🚨 मुलावर अंत्यसंस्कार करून घरी परतताच काळाचा घाला; डोळ्यादेखत कोसळली इमारत, कुटुंबाचा संसार उद्ध्वस्त! 🚨 मुलावर अंत्यसंस्कार करून घरी परतताच काळाचा घाला; डोळ्यादेखत कोसळली इमारत, कुटुंबाचा संसार उद्ध्वस्त! ठाणे जिल्ह्यातील भिवंडी शहरातील कोहिनूर इमारत कोसळण्याच्या भीषण दुर्घटनेने एकाच कुटुंबावर नियतीने दुहेरी आघात केला आहे. मुलाच्या मृत्यूचे दुःख सहन करत अंत्यसंस्कार करून घरी परतलेल्या कुटुंबाच्या डोळ्यादेखत अवघ्या काही मिनिटांत संपूर्ण इमारत कोसळली. या हृदयद्रावक घटनेने परिसरात शोककळा पसरली आहे. कोहिनूर इमारतीतील रूम क्रमांक १०८ मध्ये राहणारे संतोष कुशवाह हे हातमाग कामगार असून पत्नी ममता देवी, मुलगा सतीश आणि कुटुंबासह राहत होते. काही दिवसांपासून सतीशला उलट्या-जुलाबाचा त्रास होत होता. उपचार सुरू असतानाच गुरुवारी त्याचा दुर्दैवी मृत्यू झाला. रात्री कुटुंबाने अश्रूंनी निरोप देत त्याच्यावर अंत्यसंस्कार केले. अंत्यसंस्कार आटोपून रात्री घरी परतल्यानंतर अवघ्या १५ मिनिटांतच मोठा आवाज होत संपूर्ण कोहिनूर इमारत पत्त्याच्या बंगल्यासारखी कोसळली. त्या वेळी संतोष कुशवाह घराबाहेर पडले होते, तर पत्नी ममता देवी आणि कुटुंबातील इतर सदस्य थोडक्यात बचावले. मात्र, घरातील सर्व संसारोपयोगी साहित्य, महत्त्वाची कागदपत्रे आणि आयुष्यभराची कमाई ढिगाऱ्याखाली गाडली गेली. संतोष कुशवाह यांनी पाच वर्षे काटकसर करून आणि सुमारे चार लाख रुपयांचे कर्ज काढून दीड वर्षांपूर्वी हे ३४० चौरस फुटांचे वन रूम किचनचे घर विकत घेतले होते. एकाच दिवशी पोटचा मुलगा आणि डोक्यावरील हक्काचे छत गमावल्याने हे कुटुंब पूर्णपणे उद्ध्वस्त झाले आहे. या भीषण दुर्घटनेत एकूण १० जणांचा मृत्यू झाला आहे. प्रशासनाने यापूर्वीच ही इमारत धोकादायक घोषित करून रिकामी करण्याचे आदेश दिले होते. मात्र, आर्थिक अडचणींमुळे काही कुटुंबे तेथेच राहत होती. या दुर्दैवी घटनेनंतर संतोष कुशवाह यांनी शासनाला भावनिक आवाहन करत म्हटले, "आम्हाला भीक नको; नव्याने घर उभे करण्यासाठी शासनाने मदत करावी. घर मिळाल्यास त्याचे हप्ते आम्ही प्रामाणिकपणे भरू." भिवंडीतील ही दुहेरी शोकांतिका संपूर्ण राज्याला हेलावून सोडणारी ठरली असून, या कुटुंबाला तातडीने मदत मिळावी, अशी मागणी नागरिकांकडून होत आहे.

1 hr ago

पत्रकार ओमप्रकाश उढाण

घनसावंगी, जालना, महाराष्ट्र•

1 hr ago

🚨 मुलावर अंत्यसंस्कार करून घरी परतताच काळाचा घाला; डोळ्यादेखत कोसळली इमारत, कुटुंबाचा संसार उद्ध्वस्त! 🚨 मुलावर अंत्यसंस्कार करून घरी परतताच काळाचा घाला; डोळ्यादेखत कोसळली इमारत, कुटुंबाचा संसार उद्ध्वस्त! ठाणे जिल्ह्यातील भिवंडी शहरातील कोहिनूर इमारत कोसळण्याच्या भीषण दुर्घटनेने एकाच कुटुंबावर नियतीने दुहेरी आघात केला आहे. मुलाच्या मृत्यूचे दुःख सहन करत अंत्यसंस्कार करून घरी परतलेल्या कुटुंबाच्या डोळ्यादेखत अवघ्या काही मिनिटांत संपूर्ण इमारत कोसळली. या हृदयद्रावक घटनेने परिसरात शोककळा पसरली आहे. कोहिनूर इमारतीतील रूम क्रमांक १०८ मध्ये राहणारे संतोष कुशवाह हे हातमाग कामगार असून पत्नी ममता देवी, मुलगा सतीश आणि कुटुंबासह राहत होते. काही दिवसांपासून सतीशला उलट्या-जुलाबाचा त्रास होत होता. उपचार सुरू असतानाच गुरुवारी त्याचा दुर्दैवी मृत्यू झाला. रात्री कुटुंबाने अश्रूंनी निरोप देत त्याच्यावर अंत्यसंस्कार केले. अंत्यसंस्कार आटोपून रात्री घरी परतल्यानंतर अवघ्या १५ मिनिटांतच मोठा आवाज होत संपूर्ण कोहिनूर इमारत पत्त्याच्या बंगल्यासारखी कोसळली. त्या वेळी संतोष कुशवाह घराबाहेर पडले होते, तर पत्नी ममता देवी आणि कुटुंबातील इतर सदस्य थोडक्यात बचावले. मात्र, घरातील सर्व संसारोपयोगी साहित्य, महत्त्वाची कागदपत्रे आणि आयुष्यभराची कमाई ढिगाऱ्याखाली गाडली गेली. संतोष कुशवाह यांनी पाच वर्षे काटकसर करून आणि सुमारे चार लाख रुपयांचे कर्ज काढून दीड वर्षांपूर्वी हे ३४० चौरस फुटांचे वन रूम किचनचे घर विकत घेतले होते. एकाच दिवशी पोटचा मुलगा आणि डोक्यावरील हक्काचे छत गमावल्याने हे कुटुंब पूर्णपणे उद्ध्वस्त झाले आहे. या भीषण दुर्घटनेत एकूण १० जणांचा मृत्यू झाला आहे. प्रशासनाने यापूर्वीच ही इमारत धोकादायक घोषित करून रिकामी करण्याचे आदेश दिले होते. मात्र, आर्थिक अडचणींमुळे काही कुटुंबे तेथेच राहत होती. या दुर्दैवी घटनेनंतर संतोष कुशवाह यांनी शासनाला भावनिक आवाहन करत म्हटले, "आम्हाला भीक नको; नव्याने घर उभे करण्यासाठी शासनाने मदत करावी. घर मिळाल्यास त्याचे हप्ते आम्ही प्रामाणिकपणे भरू." भिवंडीतील ही दुहेरी शोकांतिका संपूर्ण राज्याला हेलावून सोडणारी ठरली असून, या कुटुंबाला तातडीने मदत मिळावी, अशी मागणी नागरिकांकडून होत आहे.

More news from महाराष्ट्र and nearby areas