రైతు సంక్షేమం, వ్యవసాయాభివృద్ధికి కూటమి ప్రభుత్వం అత్యంత ప్రాధాన్యత ఇస్తోందని, రైతు కుటుంబాలకు ఆర్థిక భరోసా కల్పించడమే ప్రభుత్వ ప్రధాన లక్ష్యమని టిడిపి పోలిట్ బ్యూరో సభ్యులు గుత్తికొండ ధనుంజయ్ రావు వెల్లడించారు. ఎన్నికల సమయంలో రైతులకు ఇచ్చిన హామీలను దశలవారీగా అమలు చేస్తూ వ్యవసాయ రంగాన్ని బలోపేతం చేస్తున్నామని ఆయన తెలిపారు. శనివారం మంగళగిరి వ్యవసాయ మార్కెట్ యార్డులో నియోజకవర్గ స్థాయిలో "అన్నదాత సుఖీభవ – పీఎం కిసాన్ రైతన్న మీకోసం 2026-27" తొలి విడత పంపిణీ కార్యక్రమం, అలాగే పీఎం కిసాన్ 23వ విడత నిధుల విడుదల కార్యక్రమం ఘనంగా నిర్వహించారు. ఈ కార్యక్రమంలో పెద్ద సంఖ్యలో రైతులు పాల్గొని ప్రభుత్వ సంక్షేమ పథకాల ద్వారా అందుతున్న ఆర్థిక సహాయాన్ని స్వాగతించారు. ఈ సందర్భంగా గుత్తికొండ ధనుంజయ్ రావు మాట్లాడుతూ, కేంద్ర, రాష్ట్ర ప్రభుత్వాలు రైతు సంక్షేమం, వ్యవసాయాభివృద్ధికి అత్యంత ప్రాధాన్యత ఇస్తున్నాయని పేర్కొన్నారు. రైతులు వ్యవసాయ పనులను సకాలంలో చేపట్టేందుకు అవసరమైన పెట్టుబడి సాయాన్ని నేరుగా వారి బ్యాంకు ఖాతాల్లో జమ చేయడం ద్వారా ఆర్థిక భారం తగ్గించడమే ప్రభుత్వ లక్ష్యమని వివరించారు. అన్నదాత సుఖీభవ, పీఎం కిసాన్ పథకాల ద్వారా రైతులకు అందుతున్న ఆర్థిక సహాయం వ్యవసాయ రంగానికి ఊతమివ్వడంతో పాటు రైతు కుటుంబాల జీవనోపాధి మెరుగుదలకు దోహదపడుతోందన్నారు. రైతులు ప్రభుత్వ పథకాల ప్రయోజనాలను సద్వినియోగం చేసుకుని వ్యవసాయాన్ని మరింత లాభసాటిగా మార్చుకోవాలని ఆయన సూచించారు. ఏడీఏ మంగళగిరి పి. సంధ్యారాణి మాట్లాడుతూ, పీఎం కిసాన్–అన్నదాత సుఖీభవ పథకాల కింద మంగళగిరి నియోజకవర్గంలోని అర్హులైన రైతుల ఖాతాల్లో మొత్తం రూ.8.91 కోట్ల ఆర్థిక సాయం జమ కానుందని వెల్లడించారు. ఈ ఆర్థిక సహాయం రైతులకు సాగు ఖర్చుల భారం తగ్గించడంలో ఎంతగానో ఉపయోగపడుతుందని ఆమె పేర్కొన్నారు. అధికారులు పథకాల అమలు విధానం, అర్హతలు, నిధుల జమ ప్రక్రియపై రైతులకు వివరాలు అందించారు. అనంతరం లబ్ధిదారులతో మమేకమై వారి సమస్యలు, సూచనలను తెలుసుకున్నారు. రైతులకు అవసరమైన యూరియా, డీఏపీతో పాటు ఇతర రకాల ఎరువులను సమృద్ధిగా అందుబాటులో ఉంచామని, డోర్ టు డోర్ అగ్రికల్చర్ (2.0) కార్యక్రమం ద్వారా రైతులకు వ్యవసాయ సేవలను మరింత చేరువ చేస్తున్నామని పి. సంధ్యారాణి తెలిపారు. ప్రస్తుతం ఎరువుల కొరత ఎక్కడా లేదని, అన్ని రైతు సేవా కేంద్రాలు, సహకార సంఘాలు, ఎరువుల విక్రయ కేంద్రాల్లో తగిన నిల్వలు సిద్ధంగా ఉన్నాయని చెప్పారు. రైతులు ఎలాంటి ఆందోళన చెందాల్సిన అవసరం లేదని, అవసరమైన ఎరువులను అధికారిక కేంద్రాల నుంచే కొనుగోలు చేయాలని సూచించారు. ప్రభుత్వం