ప్రాణాలను కాపాడే సందేశంతో 5కే మారథాన్ _ “ఆరోగ్యమే మహాభాగ్యం.. చెడు అలవాట్లకు దూరంగా ఉండాలి” _నేషనల్ ఫోరెన్సిక్ మెడిసిన్ డే సందర్భంగా టిజీఏఎఫ్ఎం ఆధ్వర్యంలో అవగాహన కార్యక్రమం ప్రజల్లో ఆరోగ్య చైతన్యం పెంపొందించేందుకు తెలంగాణ అకాడమీ ఆఫ్ ఫోరెన్సిక్ మెడిసిన్ (టిజీఏఎఫ్ఎం) ఆధ్వర్యంలో హైదరాబాద్ నెక్లెస్ రోడ్డులో నిర్వహించిన 5కే హెల్త్ అవేర్‌నెస్ మారథాన్ విశేష స్పందన పొందింది. “రన్ ఫర్ హెల్త్ – రన్ ఫర్ జస్టిస్” నినాదంతో జరిగిన ఈ కార్యక్రమంలో ఫోరెన్సిక్ వైద్యులు, పీజీ విద్యార్థులు, వివిధ విభాగాల డాక్టర్లు, సాధారణ ప్రజలు, చిన్నారులు ఉత్సాహంగా పాల్గొన్నారు.ఈ సందర్భంగా టిజీఏఎఫ్ఎం అధ్యక్షులు డా. వసంత్ నాయక్, జనరల్ సెక్రటరీ డా. జి. మహేందర్ మాట్లాడుతూ ప్రాణం ఎంతో విలువైనదని, మద్యపానం, ధూమపానం వంటి చెడు అలవాట్లకు దూరంగా ఉండి ఆరోగ్యాన్ని కాపాడుకోవాలని ప్రజలకు సూచించారు. ఫోరెన్సిక్ మెడిసిన్ కేవలం మరణాల విచారణకే పరిమితం కాకుండా, నివారించగల మరణాల వెనుక ఉన్న కారణాలను సమాజానికి తెలియజేసి ప్రజల ప్రాణాలను రక్షించడంలో కీలక పాత్ర పోషిస్తుందని వివరించారు.ప్రతిరోజూ రోడ్డు ప్రమాదాలు, గుండెపోటులు, మానసిక ఒత్తిడి, ఆత్మహత్యలు మరియు జీవనశైలి వ్యాధుల వల్ల సంభవించే విషాద ఘటనలను చూసే ఫోరెన్సిక్ వైద్యులు “నివారణే ఉత్తమ రక్షణ” అనే సందేశాన్ని సమాజానికి చేరవేయాలనే ఉద్దేశంతో ఈ మారథాన్ నిర్వహించినట్లు తెలిపారు.దాదాపు 300 మంది పాల్గొన్న ఈ మారథాన్‌లో 25 నుంచి 30 మంది చిన్నారులు పాల్గొనడం ప్రత్యేక ఆకర్షణగా నిలిచింది. ఆరోగ్య అవగాహన, రోడ్డు భద్రత, మానసిక ఆరోగ్యం, వ్యసనాల నివారణపై ప్రజల్లో చైతన్యం తీసుకురావడంలో ఈ కార్యక్రమం కీలకంగా నిలిచిందని నిర్వాహకులు పేర్కొన్నారు.ఈ కార్యక్రమం లో డా. సూరజ్, డా. కృపాల్ సింగ్, డా. నాగ మోహన్, డా. లక్ష్మణ్ తదితరులు పాల్గొన్నారు.

Suresh Sagar

కాప్రా, మేడ్చల్ మల్కాజ్‌గిరి, తెలంగాణ•

1 hr ago

ప్రాణాలను కాపాడే సందేశంతో 5కే మారథాన్ _ “ఆరోగ్యమే మహాభాగ్యం.. చెడు అలవాట్లకు దూరంగా ఉండాలి” _నేషనల్ ఫోరెన్సిక్ మెడిసిన్ డే సందర్భంగా టిజీఏఎఫ్ఎం ఆధ్వర్యంలో అవగాహన కార్యక్రమం ప్రజల్లో ఆరోగ్య చైతన్యం పెంపొందించేందుకు తెలంగాణ అకాడమీ ఆఫ్ ఫోరెన్సిక్ మెడిసిన్ (టిజీఏఎఫ్ఎం) ఆధ్వర్యంలో హైదరాబాద్ నెక్లెస్ రోడ్డులో నిర్వహించిన 5కే హెల్త్ అవేర్‌నెస్ మారథాన్ విశేష స్పందన పొందింది. “రన్ ఫర్ హెల్త్ – రన్ ఫర్ జస్టిస్” నినాదంతో జరిగిన ఈ కార్యక్రమంలో ఫోరెన్సిక్ వైద్యులు, పీజీ విద్యార్థులు, వివిధ విభాగాల డాక్టర్లు, సాధారణ ప్రజలు, చిన్నారులు ఉత్సాహంగా పాల్గొన్నారు.ఈ సందర్భంగా టిజీఏఎఫ్ఎం అధ్యక్షులు డా. వసంత్ నాయక్, జనరల్ సెక్రటరీ డా. జి. మహేందర్ మాట్లాడుతూ ప్రాణం ఎంతో విలువైనదని, మద్యపానం, ధూమపానం వంటి చెడు అలవాట్లకు దూరంగా ఉండి ఆరోగ్యాన్ని కాపాడుకోవాలని ప్రజలకు సూచించారు. ఫోరెన్సిక్ మెడిసిన్ కేవలం మరణాల విచారణకే పరిమితం కాకుండా, నివారించగల మరణాల వెనుక ఉన్న కారణాలను సమాజానికి తెలియజేసి ప్రజల ప్రాణాలను రక్షించడంలో కీలక పాత్ర పోషిస్తుందని వివరించారు.ప్రతిరోజూ రోడ్డు ప్రమాదాలు, గుండెపోటులు, మానసిక ఒత్తిడి, ఆత్మహత్యలు మరియు జీవనశైలి వ్యాధుల వల్ల సంభవించే విషాద ఘటనలను చూసే ఫోరెన్సిక్ వైద్యులు “నివారణే ఉత్తమ రక్షణ” అనే సందేశాన్ని సమాజానికి చేరవేయాలనే ఉద్దేశంతో ఈ మారథాన్ నిర్వహించినట్లు తెలిపారు.దాదాపు 300 మంది పాల్గొన్న ఈ మారథాన్‌లో 25 నుంచి 30 మంది చిన్నారులు పాల్గొనడం ప్రత్యేక ఆకర్షణగా నిలిచింది. ఆరోగ్య అవగాహన, రోడ్డు భద్రత, మానసిక ఆరోగ్యం, వ్యసనాల నివారణపై ప్రజల్లో చైతన్యం తీసుకురావడంలో ఈ కార్యక్రమం కీలకంగా నిలిచిందని నిర్వాహకులు పేర్కొన్నారు.ఈ కార్యక్రమం లో డా. సూరజ్, డా. కృపాల్ సింగ్, డా. నాగ మోహన్, డా. లక్ష్మణ్ తదితరులు పాల్గొన్నారు.