ବରଗଡ଼ ଜିଲ୍ଲାର ବରପାଲି ବ୍ଲକରୁ ଆସିଥିବା ଯାଜ୍ଞସେନୀ ମହାକୁର ସମ୍ବଲପୁର ବିଶ୍ୱବିଦ୍ୟାଳୟର ରାଜନୀତି ବିଜ୍ଞାନରେ ସର୍ବୋଚ୍ଚ CGPA ରଖି ପ୍ରଥମ ସ୍ଥାନ ଅଧିକାର କରିଛନ୍ତି। ପିତାଙ୍କୁ ହରାଇବା ପରେ ଓ ମା’ଙ୍କ ଅସୁସ୍ଥତା ସମୟରେ ବି ସେ ଦୃଢ଼ ଇଚ୍ଛାଶକ୍ତି ବଳରେ ସମସ୍ତ ପ୍ରତିବନ୍ଧକକୁ ଅତିକ୍ରମ କରି ଏହି ସଫଳତା ହାସଲ କରିଛନ୍ତି। ତାଙ୍କର ଏହି ବିରଳ ସଫଳତା ସମଗ୍ର ଓଡ଼ିଶାର ଯୁବପିଢ଼ିଙ୍କ ପାଇଁ ଏକ ବଡ଼ ପ୍ରେରଣା।

ସୁବର୍ଣ୍ଣପୁର ଜିଲ୍ଲାରେ କରାମାଡ଼ରେ ଫସଲ ହରାଇଥିବା ଚାଷୀମାନେ ଖୁବ ଶୀଘ୍ର କ୍ଷତିପୂରଣ ପାଇବେ। ଏଥିପାଇଁ ଆକଳନ ସରିଛି ଏବଂ ଟଙ୍କା ମଧ୍ୟ ମିଳିସାରିଛି।

ସୁବର୍ଣ୍ଣପୁର ଜିଲ୍ଲା ବିନିକା ଥାନା ଅନ୍ତର୍ଗତ ବିଶାଲପାଲି ଛକଠାରେ ପୋଲିସ ଏକ ସ୍କୁଟି ଡିକିରୁ ଗଞ୍ଜେଇ ଜବତ କରିଛି। ଏହି ଘଟଣାରେ ଜଣେ ଅଭିଯୁକ୍ତକୁ ଗିରଫ କରାଯାଇଛି।

ବଲାଙ୍ଗୀର ମୁଖ୍ୟ ଡାକ୍ତରଖାନା ପରିଦର୍ଶନ କଲେ ସ୍ୱାସ୍ଥ୍ୟମନ୍ତ୍ରୀ ବଲାଙ୍ଗୀର ମୁଖ୍ୟ ଡାକ୍ତରଖାନା ପରିଦର୍ଶନ କଲେ ସ୍ୱାସ୍ଥ୍ୟମନ୍ତ୍ରୀ Dr. Mukesh Mahaling

