బద్వేలు పట్టణంలోని స్థానిక ఎన్జీవో కార్యాలయంలో జూన్ 21న ఆంధ్రప్రదేశ్ ఐక్య ఉపాధ్యాయ ఫెడరేషన్ (యుటిఎఫ్) బద్వేలు ప్రాంతీయ శాఖ ఆధ్వర్యంలో ఒక అభినందన సభ జరిగింది. యుటిఎఫ్ జిల్లా కార్యదర్శి కె.సుధాకర్ అధ్యక్షతన నిర్వహించిన ఈ కార్యక్రమంలో, ఇటీవల పదవ తరగతి పరీక్షా ఫలితాలలో అత్యుత్తమ ప్రతిభ కనబర్చిన ప్రభుత్వ పాఠశాలల విద్యార్థులను ఘనంగా సత్కరించారు. ఈ కార్యక్రమానికి ముఖ్య అతిథులుగా హాజరైన కడప ఉప విద్యాశాఖాధికారి జి.రాజగోపాల్ రెడ్డి మరియు యుటిఎఫ్ రాష్ట్ర కార్యదర్శి బి.లక్ష్మీరాజా మాట్లాడుతూ, ఈ ఏడాది పదవ తరగతి పరీక్షా ఫలితాలలో కార్పొరేట్ పాఠశాలలకు ధీటుగా ప్రభుత్వ పాఠశాలల విద్యార్థులు అద్భుతమైన విజయాలు సాధించారని అన్నారు. రాష్ట్రవ్యాప్తంగా ప్రభుత్వ పాఠశాలల విద్యార్థులు అత్యుత్తమ ఫలితాలతో నూతన ఒరవడిని సృష్టించారని, సరైన అవకాశాలు కల్పిస్తే ప్రభుత్వ పాఠశాలల్లో సైతం అద్భుతాలు సృష్టించగలరని వారు పేర్కొన్నారు. విద్యాశాఖ రూపొందించిన ప్రణాళికలు, ఉపాధ్యాయుల ప్రత్యేక కృషి వల్లే ఈ మంచి ఫలితాలు సాధ్యమయ్యాయని ప్రశంసించారు. కార్పొరేట్ మాయాజాలంలో పడి ప్రభుత్వ పాఠశాలల పట్ల చిన్నచూపు చూస్తున్న కొందరు తల్లిదండ్రులకు ఈ ఏడాది ఫలితాలు కనువిప్పు కావాలని ఆకాంక్షించారు. ప్రభుత్వ పాఠశాలలు నాణ్యమైన విద్యకు, విలువల బోధనకు, క్రీడా మరియు సాంస్కృతిక ప్రతిభా వికాసానికి కేంద్రాలుగా నిలుస్తున్నాయని, వీటిని బలోపేతం చేయాల్సిన బాధ్యత ప్రభుత్వ ఉపాధ్యాయులతో పాటు విద్యార్థుల తల్లిదండ్రులదేనని వారు ఉద్ఘాటించారు. యుటిఎఫ్ జిల్లా అధ్యక్షులు మాదన విజయ కుమార్ మరియు ప్రధాన కార్యదర్శి పాలెం మహేష్ బాబులు మాట్లాడుతూ, కార్పొరేట్ విద్యా సంస్థలు కేవలం ప్రచార ఆర్భాటంతో విద్యార్థులను ఆకర్షించి ఫీజుల పేరుతో లక్షలాది రూపాయలను దోచుకుంటున్నాయని విమర్శించారు. కార్పొరేట్ విద్యా సంస్థలు ఉత్తీర్ణులైన విద్యార్థుల వివరాలను మాత్రమే ప్రచారం చేసుకుంటాయని, ఫెయిల్ అయిన వారి వివరాలను ప్రకటించే ధైర్యం వారికి లేదని వారు ఎత్తిచూపారు. విద్యార్థుల సర్వతోన్ముఖాభివృద్ధికి పాటుపడేవి ప్రభుత్వ పాఠశాలలేనని స్పష్టం చేశారు. యుటిఎఫ్ కేవలం ఉపాధ్యాయుల సమస్యలకే పరిమితం కాకుండా ప్రభుత్వ విద్యా రంగ పరిరక్షణ కోసం నిరంతరం కృషి చేస్తోందని, అందులో భాగంగానే పదవ తరగతి విద్యార్థుల కోసం ప్రతి ఏటా మోడల్ పేపర్స్ రూపొందించి, అత్యుత్తమ ఫలితాలు సాధించడానికి దోహదపడుతున్నదని తెలిపారు. అత్యుత్తమ ఫలితాలు సాధించిన విద్యార్థులను సమాజానికి పరిచయం చేయడంతో పాటు మరింత ప్రోత్సహించాలనే ఉద్దేశంతోనే ఈ ప్రతిభా పురస్కార కార్యక్రమాన్ని చేపట్టినట్లు వివరించారు. బద్వేలు, గోపవరం మండల విద్యాశాఖాధికారులు ఎస్.