વડોદરાથી ગત 10મી તારીખે આસામ, કોલકાતા, ઉત્તર પ્રદેશ, ઉજ્જૈન, જગન્નાથપુરી, અયોધ્યા અને વારાણસીના ધાર્મિક સ્થળોના પ્રવાસે નીકળેલા યાત્રાળુઓની ખાનગી ટ્રાવેલ્સની બસ પર મધ્યપ્રદેશના રતલામ નજીક લૂંટારૂઓએ હુમલો કર્યો હતો. આખો પ્રવાસ પૂર્ણ કરીને ગઈકાલે રાત્રે લગભગ 12:45 વાગ્યે, જ્યારે બસ વડોદરા પરત ફરી રહી હતી, ત્યારે હાઈવે પર ઘાત લગાડીને બેઠેલા લગભગ 25 લૂંટારૂઓ અચાનક બસની આડે આવી ગયા. લૂંટારૂઓએ બસને રોકવા માટે જોરદાર પથ્થરમારો શરૂ કર્યો, જેના કારણે બસના આગળના કાચના ટુકડા ડ્રાઈવર અને હેલ્પરના શરીરમાં ઘૂસી ગયા. આ ઘટનામાં ડ્રાઈવરના કપાળમાંથી લોહી નીકળવા લાગ્યું હતું. તેમ છતાં, બહાદુર ડ્રાઈવરે બસ ઊભી રાખવાનો ઇનકાર કર્યો અને ઘાયલ અવસ્થામાં પણ બસની સ્પીડ વધારીને તેને લૂંટારૂઓના ચુંગાલમાંથી સુરક્ષિત રીતે બહાર કાઢી હતી. આ ઘટના અંગે ડ્રાઈવરે જણાવ્યું કે જો તે બસ ઊભી રાખત, તો લૂંટારૂઓ આખી બસને લૂંટી લેત અને મુસાફરોને નુકસાન પહોંચાડત. બસમાં સવાર પ્રવાસી જયંતીભાઈ રાજપૂતે તે ભયાનક રાતને યાદ કરતાં ધ્રુજતા અવાજે કહ્યું કે લૂંટારૂઓએ ઘેરો ઘાલતા જ મુસાફરો રીતસરના ફફડી ઊઠ્યા હતા અને તેમના હૃદયના ધબકારા વધી ગયા હતા. તેમણે ઉમેર્યું કે ભગવાનની કૃપા અને ડ્રાઈવરની હિંમતના કારણે આજે બધાના જીવ બચી ગયા છે.

Ramesh Chaudhary

Local News Reporter વાવ, બનાસકાંઠા, ગુજરાત•

9 hrs ago

વડોદરાથી ગત 10મી તારીખે આસામ, કોલકાતા, ઉત્તર પ્રદેશ, ઉજ્જૈન, જગન્નાથપુરી, અયોધ્યા અને વારાણસીના ધાર્મિક સ્થળોના પ્રવાસે નીકળેલા યાત્રાળુઓની ખાનગી ટ્રાવેલ્સની બસ પર મધ્યપ્રદેશના રતલામ નજીક લૂંટારૂઓએ હુમલો કર્યો હતો. આખો પ્રવાસ પૂર્ણ કરીને ગઈકાલે રાત્રે લગભગ 12:45 વાગ્યે, જ્યારે બસ વડોદરા પરત ફરી રહી હતી, ત્યારે હાઈવે પર ઘાત લગાડીને બેઠેલા લગભગ 25 લૂંટારૂઓ અચાનક બસની આડે આવી ગયા. લૂંટારૂઓએ બસને રોકવા માટે જોરદાર પથ્થરમારો શરૂ કર્યો, જેના કારણે બસના આગળના કાચના ટુકડા ડ્રાઈવર અને હેલ્પરના શરીરમાં ઘૂસી ગયા. આ ઘટનામાં ડ્રાઈવરના કપાળમાંથી લોહી નીકળવા લાગ્યું હતું. તેમ છતાં, બહાદુર ડ્રાઈવરે બસ ઊભી રાખવાનો ઇનકાર કર્યો અને ઘાયલ અવસ્થામાં પણ બસની સ્પીડ વધારીને તેને લૂંટારૂઓના ચુંગાલમાંથી સુરક્ષિત રીતે બહાર કાઢી હતી. આ ઘટના અંગે ડ્રાઈવરે જણાવ્યું કે જો તે બસ ઊભી રાખત, તો લૂંટારૂઓ આખી બસને લૂંટી લેત અને મુસાફરોને નુકસાન પહોંચાડત. બસમાં સવાર પ્રવાસી જયંતીભાઈ રાજપૂતે તે ભયાનક રાતને યાદ કરતાં ધ્રુજતા અવાજે કહ્યું કે લૂંટારૂઓએ ઘેરો ઘાલતા જ મુસાફરો રીતસરના ફફડી ઊઠ્યા હતા અને તેમના હૃદયના ધબકારા વધી ગયા હતા. તેમણે ઉમેર્યું કે ભગવાનની કૃપા અને ડ્રાઈવરની હિંમતના કારણે આજે બધાના જીવ બચી ગયા છે.