बीड जिल्ह्यातील माजलगाव तालुक्यात एक डिझेल टँकर पलटी झाला. सुदैवाने या अपघातात कोणतीही जीवितहानी झाली नाही. मात्र, टँकरमधून डिझेल गळती सुरू होताच परिसरातील नागरिकांनी जीव धोक्यात घालून, कॅन-बाटल्या घेऊन डिझेल जमा करण्यासाठी घटनास्थळी गर्दी केली.

जालना येथील सिंधी बाजारमध्ये रविवार, दिनांक २४ मे २०२६ रोजी सायंकाळी साडेचार वाजता शिवशक्ती-लहूशक्ती-भीमशक्ती अभियानाच्या वतीने मा. आमदार अमितजी गोरखे साहेबांना ‘झेड-प्लस’ सुरक्षा देण्याच्या मागणीसाठी तीव्र निदर्शने करण्यात आली. तळपत्या ४२ डिग्री तापमानात 'जिगरबाज लहू सैनिकांनी' हा एल्गार पुकारला. सर्वोच्च न्यायालयाच्या निर्णयानंतर डॉ. बाबासाहेब आंबेडकरांनी संविधानात केलेल्या तरतुदीनुसार अनुसूचित जातींचे उपवर्गीकरण व्हावे, या मागणीसाठी आमदार अमितजी गोरखे शासन दरबारी अभ्यासपूर्ण मांडणी करत असताना, काही समाजकंटक सोशल मीडियावर त्यांना ट्रोल करून अपशब्द वापरत असल्याने त्यांच्या संरक्षणाची ही मागणी करण्यात आली. या आंदोलनादरम्यान, "आमदार अमित गोरखे आगे बढो-हम तुम्हारे साथ है", "आमदार अमित गोरखे से जो टकरायेगा वह मिट्टी मे मिल जायेगा", आणि "आरक्षण वर्गीकरण झालंच पाहीजे" या घोषणांनी परिसर दणाणून गेला. राज्य समन्वयक रविकांत जगधने यांच्या नेतृत्वात हे आंदोलन यशस्वी करण्यासाठी डॉ. मनोहर जाधव, छगन वाघमारे, देविदास जाधव, सचिन साने, बंडू निकाळजे, दत्ता घोडे, अशोक लोखंडे, प्रकाश काका साळवे, सतीष खंडागळे, नरेश जगधने, शाम खंदारे, सुधाकर तुपसौन्दर, सुदाम दाभाडे, अभिनेते अरुण गाढे, प्रदीप पडूळ, अनिल लोखंडे, रमेश कासार, राहुल गोफने, मनोज बॉबी, सोमेश कांबळे, विजय आठवले यांसह अनेक 'जिगरबाज लहू सैनिकांची' प्रमुख उपस्थिती होती. या प्रकरणी विद्यमान मुख्यमंत्री आणि पोलीस महासंचालक यांना निवेदन सादर करण्यात येणार असल्याचे आयोजकांनी सांगितले.

रात्री उशिरा झालेल्या अडीच तासांच्या चर्चेनंतर सरकारने मनोज दादा जरांगे पाटील यांच्या सर्व मागण्या मान्य केल्या आहेत. या संघर्ष युद्धानंतर झालेल्या चर्चेत मराठा समाजाचा विजय झाला, असे सांगण्यात आले. मध्यरात्री दीड वाजता मराठा समाजात आनंदाचा गुलाल उधळून हा विजय साजरा करण्यात आला.

खासदार संजय जाधव यांनी आंतरवाली येथील मनोज जरांगे पाटील यांच्या आंदोलनस्थळी भेट दिली. यावेळी त्यांनी सरकारवर जोरदार टीका केली. "लाख मेले तरी चालतील, पण लाखोंचा पोशिंदा जगला पाहिजे," अशी तीव्र प्रतिक्रिया खासदार जाधव यांनी व्यक्त केली.

सर्वधर्मीय सामूहिक विवाह सोहळ्यासाठी जय्यत तयारी सुरू आहे. या तयारीचा एक भाग म्हणून संबोधी अकादमीचे अध्यक्ष डॉ. भीमराव हत्तीअंबीरे यांनी विवाह सोहळ्याच्या मंडपाची पाहणी केली.

