लातूर जिल्ह्यातील मांजरा ग्रुपच्या वतीने चालवण्यात येणाऱ्या विलास सहकारी साखर कारखान्याने गळीत हंगाम २०२५-२६ साठी ऊस उत्पादक शेतकऱ्यांसाठी प्रति मे. टन ३१७१ रुपये असा उच्चांकी अंतिम ऊस दर जाहीर केला आहे. या निर्णयामुळे शेतकऱ्यांना दिलासा मिळाला असून, अंतिम हप्त्यापोटी ३२१ रुपये प्रति मे. टन प्रमाणे ऊस बिल थेट शेतकऱ्यांच्या बँक खात्यावर वर्ग करण्यात आले आहे. कारखान्याचे व्हा. चेअरमन तथा माजी आमदार वैजनाथराव शिंदे आणि कार्यकारी संचालक आबासाहेब पाटील यांनी याबाबत माहिती दिली. गाळप झालेल्या उसाला कारखान्याने यापूर्वीच प्रति मे. टन २८५० रुपये प्रमाणे बिल दिले होते. खरीप पेरणीचे दिवस जवळ आल्यामुळे मशागत, पेरणी, बियाणे, खते यासाठी शेतकऱ्यांना पैशाची गरज भासणार असल्याची बाब लक्षात घेऊन, शेतकरी हिताचा निर्णय घेत कारखान्याने हा उच्चांकी ऊस दर जाहीर करून अंतिम हप्ता देण्याचा निर्णय घेतला आहे. मांजरा परिवाराचे मार्गदर्शक सहकार महर्षी दिलीपरावजी देशमुख, कारखान्याचे संस्थापक आमदार अमित विलासराव देशमुख, लातूर जिल्हा मध्यवर्ती सहकारी बँकेचे चेअरमन धिरज विलासराव देशमुख आणि कारखान्याच्या चेअरमन वैशाली विलासराव देशमुख यांच्या मार्गदर्शनाखाली हा महत्त्वपूर्ण निर्णय घेण्यात आला. गळीत हंगाम २०२५-२६ मध्ये कारखान्याने ६,५१,४३१.२३६ मे. टन उसाचे गाळप केले असून, १२.२१ टक्के सरासरी साखर उतारा मिळाल्याने ७,१४,४७० क्विंटल साखर उत्पादन झाले आहे. याव्यतिरिक्त, कारखान्याने ४ कोटी ७८ लाख ८० हजार ६०० युनिट वीज निर्मिती करून त्यातील २ कोटी ८२ लाख युनिट वीज निर्यात केली आहे. डिस्टीलरी प्रकल्पातून १ कोटी ०१ लाख लिटर इथेनॉलचे उत्पादनही घेण्यात आले आहे. माजी मंत्री आमदार अमित विलासराव देशमुख यांच्या खंबीर नेतृत्वाखाली कारखाना सातत्याने प्रगतीपथावर असून, दरवर्षीप्रमाणे यंदाही उच्चांकी ऊस दर देण्याची आपली उज्ज्वल परंपरा कारखान्याने कायम राखली आहे. कारखान्याने पुन्हा एकदा शेतकऱ्यांच्या विश्वासाला साजेसे कार्य केल्याने सभासद व ऊस उत्पादक शेतकऱ्यांमध्ये आनंदाचे व समाधानाचे वातावरण निर्माण झाले आहे.

Laxman Ugile

उदगीर, लातूर, महाराष्ट्र•

7 hrs ago

लातूर जिल्ह्यातील मांजरा ग्रुपच्या वतीने चालवण्यात येणाऱ्या विलास सहकारी साखर कारखान्याने गळीत हंगाम २०२५-२६ साठी ऊस उत्पादक शेतकऱ्यांसाठी प्रति मे. टन ३१७१ रुपये असा उच्चांकी अंतिम ऊस दर जाहीर केला आहे. या निर्णयामुळे शेतकऱ्यांना दिलासा मिळाला असून, अंतिम हप्त्यापोटी ३२१ रुपये प्रति मे. टन प्रमाणे ऊस बिल थेट शेतकऱ्यांच्या बँक खात्यावर वर्ग करण्यात आले आहे. कारखान्याचे व्हा. चेअरमन तथा माजी आमदार वैजनाथराव शिंदे आणि कार्यकारी संचालक आबासाहेब पाटील यांनी याबाबत माहिती दिली. गाळप झालेल्या उसाला कारखान्याने यापूर्वीच प्रति मे. टन २८५० रुपये प्रमाणे बिल दिले होते. खरीप पेरणीचे दिवस जवळ आल्यामुळे मशागत, पेरणी, बियाणे, खते यासाठी शेतकऱ्यांना पैशाची गरज भासणार असल्याची बाब लक्षात घेऊन, शेतकरी हिताचा निर्णय घेत कारखान्याने हा उच्चांकी ऊस दर जाहीर करून अंतिम हप्ता देण्याचा निर्णय घेतला आहे. मांजरा परिवाराचे मार्गदर्शक सहकार महर्षी दिलीपरावजी देशमुख, कारखान्याचे संस्थापक आमदार अमित विलासराव देशमुख, लातूर जिल्हा मध्यवर्ती सहकारी बँकेचे चेअरमन धिरज विलासराव देशमुख आणि कारखान्याच्या चेअरमन वैशाली विलासराव देशमुख यांच्या मार्गदर्शनाखाली हा महत्त्वपूर्ण निर्णय घेण्यात आला. गळीत हंगाम २०२५-२६ मध्ये कारखान्याने ६,५१,४३१.२३६ मे. टन उसाचे गाळप केले असून, १२.२१ टक्के सरासरी साखर उतारा मिळाल्याने ७,१४,४७० क्विंटल साखर उत्पादन झाले आहे. याव्यतिरिक्त, कारखान्याने ४ कोटी ७८ लाख ८० हजार ६०० युनिट वीज निर्मिती करून त्यातील २ कोटी ८२ लाख युनिट वीज निर्यात केली आहे. डिस्टीलरी प्रकल्पातून १ कोटी ०१ लाख लिटर इथेनॉलचे उत्पादनही घेण्यात आले आहे. माजी मंत्री आमदार अमित विलासराव देशमुख यांच्या खंबीर नेतृत्वाखाली कारखाना सातत्याने प्रगतीपथावर असून, दरवर्षीप्रमाणे यंदाही उच्चांकी ऊस दर देण्याची आपली उज्ज्वल परंपरा कारखान्याने कायम राखली आहे. कारखान्याने पुन्हा एकदा शेतकऱ्यांच्या विश्वासाला साजेसे कार्य केल्याने सभासद व ऊस उत्पादक शेतकऱ्यांमध्ये आनंदाचे व समाधानाचे वातावरण निर्माण झाले आहे.