पुणे आणि पिंपरी-चिंचवड परिसरातील फुगेवाडी, दापोडी आणि हडपसर येथे विषारी गावठी दारूच्या सेवनामुळे १८ जणांचा मृत्यू झाल्यानंतर, अन्न व औषध प्रशासनाने (एफडीए) तात्काळ कारवाई करत भिवंडी येथील मेसर्स रेक्स इंटरनॅशनल या कंपनीवर धाड टाकली. या धाडीत ५,९२९ किलो मिथेनॉलचा मोठा साठा जप्त करण्यात आला असून, प्राथमिक तपासात पुणे प्रकरणात वापरलेले मिथेनॉल याच कंपनीने पुरवल्याचे समोर आले आहे. पोलिसांच्या तपासानुसार, मृत व्यक्तींनी फुगेवाडी येथील कर्नालसिंग विरका यांच्या ठिकाणाहून हातभट्टीची दारू घेतली होती, जी विरकाला योगेश वानखेडेने पुरवली होती. योगेश वानखेडे हा उरळी कांचन येथील राजू प्रजापतीकडून दारू घेऊन पुढे पुरवठा करत असल्याचे उघड झाले आहे. या साखळीतील दारूमध्ये वापरलेले मिथेनॉल मेसर्स रेक्स इंटरनॅशनलकडूनच आल्याचे स्पष्ट झाले आहे. या पार्श्वभूमीवर अन्न व औषध प्रशासन आयुक्त तुकाराम मुंढे यांनी जनतेच्या आरोग्याशी खेळणाऱ्या कोणालाही सवलत दिली जाणार नाही, असे ठामपणे सांगितले. औषधे व सौंदर्यप्रसाधने अधिनियम, १९४० तसेच संबंधित कायदे व नियमांचे उल्लंघन करणाऱ्यांविरोधात कठोर कायदेशीर व न्यायालयीन कारवाई केली जाईल, असेही त्यांनी स्पष्ट केले. आयुक्त तुकाराम मुंढे यांच्या निर्देशानुसार, ठाणे येथील औषध निरीक्षक योगेंद्र पोळ यांनी मेसर्स रेक्स इंटरनॅशनलच्या भिवंडी येथील गोदामावर धाड टाकली. कंपनीचे कार्यालय वाशी येथे असले तरी, हे गोदाम अनंत अँड कंपनी, गाळा क्र. ५४४/ए, म्हात्रे कंपाउंड, अंजूर रोड, वळगाव, भिवंडी येथे असल्याची माहिती मिळाल्यानंतर ही कारवाई करण्यात आली. तपासणीदरम्यान कंपनीचे मालक अरुणकुमार चौबे आणि सक्षम व्यक्ती अभिषेक अरुणकुमार चौबे उपस्थित नव्हते. जप्त केलेल्या ५,९२९ किलोग्रॅम मिथेनॉलच्या खरेदी-विक्रीची कोणतीही अधिकृत नोंद, साठा नोंदवही किंवा आवश्यक कागदपत्रे उपलब्ध नव्हती. विषारी द्रव्य नियमांनुसार आवश्यक नोंदी व व्यवहारांचा तपशील नसल्याने हा साठा जप्त करण्यात आला असून, कंपनीच्या मालकांविरुद्ध नारपोली पोलीस ठाणे, भिवंडी येथे तक्रार दाखल करण्यात येऊन पोलिसांनी गुन्हा नोंदवला आहे. याव्यतिरिक्त, अन्न व औषध प्रशासनाच्या ठाणे कार्यालयाने कंपनीला विषारी द्रव्य अधिनियमांतर्गत कारणे दाखवा नोटीस बजावून संबंधित परवाना रद्द करण्याची प्रक्रिया सुरू केली आहे. अन्न व औषध प्रशासनाने नागरिकांना अवैध औषध विक्री, औषधांमधील भेसळ, विषारी रसायनांचा गैरवापर आणि फसव्या जाहिरातींविरोधात सक्रिय सहभाग घेण्याचे आवाहन केले आहे. औषधांच्या गुणवत्तेबाबत शंका असल्यास किंवा अवैध साठवणुकीची माहिती मिळाल्यास तात्काळ एफडीएकडे गोपनीयतेने तक्रार करण्याचे आवाहन करण्यात आले आहे, ज्यावर तातडीने कायदेशीर कारवाई केली जाईल. नागरिकांना तक्रार नोंदवणे अधिक सोपे करण्यासाठी लवकरच स्वतंत्र मोबाईल ॲप विकसित केले जाईल आणि टोल-फ्री हेल्पलाईन सुविधाही उपलब्ध करून दिली जाईल, अशी माहिती सहआयुक्त (औषधे) यांनी दिली.

