നെടുങ്കണ്ടം പഞ്ചായത്ത് ഒന്നാം വാർഡായ പൊന്നാമലയിൽ നൂറോളം കുടുംബങ്ങൾക്ക് വലിയ ഭീഷണിയായി നിൽക്കുന്ന കൂറ്റൻ പാറ പൊട്ടിച്ചുനീക്കാൻ ജില്ലാ കളക്ടർ ഉത്തരവിട്ടു. എപ്പോൾ വേണമെങ്കിലും നിലംപൊത്താവുന്ന രീതിയിൽ അപകടാവസ്ഥയിലുള്ള പാറയെക്കുറിച്ച് 'മംഗളം' വാർത്ത നൽകിയതിനെത്തുടർന്നാണ് ജില്ലാ ഭരണകൂടത്തിന്റെ അടിയന്തര ഇടപെടൽ ഉണ്ടായിരിക്കുന്നത്. അപകട ഭീഷണി നേരിടുന്ന മേഖലയിലെ കുടുംബങ്ങളെ സുരക്ഷിതമായി മാറ്റിപ്പാർപ്പിക്കാനും ഇടുക്കി ജില്ലാ കളക്ടർ നിർദ്ദേശം നൽകിയിട്ടുണ്ട്. നിലവിൽ ഒരു മരക്കുറ്റിയിൽ തങ്ങിനിൽക്കുന്ന അവസ്ഥയിലാണ് ഈ കൂറ്റൻ പാറയുള്ളത്. ഇതിന് താഴെ കാരിത്തോട് വരെ നൂറുകണക്കിന് കുടുംബങ്ങളാണ് താമസിക്കുന്നത്. പാറ ഇവിടെനിന്നും തെന്നിനീങ്ങിയാൽ വലിയൊരു ദുരന്തത്തിന് വഴിവെക്കുമെന്ന ആശങ്കയിലായിരുന്നു പ്രദേശവാസികൾ. റവന്യൂ അധികൃതർ സ്ഥലം സന്ദർശിച്ച് അപകടാവസ്ഥ ബോധ്യപ്പെട്ടിട്ടും നടപടി സ്വീകരിക്കുന്നില്ലെന്ന് നാട്ടുകാർക്ക് പരാതിയുണ്ടായിരുന്നു. തുടർന്ന് കഴിഞ്ഞ ഒൻപതിന് ഉടുമ്പൻചോല തഹസിൽദാർ നൽകിയ കത്തിന്റെ അടിസ്ഥാനത്തിലാണ് ജില്ലാ ദുരന്തനിവാരണ അതോറിറ്റി ചെയർമാൻ കൂടിയായ ജില്ലാ കളക്ടറുടെ അടിയന്തര ഇടപെടൽ ഉണ്ടായത്. അപകടസ്ഥിതി പൂർണ്ണമായി ഇല്ലാതാക്കാനുള്ള നടപടികൾ അടിയന്തരമായി സ്വീകരിക്കാൻ ഉടുമ്പൻചോല തഹസിൽദാരോടും പഞ്ചായത്ത് സെക്രട്ടറിയോടും ജില്ലാ ഭരണകൂടം ആവശ്യപ്പെട്ടിട്ടുണ്ട്. പ്രവർത്തനങ്ങൾ ഏകോപിപ്പിക്കുന്നതിനുള്ള ചുമതല ദേവികുളം സബ് കളക്ടർക്കാണ്. അപകടഭീഷണി നേരിടുന്ന വീടുകളിൽ താമസിക്കുന്നവരെ എത്രയും വേഗം മാറ്റിപ്പാർപ്പിക്കാനും നിർദ്ദേശമുണ്ട്. ഉത്തരവിന് പിന്നാലെ റവന്യൂ അധികൃതർ മേഖല സന്ദർശിച്ച് പാറ പൊട്ടിച്ചുനീക്കുന്നതിനുള്ള നടപടികൾ ആരംഭിച്ചിട്ടുണ്ട്. അടുത്ത ദിവസങ്ങളിൽ തന്നെ പാറ പൂർണ്ണമായും പൊട്ടിച്ചുമാറ്റി ആശങ്കയൊഴിക്കുമെന്ന് റവന്യൂ അധികൃതർ വ്യക്തമാക്കി.

