ధర్మవరం పట్టణంలోని చెరువుకట్ట వద్ద ఉన్న శ్రీ వీర తిమ్మమ్మ ఆలయ నిర్మాణం కోసం మాధవనగర్‌కు చెందిన పళ్లెం సూర్యప్రకాష్, వల్లెం చంద్రకళ దంపతులు, వారి కుమారుడు గిరీష్ కుమార్ కుటుంబ సభ్యులు రూ. 1,11,116లను విరాళంగా అందజేశారు. ఈ మొత్తాన్ని గిర్రాజు నగేష్ సమక్షంలో ఆలయ కమిటీకి అందజేశారు. అనంతరం పూజారి శేషు దాతల పేరు మీద అమ్మవారికి ప్రత్యేక పూజలు నిర్వహించి, కృతజ్ఞతలు తెలిపారు. వీర తిమ్మమ్మ మహిమలు ప్రజలలో విశ్వాసాన్ని పెంచాయని, అందుకే తమ వంతు సహకారాన్ని అందించినట్లు దాతలు ఈ సందర్భంగా పేర్కొన్నారు. ఈ కార్యక్రమంలో ఆలయ కమిటీ సభ్యులు మరియు గ్రామ పెద్దలు పాల్గొన్నారు. ఆలయ నిర్వాహకులు ఈ ఉదార విరాళాన్ని అందించిన దాతలను అభినందించారు.

శ్రీ సత్యసాయి జిల్లాలోని ధర్మవరం పట్టణంలోని ఎన్టీఆర్ సర్కిల్‌లో ఉన్న అతి పురాతనమైన పాండురంగ స్వామి ఆలయ పునర్నిర్మాణ పనులు ముందుకు సాగకపోవడంతో భక్తులు తీవ్ర ఇబ్బందులు పడుతున్నారు. ఒక సంవత్సరం క్రితం ప్రభుత్వం నిధులు మంజూరు చేసినప్పటికీ, ఆలయ కమిటీ వాటిని ఏమాత్రం పట్టించుకోవడం లేదని భక్తులు ఆరోపిస్తున్నారు. ఆలయ నిర్మాణానికి అవసరమైన భారీ రాతి దూలాలు రోడ్డు పక్కనే ఉండిపోవడంతో ప్రయాణికులు, బాటసారులు, వాహనదారులు ఎన్నో ఇబ్బందులను ఎదుర్కొంటున్నారు. నిధుల అభివృద్ధిలో ఆలయ కమిటీ నిర్లక్ష్య ధోరణి అడ్డంకిగా మారిందని భక్తులు ఆవేదన వ్యక్తం చేస్తున్నారు. పాండురంగ స్వామి దేవాలయ నిర్మాణానికి గ్రహణం పట్టినట్లుగా పరిస్థితి ఉందని వాపోతూ, దేవాదాయ శాఖ అధికారులు ఇప్పటికైనా ఆలయ నిర్మాణ పనులను చేపట్టి, ఆలయ సమస్యలను తీర్చాలని భక్తులు, పట్టణ ప్రజలు డిమాండ్ చేస్తున్నారు.

మాజీ ముఖ్యమంత్రి వైఎస్ జగన్మోహన్ రెడ్డి మూడు రోజుల పర్యటనలో భాగంగా మంగళవారం పులివెందులకు చేరుకున్నారు. ఆయన బెంగళూరు నుంచి హెలికాప్టర్ ద్వారా పులివెందులలోని భాకరాపురం హెలిపాడ్ వద్దకు చేరుకోగా, కడప ఎంపీ వైఎస్ అవినాష్ రెడ్డితో పాటు వైసీపీ నాయకులు ఘనంగా స్వాగతం పలికారు. ఈ సందర్భంగా వైఎస్ జగన్ వైసీపీ శ్రేణులను ఆప్యాయంగా పలకరించారు. ఆయన వెంట ఎమ్మెల్యేలు, ఎమ్మెల్సీలు ఉన్నారు.

ARDV కంపెనీ ఒక అవకాశాన్ని అందిస్తోంది, దీని ద్వారా ప్రతిరోజు ఇంటి నుంచే స్మార్ట్‌ఫోన్‌ను ఉపయోగించుకుంటూ డబ్బులు సంపాదించుకోవచ్చు అని తెలియజేయబడింది.