అందిస్తున్న సంక్షేమ పథకాలు, వ్యవసాయ సేవలు, సాంకేతిక సలహాలను సద్వినియోగం చేసుకుని అధిక దిగుబడులు సాధించాలని రైతులకు ఆమె పిలుపునిచ్చారు. రైతుల అభ్యున్నతి కోసం వ్యవసాయ శాఖ అధికారులు ఎల్లప్పుడూ అందుబాటులో ఉంటారని, రైతుల సమస్యల పరిష్కారానికి ప్రత్యేక చర్యలు తీసుకుంటున్నామని సంధ్యారాణి పేర్కొన్నారు. ఈ కార్యక్రమంలో రాష్ట్ర పద్మశాలి కార్పొరేషన్ చైర్మన్ నందం అబదయ్య, టీటీడీ బోర్డు మెంబర్ తమ్మిశెట్టి జానకి దేవి, మంగళగిరి వ్యవసాయ మార్కెట్ యార్డ్ చైర్మన్ జవ్వాది కిరణ్ చంద్, రాష్ట్ర అధికార ప్రతినిధి ఆకుల జయసత్య, స్వచంద్ర కార్పొరేషన్ డైరెక్టర్ ఆరుద్ర భూలక్ష్మి, రాష్ట్ర సివిల్ సప్లై డైరెక్టర్ తోట పార్థసారథి, మంగళగిరి సొసైటీ అధ్యక్షులు గాదె పిచ్చిరెడ్డి, మంగళగిరి మండల పార్టీ అధ్యక్షులు పల్లబోతుల శ్రీనివాసరావు, తాడేపల్లి టౌన్ అధ్యక్షులు వల్లభనేని వెంకట్రావు, దుగ్గిరాల మండల పార్టీ అధ్యక్షులు కేసంనేని అనిత, తెలుగు రైతు అధ్యక్షులు జిల్లా కళ్ళం రాజశేఖర్ రెడ్డి, మంగళగిరి నియోజకవర్గ రైతు సంఘం అధ్యక్షులు భాస్కర్ రెడ్డి, మార్కెట్ యార్డ్ సెక్రటరీ ప్రభారాణి, అగ్రికల్చర్ ఏవో శైలాజరాణి, యార్డ్ డైరెక్టర్లు, నాయకులు, రైతులు తదితరులు పాల్గొన్నారు.

Syed Rafi

Photographer మహానంది, నంద్యాల, ఆంధ్రప్రదేశ్•

19 hrs ago

రైతు సంక్షేమం, వ్యవసాయాభివృద్ధికి కూటమి ప్రభుత్వం అత్యంత ప్రాధాన్యత ఇస్తోందని, రైతు కుటుంబాలకు ఆర్థిక భరోసా కల్పించడమే ప్రభుత్వ ప్రధాన లక్ష్యమని టిడిపి పోలిట్ బ్యూరో సభ్యులు గుత్తికొండ ధనుంజయ్ రావు వెల్లడించారు. ఎన్నికల సమయంలో రైతులకు ఇచ్చిన హామీలను దశలవారీగా అమలు చేస్తూ వ్యవసాయ రంగాన్ని బలోపేతం చేస్తున్నామని ఆయన తెలిపారు. శనివారం మంగళగిరి వ్యవసాయ మార్కెట్ యార్డులో నియోజకవర్గ స్థాయిలో "అన్నదాత సుఖీభవ – పీఎం కిసాన్ రైతన్న మీకోసం 2026-27" తొలి విడత పంపిణీ కార్యక్రమం, అలాగే పీఎం కిసాన్ 23వ విడత నిధుల విడుదల కార్యక్రమం ఘనంగా నిర్వహించారు. ఈ కార్యక్రమంలో పెద్ద సంఖ్యలో రైతులు పాల్గొని ప్రభుత్వ సంక్షేమ పథకాల ద్వారా అందుతున్న ఆర్థిక సహాయాన్ని స్వాగతించారు. ఈ సందర్భంగా గుత్తికొండ ధనుంజయ్ రావు మాట్లాడుతూ, కేంద్ర, రాష్ట్ర ప్రభుత్వాలు రైతు సంక్షేమం, వ్యవసాయాభివృద్ధికి అత్యంత ప్రాధాన్యత ఇస్తున్నాయని పేర్కొన్నారు. రైతులు వ్యవసాయ పనులను సకాలంలో చేపట్టేందుకు అవసరమైన పెట్టుబడి సాయాన్ని నేరుగా వారి బ్యాంకు ఖాతాల్లో జమ చేయడం ద్వారా ఆర్థిక భారం తగ్గించడమే ప్రభుత్వ లక్ష్యమని వివరించారు. అన్నదాత సుఖీభవ, పీఎం కిసాన్ పథకాల ద్వారా రైతులకు అందుతున్న