గజ్వేల్ నియోజకవర్గ బీఆర్ఎస్ పార్టీ ఇంచార్జ్ వంటేరు ప్రతాప్ రెడ్డి, గజ్వేల్‌లోని ఎమ్మెల్యే క్యాంపు కార్యాలయంలో విలేకరుల సమావేశం నిర్వహించారు. కాంగ్రెస్ ప్రభుత్వం రైతులకు వ్యతిరేకంగా వ్యవహరిస్తోందని, గత కేసీఆర్ ప్రభుత్వం 24 గంటల ఉచిత విద్యుత్ అందిస్తే, ప్రస్తుత రేవంత్ రెడ్డి ప్రభుత్వం కేవలం మూడు గంటల కరెంటు సరిపోతుందని చెప్పడం దుర్మార్గమని ఆయన మండిపడ్డారు. రైతుల బోరు బావులకు స్మార్ట్ మీటర్లు బిగించవద్దని, రైతు విద్యుత్ డిస్కామ్‌లను తక్షణమే రద్దు చేయాలని ఆయన డిమాండ్ చేశారు. కేంద్రంలోని నరేంద్ర మోడీ ప్రభుత్వంతో కుమ్మక్కై కాంగ్రెస్ రేవంత్ రెడ్డి ప్రభుత్వం రైతుల నడ్డి విరిచేందుకు కుట్ర పన్నుతోందని ప్రతాప్ రెడ్డి ఆరోపించారు. ట్రాన్స్‌కో, జెన్‌కో వంటి విద్యుత్ సంస్థలు ఉండగా, ఇప్పుడు 'రైతు రెగ్యులేటరీ కమిషన్' ఏర్పాటు చేసి రైతుల మోటార్లకు మీటర్లు బిగించి డబ్బులు వసూలు చేయాలని, రైతుల రక్తాన్ని తాగాలని చూస్తున్నారని ఆగ్రహం వ్యక్తం చేశారు. రాష్ట్ర ప్రభుత్వం ₹30 వేల కోట్ల అప్పు కోసం కేంద్రంలోని నరేంద్ర మోడీ ప్రభుత్వానికి లొంగిపోయి తెలంగాణ రైతుల ఆత్మగౌరవాన్ని ఢిల్లీకి తాకట్టు పెట్టడానికి కుట్ర చేస్తోందని తీవ్ర స్థాయిలో విమర్శించారు. వ్యవసాయ బోరు మోటార్ల వద్ద మీటర్లు పెట్టనందుకే కేంద్రం ధాన్యం కొనుగోళ్లలో జాప్యం చేస్తుందని పేర్కొన్న ఆయన, రేవంత్ సర్కార్ తెలంగాణలో 1984 నాటి పరిస్థితులను తిరిగి తీసుకొస్తుందని ఆవేదన వ్యక్తం చేశారు. రైతుల రుణమాఫీని అటకెక్కించారని, రైతుబంధును బంద్ చేశారని, పంట బోనస్ ను బోగస్ చేశారని, ఎరువులు సరఫరా చేయడంలో విఫలమయ్యారని, పంటలను కొనుగోలు చేయకుండా రైతుల ప్రాణాలు తీస్తున్నారని ప్రతాప్ రెడ్డి విమర్శించారు. గత నాలుగు నెలలుగా రైతు భీమా ప్రీమియం చెల్లించకపోవడం వల్ల చనిపోయిన రైతులకు ₹5 లక్షల రైతు బీమా ఇవ్వలేని అసమర్థ ప్రభుత్వం రేవంత్ రెడ్డిదని మండిపడ్డారు. బీఆర్ఎస్ పార్టీ మీటర్లు బిగించడాన్ని తీవ్రంగా ఖండిస్తుందని, స్మార్ట్ మీటర్లకు వ్యతిరేకంగా రైతుల పక్షాన మరో ఉద్యమానికి తెరలేపుతుందని తెలిపారు. చట్టబద్ధ సంస్థలను అగౌరవపరుస్తూ రైతులను దొంగలుగా చిత్రీకరించే ప్రయత్నం కాంగ్రెస్ చేస్తోందని