மேற்குத் தொடர்ச்சி மலைகளால் சூழப்பட்ட தேனி மாவட்டத்தில் போதுமான மழை பெய்யாததாலும், விவசாயம் மற்றும் பாசனத்திற்காக வைகை அணையில் இருந்து கூடுதல் தண்ணீர் திறக்கப்பட்டதாலும் 71 அடி உயரமுள்ள அணையின் நீர்மட்டம் கடந்த மாதம் 20 அடியாக சரிந்தது. இதன் விளைவாக, வைகை அணையை நம்பியிருந்த அனைத்து கூட்டு குடிநீர் திட்டங்களும் நிறுத்தப்பட்டதால் கடுமையான குடிநீர் தட்டுப்பாடு ஏற்பட்டது. இதைச் சமாளிக்க, கடந்த ஒரு வாரமாக முல்லைப் பெரியாறு அணையில் இருந்து கூடுதல் தண்ணீர் திறக்கப்பட்டு கூட்டு குடிநீர் திட்டங்களுக்கு விநியோகிக்கப்பட்டு வருகிறது. அணை கட்டப்பட்டு 68 ஆண்டுகள் ஆகியும் இதுவரை தூர்வாரப்படாததால், அதில் அதிக அளவில் மணல் மற்றும் வண்டல் மண் படிந்துள்ளது. இதனால் அணையின் நீர் கொள்ளளவு 18% முதல் 20% வரை குறைந்துள்ள நிலையில், எதிர்காலத்தில் இது போன்ற நிலை ஏற்படாமல் தடுக்க வைகை அணையை தூர்வார வேண்டும் என்ற கோரிக்கை தற்போது வலுத்துள்ளது. இந்தக் கோரிக்கையைத் தொடர்ந்து, தமிழக எரிசக்தி மற்றும் சட்டத்துறை அமைச்சர் நிர்மல் குமார் வைகை அணைக்கு நேரில் வந்து தூர்வாரும் பணிகள் குறித்து ஆய்வு மேற்கொண்டார். ஆய்வு முடிவடைந்த பின்னர் செய்தியாளர்களிடம் பேசிய அமைச்சர் நிர்மல் குமார், வைகை அணை தென் தமிழகத்தின் மிக முக்கியமான நீர் ஆதாரமாக விளங்குவதாகக் குறிப்பிட்டார். அணைப்பகுதிகளில் சுமார் 15 அடி வரை தேங்கியுள்ள வண்டல் மண் திட்டுகளை அகற்றி, தூர்வாரும் பணிகளை மேற்கொள்வதற்கான ஆய்வு அறிக்கைகள் தயாரிக்கப்பட்டு வருவதாகவும் அவர் தெரிவித்தார். இது தொடர்பாக மத்திய அரசின் சுற்றுச்சூழல் அனுமதி பெறுவதற்காக இரண்டு நாட்களுக்கு முன்பே தமிழக அரசு சார்பில் கடிதம் அனுப்பப்பட்டுள்ளது என்றும், அனுமதி கிடைத்தவுடன் இன்னும் இரண்டு மாதங்களுக்குள் வைகை அணையை தூர்வாரும் பணிகள் முழுவீச்சில் தொடங்கும் என்றும் அவர் உறுதியளித்தார். மேலும், விவசாயிகள் தங்கள் தேவைகளுக்காக வண்டல் மண்ணை இலவசமாக எடுத்துக்கொள்ள முழு அனுமதி வழங்கப்பட்டுள்ளது என்றும், ஆனால் அதனை வணிக ரீதியாகவோ அல்லது சட்டவிரோதமாகவோ யாராவது கடத்த முயன்றால் மாவட்ட நிர்வாகம் மூலம் கடும் நடவடிக்கை எடுக்கப்படும் என்றும் அமைச்சர் எச்சரித்தார். அதேபோல், ஆண்டிபட்டி பகுதியில் நிலுவையில் உள்ள வீட்டுமனைப் பட்டாக்கள் மற்றும் புறவழிச்சாலை திட்டங்கள் குறித்தும், சுற்றுச்சூழல் மற்றும் வனத்துறையின் விதிகளுக்குப் பாதிப்பு ஏற்படாத வண்ணம் மாற்றுப் பாதைகள் குறித்து விரிவான ஆய்வுகள் மேற்கொள்ளப்பட்டு, மக்களுக்குத் தங்கு தடையின்றி நலத்திட்டங்கள் கிடைக்க உரிய நடவடிக்கை எடுக்கப்படும் என்றும் அமைச்சர் நிர்மல் குமார் தெரிவித்தார்.