మల్లిక, పి.రఘురామిరెడ్డి మరియు ప్రధానోపాధ్యాయుల సంఘం జిల్లా అధ్యక్షులు జి.వెంకటసుబ్బారెడ్డి మాట్లాడుతూ, ఈ విద్యా సంవత్సరం పదవ తరగతి విద్యార్థులు సాధించిన పరీక్షా ఫలితాలు ప్రభుత్వ పాఠశాలల పట్ల తల్లిదండ్రులకు నమ్మకాన్ని పెంచేవిగా ఉన్నాయని అన్నారు. బోధనలో నైపుణ్యం, వృత్తిలో అనుభవం, తగిన విద్యార్హతలు కలిగిన ప్రభుత్వ పాఠశాలల ఉపాధ్యాయులే చక్కగా బోధించగలరనే విశ్వాసం ఈ ఫలితాల ద్వారా మరోసారి రుజువైందని వారు పేర్కొన్నారు. అత్యుత్తమ మార్కులు సాధించిన విద్యార్థులు ఇదే స్ఫూర్తితో లక్ష్యాన్ని నిర్దేశించుకుని ప్రణాళికాబద్ధంగా ముందుకు సాగితే అద్భుత అవకాశాలు వారి సొంతమని తెలిపారు. ప్రభుత్వ పాఠశాలల్లో ఉచిత విద్యా సామాగ్రి, నాణ్యమైన భోజనం తోపాటు సమరూప దుస్తులు అందజేస్తున్నారని, భవిష్యత్తులో కృత్రిమ మేధస్సు ఆధారిత విద్య అందుబాటులోకి వస్తుందని పేర్కొన్నారు. ప్రజలు కార్పొరేట్ మోజులో పడి లక్షలాది రూపాయలు నష్టపోకుండా, తమ పిల్లలను ప్రభుత్వ పాఠశాలలలో చేర్పించాలని పిలుపునిచ్చారు. ప్రభుత్వ విద్యా రంగం కోసం నిరంతరం కృషి చేస్తున్న యుటిఎఫ్ కృషిని వారు కొనియాడారు. ఈ సందర్భంగా అత్యుత్తమ మార్కులు పొందిన విద్యార్థులకు యుటిఎఫ్ పక్షాన మెమెంటోతో పాటు శాలువా, ఫైల్, సర్టిఫికెట్‌లను బహుకరించారు. ఈ కార్యక్రమంలో ఏపీ జెఎసి చైర్మన్ టి.నరసింహారెడ్డి, యుటిఎఫ్ జిల్లా మాజీ అధ్యక్షులు ఎస్.ఓబుల్ రెడ్డి, బద్వేలు, గోపవరం మండలాల పరిధిలోని పలు ఉన్నత పాఠశాలల ప్రధానోపాధ్యాయులు జి.పెంచలయ్య, టి.శ్రీనివాసులు, పి.మురళి దేవి, జి.విజయ కుమారి, ఓ.సుభాష్ చంద్రా రెడ్డి, కె.సత్యానంద రెడ్డి, గురుకుల విద్యాలయం ప్రిన్సిపల్ కె.రమాదేవి, యుటిఎఫ్ అకడమిక్ సెల్ జిల్లా కన్వీనర్ వీర దాసరి క్రిస్టఫర్, సిపిఎస్ జిల్లా కన్వీనర్ ఎన్.పవన్ కుమార్, బద్వేలు మండల అధ్యక్ష, ప్రధాన కార్యదర్శులు ఎస్.దేవానందం, సి.కంచిరెడ్డి, ట్రెజరర్ ఎ.లాజరస్, గోపవరం మండల అధ్యక్ష, ప్రధాన కార్యదర్శులు ఎస్.మస్తాన్ వలి, ఎం.రామచంద్రయ్య, ట్రెజరర్ బి.ఓబన్న, జిల్లా కౌన్సిల్ సభ్యులు వై.రామయ్య, సి.హెచ్.సాగర్, పాలా శ్రీనివాసులరెడ్డి, పి.చక్రపాణి, రామకృష్ణ తదితరులు పాల్గొన్నారు.

జీ.మౌలాలి.