ఆరోపించారు. రైతు వ్యతిరేక కేంద్ర, రాష్ట్ర ప్రభుత్వాల విధానాలకు నిరసనగా జూన్ 4న 30 ట్రాక్టర్ల వడ్లతో రాజీవ్ రహదారిని దిగ్బంధం చేస్తామని ప్రతాప్ రెడ్డి హెచ్చరించారు. అప్పటికి వడ్లు కొనకపోతే 30 ట్రాక్టర్ల వడ్లను రాజీవ్ రహదారిపై పోసి దిగ్బంధనం చేసి ముఖ్యమంత్రి రేవంత్ రెడ్డి కళ్ళు తెరిపిస్తామని అన్నారు. ధాన్యం కొనుగోళ్లకు, రాజీవ్ రహదారి దిగ్బంధనానికి సంబంధించిన పూర్తి బాధ్యత సిద్దిపేట జిల్లా కలెక్టర్‌దేనని ప్రతాప్ రెడ్డి హెచ్చరించారు. ముఖ్యమంత్రి రేవంత్ రెడ్డి మొద్దు నిద్ర వీడి, రైతు డిస్కామ్‌ను రద్దుచేసి, మోటార్లకు మీటర్లు బిగించకుండా, గత కేసీఆర్ ప్రభుత్వం ఇచ్చిన 24 గంటల కరెంటును యధావిధిగా కొనసాగించి, రైతుల పంటలను చివరి గింజ వరకు కొనుగోలు చేయాలని ఆయన డిమాండ్ చేశారు. ఈ కార్యక్రమంలో మున్సిపల్ చైర్మన్ గంగిశెట్టి చందన రవీందర్, మాజీ మార్కెట్ కమిటీ చైర్మన్ మాదాస శ్రీనివాస్, పట్టణ అధ్యక్షుడు నవాజ్ మీరా, కౌన్సిలర్లు, ఇతర బీఆర్ఎస్ నాయకులు, ప్రజాప్రతినిధులు పాల్గొన్నారు.‌

KHADEER REPORTER

Journalist జగదేవ్‌పూర్, సిద్దిపేట, తెలంగాణ•

6 hrs ago

గజ్వేల్ నియోజకవర్గ బీఆర్ఎస్ పార్టీ ఇంచార్జ్ వంటేరు ప్రతాప్ రెడ్డి, గజ్వేల్‌లోని ఎమ్మెల్యే క్యాంపు కార్యాలయంలో విలేకరుల సమావేశం నిర్వహించారు. కాంగ్రెస్ ప్రభుత్వం రైతులకు వ్యతిరేకంగా వ్యవహరిస్తోందని, గత కేసీఆర్ ప్రభుత్వం 24 గంటల ఉచిత విద్యుత్ అందిస్తే, ప్రస్తుత రేవంత్ రెడ్డి ప్రభుత్వం కేవలం మూడు గంటల కరెంటు సరిపోతుందని చెప్పడం దుర్మార్గమని ఆయన మండిపడ్డారు. రైతుల బోరు బావులకు స్మార్ట్ మీటర్లు బిగించవద్దని, రైతు విద్యుత్ డిస్కామ్‌లను తక్షణమే రద్దు చేయాలని ఆయన డిమాండ్ చేశారు. కేంద్రంలోని నరేంద్ర మోడీ ప్రభుత్వంతో కుమ్మక్కై కాంగ్రెస్ రేవంత్ రెడ్డి ప్రభుత్వం రైతుల నడ్డి విరిచేందుకు కుట్ర పన్నుతోందని ప్రతాప్ రెడ్డి ఆరోపించారు. ట్రాన్స్‌కో, జెన్‌కో వంటి విద్యుత్ సంస్థలు ఉండగా, ఇప్పుడు 'రైతు రెగ్యులేటరీ కమిషన్' ఏర్పాటు చేసి రైతుల మోటార్లకు మీటర్లు బిగించి డబ్బులు వసూలు చేయాలని, రైతుల రక్తాన్ని తాగాలని చూస్తున్నారని ఆగ్రహం వ్యక్తం చేశారు. రాష్ట్ర ప్రభుత్వం ₹30 వేల కోట్ల