गजानन महाराज मंदिराच्या सभामंडपासाठी ४० लाखांचा निधी; धारणीत विकासकामाचा शुभारंभ गजानन महाराज मंदिराच्या सभामंडपासाठी ४० लाखांचा निधी; धारणीत विकासकामाचा शुभारंभ -धारणी (प्रतिनिधी) : ऋषिपंचमीच्या पावन पर्वाचे औचित्य साधत धारणी येथील श्री गजानन महाराज मंदिराच्या विकासाला महत्त्वपूर्ण चालना मिळाली. मंदिराच्या सभामंडपाच्या बांधकामासाठी तब्बल ४० लाख रुपयांचा निधी मंजूर करण्यात आला असून, या कामाचे भूमिपूजन आमदार केवलराम काळे यांच्या हस्ते धार्मिक वातावरणात पार पडले. यावेळी आमदार काळे यांनी श्री गजानन महाराजांचे दर्शन घेऊन भाविकांच्या सुख-समृद्धीसाठी प्रार्थना केली. मंदिर परिसरात सभामंडपाची सुविधा उपलब्ध झाल्यानंतर विविध धार्मिक कार्यक्रम, उत्सव, भजन-कीर्तन तसेच सामाजिक उपक्रमांसाठी भाविकांना प्रशस्त जागा मिळणार आहे. त्यामुळे मंदिराच्या पायाभूत सुविधांमध्ये भर पडून परिसराच्या विकासालाही गती मिळणार आहे. धारणी परिसरातील श्रद्धास्थळांच्या विकासासोबतच भाविकांना आवश्यक सुविधा उपलब्ध करून देण्यास प्राधान्य दिले जात असल्याचे यावेळी उपस्थित पदाधिकाऱ्यांनी सांगितले. मंजूर निधीतून होणाऱ्या सभामंडपाच्या कामामुळे भाविकांची गैरसोय दूर होऊन धार्मिक कार्यक्रमांचे आयोजन अधिक सुलभ होण्याची अपेक्षा व्यक्त करण्यात आली. भूमिपूजन कार्यक्रमाला जिल्हाध्यक्ष तथा माजी आमदार प्रभुदास भिलावेकर, कमल मालवीय, अनिल मालवीय, सचिन कडू, पंकज माकोडे, श्याम गंगराळे, राजा पाटील, नगरसेवक, विविध पदाधिकारी आणि श्री गजानन महाराजांचे भक्त मोठ्या संख्येने उपस्थित होते. ऋषिपंचमीच्या निमित्ताने मंदिरात भक्तिमय वातावरण निर्माण झाले होते.

Sachin Ingale

Local News Reporter Chikhaldara, Amravati•

12 hrs ago

गजानन महाराज मंदिराच्या सभामंडपासाठी ४० लाखांचा निधी; धारणीत विकासकामाचा शुभारंभ गजानन महाराज मंदिराच्या सभामंडपासाठी ४० लाखांचा निधी; धारणीत विकासकामाचा शुभारंभ -धारणी (प्रतिनिधी) : ऋषिपंचमीच्या पावन पर्वाचे औचित्य साधत धारणी येथील श्री गजानन महाराज मंदिराच्या विकासाला महत्त्वपूर्ण चालना मिळाली. मंदिराच्या सभामंडपाच्या बांधकामासाठी तब्बल ४० लाख रुपयांचा निधी मंजूर करण्यात आला असून, या कामाचे भूमिपूजन आमदार केवलराम काळे यांच्या हस्ते धार्मिक वातावरणात पार पडले. यावेळी आमदार काळे यांनी श्री गजानन महाराजांचे दर्शन घेऊन भाविकांच्या सुख-समृद्धीसाठी प्रार्थना केली. मंदिर परिसरात सभामंडपाची सुविधा उपलब्ध झाल्यानंतर विविध धार्मिक कार्यक्रम, उत्सव, भजन-कीर्तन तसेच सामाजिक उपक्रमांसाठी भाविकांना प्रशस्त जागा

मिळणार आहे. त्यामुळे मंदिराच्या पायाभूत सुविधांमध्ये भर पडून परिसराच्या विकासालाही गती मिळणार आहे. धारणी परिसरातील श्रद्धास्थळांच्या विकासासोबतच भाविकांना आवश्यक सुविधा उपलब्ध करून देण्यास प्राधान्य दिले जात असल्याचे यावेळी उपस्थित पदाधिकाऱ्यांनी सांगितले. मंजूर निधीतून होणाऱ्या सभामंडपाच्या कामामुळे भाविकांची गैरसोय दूर होऊन धार्मिक कार्यक्रमांचे आयोजन अधिक सुलभ होण्याची अपेक्षा व्यक्त करण्यात आली. भूमिपूजन कार्यक्रमाला जिल्हाध्यक्ष तथा माजी आमदार प्रभुदास भिलावेकर, कमल मालवीय, अनिल मालवीय, सचिन कडू, पंकज माकोडे, श्याम गंगराळे, राजा पाटील, नगरसेवक, विविध पदाधिकारी आणि श्री गजानन महाराजांचे भक्त मोठ्या संख्येने उपस्थित होते. ऋषिपंचमीच्या निमित्ताने मंदिरात भक्तिमय वातावरण निर्माण झाले होते.