बुद्धभूमी फाउंडेशनने कल्याण-डोंबिवली महानगरपालिकेसमोर सुरू केलेल्या धरणे आंदोलनाचा आज सातवा दिवस पूर्ण झाला आहे. आपल्या विविध न्याय्य मागण्यांसाठी हे आंदोलन सुरू असून, स्थानिक खासदार श्रीकांत शिंदे आणि महानगरपालिका प्रशासनाने बौद्ध भंते संघ व बौद्ध समाजाच्या मागण्यांची अद्याप दखल न घेतल्यामुळे आंदोलकांमध्ये तीव्र संताप व्यक्त होत आहे. आंदोलनाच्या भूमिकेनुसार, पदाधिकाऱ्यांनी प्रशासनाच्या उदासीनतेवर कठोर शब्दांत टीका केली आहे. त्यांनी स्पष्ट केले की, ते प्रशासनाकडे कोणतीही भीक मागत नसून, केवळ त्यांचे हक्क आणि अधिकारच मागत आहेत. जर शांततेच्या मार्गाने मागण्या पूर्ण झाल्या नाहीत, तर त्या हिसकावून घेण्याची ताकद समाजात आहे. सध्या बौद्ध धम्म आणि संविधानाच्या चौकटीत राहून शांततेने आंदोलन सुरू ठेवले जाईल, असा इशाराही आंदोलकांनी दिला आहे. याशिवाय, डॉ. बाबासाहेब आंबेडकरांनी केवळ शांततेचाच नव्हे, तर 'संघर्ष करा' हा मंत्रही दिला असल्याचे नमूद करत, हक्कांसाठी संघर्ष करण्याची वेळ आल्यास मागे-पुढे पाहणार नाही, असेही यावेळी स्पष्ट करण्यात आले. या अस्मितेच्या, अस्तित्वाच्या आणि धम्माच्या रक्षणासाठी उभारलेल्या या लढ्यात महाराष्ट्रातील तमाम जागृत, प्रामाणिक व निष्ठावान आंबेडकरी जनतेने, बौद्ध उपासक-उपासिकांनी, विविध संघटनांचे नेते, कार्यकर्ते, समाजसेवक आणि धम्मरक्षकांनी मोठ्या संख्येने सहभागी व्हावे, असे आवाहन बुद्धभूमी फाउंडेशनने केले आहे. भंतेजींचे हात बळकट करण्यासाठी आणि मागण्या मान्य करून घेण्यासाठी कल्याण-डोंबिवली महानगरपालिकेसमोरील या धरणे आंदोलनात सर्वांनी एकत्र यावे, असे आवाहन संयोजकांनी केले आहे.

जनहित न्यूज महाराष्ट्र

Newspaper distribution कल्याण, ठाणे, महाराष्ट्र•

1 hr ago

बुद्धभूमी फाउंडेशनने कल्याण-डोंबिवली महानगरपालिकेसमोर सुरू केलेल्या धरणे आंदोलनाचा आज सातवा दिवस पूर्ण झाला आहे. आपल्या विविध न्याय्य मागण्यांसाठी हे आंदोलन सुरू असून, स्थानिक खासदार श्रीकांत शिंदे आणि महानगरपालिका प्रशासनाने बौद्ध भंते संघ व बौद्ध समाजाच्या मागण्यांची अद्याप दखल न घेतल्यामुळे आंदोलकांमध्ये तीव्र संताप व्यक्त होत आहे. आंदोलनाच्या भूमिकेनुसार, पदाधिकाऱ्यांनी प्रशासनाच्या उदासीनतेवर कठोर शब्दांत टीका केली आहे. त्यांनी स्पष्ट केले की, ते प्रशासनाकडे कोणतीही भीक मागत नसून, केवळ त्यांचे हक्क आणि अधिकारच मागत आहेत. जर शांततेच्या मार्गाने मागण्या पूर्ण झाल्या नाहीत, तर त्या हिसकावून घेण्याची ताकद समाजात आहे. सध्या बौद्ध धम्म आणि संविधानाच्या चौकटीत राहून शांततेने आंदोलन सुरू ठेवले जाईल, असा इशाराही आंदोलकांनी दिला आहे. याशिवाय, डॉ. बाबासाहेब आंबेडकरांनी केवळ शांततेचाच नव्हे, तर 'संघर्ष करा' हा मंत्रही दिला असल्याचे नमूद करत, हक्कांसाठी संघर्ष करण्याची वेळ आल्यास मागे-पुढे पाहणार नाही, असेही यावेळी स्पष्ट करण्यात आले. या अस्मितेच्या, अस्तित्वाच्या आणि धम्माच्या रक्षणासाठी उभारलेल्या या लढ्यात महाराष्ट्रातील तमाम जागृत, प्रामाणिक व निष्ठावान आंबेडकरी जनतेने, बौद्ध उपासक-उपासिकांनी, विविध संघटनांचे नेते, कार्यकर्ते, समाजसेवक आणि धम्मरक्षकांनी मोठ्या संख्येने सहभागी व्हावे, असे आवाहन बुद्धभूमी फाउंडेशनने केले आहे. भंतेजींचे हात बळकट करण्यासाठी आणि मागण्या मान्य करून घेण्यासाठी कल्याण-डोंबिवली महानगरपालिकेसमोरील या धरणे आंदोलनात सर्वांनी एकत्र यावे, असे आवाहन संयोजकांनी केले आहे.