ଡ଼ାକ୍ତରଖାନାରେ ମିଳୁନି ପିଇବା ପାଣି, ମିଥ୍ୟା ବାହା ନେବା ରେ ବ୍ୟସ୍ତ ଅଧିକାରୀ ସହର ବାହାରେ ଥିବା ମାତୃ ଓ ଶିଶୁ ଡ଼ାକ୍ତରଖାନା ରେ ଅବ୍ୟବସ୍ଥା,ଡଃ ଓଁକାର ହୋତା ଙ୍କ ବିଜୁଳି ବାହାନା। ବଲାଙ୍ଗୀର/ଟିଟିଲାଗଡ,ଆଦିବାସୀ, ଅଧ୍ୟୁଷିତ ବଲାଙ୍ଗୀର ଜିଲ୍ଲା ରେ ସ୍ବାସ୍ଥ୍ୟ ସେବା କିଭଳି ଯୋଗାଇ ଦେବା ଆଳରେ ଲୋକ ଙ୍କ ଜୀବନ ସହ ଖେଳ ଚାଲିଛି ତାର ଜ୍ୱଳନ୍ତ ଉଦାହରଣ ଦେଖିବାକୁ ମିଳିଛି ଟିଟିଲାଗଡ ମାତୃ ଓ ଶିଶୁ ଚିକିତ୍ସାଳୟ ରେ । ଟିଟିଲାଗଡ ମାତୃ ଓ ଶିଶୁ ଚିକିତ୍ସାଳୟ ଡ଼ାକ୍ତରଖାନା ବନାମ ଡକାୟତ ଖାନା ପାଲଟିଛି । ପ୍ରସୂତି ମହିଳାଙ୍କ ନିକଟରୁ ଆଶା କର୍ମୀ ,ନର୍ସିଂ ସିଷ୍ଟର ବିଭିନ୍ନ ଆଳରେ ଟଙ୍କା ଆଦାୟ ସାମାନ୍ୟ ଘଟଣା ଘଟିଥିବା ବେଳେ ପିଇବାକୁ ଟୋପାଏ ପାଣି ବ୍ୟବସ୍ଥା ନାହିଁ । ସହର ରୁ ପାଞ୍ଚ କି ମି ଦୁର ଏହି ଡାକ୍ତରଖାନା କୁ ପାଞ୍ଚ ଶହ ଟଙ୍କା ଲେଖାଏଁ ଭଡ଼ା ଅଟୋ କରି ଯିବା,ଆସିବା ଦୁର୍ବିସହ ହୋଇ ପଡ଼ିଛି। ବର୍ତ୍ତମାନ ର ଉତ୍କଟ ଖରା ରେ ଆମ୍ବୁଲାନ୍ସ ସାତ ସପନ ଥିବା ବେଳେ ଗୁରୁତର ଅକାଳ ମୃତ୍ୟୁ ବରଣ ସାର ହୋଇଛି।ଲୋକେ ପାଣି ଟୋପାଏ ପାଇଁ ବୋତଲ ପାଣି ବ୍ୟବହାର କରୁଛନ୍ତି। ଏଠାକାର ଡଃ ଓଁକାର ହୋତା ନିଜକୁ ମ୍ୟାଡିକଲ୍ ସୂପରିଟେଣ୍ଡ ଭାବେ ଗଣ ମାଧ୍ୟମ ପ୍ରତିନିଧି ଙ୍କ ଜରିଆରେ ଏହି ଡାକ୍ତରଖାନା ରେ ବିଦ୍ୟୁତ୍ ସଂଯୋଗ ସଠିକ୍ ନ ରହୁଥିବା ଓ ବିଦ୍ୟୁତ୍ ବିଭାଗ ଅବହେଳା କରି ବାରମ୍ବାର ଲାଇନ୍ କାଟୁଥିବା ଅଭିଯୋଗ କରିଛନ୍ତି । ବିଦ୍ୟୁତ୍ ବିଭାଗ ପକ୍ଷରୁ ଏ ନେଇ କୌଣସି ଲିଖିତ ଅଭିଯୋଗ ହୋଇ ନ ଥିବା ପ୍ରକାଶ କରିଛନ୍ତି । ତେବେ ଜରୁରୀ କାଳୀନ ବିଦ୍ୟୁତ୍ ସଂଯୋଗ ବ୍ୟବସ୍ଥା ଡ଼ାକ୍ତରଖାନା ରେ ଥିବା ବେଳେ ସେ ଦିଗରେ ଦୃଷ୍ଟି ଦେବା ବଦଳରେ ଗ୍ରୀଷ୍ମ ଋତୁରେ ପାନୀୟ ଜଳ ସମସ୍ୟା,ରୋଗୀ ଙ୍କୁ ଘୋରୋଇ କ୍ଲିନିକ୍ କୁ ନାନା ପରୀକ୍ଷା ଆଳରେ ପରୀକ୍ଷଣ ପାଇଁ ପ୍ରେରଣ,ପ୍ରସୂତି ମହିଳାଙ୍କ ନିକଟରୁ ଅର୍ଥ ଆଦାୟ,ନିମ୍ନ ମାନର ଖାଦ୍ୟ ଯୋଗାଣ ଆଦି ଅନିୟମିତତା ଅଭିଯୋଗ ବିରୋଧ ରେ କାର୍ଯାନୁଷ୍ଠାନ ଗ୍ରହଣ କରିବା ଉଚିତ୍ ବୋଲି ପ୍ରକାଶ ପାଇଛି। ଏହା କେବଳ ମିଥ୍ୟା ବାହା,ବାହା ନେବାକୁ ଡଃ ଓଁକାର ହୋତା ପ୍ରେସ ବିବୃତି ପ୍ରଦାନ କରୁଛନ୍ତି ବୋଲି ବୁଦ୍ଧିଜୀବୀ ଓ ସ୍ୱେଚ୍ଛାସେବୀ ମହଲ ରେ ନିନ୍ଦା କରାଯାଇ ଆସୁଛି। ବିଶେଷ ଦ୍ରଷ୍ଟବ୍ୟ ଯେ, ଏହି ଡାକ୍ତର ଖାନା ରେ ବିଗତ ଦିନରେ ତୃଟିପୂର୍ଣ୍ଣ ଅସ୍ତ୍ରୋପଚାର ରେ ମୃତ୍ୟୁ ବରଣ କରି ଥିବା ଜଣେ ମହିଳା ଙ୍କ ମୃତ୍ୟୁ ବରଣ ଘଟଣା ଚାପେଇଦିଆଯିବା ନେଇ କଂଗ୍ରେସ ଦଳ ର ଲିଖିତ ଅଭିଯୋଗ।