Peermade live

Local News Reporter പീരുമേട്, ഇടുക്കി, കേരളം•

2 hrs ago

നെടുങ്കണ്ടം പഞ്ചായത്ത് ഒന്നാം വാർഡായ പൊന്നാമലയിൽ നൂറോളം കുടുംബങ്ങൾക്ക് വലിയ ഭീഷണിയായി നിൽക്കുന്ന കൂറ്റൻ പാറ പൊട്ടിച്ചുനീക്കാൻ ജില്ലാ കളക്ടർ ഉത്തരവിട്ടു. എപ്പോൾ വേണമെങ്കിലും നിലംപൊത്താവുന്ന രീതിയിൽ അപകടാവസ്ഥയിലുള്ള പാറയെക്കുറിച്ച് 'മംഗളം' വാർത്ത നൽകിയതിനെത്തുടർന്നാണ് ജില്ലാ ഭരണകൂടത്തിന്റെ അടിയന്തര ഇടപെടൽ ഉണ്ടായിരിക്കുന്നത്. അപകട ഭീഷണി നേരിടുന്ന മേഖലയിലെ കുടുംബങ്ങളെ സുരക്ഷിതമായി മാറ്റിപ്പാർപ്പിക്കാനും ഇടുക്കി ജില്ലാ കളക്ടർ നിർദ്ദേശം നൽകിയിട്ടുണ്ട്. നിലവിൽ ഒരു മരക്കുറ്റിയിൽ തങ്ങിനിൽക്കുന്ന അവസ്ഥയിലാണ് ഈ കൂറ്റൻ പാറയുള്ളത്. ഇതിന് താഴെ കാരിത്തോട് വരെ നൂറുകണക്കിന് കുടുംബങ്ങളാണ് താമസിക്കുന്നത്. പാറ ഇവിടെനിന്നും തെന്നിനീങ്ങിയാൽ വലിയൊരു ദുരന്തത്തിന് വഴിവെക്കുമെന്ന ആശങ്കയിലായിരുന്നു പ്രദേശവാസികൾ. റവന്യൂ അധികൃതർ സ്ഥലം സന്ദർശിച്ച് അപകടാവസ്ഥ ബോധ്യപ്പെട്ടിട്ടും നടപടി സ്വീകരിക്കുന്നില്ലെന്ന് നാട്ടുകാർക്ക് പരാതിയുണ്ടായിരുന്നു. തുടർന്ന് കഴിഞ്ഞ ഒൻപതിന് ഉടുമ്പൻചോല തഹസിൽദാർ നൽകിയ കത്തിന്റെ അടിസ്ഥാനത്തിലാണ് ജില്ലാ ദുരന്തനിവാരണ അതോറിറ്റി ചെയർമാൻ കൂടിയായ ജില്ലാ കളക്ടറുടെ അടിയന്തര ഇടപെടൽ ഉണ്ടായത്. അപകടസ്ഥിതി പൂർണ്ണമായി ഇല്ലാതാക്കാനുള്ള നടപടികൾ അടിയന്തരമായി സ്വീകരിക്കാൻ ഉടുമ്പൻചോല തഹസിൽദാരോടും പഞ്ചായത്ത് സെക്രട്ടറിയോടും ജില്ലാ ഭരണകൂടം ആവശ്യപ്പെട്ടിട്ടുണ്ട്. പ്രവർത്തനങ്ങൾ ഏകോപിപ്പിക്കുന്നതിനുള്ള ചുമതല ദേവികുളം സബ് കളക്ടർക്കാണ്. അപകടഭീഷണി നേരിടുന്ന വീടുകളിൽ താമസിക്കുന്നവരെ എത്രയും വേഗം മാറ്റിപ്പാർപ്പിക്കാനും നിർദ്ദേശമുണ്ട്. ഉത്തരവിന് പിന്നാലെ റവന്യൂ അധികൃതർ മേഖല സന്ദർശിച്ച് പാറ പൊട്ടിച്ചുനീക്കുന്നതിനുള്ള നടപടികൾ ആരംഭിച്ചിട്ടുണ്ട്. അടുത്ത ദിവസങ്ങളിൽ തന്നെ പാറ പൂർണ്ണമായും പൊട്ടിച്ചുമാറ്റി ആശങ്കയൊഴിക്കുമെന്ന് റവന്യൂ അധികൃതർ വ്യക്തമാക്കി.