Looking for Job Job Title : पत्रकार प्रतिनिधी Job Field : Maharashtra Today TV News Expected Salary : 10000 Experience Level : Fresher Education Qualification : 10th Pass Job Type : Part Time

ब्राम्हणवाडा थडी पोलीस स्टेशनकडून गुटखा, पान मसाला आणि सुगंधी तंबाखूच्या वाहतुकीवर कारवाई करण्यात आली आहे.

शेगाव येथील एका अत्यंत प्रसिद्ध आणि नामांकित कचोरी केंद्रावर अन्न व औषध प्रशासनाने अचानक छापा टाकत मोठी कारवाई केली आहे. अन्न व औषध प्रशासन आयुक्त तुकाराम मुंडे यांच्या आदेशानुसार आणि मार्गदर्शनाखाली ही धडक कारवाई करण्यात आली, ज्यामुळे शेगावमधील खाद्यपदार्थ विक्रेत्यांमध्ये आणि व्यापारी वर्गात प्रचंड खळबळ उडाली आहे.

बंदर समितीचा अहवाल आणि न्यायालयाचा निर्णय लवकरात लवकर मान्य करावा, अशी मागणी करण्यात आली आहे.

😲घंटे का विश्व गुरु 🤣 एक चाई वाला / एक गाई वाला 🤣😂🤣😂 और एक पाणी पुरी वाला

बुलढाणा जिल्ह्यातील डोणगाव येथे माणुसकीचे दर्शन घडवणारी एक महत्त्वपूर्ण घटना समोर आली आहे. डोणगाव येथील सार्वजनिक स्वच्छतागृहाजवळ एका व्यक्तीचा दारूच्या नशेत तोल जाऊन गटारात पडला. या घटनेमुळे काही काळ परिसरात खळबळ उडाली होती. यावेळी सामाजिक कार्यकर्ते आणि पत्रकार सालार बेग हे राजिक सय्यद यांच्या दुकानात बसले होते. गटारात पडलेल्या व्यक्तीकडे त्यांचे लक्ष जाताच त्यांनी प्रसंगाचे गांभीर्य ओळखले आणि कोणतीही वेळ न दवडता मदतीसाठी धाव घेतली. त्यांनी परिसरातील नागरिकांना मदतीसाठी बोलावून घेतले आणि सर्वांच्या सहकार्याने त्या व्यक्तीला सुरक्षितपणे गटारातून बाहेर काढले. सालार बेग यांच्या या तत्परतेमुळे आणि सामाजिक बांधिलकीच्या भावनेमुळे एक संभाव्य अनर्थ टळला. वेळेत मदत मिळाल्याने संबंधित व्यक्तीचा जीव वाचण्यास मोठी मदत झाली. या घटनेनंतर परिसरातील नागरिकांनी सालार बेग यांच्या धाडसाचे आणि माणुसकीच्या भावनेचे कौतुक केले. त्यांच्या या कार्यामुळे आजच्या धावपळीच्या युगातही माणुसकी जिवंत आहे, हे सिद्ध झाल्याची भावना डोणगाव परिसरात व्यक्त होत आहे.

हिंगोलीमध्ये टाटा पॉवर सोलर प्रकल्पासाठी कथित विनापरवाना वृक्षतोड झाल्याचा आरोप करत, याविरोधात कारवाईच्या मागणीसाठी सुनील माने यांनी आमरण उपोषण सुरू केले आहे. ही वृक्षतोड अनधिकृत असल्याचा दावा करत, माने यांनी प्रशासनाकडे तातडीने कठोर कारवाई करण्याची मागणी केली आहे. या उपोषणाद्वारे पर्यावरण संरक्षणाचा मुद्दा अधोरेखित करण्यात आला असून, संबंधित वृक्षतोडीसाठी जबाबदार असलेल्यांवर कारवाई व्हावी अशी त्यांची मागणी आहे. हिंगोलीतील या कथित अनधिकृत वृक्षतोडीमुळे पर्यावरणप्रेमींमध्ये तीव्र संताप व्यक्त होत असून, सुनील माने यांच्या आंदोलनामुळे या प्रकरणात लक्ष घालण्याची गरज निर्माण झाली आहे.

माहूर तालुक्यातील कासारपेठ येथे हातभट्टी दारू काढण्यासाठी जमवलेल्या साहित्यावर दिनांक ११ रोजी दुपारी साडेबारा वाजण्याच्या सुमारास धाड टाकण्यात आली. या कारवाईत हजारो रुपयांचे रसायन, मोहफूल आणि इतर साहित्य असा एकूण पंचवीस हजार रुपयांचा मुद्देमाल नष्ट करण्यात आला, तसेच एका शेतमालकाविरुद्ध गुन्हा दाखल करण्यात आला आहे. पोलीस उपमहानिरीक्षक शहाजी उमाप आणि पोलीस अधीक्षक अविनाश कुमार यांच्या मार्गदर्शनाखाली, उपविभागीय पोलीस अधिकारी किरण कुमार भोंडवे यांच्या आदेशाने, पोलीस निरीक्षक देविदास चोपडे यांनी ही कारवाई केली. अवैध धंद्यांविरुद्ध आक्रमक पवित्रा घेतलेल्या चोपडे यांनी गोपनीय माहितीच्या आधारे कासारपेठ येथील शेतात असलेल्या गोठ्याच्या समोरील लिंबाच्या झाडाखाली हे साहित्य जमवल्याची माहिती मिळताच धाड टाकली. त्यांनी दोन दिवसांपूर्वीच पापलवाडी येथेही अशीच मोठी कारवाई केली होती. या धाडीमध्ये हातभट्टी दारू काढण्यासाठी वापरल्या जाणाऱ्या प्लास्टिक टाक्या, मोहफूल आणि रसायन असा पंचवीस हजार रुपयांचा मुद्देमाल जप्त करून नष्ट करण्यात आला, तसेच हातभट्टी दारू लावण्याच्या तयारीत असलेल्या शेतमालकाविरुद्ध गुन्हा दाखल करण्यात आला. विशेष म्हणजे, यापुढे गावात हातभट्टी दारू आढळल्यास नवीन कायद्यानुसार पोलीस पाटील, सरपंच आणि ग्रामसेवक यांना जबाबदार धरून त्यांच्यावरही गुन्हे दाखल केले जातील, असा इशारा पोलीस निरीक्षक देविदास चोपडे यांनी दिला आहे. ते स्वतः अशा गावांमध्ये जनजागरणही करत आहेत. या धाडीची फिर्याद पोलीस कॉन्स्टेबल पवन राऊत यांनी दिली, तर कारवाईमध्ये पोलीस हेड कॉन्स्टेबल प्रकाश गेडाम, सागर डरंगे आणि ज्ञानोबा खंदाडे यांनी सहभाग घेतला. गुन्हा पोलीस हेड कॉन्स्टेबल श्रीमती पुष्पा पुसनाके यांनी दाखल केला असून, पुढील तपास पोलीस करत आहेत.

जनगणना अभियानाचा पहिला टप्पा १०० टक्के यशस्वीरित्या पूर्ण झाल्याची माहिती समोर आली आहे. या महत्त्वपूर्ण कामगिरीबद्दल मनपा आयुक्त वर्षा लड्डा यांच्या हस्ते संबंधित अधिकारी आणि कर्मचाऱ्यांचा सत्कार करण्यात आला.