ప్రభుత్వం కొత్తగా ప్రవేశపెట్టిన APAIMS అప్లికేషన్ ద్వారా శాస్త్రవేత్తల సిఫార్సు మేరకు రైతులకు యూరియా, డి.ఏ.పి ఎరువులను పంపిణీ చేస్తున్నట్లు మండల వ్యవసాయ అధికారి స్వప్నికా రెడ్డి తెలిపారు. అధిక రసాయనిక ఎరువుల వాడకం వల్ల నేల ఆరోగ్యం దెబ్బతినకుండా ఉండేందుకే ప్రభుత్వం ఈ సులభమైన ప్రక్రియను చేపట్టిందని పేర్కొన్నారు. కౌలు రైతులు కూడా తమ పంటలు, పొలం వివరాలను సంబంధిత రైతు సేవా కేంద్రం ద్వారా నమోదు చేసుకుని ఎరువులు పొందవచ్చని వివరించారు. ఇప్పటివరకు గోస్పాడు మండలంలో ఈ నూతన విధానం ద్వారా 270 మంది రైతులకు 85.1 మెట్రిక్ టన్నుల యూరియా, 31.37 మెట్రిక్ టన్నుల డి.ఏ.పి ఎరువులను పంపిణీ చేసినట్లు ఆమె వెల్లడించారు. ఎవరైనా డీలర్లు నిబంధనలు ఉల్లంఘించి కృత్రిమ కొరత సృష్టించినా, ఎరువుల మళ్లింపులు చేసినా, అనవసరమైన లింక్ ప్రొడక్టులు ఇచ్చినా లేదా ఎంఆర్పీ ధర కంటే ఎక్కువకు విక్రయించినా ఎరువుల నియంత్రణ చట్టం 1985 ప్రకారం కఠిన చర్యలు తీసుకుంటామని స్వప్నికా రెడ్డి హెచ్చరించారు. ఇప్పటికే మండలంలోని కొందరు డీలర్ల లైసెన్సులను సస్పెండ్ చేసి చర్యలు చేపట్టినట్లు స్పష్టం చేశారు. ఎరువుల పంపిణీ విషయంలో రైతులు ఎలాంటి ఆందోళన చెందవద్దని, ఏవైనా సమస్యలు ఎదురైతే రైతు సేవా కేంద్రం లేదా మండల వ్యవసాయాధికారి కార్యాలయాన్ని సంప్రదించాలని కోరారు.

Naga kanth

బండి ఆత్మకూరు, నంద్యాల, ఆంధ్రప్రదేశ్•

6 hrs ago

ప్రభుత్వం కొత్తగా ప్రవేశపెట్టిన APAIMS అప్లికేషన్ ద్వారా శాస్త్రవేత్తల సిఫార్సు మేరకు రైతులకు యూరియా, డి.ఏ.పి ఎరువులను పంపిణీ చేస్తున్నట్లు మండల వ్యవసాయ అధికారి స్వప్నికా రెడ్డి తెలిపారు. అధిక రసాయనిక ఎరువుల వాడకం వల్ల నేల ఆరోగ్యం దెబ్బతినకుండా ఉండేందుకే ప్రభుత్వం ఈ సులభమైన ప్రక్రియను చేపట్టిందని పేర్కొన్నారు. కౌలు రైతులు కూడా తమ పంటలు, పొలం వివరాలను సంబంధిత రైతు సేవా కేంద్రం ద్వారా నమోదు చేసుకుని ఎరువులు పొందవచ్చని వివరించారు. ఇప్పటివరకు గోస్పాడు మండలంలో ఈ నూతన విధానం ద్వారా 270 మంది రైతులకు 85.1 మెట్రిక్ టన్నుల యూరియా, 31.37 మెట్రిక్ టన్నుల డి.ఏ.పి ఎరువులను పంపిణీ చేసినట్లు ఆమె వెల్లడించారు. ఎవరైనా డీలర్లు నిబంధనలు ఉల్లంఘించి కృత్రిమ కొరత సృష్టించినా, ఎరువుల మళ్లింపులు చేసినా, అనవసరమైన లింక్ ప్రొడక్టులు ఇచ్చినా లేదా ఎంఆర్పీ ధర కంటే ఎక్కువకు విక్రయించినా ఎరువుల నియంత్రణ చట్టం 1985 ప్రకారం కఠిన చర్యలు తీసుకుంటామని స్వప్నికా రెడ్డి హెచ్చరించారు. ఇప్పటికే మండలంలోని కొందరు డీలర్ల లైసెన్సులను సస్పెండ్ చేసి చర్యలు చేపట్టినట్లు స్పష్టం చేశారు. ఎరువుల పంపిణీ విషయంలో రైతులు ఎలాంటి ఆందోళన చెందవద్దని, ఏవైనా సమస్యలు ఎదురైతే రైతు సేవా కేంద్రం లేదా మండల వ్యవసాయాధికారి కార్యాలయాన్ని సంప్రదించాలని కోరారు.