అప్పు కోసం కేంద్రంలోని నరేంద్ర మోడీ ప్రభుత్వానికి లొంగిపోయి తెలంగాణ రైతుల ఆత్మగౌరవాన్ని ఢిల్లీకి తాకట్టు పెట్టడానికి కుట్ర చేస్తోందని తీవ్ర స్థాయిలో విమర్శించారు. వ్యవసాయ బోరు మోటార్ల వద్ద మీటర్లు పెట్టనందుకే కేంద్రం ధాన్యం కొనుగోళ్లలో జాప్యం చేస్తుందని పేర్కొన్న ఆయన, రేవంత్ సర్కార్ తెలంగాణలో 1984 నాటి పరిస్థితులను తిరిగి తీసుకొస్తుందని ఆవేదన వ్యక్తం చేశారు. రైతుల రుణమాఫీని అటకెక్కించారని, రైతుబంధును బంద్ చేశారని, పంట బోనస్ ను బోగస్ చేశారని, ఎరువులు సరఫరా చేయడంలో విఫలమయ్యారని, పంటలను కొనుగోలు చేయకుండా రైతుల ప్రాణాలు తీస్తున్నారని ప్రతాప్ రెడ్డి విమర్శించారు. గత నాలుగు నెలలుగా రైతు భీమా ప్రీమియం చెల్లించకపోవడం వల్ల చనిపోయిన రైతులకు ₹5 లక్షల రైతు బీమా ఇవ్వలేని అసమర్థ ప్రభుత్వం రేవంత్ రెడ్డిదని మండిపడ్డారు. బీఆర్ఎస్ పార్టీ మీటర్లు బిగించడాన్ని తీవ్రంగా ఖండిస్తుందని, స్మార్ట్ మీటర్లకు వ్యతిరేకంగా రైతుల పక్షాన మరో ఉద్యమానికి తెరలేపుతుందని తెలిపారు. చట్టబద్ధ సంస్థలను అగౌరవపరుస్తూ రైతులను దొంగలుగా చిత్రీకరించే ప్రయత్నం కాంగ్రెస్ చేస్తోందని ఆరోపించారు. రైతు వ్యతిరేక కేంద్ర, రాష్ట్ర ప్రభుత్వాల విధానాలకు నిరసనగా జూన్ 4న 30 ట్రాక్టర్ల వడ్లతో రాజీవ్ రహదారిని దిగ్బంధం చేస్తామని ప్రతాప్ రెడ్డి హెచ్చరించారు. అప్పటికి వడ్లు కొనకపోతే 30 ట్రాక్టర్ల వడ్లను రాజీవ్ రహదారిపై పోసి దిగ్బంధనం చేసి ముఖ్యమంత్రి రేవంత్ రెడ్డి కళ్ళు తెరిపిస్తామని అన్నారు. ధాన్యం కొనుగోళ్లకు, రాజీవ్ రహదారి దిగ్బంధనానికి సంబంధించిన పూర్తి బాధ్యత సిద్దిపేట జిల్లా కలెక్టర్‌దేనని ప్రతాప్ రెడ్డి హెచ్చరించారు. ముఖ్యమంత్రి రేవంత్ రెడ్డి మొద్దు నిద్ర వీడి, రైతు డిస్కామ్‌ను రద్దుచేసి, మోటార్లకు మీటర్లు బిగించకుండా, గత కేసీఆర్ ప్రభుత్వం ఇచ్చిన 24 గంటల కరెంటును యధావిధిగా కొనసాగించి, రైతుల పంటలను చివరి గింజ వరకు కొనుగోలు చేయాలని ఆయన డిమాండ్ చేశారు. ఈ కార్యక్రమంలో మున్సిపల్ చైర్మన్ గంగిశెట్టి చందన రవీందర్, మాజీ మార్కెట్ కమిటీ చైర్మన్ మాదాస శ్రీనివాస్, పట్టణ అధ్యక్షుడు నవాజ్ మీరా, కౌన్సిలర్లు, ఇతర బీఆర్ఎస్ నాయకులు, ప్రజాప్రతినిధులు పాల్గొన్నారు.‌