రైతుల భూములకు చట్టబద్ధమైన రక్షణ, స్పష్టమైన హక్కులు కల్పించడమే తమ ప్రజా ప్రభుత్వ ప్రధాన లక్ష్యమని రాష్ట్ర రెవెన్యూ, హౌసింగ్, సమాచార & పౌరసంబంధాల శాఖ మంత్రి పొంగులేటి శ్రీ‌నివాస‌రెడ్డి గారు స్పష్టం చేశారు. గౌరవ ముఖ్యమంత్రి రేవంత్ రెడ్డి గారి నాయకత్వంలో భూసమస్యల పరిష్కారానికి ప్రభుత్వం అత్యంత ప్రాధాన్యమిస్తూ ముందుకు సాగుతోందని మంత్రి తెలిపారు. సోమవారం నాడు రెవెన్యూ అధికారుల‌తో నిర్వహించిన టెలికాన్ఫరెన్స్‌లో ఆయన మాట్లాడుతూ, భూభారతి చట్టం అమల్లోకి వచ్చిన 2025 ఏప్రిల్ 14 నుంచి ఇప్పటివరకు రాష్ట్రవ్యాప్తంగా 3.65 లక్షల పాస్‌బుక్‌లు జారీ చేసినట్లు వెల్లడించారు. గతంలో పాస్‌బుక్ కోసం రైతులు నెలల తరబడి కార్యాలయాల చుట్టూ తిరిగేవారని, అయితే ఇప్పుడు దరఖాస్తు చేసిన వెంటనే పాస్‌బుక్ అందేలా పారదర్శకమైన, వేగవంతమైన వ్యవస్థను రూపొందించామని ఆయన వివరించారు. అలాగే, భూభారతి చట్టంలో వ్యవసాయ భూముల క్రయవిక్రయాల్లో రిజిస్ట్రేషన్ సమయంలో సర్వే మ్యాప్ జత చేసే నిబంధనను ప్రయోగాత్మకంగా అమలు చేస్తున్న ఐదు మండలాల్లోని పరిస్థితులను మంత్రి సమీక్షించారు. ఈ విధానం విజయవంతం కావడంతో, అక్కడి అనుభవాలు, సమస్యలను పరిగణలోకి తీసుకుని త్వరలోనే రెండో దశలో ప్రతి జిల్లాకు ఒక మండలంలో దీనిని అమలు చేయడానికి కార్యాచరణ సిద్ధం చేయాలని అధికారులను ఆదేశించారు. దీనితో పాటు, రాష్ట్రవ్యాప్తంగా పెండింగ్‌లో ఉన్న సాదాబైనామా దరఖాస్తుల పరిష్కారంలో మరింత వేగం పెంచాలని మంత్రి గారు సూచించారు. మొత్తం 9.25 లక్షల సాదాబైనామా దరఖాస్తులలో, ఇప్పటివరకు ఆరు లక్షల దరఖాస్తుదారులకు నోటీసులు జారీ చేసినట్లు అధికారులు తెలియజేశారు. మిగిలిన దరఖాస్తులకు వచ్చే 15 రోజుల్లో నోటీసులు జారీ పూర్తి చేయాలని, ఆ తర్వాత 30 రోజుల గడువు ముగిసిన వెంటనే అర్హులైన ద‌ర‌ఖాస్తుల‌ను పరిష్కరించే విధంగా ప్రత్యేక కార్యాచరణ రూపొందించాలని మంత్రి ఆదేశించారు. గత ప్రభుత్వం సాదాబైనామా అంశాన్ని పూర్తిగా నిర్లక్ష్యం చేసిందని, దరఖాస్తులు స్వీకరించినప్పటికీ వాటి పరిష్కారానికి 2020 ఆర్వోఆర్ చట్టంలో సరైన నిబంధనలు లేకపోవడం వల్ల వేలాది మంది రైతులు ఇబ్బందులు ఎదుర్కొన్నారని మంత్రి విమర్శించారు. అయితే, గౌరవ ముఖ్యమంత్రి రేవంత్ రెడ్డి గారి ఆదేశాల మేరకు తమ ప్రభుత్వం నిబంధనలను సవరించి, దరఖాస్తుదారులకు న్యాయం జరిగేలా చర్యలు చేపట్టిందని ఆయన స్పష్టం చేశారు.