Photographer బద్వేల్, వై.ఎస్.ఆర్., ఆంధ్రప్రదేశ్•

2 hrs ago

బద్వేలు పట్టణంలోని స్థానిక ఎన్జీవో కార్యాలయంలో జూన్ 21న ఆంధ్రప్రదేశ్ ఐక్య ఉపాధ్యాయ ఫెడరేషన్ (యుటిఎఫ్) బద్వేలు ప్రాంతీయ శాఖ ఆధ్వర్యంలో ఒక అభినందన సభ జరిగింది. యుటిఎఫ్ జిల్లా కార్యదర్శి కె.సుధాకర్ అధ్యక్షతన నిర్వహించిన ఈ కార్యక్రమంలో, ఇటీవల పదవ తరగతి పరీక్షా ఫలితాలలో అత్యుత్తమ ప్రతిభ కనబర్చిన ప్రభుత్వ పాఠశాలల విద్యార్థులను ఘనంగా సత్కరించారు. ఈ కార్యక్రమానికి ముఖ్య అతిథులుగా హాజరైన కడప ఉప విద్యాశాఖాధికారి జి.రాజగోపాల్ రెడ్డి మరియు యుటిఎఫ్ రాష్ట్ర కార్యదర్శి బి.లక్ష్మీరాజా మాట్లాడుతూ, ఈ ఏడాది పదవ తరగతి పరీక్షా ఫలితాలలో కార్పొరేట్ పాఠశాలలకు ధీటుగా ప్రభుత్వ పాఠశాలల విద్యార్థులు అద్భుతమైన విజయాలు సాధించారని అన్నారు. రాష్ట్రవ్యాప్తంగా ప్రభుత్వ పాఠశాలల విద్యార్థులు అత్యుత్తమ ఫలితాలతో నూతన ఒరవడిని సృష్టించారని, సరైన అవకాశాలు కల్పిస్తే ప్రభుత్వ పాఠశాలల్లో సైతం అద్భుతాలు సృష్టించగలరని వారు పేర్కొన్నారు. విద్యాశాఖ రూపొందించిన ప్రణాళికలు, ఉపాధ్యాయుల ప్రత్యేక కృషి వల్లే ఈ మంచి ఫలితాలు సాధ్యమయ్యాయని ప్రశంసించారు. కార్పొరేట్ మాయాజాలంలో పడి ప్రభుత్వ పాఠశాలల పట్ల చిన్నచూపు చూస్తున్న కొందరు తల్లిదండ్రులకు ఈ ఏడాది ఫలితాలు కనువిప్పు కావాలని ఆకాంక్షించారు. ప్రభుత్వ పాఠశాలలు నాణ్యమైన విద్యకు, విలువల బోధనకు, క్రీడా మరియు సాంస్కృతిక ప్రతిభా వికాసానికి కేంద్రాలుగా నిలుస్తున్నాయని, వీటిని బలోపేతం చేయాల్సిన బాధ్యత ప్రభుత్వ ఉపాధ్యాయులతో పాటు విద్యార్థుల తల్లిదండ్రులదేనని వారు ఉద్ఘాటించారు. యుటిఎఫ్ జిల్లా అధ్యక్షులు మాదన విజయ కుమార్ మరియు ప్రధాన కార్యదర్శి పాలెం మహేష్ బాబులు మాట్లాడుతూ, కార్పొరేట్ విద్యా సంస్థలు కేవలం ప్రచార ఆర్భాటంతో విద్యార్థులను ఆకర్షించి ఫీజుల పేరుతో లక్షలాది రూపాయలను దోచుకుంటున్నాయని విమర్శించారు. కార్పొరేట్ విద్యా సంస్థలు ఉత్తీర్ణులైన విద్యార్థుల వివరాలను మాత్రమే ప్రచారం చేసుకుంటాయని, ఫెయిల్ అయిన వారి వివరాలను ప్రకటించే ధైర్యం వారికి లేదని వారు ఎత్తిచూపారు. విద్యార్థుల సర్వతోన్ముఖాభివృద్ధికి పాటుపడేవి ప్రభుత్వ పాఠశాలలేనని స్పష్టం చేశారు. యుటిఎఫ్ కేవలం ఉపాధ్యాయుల సమస్యలకే పరిమితం కాకుండా ప్రభుత్వ విద్యా రంగ పరిరక్షణ కోసం నిరంతరం కృషి చేస్తోందని, అందులో భాగంగానే పదవ తరగతి విద్యార్థుల కోసం ప్రతి ఏటా మోడల్ పేపర్స్ రూపొందించి, అత్యుత్తమ