రాయదుర్గం నియోజకవర్గంలో కూటమి పాలనలో రెండేళ్ల కాలంలో ₹1043 కోట్ల నిధులు తీసుకొచ్చానని ఎమ్మెల్యే కాలవ చెప్పడం హాస్యాస్పదమని రాయదుర్గం కాంగ్రెస్ పార్టీ ఇన్చార్జి గౌని ప్రతాప్ రెడ్డి తీవ్రంగా విమర్శించారు. ఈ నిధులకు సంబంధించిన జీవోలను తక్షణమే విడుదల చేయాలని ఆయన డిమాండ్ చేశారు. గతంలో టిడిపి హయాంలో భైరవాణి తిప్ప ప్రాజెక్టుకు అనేక కోట్లు తీసుకొచ్చామని ఫ్లెక్సీలు వేయించుకున్న విషయాన్ని ఈ సందర్భంగా గౌని ప్రతాప్ రెడ్డి గుర్తు చేశారు. ఆ నిధులకు సంబంధించిన జీవోలు విడుదల చేయమని కోరితే ఇప్పటివరకు ఎమ్మెల్యే స్పందించకపోవడం అర్థం కావడం లేదని ఆయన అన్నారు. ప్రస్తుతం ₹1043 కోట్ల నిధులకు సంబంధించిన జీవోలను తక్షణమే విడుదల చేయాలని గౌని ప్రతాప్ రెడ్డి మరోసారి డిమాండ్ చేశారు.

కడప నగరంలోని అల్మాస్‌పేటలో ఇటీవల జరిగిన మత ఘర్షణలపై నిష్పక్షపాత దర్యాప్తు జరిపి, నిర్దోషి యువతకు న్యాయం చేయాలని కాంగ్రెస్ పార్టీ నాయకులు డిమాండ్ చేశారు. ఈ క్రమంలో కాంగ్రెస్ కడప నగర అధ్యక్షుడు సయ్యద్ గౌస్ పీర్ ఆధ్వర్యంలో పార్టీ నాయకులు జూన్ 23న జిల్లా పోలీసు సూపరింటెండెంట్ (ఎస్పీ)కి రెండోసారి వినతిపత్రం సమర్పించారు. నాయకులు గతంలో ఈ నెల 18న కూడా ఎస్పీని కలిసి ఇదే అంశంపై మాట్లాడారని, ఆ సమయంలో ఎస్పీ సానుకూలంగా స్పందించి తగిన చర్యలు తీసుకుంటామని హామీ ఇచ్చారని తెలిపారు. అయితే, ఈ విషయం సున్నితమైనది కావడంతో తమ ఆందోళనలను మరోసారి తెలియజేసినట్లు పేర్కొన్నారు. మత ఘర్షణలకు సంబంధించిన కేసుల నమోదు, దర్యాప్తు మరియు తదుపరి చర్యల్లో పూర్తిస్థాయి నిష్పక్షపాత ధోరణిని పాటించాలని కాంగ్రెస్ నాయకులు కోరారు. ఇరు వర్గాలకు సమాన న్యాయం జరిగేలా చూడాలని, నిజంగా ఘర్షణలకు కారణమైన వారిపై మాత్రమే కఠిన చర్యలు తీసుకోవాలని వారు డిమాండ్ చేశారు. ఈ ఘటనల నేపథ్యంలో కొందరు నిర్దోషి యువకులు, విద్యార్థులు ఇబ్బందులు ఎదుర్కొంటున్నారని తమకు సమాచారం అందిందని, వారి భవిష్యత్తు దెబ్బతినకుండా చూసి, వాస్తవ నేరస్థులను మాత్రమే చట్టపరంగా బాధ్యులను చేయాలని ఎస్పీని కోరారు. పోలీసు వ్యవస్థపై ప్రజల విశ్వాసం పెరగాలంటే ప్రతి చర్య పారదర్శకంగా, న్యాయబద్ధంగా ఉండాలని సూచిస్తూ, ప్రజలకు భరోసా కలిగించే విధంగా పోలీసులు వ్యవహరించాలని విజ్ఞప్తి చేశారు. కడప నగరంలో శాంతి, సామరస్య వాతావరణం కొనసాగేందుకు పోలీసు శాఖ నిష్పక్షపాతంగా వ్యవహరించాలని కాంగ్రెస్ పార్టీ కోరింది. ఈ కార్యక్రమంలో నగర కాంగ్రెస్ ఉపాధ్యక్షులు జి.వి. అంజన్ కుమార్, సౌదాగర్ సాదిక్, డివిజన్ ఇన్‌చార్జీలు హాజీ, అన్వర్, ముబారక్, షేక్ సాదిక్, హమీద్, మహబూబ్ భాష, సుబ్రహ్మణ్యం, సిద్దిక్ తదితరులు పాల్గొన్నారు.