Amit Omprakash tiwari

मुंबई, मुंबई, महाराष्ट्र•

2 hrs ago

पुणे आणि पिंपरी-चिंचवड परिसरातील फुगेवाडी, दापोडी आणि हडपसर येथे विषारी गावठी दारूच्या सेवनामुळे १८ जणांचा मृत्यू झाल्यानंतर, अन्न व औषध प्रशासनाने (एफडीए) तात्काळ कारवाई करत भिवंडी येथील मेसर्स रेक्स इंटरनॅशनल या कंपनीवर धाड टाकली. या धाडीत ५,९२९ किलो मिथेनॉलचा मोठा साठा जप्त करण्यात आला असून, प्राथमिक तपासात पुणे प्रकरणात वापरलेले मिथेनॉल याच कंपनीने पुरवल्याचे समोर आले आहे. पोलिसांच्या तपासानुसार, मृत व्यक्तींनी फुगेवाडी येथील कर्नालसिंग विरका यांच्या ठिकाणाहून हातभट्टीची दारू घेतली होती, जी विरकाला योगेश वानखेडेने पुरवली होती. योगेश वानखेडे हा उरळी कांचन येथील राजू प्रजापतीकडून दारू घेऊन पुढे पुरवठा करत असल्याचे उघड झाले आहे. या साखळीतील दारूमध्ये वापरलेले मिथेनॉल मेसर्स रेक्स इंटरनॅशनलकडूनच आल्याचे स्पष्ट झाले आहे. या पार्श्वभूमीवर अन्न व औषध प्रशासन आयुक्त तुकाराम मुंढे यांनी जनतेच्या आरोग्याशी खेळणाऱ्या कोणालाही सवलत दिली जाणार नाही, असे ठामपणे सांगितले. औषधे व सौंदर्यप्रसाधने अधिनियम, १९४० तसेच संबंधित कायदे व नियमांचे उल्लंघन करणाऱ्यांविरोधात कठोर कायदेशीर व न्यायालयीन कारवाई केली जाईल, असेही त्यांनी स्पष्ट केले. आयुक्त तुकाराम मुंढे यांच्या निर्देशानुसार, ठाणे येथील औषध निरीक्षक योगेंद्र पोळ यांनी मेसर्स रेक्स इंटरनॅशनलच्या भिवंडी येथील गोदामावर धाड टाकली. कंपनीचे कार्यालय वाशी येथे असले तरी, हे गोदाम अनंत अँड कंपनी, गाळा क्र. ५४४/ए, म्हात्रे कंपाउंड, अंजूर रोड, वळगाव, भिवंडी येथे असल्याची माहिती मिळाल्यानंतर ही कारवाई करण्यात आली. तपासणीदरम्यान कंपनीचे मालक अरुणकुमार चौबे आणि सक्षम व्यक्ती अभिषेक अरुणकुमार चौबे उपस्थित नव्हते. जप्त केलेल्या ५,९२९ किलोग्रॅम मिथेनॉलच्या खरेदी-विक्रीची कोणतीही अधिकृत नोंद, साठा नोंदवही किंवा आवश्यक कागदपत्रे उपलब्ध नव्हती. विषारी द्रव्य नियमांनुसार आवश्यक नोंदी व व्यवहारांचा तपशील नसल्याने हा साठा जप्त करण्यात आला असून, कंपनीच्या मालकांविरुद्ध नारपोली पोलीस ठाणे, भिवंडी येथे तक्रार दाखल करण्यात येऊन पोलिसांनी गुन्हा नोंदवला आहे. याव्यतिरिक्त, अन्न व औषध प्रशासनाच्या ठाणे कार्यालयाने कंपनीला विषारी द्रव्य अधिनियमांतर्गत कारणे दाखवा नोटीस बजावून संबंधित परवाना रद्द करण्याची प्रक्रिया सुरू केली आहे. अन्न व औषध प्रशासनाने नागरिकांना अवैध औषध विक्री, औषधांमधील भेसळ, विषारी रसायनांचा गैरवापर आणि फसव्या जाहिरातींविरोधात सक्रिय सहभाग घेण्याचे आवाहन केले आहे. औषधांच्या गुणवत्तेबाबत शंका असल्यास किंवा अवैध साठवणुकीची माहिती मिळाल्यास तात्काळ एफडीएकडे गोपनीयतेने तक्रार करण्याचे आवाहन करण्यात आले आहे, ज्यावर तातडीने कायदेशीर कारवाई केली जाईल. नागरिकांना तक्रार नोंदवणे अधिक सोपे करण्यासाठी लवकरच स्वतंत्र मोबाईल ॲप विकसित केले जाईल आणि टोल-फ्री हेल्पलाईन सुविधाही उपलब्ध करून दिली जाईल, अशी माहिती सहआयुक्त (औषधे) यांनी दिली.