जालना जिल्ह्यातील भोकरदन तालुक्यातील जोमाळा येथे शुक्रवारी सकाळी दहशतवादविरोधी पथकाने (एटीएस) अनिस सलीम शेख (वय 29) या युवकाला चौकशीसाठी ताब्यात घेतले आहे. या कारवाईमुळे परिसरात खळबळ उडाली आहे. सूत्रांच्या माहितीनुसार, शुक्रवारी सकाळी ८ वाजण्याच्या सुमारास छत्रपती संभाजीनगर येथून आलेल्या एटीएसच्या पथकाने अनिस शेखला ताब्यात घेऊन प्रथम जालना आणि त्यानंतर पुढील चौकशीसाठी छत्रपती संभाजीनगर येथे नेले आहे. ही कारवाई पाकिस्तानस्थित गँगस्टर शहेजाद भट्टीशी संबंधित असल्याचा संशय असलेल्या सोशल मीडिया अकाउंट किंवा गटाशी संपर्क आल्याच्या अनुषंगाने करण्यात आली आहे. अनिस शेखला मोबाईलवर PUBG खेळण्याची आवड होती आणि याच दरम्यान त्याचा पाकिस्तानस्थित गँगस्टरशी संबंधित संशयास्पद ऑनलाइन गट किंवा सोशल मीडिया युजरशी संपर्क आला होता का, याची पडताळणी एटीएसकडून केली जात आहे. एटीएस सध्या त्याच्याकडील मोबाईल, सोशल मीडिया व्यवहार, चॅट आणि इतर डिजिटल उपकरणांची तांत्रिक पुराव्यांच्या आधारे सखोल तपासणी करत आहे. अनिस शेख हा ट्रॅक्टरवर मजुरीचे काम करून आपल्या कुटुंबाचा उदरनिर्वाह करतो. त्याचे वडील सलीम शेख व भाऊ वसीम शेख हे देखील मजुरी करतात. या प्रकरणात नेमके स्वरूप काय आहे, याचा तपास सुरू असून अधिकृतरीत्या कोणतीही सविस्तर माहिती अद्याप जाहीर करण्यात आलेली नाही. तपास पूर्ण झाल्यानंतरच या प्रकरणाचे नेमके स्वरूप स्पष्ट होणार आहे.

विश्वास धसाळ Press

पत्रकार भोकरदन, जालना, महाराष्ट्र•

1 day ago

जालना जिल्ह्यातील भोकरदन तालुक्यातील जोमाळा येथे शुक्रवारी सकाळी दहशतवादविरोधी पथकाने (एटीएस) अनिस सलीम शेख (वय 29) या युवकाला चौकशीसाठी ताब्यात घेतले आहे. या कारवाईमुळे परिसरात खळबळ उडाली आहे. सूत्रांच्या माहितीनुसार, शुक्रवारी सकाळी ८ वाजण्याच्या सुमारास छत्रपती संभाजीनगर येथून आलेल्या एटीएसच्या पथकाने अनिस शेखला ताब्यात घेऊन प्रथम जालना आणि त्यानंतर पुढील चौकशीसाठी छत्रपती संभाजीनगर येथे नेले आहे. ही कारवाई पाकिस्तानस्थित गँगस्टर शहेजाद भट्टीशी संबंधित असल्याचा संशय असलेल्या सोशल मीडिया अकाउंट किंवा गटाशी संपर्क आल्याच्या अनुषंगाने करण्यात आली आहे. अनिस शेखला मोबाईलवर PUBG खेळण्याची आवड होती आणि याच दरम्यान त्याचा पाकिस्तानस्थित गँगस्टरशी संबंधित संशयास्पद ऑनलाइन गट किंवा सोशल मीडिया युजरशी संपर्क आला होता का, याची पडताळणी एटीएसकडून केली जात आहे. एटीएस सध्या त्याच्याकडील मोबाईल, सोशल मीडिया व्यवहार, चॅट आणि इतर डिजिटल उपकरणांची तांत्रिक पुराव्यांच्या आधारे सखोल तपासणी करत आहे. अनिस शेख हा ट्रॅक्टरवर मजुरीचे काम करून आपल्या कुटुंबाचा उदरनिर्वाह करतो. त्याचे वडील सलीम शेख व भाऊ वसीम शेख हे देखील मजुरी करतात. या प्रकरणात नेमके स्वरूप काय आहे, याचा तपास सुरू असून अधिकृतरीत्या कोणतीही सविस्तर माहिती अद्याप जाहीर करण्यात आलेली नाही. तपास पूर्ण झाल्यानंतरच या प्रकरणाचे नेमके स्वरूप स्पष्ट होणार आहे.