VIGNESH

Photographer ஆண்டிபட்டி, தேனி, தமிழ்நாடு•

4 days ago

மேற்குத் தொடர்ச்சி மலைகளால் சூழப்பட்ட தேனி மாவட்டத்தில் போதுமான மழை பெய்யாததாலும், விவசாயம் மற்றும் பாசனத்திற்காக வைகை அணையில் இருந்து கூடுதல் தண்ணீர் திறக்கப்பட்டதாலும் 71 அடி உயரமுள்ள அணையின் நீர்மட்டம் கடந்த மாதம் 20 அடியாக சரிந்தது. இதன் விளைவாக, வைகை அணையை நம்பியிருந்த அனைத்து கூட்டு குடிநீர் திட்டங்களும் நிறுத்தப்பட்டதால் கடுமையான குடிநீர் தட்டுப்பாடு ஏற்பட்டது. இதைச் சமாளிக்க, கடந்த ஒரு வாரமாக முல்லைப் பெரியாறு அணையில் இருந்து கூடுதல் தண்ணீர் திறக்கப்பட்டு கூட்டு குடிநீர் திட்டங்களுக்கு விநியோகிக்கப்பட்டு வருகிறது. அணை கட்டப்பட்டு 68 ஆண்டுகள் ஆகியும் இதுவரை தூர்வாரப்படாததால், அதில் அதிக அளவில் மணல் மற்றும் வண்டல் மண் படிந்துள்ளது. இதனால் அணையின் நீர் கொள்ளளவு 18% முதல் 20% வரை குறைந்துள்ள நிலையில், எதிர்காலத்தில் இது போன்ற நிலை ஏற்படாமல் தடுக்க வைகை அணையை தூர்வார வேண்டும் என்ற கோரிக்கை தற்போது வலுத்துள்ளது. இந்தக் கோரிக்கையைத் தொடர்ந்து, தமிழக எரிசக்தி மற்றும் சட்டத்துறை அமைச்சர் நிர்மல் குமார் வைகை அணைக்கு நேரில் வந்து தூர்வாரும் பணிகள் குறித்து ஆய்வு மேற்கொண்டார். ஆய்வு முடிவடைந்த பின்னர் செய்தியாளர்களிடம் பேசிய அமைச்சர் நிர்மல் குமார், வைகை அணை தென் தமிழகத்தின் மிக முக்கியமான நீர் ஆதாரமாக விளங்குவதாகக் குறிப்பிட்டார். அணைப்பகுதிகளில் சுமார் 15 அடி வரை தேங்கியுள்ள வண்டல் மண் திட்டுகளை அகற்றி, தூர்வாரும் பணிகளை மேற்கொள்வதற்கான ஆய்வு அறிக்கைகள் தயாரிக்கப்பட்டு வருவதாகவும் அவர் தெரிவித்தார். இது தொடர்பாக மத்திய அரசின் சுற்றுச்சூழல் அனுமதி பெறுவதற்காக இரண்டு நாட்களுக்கு முன்பே தமிழக அரசு சார்பில் கடிதம் அனுப்பப்பட்டுள்ளது என்றும், அனுமதி கிடைத்தவுடன் இன்னும் இரண்டு மாதங்களுக்குள் வைகை அணையை தூர்வாரும் பணிகள் முழுவீச்சில் தொடங்கும் என்றும் அவர் உறுதியளித்தார். மேலும், விவசாயிகள் தங்கள் தேவைகளுக்காக வண்டல் மண்ணை இலவசமாக எடுத்துக்கொள்ள முழு அனுமதி வழங்கப்பட்டுள்ளது என்றும், ஆனால் அதனை வணிக ரீதியாகவோ அல்லது சட்டவிரோதமாகவோ யாராவது கடத்த முயன்றால் மாவட்ட நிர்வாகம் மூலம் கடும் நடவடிக்கை எடுக்கப்படும் என்றும் அமைச்சர் எச்சரித்தார். அதேபோல், ஆண்டிபட்டி பகுதியில் நிலுவையில் உள்ள வீட்டுமனைப் பட்டாக்கள் மற்றும் புறவழிச்சாலை திட்டங்கள் குறித்தும், சுற்றுச்சூழல் மற்றும் வனத்துறையின் விதிகளுக்குப் பாதிப்பு ஏற்படாத வண்ணம் மாற்றுப் பாதைகள் குறித்து விரிவான ஆய்வுகள் மேற்கொள்ளப்பட்டு, மக்களுக்குத் தங்கு தடையின்றி நலத்திட்டங்கள் கிடைக்க உரிய நடவடிக்கை எடுக்கப்படும் என்றும் அமைச்சர் நிர்மல் குமார் தெரிவித்தார்.