अलिबाग फोटोग्राफर्स असोसिएशन आणि अश्विनी टीचर्स क्लासेस, अलिबाग यांच्या संयुक्त विद्यमाने शनिवारी (दि.30) पीएनपी एज्युकेशन सोसायटीच्या मुख्य कार्यालयाच्या सभागृहात विद्यार्थी गुणगौरव सोहळा आयोजित करण्यात आला. हा उपक्रम रायगड फोटोग्राफर अँड व्हिडीओ ग्राफर असोसिएशनशी संलग्न होता. या समारंभात दहावी आणि बारावीच्या परीक्षेत विशेष यश संपादन केलेल्या विद्यार्थ्यांचा मान्यवरांच्या हस्ते सन्मान करण्यात आला. यावेळी बोलताना रायगड जिल्हा परिषदेचे मुख्य लेखा वित्त अधिकारी राहुल कदम यांनी सांगितले की, आजची पिढी आत्मविश्वास असलेली आहे, परंतु केवळ पदव्या घेऊन बेकार राहिल्यास आत्मपरीक्षण करणे गरजेचे आहे. त्यांनी विद्यार्थ्यांना कौशल्य निर्माण करून स्वतःला सक्षम करण्याचे, व्यवहार, वास्तव आणि शिक्षणाची सांगड घालण्याचे आवाहन केले. राहुल कदम यांनी, प्रचंड टक्केवारी मिळवून स्वतःला सिद्ध करण्याची ताकद निर्माण करा आणि एकतरी छंद जोपासण्याबरोबरच वाचनाची आवड निर्माण करा, कारण तुमचा छंद एक दिवस तुम्हाला मोठे करेल, असा विश्वास व्यक्त केला. पीएनपी एज्युकेशन सोसायटीच्या कार्यवाह चित्रलेखा पाटील यांनी अलिबाग फोटोग्राफर्स असोसिएशनने विद्यार्थ्यांच्या गुणगौरवाची परंपरा सामाजिक बांधिलकी जपत टिकवून ठेवल्याबद्दल कौतुक केले. त्यांनी युवकांना उद्याचे भविष्य संबोधून दर्जेदार समाज घडवण्यासाठी शिक्षणासोबत व्यक्तिमत्व विकासावर भर देण्याचे आवाहन केले. अलिबागच्या उपनगराध्यक्षा ॲड. मानसी म्हात्रे यांनी दहावी आणि बारावीमध्ये मिळवलेल्या घवघवीत यशाबद्दल विद्यार्थ्यांचे अभिनंदन केले, तसेच उच्च शिक्षण घेत असताना आकर्षणांच्या पलिकडे जाऊन स्वतःला घडवण्यासाठी कठोर परिश्रम घेण्याचे आवाहन केले. या कार्यक्रमात अलिबाग तालुक्यातील शाळांमधून दहावीत प्रथम आलेल्या विद्यार्थ्यांचा, अश्विनी टीचर क्लासेसमधील बारावीच्या परीक्षेत विशेष यश मिळवणाऱ्या विद्यार्थ्यांचा आणि फोटोग्राफर्स असोसिएशनच्या पाल्यांचा सन्मान करण्यात आला. याप्रसंगी राहुल कदम, चित्रलेखा पाटील, ॲड. मानसी म्हात्रे यांच्यासह रायगड फोटोग्राफर्स अँन्ड व्हिडीओग्राफर्स असोसिएशनचे उपाध्यक्ष समीर मालोदे, खजिनदार जितेंद्र मेहता, अलिबाग फोटोग्राफर असोसिएशन चे अध्यक्ष तुषार थळे, उपाध्यक्ष राकेश दर्पे, सचिव विकास पाटील, सहसचिव अमोल नाईक, खजिनदार विवेक पाटील, सहखजिनदार प्रणेश म्हात्रे, कार्याध्यक्ष सुदेश माळी, सहकार्याध्यक्ष सुबोध घरत, सल्लागार सुरेश खडपे, जितू शिगवण, अश्विनी टिचर्स क्लासेसच्या संचालिका अश्विनी मेहता, आदी मान्यवर, गुणवंत विद्यार्थी आणि पालक मोठ्या संख्येने उपस्थित होते. कार्यक्रमाचे सूत्रसंचालन प्रतिम सुतार यांनी केले, तर विकास पाटील यांनी प्रास्ताविक केले. कार्यक्रम यशस्वी करण्यासाठी अलिबाग फोटोग्राफर असोसिएशनचे सदस्य अमर मढवी, विजय पाटील, निलेश दुदम, विराज घरत, निलेश बुरांबे, जयेंद्र वाघमारे, सुमित मालोदे यांनी मेहनत घेतली.