అన్నమయ్య జిల్లాలోని పుంగనూరు పట్టణంలో, ఫుడ్ సేఫ్టీ అధికారి గురులక్ష్మి ఆధ్వర్యంలో మున్సిపల్ శానిటేషన్ సిబ్బందితో కలిసి విస్తృత తనిఖీలు నిర్వహించారు. పట్టణంలోని మటన్, చికెన్ షాపులు, హోటళ్లలో ఈ తనిఖీలు చేపట్టగా, విక్రయానికి సిద్ధంగా ఉంచిన మాంసం పాడైపోయినట్లు అధికారులు గుర్తించారు. గుర్తించిన పాడైపోయిన మాంసాన్ని అధికారులు స్వాధీనం చేసుకుని నిర్వీర్యం చేశారు. ప్రజల ఆరోగ్యానికి హాని కలిగించే ఆహార పదార్థాల విక్రయాలను ఏ పరిస్థితుల్లోనూ సహించబోమని షాపు యజమానులను ఈ సందర్భంగా హెచ్చరించారు.

శ్రీ సత్యసాయి జిల్లా, ధర్మవరం బ్రాహ్మణ వీధిలోని శ్రీ లక్ష్మీ చెన్నకేశవ స్వామి ఆలయంలో ఆలయ నవీకరణ, జీర్ణోదరణ, అష్ట బంధన మహా సంప్రోక్షణ కుంబాభిషేక మహోత్సవ వేడుకలు నేటి నుంచి 24వ తేదీ వరకు అంగరంగ వైభవంగా జరుగుతున్నాయి. ఆలయ ఈవో వెంకటేశులు మాట్లాడుతూ, ఈ వేడుకల సందర్భంగా శ్రీ త్రిడండి అష్టాక్షరి సంపత్ కుమార్ రామానుజ జీయర్ స్వామి ఆధ్వర్యంలో హోమ కార్యక్రమాలు చేపట్టబడ్డాయని తెలిపారు. అనంతరం భక్తులు అధిక సంఖ్యలో పాల్గొని శ్రీ లక్ష్మీ చెన్నకేశవ స్వామిని దర్శించుకుని తీర్థప్రసాదాలు స్వీకరించారు.

రవాణా శాఖ మంత్రి మండిపల్లి రాంప్రసాద్ రెడ్డి తిరుపతి–కడప సూపర్ లగ్జరీ బస్సు ప్రమాద ఘటనపై తీవ్ర దిగ్భ్రాంతి వ్యక్తం చేశారు. ఈ ప్రమాదంలో మృతి చెందిన చిన్నారి పునీత్ సాయి, విద్యార్థిని యశ్విత కుటుంబాలకు మంత్రి ప్రగాఢ సానుభూతిని వ్యక్తం చేయడంతో పాటు, మృతుల కుటుంబ సభ్యులకు సంతాపం తెలిపారు. క్షతగాత్రులకు అత్యుత్తమ వైద్య సేవలు అందించాలని అధికారులను మంత్రి ఆదేశించారు. రాజంపేట ప్రభుత్వ ఆసుపత్రిలో చికిత్స పొందుతున్న బాధితుల ఆరోగ్య పరిస్థితిపై మంత్రి ఆరా తీశారు. తీవ్రగాయాలైన వారికి మెరుగైన వైద్యం అందించడం కోసం ఉన్నత వైద్య కేంద్రాలకు తరలించాలని సూచించారు. బాధిత కుటుంబాలకు అన్ని విధాలా అండగా ఉంటామని మంత్రి భరోసా ఇచ్చారు. రోడ్డు భద్రతా ప్రమాణాలు, బస్సు–లారీ వివరాలపై మంత్రి అధికారులతో ఫోన్లో ఆరా తీశారు. భవిష్యత్తులో ఇలాంటి ఘటనలు పునరావృతం కాకుండా తగిన చర్యలు తీసుకోవాలని సూచనలు జారీ చేశారు. ప్రమాదంలో గాయపడిన వారంతా త్వరగా కోలుకోవాలని మంత్రి ఆకాంక్షించారు.