ଓଡ଼ିଶାର ବାମରା ବ୍ଲକର ବାଉଁସଲଗା ପଞ୍ଚାୟତରେ ଅମୃତ ସରୋବର ଯୋଜନାରେ ୨୦ ଲକ୍ଷ ଟଙ୍କାର ବଡ଼ ଘୋଟାଲା ଅଭିଯୋଗ ହୋଇଛି। କାମ ଆରମ୍ଭ ହେବା ପୂର୍ବରୁ ଦୁଇ ଜଣ ଭେଣ୍ଡରଙ୍କ ନାମରେ ଲକ୍ଷ ଲକ୍ଷ ଟଙ୍କା ସ୍ଥାନାନ୍ତର ହୋଇଥିବା ବେଳେ ପ୍ରକଳ୍ପ ଅଧାପନ୍ତରିଆ ଓ ନିମ୍ନମାନର ରହିଛି। ଗ୍ରାମବାସୀ ସରପଞ୍ଚ ଓ ପିଓଙ୍କ ମିଲିଭଗତ ଅଭିଯୋଗ କରି ବ୍ଲକ ପ୍ରଶାସନ ଓ ପଞ୍ଚାୟତିରାଜ ମନ୍ତ୍ରୀଙ୍କ ନିରବତା ଉପରେ ପ୍ରଶ୍ନ ଉଠାଇଛନ୍ତି।

ଝାରସୁଗୁଡ଼ାର ପାହାଡିମନ୍ଦିର ଅଞ୍ଚଳରେ ଦିନ ଦ୍ୱିପ୍ରହରରେ ଦୁଇ ନିଶାସକ୍ତ ଯୁବକ ଜଣେ ମହିଳାଙ୍କୁ ଅଶାଳୀନ ଭାଷାରେ ଗାଳିଗୁଲଜ କରି ଦୁଷ୍କର୍ମ କରିବାକୁ ଧମକ ଦେଇଛନ୍ତି। ଏହି ଘଟଣାର ଏକ ଭିଡିଓ ଭାଇରାଲ ହେବା ପରେ ସାଧାରଣରେ ତୀବ୍ର ଅସନ୍ତୋଷ ପ୍ରକାଶ ପାଇଛି, ଯୁବକମାନେ ପ୍ରତିବାଦ କରିଥିବା ଜଣେ ବ୍ୟକ୍ତିଙ୍କୁ ମଧ୍ୟ ଆକ୍ରମଣ କରିଥିଲେ। ପୋଲିସ ଏକ ମାମଲା ରୁଜୁ କରି ଜଣେ ଯୁବକଙ୍କୁ ଅଟକ ରଖି ପଚରାଉଚରା ଜାରି ରଖିଛି।

ଓଡ଼ିଶାର ବାମରା ବ୍ଲକର ସାରଗିଡିହି ଗାଁରେ ଅମୃତ ସରୋବର ଯୋଜନାରେ ୧୦ ଲକ୍ଷ ଟଙ୍କାର ବଡ଼ ଦୁର୍ନୀତି ଅଭିଯୋଗ ହୋଇଛି। କାର୍ଯ୍ୟ ଆରମ୍ଭ ପୂର୍ବରୁ ହିଁ ଠିକାଦାରଙ୍କ ଆକାଉଣ୍ଟକୁ ଟଙ୍କା ଯିବା ସହ ସରପଞ୍ଚ ଏବଂ ଅଧିକାରୀଙ୍କ ସମ୍ପୃକ୍ତି ନେଇ ପ୍ରଶ୍ନ ଉଠିଛି। ମନ୍ତ୍ରୀଙ୍କ ନିର୍ବାଚନ ମଣ୍ଡଳୀରେ ଏହି ଘଟଣାକୁ ନେଇ ଜନତାଙ୍କ ମଧ୍ୟରେ ତୀବ୍ର ଅସନ୍ତୋଷ ଦେଖାଦେଇଛି ଓ ଉଚ୍ଚ ସ୍ତରୀୟ ତଦନ୍ତ ଦାବି କରାଯାଇଛି।

ବେଲପାହାଡ଼ ଥାନା ପରିସରରେ କିଶୋର କିଶୋରୀଙ୍କ ପାଇଁ 'ଯୁଭେନ୍ତିକା' ନାମକ ଏକ ଡିଜିଟାଲ ସଚେତନତା କାର୍ଯ୍ୟକ୍ରମ ଅନୁଷ୍ଠିତ ହୋଇଛି। ଏଥିରେ ସାଇବର ସୁରକ୍ଷା, ସାମାଜିକ ଗଣମାଧ୍ୟମର ସଠିକ୍ ବ୍ୟବହାର ଓ ଅନଲାଇନ୍ ଖେଳରୁ ଦୂରେଇ ରହିବା ଉପରେ ଗୁରୁତ୍ୱ ଦିଆଯାଇଥିଲା। ୨୬ରୁ ଅଧିକ ପିଲା ଓ ଅଙ୍ଗନୱାଡି କର୍ମୀ ଏହି କାର୍ଯ୍ୟକ୍ରମରେ ଅଂଶଗ୍ରହଣ କରି ସଚେତନ ହୋଇଛନ୍ତି।

Post by Dharmu Oram