संघर्षयोद्धे मनोज जरांगे पाटील यांनी तळपत्या उन्हात सुरू केलेल्या आमरण उपोषणाला भोकरदन तालुक्यातून तीव्र पाठिंबा व्यक्त करण्यात आला आहे. त्यांच्या विविध मागण्या सरकारने तातडीने मान्य कराव्यात, अन्यथा तालुक्यात तीव्र आंदोलन छेडण्यात येईल, असा इशारा मराठा समाजाने दिला आहे. या मागणीसाठी भोकरदन तालुक्यातील मराठा सेवकांच्या वतीने पोलीस प्रशासनामार्फत शासनाला निवेदन सादर करण्यात आले. या निवेदनाद्वारे शासनाने तात्काळ सकारात्मक निर्णय घ्यावा, अशी मागणी करण्यात आली असून, अन्यथा मराठा समाजाच्या वतीने व्यापक आंदोलन उभारण्यात येईल, असा इशाराही देण्यात आला आहे. या निवेदनावर प्रा. अंकुश जाधव, सतीष जाधव, विकास जाधव, अप्पासाहेब जाधव, विलास पवार, अंगद सहाने, परमेश्वर पालोदे, श्रीकृष्ण जाधव, प्रकाश जाधव, उमेश घोडके आदी मराठा सेवकांच्या स्वाक्षऱ्या आहेत. दरम्यान, मनोज जरांगे पाटील यांच्या उपोषणामुळे राज्यातील मराठा समाजात असंतोषाची भावना निर्माण झाली असून, सरकारने याची गांभीर्याने दखल घेऊन लवकरात लवकर निर्णय घ्यावा, अशी मागणी जोर धरत आहे.

संघर्ष योद्धा मनोज दादा जरागे पाटील हे आपल्या उपोषणावर ठाम असून त्यांनी फडणवीस सरकारवर मराठा समाजाची फसवणूक केल्याचा गंभीर आरोप केला आहे. त्यांच्या मते, मराठा आरक्षणासंदर्भात ५८ लाख नोंदी सापडल्या होत्या, परंतु त्या नोंदी वेबसाईटवरून हटवण्यात आल्या आहेत. ज्या मराठा बांधवांच्या नोंदी आहेत, त्यांना कुणबी प्रमाणपत्रे दिली जात नाहीत, तर ज्यांना प्रमाणपत्रे मिळाली आहेत, त्यांची वैधता (व्हॅलीडिटी) होत नसल्याची तक्रार जरागे पाटील यांनी केली आहे. इतका वेळ देऊनही केवळ फसवणूकच झाल्याचे त्यांचे म्हणणे आहे. या प्रकरणी मंत्री राधाकृष्ण विखे पाटील आणि आमदार प्रसाद लाड यांचे शिष्टमंडळ मनोज दादा जरागे पाटील यांच्याशी चर्चा करून मुंबईकडे रवाना झाले आहे. दरम्यान, जरागे पाटील यांनी मराठा समाजाला आवाहन केले आहे की, झोपलेल्या मराठा बांधवांनी आता जागे होऊन अंतरवाली सराटी येथे यावे. ज्यांनी झोपेचे सोंग घेतले आहे, त्यांना कोणीही उठवू शकत नाही, असेही ते म्हणाले. "लाख मेले तरी चालतील पण लाखांचा पोशिंदा जगाला पाहिजे," अशा शब्दांत त्यांनी आपला निर्धार व्यक्त केला.

राज्यातील राजकारणात नितेश राणे यांनी रोहित पवार यांच्या संदर्भात केलेल्या एका विधानामुळे सध्या जोरदार चर्चा सुरू आहे. राणे यांनी रोहित पवार यांना थेट आव्हान देत म्हटले आहे की, "बिळातून बाहेर यावं". या विधानाचा एक महत्त्वाचा भाग म्हणजे त्यांनी उपस्थित केलेला प्रश्न, "रोहित पवार भाजपमध्ये असते तर...?" त्यांच्या या प्रश्नाने राजकीय वर्तुळात अनेक तर्कवितर्कांना उधाण आले असून, नितेश राणे यांचे हे विधान सध्या चांगलेच चर्चेत आहे.

बुलढाणा जिल्हा परिषदेचे मुख्य कार्यकारी अधिकारी (CEO) खरात यांच्या भूमिकेवर तीव्र प्रश्नचिन्ह उपस्थित केले जात आहे. त्यांच्या कार्यपद्धतीवर सवाल उपस्थित करत, त्यांना भ्रष्टाचाऱ्यांचे रक्षक मानले जात आहे की जनतेचे शत्रू, असा थेट सवाल केला जात आहे.

परभणी जिल्ह्यातील मानवत येथे झालेल्या एका घटनेत, खाजगी ट्रॅव्हल्सच्या धडकेमुळे चार जणांचा मृत्यू झाला आहे.