाजिक सभागृहांसह अनेक विकासकामे पूर्ण झाल्याची माहितीही आ. मुनगंटीवार यांनी दिली. सायकली मिळाल्याने विद्यार्थिनींचा शाळेत ये-जा करण्याचा वेळ वाचेल, त्या वेळेचा उपयोग त्यांनी अधिक वाचन, अध्ययन आणि ज्ञानार्जनासाठी करावा, असे आवाहन त्यांनी केले. तसेच, शिक्षणाच्या बळावर बोर्डा गावाचे नाव उज्ज्वल करावे अशी अपेक्षा व्यक्त केली. प्रतिनिधिक स्वरूपात आराध्या राजेंद्र संत्रे, काव्या सतीश लोणगाडगे, शिवण्या विकास मडावी, अभिलाषा श्यामलाल शेंडे आणि जैनबखातून मुश्ताक शहा या विद्यार्थिनींसह एकूण २५ मुलींना सायकलींचे वितरण करण्यात आले. या उपक्रमाने विद्यार्थिनींच्या शिक्षणाच्या प्रवासाला मोठे बळ मिळाले असून, शाळेत ये-जा करण्यासाठी त्यांना मोठी सुविधा उपलब्ध झाली आहे. कार्यक्रमाच्या शेवटी नवीन चोरडिया, गुरजीतसिंग गडहोक, अनुप पोरेड्डीवर, जय वाघाडे यांनी मुनगंटीवार यांचा शाल, श्रीफळ व स्मृतिचिन्ह देऊन सत्कार केला. कार्यक्रमाचे संचालन डॉ. सिमला गाजरलावार यांनी केले, तर आभार प्रदर्शन सचिव राजेश गन्नारपवार यांनी केले.