మహబూబాబాద్ జిల్లా దంతాలపల్లి మండల కేంద్రంలోని బొడ్లాడ క్రాస్ రోడ్డు వద్ద ఉన్న వ్యవసాయ శాఖ అధికారుల కార్యాలయం అసాంఘిక కార్యకలాపాలకు కేంద్రబిందువుగా మారిందనే ఆరోపణలు తీవ్రంగా వినిపిస్తున్నాయి. రైతులకు సేవలు అందించాల్సిన ప్రభుత్వ కార్యాలయం ముందు నిత్యం కొందరు వ్యక్తులు బహిరంగంగా మద్యం సేవిస్తూ హంగామా సృష్టిస్తుండటంతో స్థానికులు తీవ్ర ఆందోళన వ్యక్తం చేస్తున్నారు. కార్యాలయ ప్రాంగణంలోనే మద్యం సీసాలు, ప్లాస్టిక్ గ్లాసులు, ఇతర వ్యర్థాలు దర్శనమిస్తుండడం అధికారుల పర్యవేక్షణ ఏ స్థాయిలో ఉందో చెప్పకనే చెబుతోందని ప్రజలు విమర్శిస్తున్నారు. కార్యాలయానికి వివిధ పనుల కోసం వచ్చే రైతులు, మహిళలు, వృద్ధులు, విద్యార్థులు ఈ పరిస్థితులను చూసి తీవ్ర అసహనం వ్యక్తం చేస్తున్నారు. ప్రభుత్వ ఆస్తిని కొందరు మందుబాబులు అడ్డాగా మార్చుకుంటున్నా సంబంధిత అధికారులు పట్టించుకోకపోవడం పలు అనుమానాలకు తావిస్తోందని స్థానికులు ఆరోపిస్తున్నారు. ఇలాంటి ఘటనల వల్ల పరిపాలనపై ప్రజల్లో నమ్మకం దెబ్బతింటుందని ఆవేదన వ్యక్తం చేస్తున్నారు. ఇప్పటికైనా జిల్లా వ్యవసాయ శాఖ ఉన్నతాధికారులు, జిల్లా కలెక్టర్, పోలీసు శాఖ వెంటనే స్పందించి కార్యాలయ ప్రాంగణంలో జరుగుతున్న అసాంఘిక కార్యకలాపాలను పూర్తిగా అరికట్టాలని ప్రజలు డిమాండ్ చేస్తున్నారు. నిర్లక్ష్యం వహించిన బాధ్యులపై శాఖాపరమైన చర్యలు తీసుకోవాలని, కార్యాలయం వద్ద సీసీ కెమెరాలు ఏర్పాటు చేయడం, రాత్రి వేళల్లో పోలీసు గస్తీ పెంచడం మరియు హెచ్చరిక బోర్డులు ఏర్పాటు చేయడం ద్వారా ఇలాంటి ఘటనలు మళ్లీ పునరావృతం కాకుండా కఠిన చర్యలు చేపట్టాలని స్థానికులు స్పష్టం చేస్తున్నారు.

ఎర్రబోయిన మురళి యాదవ్

దంతాలపల్లె, మహబూబాబాద్, తెలంగాణ•

6 hrs ago

మహబూబాబాద్ జిల్లా దంతాలపల్లి మండల కేంద్రంలోని బొడ్లాడ క్రాస్ రోడ్డు వద్ద ఉన్న వ్యవసాయ శాఖ అధికారుల కార్యాలయం అసాంఘిక కార్యకలాపాలకు కేంద్రబిందువుగా మారిందనే ఆరోపణలు తీవ్రంగా వినిపిస్తున్నాయి. రైతులకు సేవలు అందించాల్సిన ప్రభుత్వ కార్యాలయం ముందు నిత్యం కొందరు వ్యక్తులు బహిరంగంగా మద్యం సేవిస్తూ హంగామా సృష్టిస్తుండటంతో స్థానికులు తీవ్ర ఆందోళన వ్యక్తం చేస్తున్నారు. కార్యాలయ ప్రాంగణంలోనే మద్యం సీసాలు, ప్లాస్టిక్ గ్లాసులు, ఇతర వ్యర్థాలు దర్శనమిస్తుండడం అధికారుల పర్యవేక్షణ ఏ స్థాయిలో ఉందో చెప్పకనే చెబుతోందని ప్రజలు విమర్శిస్తున్నారు. కార్యాలయానికి వివిధ పనుల కోసం వచ్చే రైతులు, మహిళలు, వృద్ధులు, విద్యార్థులు ఈ పరిస్థితులను చూసి తీవ్ర అసహనం వ్యక్తం చేస్తున్నారు. ప్రభుత్వ ఆస్తిని కొందరు మందుబాబులు అడ్డాగా మార్చుకుంటున్నా సంబంధిత అధికారులు పట్టించుకోకపోవడం పలు అనుమానాలకు తావిస్తోందని స్థానికులు ఆరోపిస్తున్నారు. ఇలాంటి ఘటనల వల్ల పరిపాలనపై ప్రజల్లో నమ్మకం దెబ్బతింటుందని ఆవేదన వ్యక్తం చేస్తున్నారు. ఇప్పటికైనా జిల్లా వ్యవసాయ శాఖ ఉన్నతాధికారులు, జిల్లా కలెక్టర్, పోలీసు శాఖ వెంటనే స్పందించి కార్యాలయ ప్రాంగణంలో జరుగుతున్న అసాంఘిక కార్యకలాపాలను పూర్తిగా అరికట్టాలని ప్రజలు డిమాండ్ చేస్తున్నారు. నిర్లక్ష్యం వహించిన బాధ్యులపై శాఖాపరమైన చర్యలు తీసుకోవాలని, కార్యాలయం వద్ద సీసీ కెమెరాలు ఏర్పాటు చేయడం, రాత్రి వేళల్లో పోలీసు గస్తీ పెంచడం మరియు హెచ్చరిక బోర్డులు ఏర్పాటు చేయడం ద్వారా ఇలాంటి ఘటనలు మళ్లీ పునరావృతం కాకుండా కఠిన చర్యలు చేపట్టాలని స్థానికులు స్పష్టం చేస్తున్నారు.