राहुल पाटील (मराठीचे शिलेदार)

Co-ed school हिंगणा, नागपूर, महाराष्ट्र•

1 hr ago

अलिबाग फोटोग्राफर्स असोसिएशन आणि अश्विनी टीचर्स क्लासेस, अलिबाग यांच्या संयुक्त विद्यमाने शनिवारी (दि.30) पीएनपी एज्युकेशन सोसायटीच्या मुख्य कार्यालयाच्या सभागृहात विद्यार्थी गुणगौरव सोहळा आयोजित करण्यात आला. हा उपक्रम रायगड फोटोग्राफर अँड व्हिडीओ ग्राफर असोसिएशनशी संलग्न होता. या समारंभात दहावी आणि बारावीच्या परीक्षेत विशेष यश संपादन केलेल्या विद्यार्थ्यांचा मान्यवरांच्या हस्ते सन्मान करण्यात आला. यावेळी बोलताना रायगड जिल्हा परिषदेचे मुख्य लेखा वित्त अधिकारी राहुल कदम यांनी सांगितले की, आजची पिढी आत्मविश्वास असलेली आहे, परंतु केवळ पदव्या घेऊन बेकार राहिल्यास आत्मपरीक्षण करणे गरजेचे आहे. त्यांनी विद्यार्थ्यांना कौशल्य निर्माण करून स्वतःला सक्षम करण्याचे, व्यवहार, वास्तव आणि शिक्षणाची सांगड घालण्याचे आवाहन केले. राहुल कदम यांनी, प्रचंड टक्केवारी मिळवून स्वतःला सिद्ध करण्याची ताकद निर्माण करा आणि एकतरी छंद जोपासण्याबरोबरच वाचनाची आवड निर्माण करा, कारण तुमचा छंद एक दिवस तुम्हाला मोठे करेल, असा विश्वास व्यक्त केला. पीएनपी एज्युकेशन सोसायटीच्या कार्यवाह चित्रलेखा पाटील यांनी अलिबाग फोटोग्राफर्स असोसिएशनने विद्यार्थ्यांच्या गुणगौरवाची परंपरा सामाजिक बांधिलकी जपत टिकवून ठेवल्याबद्दल कौतुक केले. त्यांनी युवकांना उद्याचे भविष्य संबोधून दर्जेदार समाज घडवण्यासाठी शिक्षणासोबत व्यक्तिमत्व विकासावर भर देण्याचे आवाहन केले. अलिबागच्या उपनगराध्यक्षा ॲड. मानसी म्हात्रे यांनी दहावी आणि बारावीमध्ये मिळवलेल्या घवघवीत यशाबद्दल विद्यार्थ्यांचे अभिनंदन केले, तसेच उच्च शिक्षण घेत असताना आकर्षणांच्या पलिकडे जाऊन स्वतःला घडवण्यासाठी कठोर परिश्रम घेण्याचे आवाहन केले. या कार्यक्रमात अलिबाग तालुक्यातील शाळांमधून दहावीत प्रथम आलेल्या विद्यार्थ्यांचा, अश्विनी टीचर क्लासेसमधील बारावीच्या परीक्षेत विशेष यश मिळवणाऱ्या विद्यार्थ्यांचा आणि फोटोग्राफर्स असोसिएशनच्या पाल्यांचा सन्मान करण्यात आला. याप्रसंगी राहुल कदम, चित्रलेखा पाटील, ॲड. मानसी म्हात्रे यांच्यासह रायगड फोटोग्राफर्स अँन्ड व्हिडीओग्राफर्स असोसिएशनचे उपाध्यक्ष समीर मालोदे, खजिनदार जितेंद्र मेहता, अलिबाग फोटोग्राफर असोसिएशन चे अध्यक्ष तुषार थळे, उपाध्यक्ष राकेश दर्पे, सचिव विकास पाटील, सहसचिव अमोल नाईक, खजिनदार विवेक पाटील, सहखजिनदार प्रणेश म्हात्रे, कार्याध्यक्ष सुदेश माळी, सहकार्याध्यक्ष सुबोध घरत, सल्लागार सुरेश खडपे, जितू शिगवण, अश्विनी टिचर्स क्लासेसच्या संचालिका अश्विनी मेहता, आदी मान्यवर, गुणवंत विद्यार्थी आणि पालक मोठ्या संख्येने उपस्थित होते. कार्यक्रमाचे सूत्रसंचालन प्रतिम सुतार यांनी केले, तर विकास पाटील यांनी प्रास्ताविक केले. कार्यक्रम यशस्वी करण्यासाठी अलिबाग फोटोग्राफर असोसिएशनचे सदस्य अमर मढवी, विजय पाटील, निलेश दुदम, विराज घरत, निलेश बुरांबे, जयेंद्र वाघमारे, सुमित मालोदे यांनी मेहनत घेतली.