नागपूर येथील रेल्वे स्थानकावरून मुख्यमंत्री तीर्थदर्शन योजनेअंतर्गत बोधगयेकडे जाणाऱ्या भाविकांच्या पहिल्या चमूला विशेष रेल्वेद्वारे रवाना करण्यात आले. मुख्यमंत्री देवेंद्र फडणवीस, सामाजिक न्याय मंत्री संजय शिरसाट आणि इतर मान्यवरांनी या विशेष रेल्वेला हिरवी झेंडी दाखवून मार्गस्थ केले. या योजनेच्या माध्यमातून नागपूरमधून यावर्षी सुमारे ८०० ज्येष्ठ नागरिकांना बोधगया येथे जाण्याची संधी मिळत असून, याबाबत मुख्यमंत्री फडणवीस यांनी मनस्वी आनंद व्यक्त केला आहे. भगवान गौतम बुद्धांच्या विचारांचे प्रेरणास्थान असलेल्या बोधगयेचे दर्शन घेण्याची तीव्र इच्छा अनेक ज्येष्ठ नागरिकांमध्ये असते. मात्र, आर्थिक, शारीरिक आणि कौटुंबिक अडचणींमुळे ही इच्छा पूर्ण करणे त्यांच्यासाठी अशक्यप्राय होऊन जाते. अशा गरजू ज्येष्ठ नागरिकांची ही इच्छा पूर्ण व्हावी, याच उद्देशाने शासनाने मुख्यमंत्री तीर्थदर्शन योजना सुरू केली आहे. या योजनेचे उत्तम नियोजन करून ती यशस्वीपणे राबविल्याबद्दल मुख्यमंत्र्यांनी सामाजिक न्याय विभागाचे विशेष कौतुक केले. या प्रवासात वृद्ध भाविकांची कोणतीही गैरसोय होऊ नये, याची काळजी विभागाकडून घेण्यात आली आहे. या प्रवासादरम्यान भाविकांच्या सोयीसाठी मुख्यमंत्री देवेंद्र फडणवीस यांच्या दूरदृष्टीतून लवकरच बोधगया येथे महाराष्ट्रातील भाविकांसाठी एक व्यापक संकूल उभारण्यात येणार असल्याची माहिती सामाजिक न्याय मंत्री संजय शिरसाट यांनी दिली. या विशेष सोहळ्याला वित्त व नियोजन राज्यमंत्री आशिष जयस्वाल, खासदार श्यामकुमार बर्वे, महापौर नीता ठाकरे, आमदार कृष्णा खोपडे, संजय मेश्राम, समीर मेघे, चरणसिंह ठाकूर, प्रधान सचिव हर्षदीप कांबळे, जिल्हाधिकारी कुमार आशीर्वाद यांच्यासह विविध विभागांचे वरिष्ठ अधिकारी उपस्थित होते.

Amit Omprakash tiwari

मुंबई, मुंबई, महाराष्ट्र•

2 hrs ago

नागपूर येथील रेल्वे स्थानकावरून मुख्यमंत्री तीर्थदर्शन योजनेअंतर्गत बोधगयेकडे जाणाऱ्या भाविकांच्या पहिल्या चमूला विशेष रेल्वेद्वारे रवाना करण्यात आले. मुख्यमंत्री देवेंद्र फडणवीस, सामाजिक न्याय मंत्री संजय शिरसाट आणि इतर मान्यवरांनी या विशेष रेल्वेला हिरवी झेंडी दाखवून मार्गस्थ केले. या योजनेच्या माध्यमातून नागपूरमधून यावर्षी सुमारे ८०० ज्येष्ठ नागरिकांना बोधगया येथे जाण्याची संधी मिळत असून, याबाबत मुख्यमंत्री फडणवीस यांनी मनस्वी आनंद व्यक्त केला आहे. भगवान गौतम बुद्धांच्या विचारांचे प्रेरणास्थान असलेल्या बोधगयेचे दर्शन घेण्याची तीव्र इच्छा अनेक ज्येष्ठ नागरिकांमध्ये असते. मात्र, आर्थिक, शारीरिक आणि कौटुंबिक अडचणींमुळे ही इच्छा पूर्ण करणे त्यांच्यासाठी अशक्यप्राय होऊन जाते. अशा गरजू ज्येष्ठ नागरिकांची ही इच्छा पूर्ण व्हावी, याच उद्देशाने शासनाने मुख्यमंत्री तीर्थदर्शन योजना सुरू केली आहे. या योजनेचे उत्तम नियोजन करून ती यशस्वीपणे राबविल्याबद्दल मुख्यमंत्र्यांनी सामाजिक न्याय विभागाचे विशेष कौतुक केले. या प्रवासात वृद्ध भाविकांची कोणतीही गैरसोय होऊ नये, याची काळजी विभागाकडून घेण्यात आली आहे. या प्रवासादरम्यान भाविकांच्या सोयीसाठी मुख्यमंत्री देवेंद्र फडणवीस यांच्या दूरदृष्टीतून लवकरच बोधगया येथे महाराष्ट्रातील भाविकांसाठी एक व्यापक संकूल उभारण्यात येणार असल्याची माहिती सामाजिक न्याय मंत्री संजय शिरसाट यांनी दिली. या विशेष सोहळ्याला वित्त व नियोजन राज्यमंत्री आशिष जयस्वाल, खासदार श्यामकुमार बर्वे, महापौर नीता ठाकरे, आमदार कृष्णा खोपडे, संजय मेश्राम, समीर मेघे, चरणसिंह ठाकूर, प्रधान सचिव हर्षदीप कांबळे, जिल्हाधिकारी कुमार आशीर्वाद यांच्यासह विविध विभागांचे वरिष्ठ अधिकारी उपस्थित होते.