ఫలితాలు సాధించడానికి దోహదపడుతున్నదని తెలిపారు. అత్యుత్తమ ఫలితాలు సాధించిన విద్యార్థులను సమాజానికి పరిచయం చేయడంతో పాటు మరింత ప్రోత్సహించాలనే ఉద్దేశంతోనే ఈ ప్రతిభా పురస్కార కార్యక్రమాన్ని చేపట్టినట్లు వివరించారు. బద్వేలు, గోపవరం మండల విద్యాశాఖాధికారులు ఎస్.మల్లిక, పి.రఘురామిరెడ్డి మరియు ప్రధానోపాధ్యాయుల సంఘం జిల్లా అధ్యక్షులు జి.వెంకటసుబ్బారెడ్డి మాట్లాడుతూ, ఈ విద్యా సంవత్సరం పదవ తరగతి విద్యార్థులు సాధించిన పరీక్షా ఫలితాలు ప్రభుత్వ పాఠశాలల పట్ల తల్లిదండ్రులకు నమ్మకాన్ని పెంచేవిగా ఉన్నాయని అన్నారు. బోధనలో నైపుణ్యం, వృత్తిలో అనుభవం, తగిన విద్యార్హతలు కలిగిన ప్రభుత్వ పాఠశాలల ఉపాధ్యాయులే చక్కగా బోధించగలరనే విశ్వాసం ఈ ఫలితాల ద్వారా మరోసారి రుజువైందని వారు పేర్కొన్నారు. అత్యుత్తమ మార్కులు సాధించిన విద్యార్థులు ఇదే స్ఫూర్తితో లక్ష్యాన్ని నిర్దేశించుకుని ప్రణాళికాబద్ధంగా ముందుకు సాగితే అద్భుత అవకాశాలు వారి సొంతమని తెలిపారు. ప్రభుత్వ పాఠశాలల్లో ఉచిత విద్యా సామాగ్రి, నాణ్యమైన భోజనం తోపాటు సమరూప దుస్తులు అందజేస్తున్నారని, భవిష్యత్తులో కృత్రిమ మేధస్సు ఆధారిత విద్య అందుబాటులోకి వస్తుందని పేర్కొన్నారు. ప్రజలు కార్పొరేట్ మోజులో పడి లక్షలాది రూపాయలు నష్టపోకుండా, తమ పిల్లలను ప్రభుత్వ పాఠశాలలలో చేర్పించాలని పిలుపునిచ్చారు. ప్రభుత్వ విద్యా రంగం కోసం నిరంతరం కృషి చేస్తున్న యుటిఎఫ్ కృషిని వారు కొనియాడారు. ఈ సందర్భంగా అత్యుత్తమ మార్కులు పొందిన విద్యార్థులకు యుటిఎఫ్ పక్షాన మెమెంటోతో పాటు శాలువా, ఫైల్, సర్టిఫికెట్‌లను బహుకరించారు. ఈ కార్యక్రమంలో ఏపీ జెఎసి చైర్మన్ టి.నరసింహారెడ్డి, యుటిఎఫ్ జిల్లా మాజీ అధ్యక్షులు ఎస్.ఓబుల్ రెడ్డి, బద్వేలు, గోపవరం మండలాల పరిధిలోని పలు ఉన్నత పాఠశాలల ప్రధానోపాధ్యాయులు జి.పెంచలయ్య, టి.శ్రీనివాసులు, పి.మురళి దేవి, జి.విజయ కుమారి, ఓ.సుభాష్ చంద్రా రెడ్డి, కె.సత్యానంద రెడ్డి, గురుకుల విద్యాలయం ప్రిన్సిపల్ కె.రమాదేవి, యుటిఎఫ్ అకడమిక్ సెల్ జిల్లా కన్వీనర్ వీర దాసరి క్రిస్టఫర్, సిపిఎస్ జిల్లా కన్వీనర్ ఎన్.పవన్ కుమార్, బద్వేలు మండల అధ్యక్ష, ప్రధాన కార్యదర్శులు ఎస్.దేవానందం, సి.కంచిరెడ్డి, ట్రెజరర్ ఎ.లాజరస్, గోపవరం మండల అధ్యక్ష, ప్రధాన కార్యదర్శులు ఎస్.మస్తాన్ వలి, ఎం.రామచంద్రయ్య, ట్రెజరర్ బి.ఓబన్న, జిల్లా కౌన్సిల్ సభ్యులు వై.రామయ్య, సి.హెచ్.సాగర్, పాలా శ్రీనివాసులరెడ్డి, పి.చక్రపాణి, రామకృష్ణ తదితరులు పాల్గొన్నారు.