വ്യാജരേഖകൾ ഉപയോഗിച്ച് നടത്തിയെന്ന് ആരോപിക്കപ്പെടുന്ന അവയവക്കച്ചവട കേസിലെ അന്വേഷണം ലേക്‌ഷോർ ആശുപത്രിയിലെ ഡോക്ടർമാരിലേക്കും വ്യാപിപ്പിച്ചു. ഇതിന്റെ ഭാഗമായി ആശുപത്രിയിലെ സീനിയർ കൺസൾട്ടന്റ് ഡോ. മുഹമ്മദ് ഇഖ്ബാലിനെ ഇഡി ചോദ്യം ചെയ്തു. നിയമവിരുദ്ധമായി നടത്തിയ ശസ്ത്രക്രിയകളിൽ ഡോക്ടർമാർക്ക് കമ്മീഷൻ ലഭിച്ചിട്ടുണ്ടോ എന്ന് പരിശോധിക്കുന്നതിന്റെ ഭാഗമായി, ഡോക്ടർമാരുടെ ബാങ്ക് അക്കൗണ്ടുകളും സ്വത്ത് വിവരങ്ങളും ഇഡി പരിശോധിച്ചുവരികയാണ്. കഴിഞ്ഞ അഞ്ച് വർഷത്തെ ബാങ്ക് അക്കൗണ്ട്, സ്വത്ത് വിവരങ്ങൾ ഹാജരാക്കാൻ ഡോ. മുഹമ്മദ് ഇഖ്ബാലിനോട് ആവശ്യപ്പെട്ടിട്ടുണ്ട്. അദ്ദേഹത്തെ വീണ്ടും ചോദ്യം ചെയ്യാൻ സാധ്യതയുണ്ട്. നേരത്തെ ലേക്‌ഷോർ ആശുപത്രി മാനേജിങ് ഡയറക്ടർ എസ്. കെ. അബ്ദുല്ലയെയും ഇഡി ചോദ്യം ചെയ്തിരുന്നു. കഴിഞ്ഞ മാസം ലേക്‌ഷോർ ആശുപത്രിയുൾപ്പെടെ വിവിധ ഇടങ്ങളിൽ ഇഡി നടത്തിയ റെയ്ഡിൽ ലഭിച്ച രേഖകളുടെ അടിസ്ഥാനത്തിലാണ് അന്വേഷണം പുരോഗമിക്കുന്നത്. അവയവക്കച്ചവട റാക്കറ്റ് തലവൻ മുഹമ്മദ് നജീബിന്റെ സംഘത്തിന് സ്വകാര്യ ആശുപത്രികളുമായി ബന്ധമുണ്ടെന്നും, ധാതാക്കളെയും സ്വീകർത്താക്കളെയും എത്തിക്കുമ്പോൾ റാക്കറ്റിന് കമ്മീഷൻ ലഭിച്ചിരുന്നെന്നും ഇഡി കണ്ടെത്തിയിട്ടുണ്ട്. നിലവിൽ ലേക്‌ഷോർ ആശുപത്രി കേന്ദ്രീകരിച്ചുള്ള നടപടികൾ പൂർത്തിയാക്കിയ ശേഷം അന്വേഷണം മറ്റ് സ്വകാര്യ ആശുപത്രികളിലേക്കും വ്യാപിപ്പിക്കാനാണ് ഇഡിയുടെ തീരുമാനം.

Harikrishnan U

Local News Reporter തിരുവനന്തപുരം, തിരുവനന്തപുരം, കേരളം•

13 hrs ago

വ്യാജരേഖകൾ ഉപയോഗിച്ച് നടത്തിയെന്ന് ആരോപിക്കപ്പെടുന്ന അവയവക്കച്ചവട കേസിലെ അന്വേഷണം ലേക്‌ഷോർ ആശുപത്രിയിലെ ഡോക്ടർമാരിലേക്കും വ്യാപിപ്പിച്ചു. ഇതിന്റെ ഭാഗമായി ആശുപത്രിയിലെ സീനിയർ കൺസൾട്ടന്റ് ഡോ. മുഹമ്മദ് ഇഖ്ബാലിനെ ഇഡി ചോദ്യം ചെയ്തു. നിയമവിരുദ്ധമായി നടത്തിയ ശസ്ത്രക്രിയകളിൽ ഡോക്ടർമാർക്ക് കമ്മീഷൻ ലഭിച്ചിട്ടുണ്ടോ എന്ന് പരിശോധിക്കുന്നതിന്റെ ഭാഗമായി, ഡോക്ടർമാരുടെ ബാങ്ക് അക്കൗണ്ടുകളും സ്വത്ത് വിവരങ്ങളും ഇഡി പരിശോധിച്ചുവരികയാണ്. കഴിഞ്ഞ അഞ്ച് വർഷത്തെ ബാങ്ക് അക്കൗണ്ട്, സ്വത്ത് വിവരങ്ങൾ ഹാജരാക്കാൻ ഡോ. മുഹമ്മദ് ഇഖ്ബാലിനോട് ആവശ്യപ്പെട്ടിട്ടുണ്ട്. അദ്ദേഹത്തെ വീണ്ടും ചോദ്യം ചെയ്യാൻ സാധ്യതയുണ്ട്. നേരത്തെ ലേക്‌ഷോർ ആശുപത്രി മാനേജിങ് ഡയറക്ടർ എസ്. കെ. അബ്ദുല്ലയെയും ഇഡി ചോദ്യം ചെയ്തിരുന്നു. കഴിഞ്ഞ മാസം ലേക്‌ഷോർ ആശുപത്രിയുൾപ്പെടെ വിവിധ ഇടങ്ങളിൽ ഇഡി നടത്തിയ റെയ്ഡിൽ ലഭിച്ച രേഖകളുടെ അടിസ്ഥാനത്തിലാണ് അന്വേഷണം പുരോഗമിക്കുന്നത്. അവയവക്കച്ചവട റാക്കറ്റ് തലവൻ മുഹമ്മദ് നജീബിന്റെ സംഘത്തിന് സ്വകാര്യ ആശുപത്രികളുമായി ബന്ധമുണ്ടെന്നും, ധാതാക്കളെയും സ്വീകർത്താക്കളെയും എത്തിക്കുമ്പോൾ റാക്കറ്റിന് കമ്മീഷൻ ലഭിച്ചിരുന്നെന്നും ഇഡി കണ്ടെത്തിയിട്ടുണ്ട്. നിലവിൽ ലേക്‌ഷോർ ആശുപത്രി കേന്ദ്രീകരിച്ചുള്ള നടപടികൾ പൂർത്തിയാക്കിയ ശേഷം അന്വേഷണം മറ്റ് സ്വകാര്യ ആശുപത്രികളിലേക്കും വ്യാപിപ്പിക്കാനാണ് ഇഡിയുടെ തീരുമാനം.