ತುರುವೇಕೆರೆಯಲ್ಲಿ ನಡೆದ ಸ್ವಾತಂತ್ರ್ಯಯೋಧ ಡಿ.ರಾಮಸ್ವಾಮಿ ಸ್ಮಾರಕ ಚರ್ಚಾಸ್ಪರ್ಧೆಯ ಸಮಾರೋಪ ಸಮಾರಂಭದಲ್ಲಿ ಮಾತನಾಡಿದ ಬೆಂಗಳೂರಿನ ನಿಮಾನ್ಸ್‌ನ ಮಾಜಿ ಅಧ್ಯಕ್ಷ ಡಿ. ನಾಗರಾಜ್, ದೇಶದ ವಿವಿಧ ಜನಾಂಗಗಳ ಜನಸಂಖ್ಯಾ ಪ್ರಮಾಣ ಏರುಪೇರಾದರೆ ಆಂತರಿಕ ಕಲಹಗಳು ಉಂಟಾಗಿ ದೇಶವು ಅರಾಜಕತೆಯತ್ತ ಸಾಗುವ ಅಪಾಯವಿದೆ ಎಂದು ಎಚ್ಚರಿಸಿದ್ದಾರೆ. ಮತಾಂತರ ಅಥವಾ ಅನ್ಯ ಜನಾಂಗೀಯ ನುಸುಳುವಿಕೆಯಿಂದಾಗಿ ದೇಶದ ಮೂಲನಿವಾಸಿಗಳ ಸಂಖ್ಯೆ ಗಣನೀಯವಾಗಿ ಇಳಿಮುಖವಾಗಬಹುದು ಹಾಗೂ ಪರಕೀಯ ಧರ್ಮ ಮತ್ತು ಸಂಸ್ಕೃತಿಯ ಆಕ್ರಮಣದಿಂದಾಗಿ ಅಂತಃಯುದ್ಧ ಸಂಭವಿಸಬಹುದು ಎಂದ ಅವರು, ಇಂಡೋನೇಷ್ಯಾ ಮತ್ತು ಸುಡಾನ್ ದೇಶಗಳು ಇಂತಹ ಜನಾಂಗೀಯ ಸಂಘರ್ಷಕ್ಕೆ ಬಲಿಯಾಗಿ ಒಡೆದು ಛಿದ್ರವಾಗಿವೆ ಎಂದು ಕಳವಳ ವ್ಯಕ್ತಪಡಿಸಿದರು. ಕಾರ್ಯಕ್ರಮದಲ್ಲಿ ಮುಖ್ಯ ಭಾಷಣಕಾರರಾಗಿ ಭಾಗವಹಿಸಿದ್ದ ರಾಷ್ಟ್ರೀಯ ವೈದ್ಯಕೀಯ ಆಯೋಗದ ಮಾಜಿ ಅಧ್ಯಕ್ಷ ಡಾ. ಬಿ.ಎನ್. ಗಂಗಾಧರ್ ಮಾತನಾಡಿ, ಜನಸಂಖ್ಯೆಯ ವೇಗವನ್ನು ತಕ್ಷಣಕ್ಕೆ ನಿಯಂತ್ರಣಕ್ಕೆ ತರಲು ಸಾಧ್ಯವಿಲ್ಲದ ಕಾರಣ ಮುಂದಾಲೋಚನೆಯ ಕಾಲಮಿತಿಯ ಯೋಜನೆಗಳು ಅಗತ್ಯವಾಗಿವೆ ಎಂದರು. ಇಂದು ಜನಸಂಖ್ಯೆ ನಿಯಂತ್ರಣಕ್ಕಿಂತ ಜನಸಂಖ್ಯೆಯ ನಿರ್ವಹಣೆ ಹೊಸ ಪರಿಕಲ್ಪನೆಯ ಆದ್ಯತೆಯ ವಿಷಯವಾಗಿದೆ ಹಾಗೂ ಗುಣಮಟ್ಟದ ಉತ್ಪಾದಕ ಜನಸಂಖ್ಯೆಯು ದೇಶದ ಅಮೂಲ್ಯ ಸಂಪನ್ಮೂಲವಾಗಿದೆ ಎಂದು ಅಭಿಪ್ರಾಯಪಟ್ಟರು. ಪಟ್ಟಣದ ಲಯನ್ಸ್ ಭವನದಲ್ಲಿ ಸುರಭಿ ಸಂಗಮ, ಲಯನ್ಸ್ ಕ್ಲಬ್, ಕಲ್ಪತರು ಲಯನ್ಸ್ ಚಾರಿಟಬಲ್ ಟ್ರಸ್ಟ್, ಸ್ಟೇಟ್ ಬ್ಯಾಂಕ್ ಆಫ್ ಇಂಡಿಯಾ ಮತ್ತು ಕರ್ನಾಟಕ ಬ್ಯಾಂಕ್ ಸ್ಥಳೀಯ ಶಾಖೆಗಳ ಸಹಯೋಗದಲ್ಲಿ ನಡೆದ ಚರ್ಚಾಸ್ಪರ್ಧೆಯಲ್ಲಿ ಪ್ರಿಯಾ ಇಂಗ್ಲೀಷ್ ಶಾಲೆ ಪ್ರಥಮ ಹಾಗೂ ಜೆ.ಪಿ. ಆಂಗ್ಲಶಾಲೆ ದ್ವಿತೀಯ ಪಾರಿತೋಷಕ ಪಡೆದವು. ವೈಯಕ್ತಿಕ ವಿಭಾಗದಲ್ಲಿ ಪ್ರಿಯಾ ಶಾಲೆಯ ಡಾಲಿಯಾಮೃತ ಪ್ರಥಮ, ಜೆ.ಪಿ. ಶಾಲೆಯ ಅಫ್ಸಾ ದ್ವಿತೀಯ ಹಾಗೂ ಇಂಡಿಯನ್ ಪಬ್ಲಿಕ್ ಶಾಲೆಯ ಸುಚಲ್ ತೃತೀಯ ಬಹುಮಾನ ಪಡೆದರು. ಕ್ಷೇತ್ರ ಸಂಪನ್ಮೂಲ ಅಧಿಕಾರಿ ಸುರೇಶ್ ಕಾರ್ಯಕ್ರಮ ಉದ್ಘಾಟಿಸಿದ್ದು, ಡಾ. ಚೌದ್ರಿ ನಾಗೇಶ್ ಅಧ್ಯಕ್ಷತೆ ವಹಿಸಿದ್ದರು. ಉದ್ಯಮಿ ಎಂ.ಡಿ.ಮೂರ್ತಿ, ಬ್ಯಾಂಕ್ ಅಧಿಕಾರಿ ವಿನಯ್ ರಾಮಕೃಷ್ಣ ಹೆಗಡೆ ಸೇರಿದಂತೆ ಹಲವು ಗಣ್ಯರು ಉಪಸ್ಥಿತರಿದ್ದರು.

