साकोली येथील वैनगंगा शैक्षणिक परिसरात वैनगंगा बहुउद्देशीय विकास संस्थेच्या नवजीवन कॉन्व्हेन्ट अँड इंग्लिश प्रायमरी स्कूल (सीबीएसई) आणि नवजीवन विद्यालय अँड ज्युनिअर सायन्स कॉलेज, जमनापूर यांच्या संयुक्त विद्यमाने आंतरराष्ट्रीय योग दिन मोठ्या उत्साहात साजरा करण्यात आला. निरोगी जीवनशैली, शारीरिक तंदुरुस्ती आणि मानसिक स्वास्थ्य टिकवण्याच्या उद्देशाने या कार्यक्रमाचे आयोजन करण्यात आले होते. या कार्यक्रमासाठी योग गुरु प्रा. डॉ. जितेंद्रकुमार ठाकूर, योग प्रशिक्षक अमोल वाकडे आणि श्रीधर खराबे हे मार्गदर्शक म्हणून उपस्थित होते. त्यांनी योगाचे मानवी जीवनातील महत्त्व, नियमित योगाभ्यासाने होणारे शारीरिक व मानसिक फायदे तसेच तणावमुक्त जीवनासाठी योगाचे योगदान यावर मार्गदर्शन केले. त्यांच्या मार्गदर्शनाखाली विविध योगासने, प्राणायाम आणि ध्यानसाधनेचे प्रात्यक्षिक सादर करण्यात आले. यावेळी मुख्याध्यापक डॉ. लोकानंद नवखरे, शाळा व्यवस्थापक विनोद किरपान, प्राचार्या भारती व्यास, प्रशासकीय अधिकारी सतीश गोटेफोडे, पर्यवेक्षिका वंदना घोडीचोर यांची प्रमुख उपस्थिती होती. नवजीवन कॉन्व्हेन्ट अँड इंग्लिश प्रायमरी स्कूल आणि नवजीवन विद्यालय अँड ज्युनिअर सायन्स कॉलेज येथील सर्व शिक्षक, शिक्षकेत्तर कर्मचारी आणि विद्यार्थ्यांनी मोठ्या संख्येने यात सहभाग घेतला. उपस्थितांनी सामूहिक योगाभ्यास करून "योग करा, निरोगी रहा" आणि "एक पृथ्वी, एक आरोग्य" या संदेशाचा प्रसार केला. मान्यवरांनी योगामुळे शारीरिक क्षमता, मानसिक एकाग्रता, सकारात्मकता व आत्मविश्वास वाढतो असे मत व्यक्त केले. संस्थेच्या सर्व शिक्षक व शिक्षकेत्तर कर्मचाऱ्यांच्या सहकार्याने या कार्यक्रमाचे यशस्वी आयोजन करण्यात आले. या प्रसंगी सर्वांनी नियमित योगाभ्यास करून निरोगी व आनंदी जीवन जगण्याचा संकल्प केला.

मनिषा विजय काशीवार

साकोली, भंडारा, महाराष्ट्र•

12 hrs ago

साकोली येथील वैनगंगा शैक्षणिक परिसरात वैनगंगा बहुउद्देशीय विकास संस्थेच्या नवजीवन कॉन्व्हेन्ट अँड इंग्लिश प्रायमरी स्कूल (सीबीएसई) आणि नवजीवन विद्यालय अँड ज्युनिअर सायन्स कॉलेज, जमनापूर यांच्या संयुक्त विद्यमाने आंतरराष्ट्रीय योग दिन मोठ्या उत्साहात साजरा करण्यात आला. निरोगी जीवनशैली, शारीरिक तंदुरुस्ती आणि मानसिक स्वास्थ्य टिकवण्याच्या उद्देशाने या कार्यक्रमाचे आयोजन करण्यात आले होते. या कार्यक्रमासाठी योग गुरु प्रा. डॉ. जितेंद्रकुमार ठाकूर, योग प्रशिक्षक अमोल वाकडे आणि श्रीधर खराबे हे मार्गदर्शक म्हणून उपस्थित होते. त्यांनी योगाचे मानवी जीवनातील महत्त्व, नियमित योगाभ्यासाने होणारे शारीरिक व मानसिक फायदे तसेच तणावमुक्त जीवनासाठी योगाचे योगदान यावर मार्गदर्शन केले. त्यांच्या मार्गदर्शनाखाली विविध योगासने, प्राणायाम आणि ध्यानसाधनेचे प्रात्यक्षिक सादर करण्यात आले. यावेळी मुख्याध्यापक डॉ. लोकानंद नवखरे, शाळा व्यवस्थापक विनोद किरपान, प्राचार्या भारती व्यास, प्रशासकीय अधिकारी सतीश गोटेफोडे, पर्यवेक्षिका वंदना घोडीचोर यांची प्रमुख उपस्थिती होती. नवजीवन कॉन्व्हेन्ट अँड इंग्लिश प्रायमरी स्कूल आणि नवजीवन विद्यालय अँड ज्युनिअर सायन्स कॉलेज येथील सर्व शिक्षक, शिक्षकेत्तर कर्मचारी आणि विद्यार्थ्यांनी मोठ्या संख्येने यात सहभाग घेतला. उपस्थितांनी सामूहिक योगाभ्यास करून "योग करा, निरोगी रहा" आणि "एक पृथ्वी, एक आरोग्य" या संदेशाचा प्रसार केला. मान्यवरांनी योगामुळे शारीरिक क्षमता, मानसिक एकाग्रता, सकारात्मकता व आत्मविश्वास वाढतो असे मत व्यक्त केले. संस्थेच्या सर्व शिक्षक व शिक्षकेत्तर कर्मचाऱ्यांच्या सहकार्याने या कार्यक्रमाचे यशस्वी आयोजन करण्यात आले. या प्रसंगी सर्वांनी नियमित योगाभ्यास करून निरोगी व आनंदी जीवन जगण्याचा संकल्प केला.