ఆర్థిక సహాయం వ్యవసాయ రంగానికి ఊతమివ్వడంతో పాటు రైతు కుటుంబాల జీవనోపాధి మెరుగుదలకు దోహదపడుతోందన్నారు. రైతులు ప్రభుత్వ పథకాల ప్రయోజనాలను సద్వినియోగం చేసుకుని వ్యవసాయాన్ని మరింత లాభసాటిగా మార్చుకోవాలని ఆయన సూచించారు. ఏడీఏ మంగళగిరి పి. సంధ్యారాణి మాట్లాడుతూ, పీఎం కిసాన్–అన్నదాత సుఖీభవ పథకాల కింద మంగళగిరి నియోజకవర్గంలోని అర్హులైన రైతుల ఖాతాల్లో మొత్తం రూ.8.91 కోట్ల ఆర్థిక సాయం జమ కానుందని వెల్లడించారు. ఈ ఆర్థిక సహాయం రైతులకు సాగు ఖర్చుల భారం తగ్గించడంలో ఎంతగానో ఉపయోగపడుతుందని ఆమె పేర్కొన్నారు. అధికారులు పథకాల అమలు విధానం, అర్హతలు, నిధుల జమ ప్రక్రియపై రైతులకు వివరాలు అందించారు. అనంతరం లబ్ధిదారులతో మమేకమై వారి సమస్యలు, సూచనలను తెలుసుకున్నారు. రైతులకు అవసరమైన యూరియా, డీఏపీతో పాటు ఇతర రకాల ఎరువులను సమృద్ధిగా అందుబాటులో ఉంచామని, డోర్ టు డోర్ అగ్రికల్చర్ (2.0) కార్యక్రమం ద్వారా రైతులకు వ్యవసాయ సేవలను మరింత చేరువ చేస్తున్నామని పి. సంధ్యారాణి తెలిపారు. ప్రస్తుతం ఎరువుల కొరత ఎక్కడా లేదని, అన్ని రైతు సేవా కేంద్రాలు, సహకార సంఘాలు, ఎరువుల విక్రయ కేంద్రాల్లో తగిన నిల్వలు సిద్ధంగా ఉన్నాయని చెప్పారు. రైతులు ఎలాంటి ఆందోళన చెందాల్సిన అవసరం లేదని, అవసరమైన ఎరువులను అధికారిక కేంద్రాల నుంచే కొనుగోలు చేయాలని సూచించారు. ప్రభుత్వం అందిస్తున్న సంక్షేమ పథకాలు, వ్యవసాయ సేవలు, సాంకేతిక సలహాలను సద్వినియోగం చేసుకుని అధిక దిగుబడులు సాధించాలని రైతులకు ఆమె పిలుపునిచ్చారు. రైతుల అభ్యున్నతి కోసం వ్యవసాయ శాఖ అధికారులు ఎల్లప్పుడూ అందుబాటులో ఉంటారని, రైతుల సమస్యల పరిష్కారానికి ప్రత్యేక చర్యలు తీసుకుంటున్నామని సంధ్యారాణి పేర్కొన్నారు. ఈ కార్యక్రమంలో రాష్ట్ర పద్మశాలి కార్పొరేషన్ చైర్మన్ నందం అబదయ్య, టీటీడీ బోర్డు మెంబర్ తమ్మిశెట్టి జానకి దేవి, మంగళగిరి వ్యవసాయ మార్కెట్ యార్డ్ చైర్మన్ జవ్వాది కిరణ్ చంద్, రాష్ట్ర అధికార ప్రతినిధి ఆకుల జయసత్య, స్వచంద్ర కార్పొరేషన్ డైరెక్టర్ ఆరుద్ర భూలక్ష్మి, రాష్ట్ర సివిల్ సప్లై డైరెక్టర్ తోట పార్థసారథి, మంగళగిరి సొసైటీ అధ్యక్షులు గాదె పిచ్చిరెడ్డి, మంగళగిరి మండల పార్టీ అధ్యక్షులు పల్లబోతుల శ్రీనివాసరావు, తాడేపల్లి టౌన్ అధ్యక్షులు వల్లభనేని వెంకట్రావు, దుగ్గిరాల మండల పార్టీ అధ్యక్షులు కేసంనేని అనిత, తెలుగు రైతు అధ్యక్షులు జిల్లా కళ్ళం రాజశేఖర్ రెడ్డి, మంగళగిరి నియోజకవర్గ రైతు సంఘం అధ్యక్షులు భాస్కర్ రెడ్డి, మార్కెట్ యార్డ్ సెక్రటరీ ప్రభారాణి, అగ్రికల్చర్ ఏవో శైలాజరాణి, యార్డ్ డైరెక్టర్లు, నాయకులు, రైతులు తదితరులు పాల్గొన్నారు.