Ramprasad islavath

Industrial Real Estate Agency కల్లూరు, ఖమ్మం, తెలంగాణ•

1 hr ago

రైతుల భూములకు చట్టబద్ధమైన రక్షణ, స్పష్టమైన హక్కులు కల్పించడమే తమ ప్రజా ప్రభుత్వ ప్రధాన లక్ష్యమని రాష్ట్ర రెవెన్యూ, హౌసింగ్, సమాచార & పౌరసంబంధాల శాఖ మంత్రి పొంగులేటి శ్రీ‌నివాస‌రెడ్డి గారు స్పష్టం చేశారు. గౌరవ ముఖ్యమంత్రి రేవంత్ రెడ్డి గారి నాయకత్వంలో భూసమస్యల పరిష్కారానికి ప్రభుత్వం అత్యంత ప్రాధాన్యమిస్తూ ముందుకు సాగుతోందని మంత్రి తెలిపారు. సోమవారం నాడు రెవెన్యూ అధికారుల‌తో నిర్వహించిన టెలికాన్ఫరెన్స్‌లో ఆయన మాట్లాడుతూ, భూభారతి చట్టం అమల్లోకి వచ్చిన 2025 ఏప్రిల్ 14 నుంచి ఇప్పటివరకు రాష్ట్రవ్యాప్తంగా 3.65 లక్షల పాస్‌బుక్‌లు జారీ చేసినట్లు వెల్లడించారు. గతంలో పాస్‌బుక్ కోసం రైతులు నెలల తరబడి కార్యాలయాల చుట్టూ తిరిగేవారని, అయితే ఇప్పుడు దరఖాస్తు చేసిన వెంటనే పాస్‌బుక్ అందేలా పారదర్శకమైన, వేగవంతమైన వ్యవస్థను రూపొందించామని ఆయన వివరించారు. అలాగే, భూభారతి చట్టంలో వ్యవసాయ భూముల క్రయవిక్రయాల్లో రిజిస్ట్రేషన్ సమయంలో సర్వే మ్యాప్ జత చేసే నిబంధనను ప్రయోగాత్మకంగా అమలు చేస్తున్న ఐదు మండలాల్లోని పరిస్థితులను మంత్రి సమీక్షించారు. ఈ విధానం విజయవంతం కావడంతో, అక్కడి అనుభవాలు, సమస్యలను పరిగణలోకి తీసుకుని త్వరలోనే రెండో దశలో ప్రతి జిల్లాకు ఒక మండలంలో దీనిని అమలు చేయడానికి కార్యాచరణ సిద్ధం చేయాలని అధికారులను ఆదేశించారు. దీనితో పాటు, రాష్ట్రవ్యాప్తంగా పెండింగ్‌లో ఉన్న సాదాబైనామా దరఖాస్తుల పరిష్కారంలో మరింత వేగం పెంచాలని మంత్రి గారు సూచించారు. మొత్తం 9.25 లక్షల సాదాబైనామా దరఖాస్తులలో, ఇప్పటివరకు ఆరు లక్షల దరఖాస్తుదారులకు నోటీసులు జారీ చేసినట్లు అధికారులు తెలియజేశారు. మిగిలిన దరఖాస్తులకు వచ్చే 15 రోజుల్లో నోటీసులు జారీ పూర్తి చేయాలని, ఆ తర్వాత 30 రోజుల గడువు ముగిసిన వెంటనే అర్హులైన ద‌ర‌ఖాస్తుల‌ను పరిష్కరించే విధంగా ప్రత్యేక కార్యాచరణ రూపొందించాలని మంత్రి ఆదేశించారు. గత ప్రభుత్వం సాదాబైనామా అంశాన్ని పూర్తిగా నిర్లక్ష్యం చేసిందని, దరఖాస్తులు స్వీకరించినప్పటికీ వాటి పరిష్కారానికి 2020 ఆర్వోఆర్ చట్టంలో సరైన నిబంధనలు లేకపోవడం వల్ల వేలాది మంది రైతులు ఇబ్బందులు ఎదుర్కొన్నారని మంత్రి విమర్శించారు. అయితే, గౌరవ ముఖ్యమంత్రి రేవంత్ రెడ్డి గారి ఆదేశాల మేరకు తమ ప్రభుత్వం నిబంధనలను సవరించి, దరఖాస్తుదారులకు న్యాయం జరిగేలా చర్యలు చేపట్టిందని ఆయన స్పష్టం చేశారు.