തച്ചമ്പാറ നുസ്‌റത്തുൽ ഇസ്ലാം മദ്റസയിൽ വിദ്യാർത്ഥികളെ അറിവിന്റെയും നന്മയുടെയും പാതയിൽ സജ്ജരാക്കുന്നതിനായി സംഘടിപ്പിച്ച 'സർഗവസന്തം' പരിപാടി ശ്രദ്ധേയമായി. സർഗാത്മക കഴിവുകൾ പ്രോത്സാഹിപ്പിക്കുന്നതിനായി ആരംഭിച്ച 'സർഗവേദി'യുടെ ഉദ്ഘാടനവും, ലഹരി വിരുദ്ധ ബോധവൽക്കരണ പരിപാടിയും ചടങ്ങിൽ ഒരുമിച്ച് നടന്നു. വിദ്യാർത്ഥികളും രക്ഷിതാക്കളും അധ്യാപകരുമടക്കം നിരവധി പേർ ഈ ചടങ്ങിൽ പങ്കെടുത്തു. മണ്ണാർക്കാട് മണ്ഡലം അധ്യാപക കോംപ്ലക്സ് പ്രസിഡൻ്റ് ഇല്യാസ് ഹംസ പരിപാടി ഉദ്ഘാടനം ചെയ്തു. മദ്റസകളെ അറിവിന്റെയും സംസ്കാരത്തിന്റെയും കേന്ദ്രമാക്കി മാറ്റുന്നതിൽ ഇത്തരം വേദികൾ വലിയ പങ്കുവഹിക്കുമെന്ന് അദ്ദേഹം അഭിപ്രായപ്പെട്ടു. റിട്ടേർഡ് കൊമേഴ്സ് ലക്ചറർ ജാഫർ മാസ്റ്റർ ലഹരി വിരുദ്ധ പ്രതിജ്ഞയ്ക്ക് നേതൃത്വം നൽകുകയും, ലഹരിക്കെതിരെയുള്ള പോരാട്ടം ഓരോ വിദ്യാർത്ഥിയുടെയും ഉത്തരവാദിത്തമാണെന്ന് ഓർമ്മിപ്പിക്കുകയും ചെയ്തു. തുടർന്ന് എറണാകുളം എ.ഇ.ഒ ടി.കെ. ശറഫുദ്ധീൻ മുഖ്യപ്രഭാഷണം നടത്തുകയും, ജീവിതവിജയത്തിന് അറിവിനൊപ്പം സദാചാരവും അനിവാര്യമാണെന്ന് വ്യക്തമാക്കുകയും ചെയ്തു. എൻ. ഹംസ മാസ്റ്റർ അധ്യക്ഷത വഹിച്ച യോഗത്തിൽ പിടിഎ പ്രസിഡൻ്റ് അഷറഫ്, ശുകൂർ സ്വലാഹി, സനഫുദീൻ സ്വലാഹി തുടങ്ങിയവർ ആശംസകൾ നേർന്നു. വായനാദിനത്തോടനുബന്ധിച്ച് നടത്തിയ മത്സരങ്ങളിൽ വിജയികളായ വിദ്യാർത്ഥികൾക്കുള്ള സമ്മാനദാനവും ഇതോടൊപ്പം നടന്നു. ഐഷാബി ടീച്ചർ ചടങ്ങിന് നന്ദി രേഖപ്പെടുത്തി.

Ranjith

Local News Reporter മണ്ണാർക്കാട്, പാലക്കാട്, കേരളം•

7 hrs ago

തച്ചമ്പാറ നുസ്‌റത്തുൽ ഇസ്ലാം മദ്റസയിൽ വിദ്യാർത്ഥികളെ അറിവിന്റെയും നന്മയുടെയും പാതയിൽ സജ്ജരാക്കുന്നതിനായി സംഘടിപ്പിച്ച 'സർഗവസന്തം' പരിപാടി ശ്രദ്ധേയമായി. സർഗാത്മക കഴിവുകൾ പ്രോത്സാഹിപ്പിക്കുന്നതിനായി ആരംഭിച്ച 'സർഗവേദി'യുടെ ഉദ്ഘാടനവും, ലഹരി വിരുദ്ധ ബോധവൽക്കരണ പരിപാടിയും ചടങ്ങിൽ ഒരുമിച്ച് നടന്നു. വിദ്യാർത്ഥികളും രക്ഷിതാക്കളും അധ്യാപകരുമടക്കം നിരവധി പേർ ഈ ചടങ്ങിൽ പങ്കെടുത്തു. മണ്ണാർക്കാട് മണ്ഡലം അധ്യാപക കോംപ്ലക്സ് പ്രസിഡൻ്റ് ഇല്യാസ് ഹംസ പരിപാടി ഉദ്ഘാടനം ചെയ്തു. മദ്റസകളെ അറിവിന്റെയും സംസ്കാരത്തിന്റെയും കേന്ദ്രമാക്കി മാറ്റുന്നതിൽ ഇത്തരം വേദികൾ വലിയ പങ്കുവഹിക്കുമെന്ന് അദ്ദേഹം അഭിപ്രായപ്പെട്ടു. റിട്ടേർഡ് കൊമേഴ്സ് ലക്ചറർ ജാഫർ മാസ്റ്റർ ലഹരി വിരുദ്ധ പ്രതിജ്ഞയ്ക്ക് നേതൃത്വം നൽകുകയും, ലഹരിക്കെതിരെയുള്ള പോരാട്ടം ഓരോ വിദ്യാർത്ഥിയുടെയും ഉത്തരവാദിത്തമാണെന്ന് ഓർമ്മിപ്പിക്കുകയും ചെയ്തു. തുടർന്ന് എറണാകുളം എ.ഇ.ഒ ടി.കെ. ശറഫുദ്ധീൻ മുഖ്യപ്രഭാഷണം നടത്തുകയും, ജീവിതവിജയത്തിന് അറിവിനൊപ്പം സദാചാരവും അനിവാര്യമാണെന്ന് വ്യക്തമാക്കുകയും ചെയ്തു. എൻ. ഹംസ മാസ്റ്റർ അധ്യക്ഷത വഹിച്ച യോഗത്തിൽ പിടിഎ പ്രസിഡൻ്റ് അഷറഫ്, ശുകൂർ സ്വലാഹി, സനഫുദീൻ സ്വലാഹി തുടങ്ങിയവർ ആശംസകൾ നേർന്നു. വായനാദിനത്തോടനുബന്ധിച്ച് നടത്തിയ മത്സരങ്ങളിൽ വിജയികളായ വിദ്യാർത്ഥികൾക്കുള്ള സമ്മാനദാനവും ഇതോടൊപ്പം നടന്നു. ഐഷാബി ടീച്ചർ ചടങ്ങിന് നന്ദി രേഖപ്പെടുത്തി.