Manohara

Local News Reporter ತುರುವೇಕೆರೆ, ತುಮಕೂರು, ಕರ್ನಾಟಕ•

11 hrs ago

ತುರುವೇಕೆರೆಯಲ್ಲಿ ನಡೆದ ಸ್ವಾತಂತ್ರ್ಯಯೋಧ ಡಿ.ರಾಮಸ್ವಾಮಿ ಸ್ಮಾರಕ ಚರ್ಚಾಸ್ಪರ್ಧೆಯ ಸಮಾರೋಪ ಸಮಾರಂಭದಲ್ಲಿ ಮಾತನಾಡಿದ ಬೆಂಗಳೂರಿನ ನಿಮಾನ್ಸ್‌ನ ಮಾಜಿ ಅಧ್ಯಕ್ಷ ಡಿ. ನಾಗರಾಜ್, ದೇಶದ ವಿವಿಧ ಜನಾಂಗಗಳ ಜನಸಂಖ್ಯಾ ಪ್ರಮಾಣ ಏರುಪೇರಾದರೆ ಆಂತರಿಕ ಕಲಹಗಳು ಉಂಟಾಗಿ ದೇಶವು ಅರಾಜಕತೆಯತ್ತ ಸಾಗುವ ಅಪಾಯವಿದೆ ಎಂದು ಎಚ್ಚರಿಸಿದ್ದಾರೆ. ಮತಾಂತರ ಅಥವಾ ಅನ್ಯ ಜನಾಂಗೀಯ ನುಸುಳುವಿಕೆಯಿಂದಾಗಿ ದೇಶದ ಮೂಲನಿವಾಸಿಗಳ ಸಂಖ್ಯೆ ಗಣನೀಯವಾಗಿ ಇಳಿಮುಖವಾಗಬಹುದು ಹಾಗೂ ಪರಕೀಯ ಧರ್ಮ ಮತ್ತು ಸಂಸ್ಕೃತಿಯ ಆಕ್ರಮಣದಿಂದಾಗಿ ಅಂತಃಯುದ್ಧ ಸಂಭವಿಸಬಹುದು ಎಂದ ಅವರು, ಇಂಡೋನೇಷ್ಯಾ ಮತ್ತು ಸುಡಾನ್ ದೇಶಗಳು ಇಂತಹ ಜನಾಂಗೀಯ ಸಂಘರ್ಷಕ್ಕೆ ಬಲಿಯಾಗಿ ಒಡೆದು ಛಿದ್ರವಾಗಿವೆ ಎಂದು ಕಳವಳ ವ್ಯಕ್ತಪಡಿಸಿದರು. ಕಾರ್ಯಕ್ರಮದಲ್ಲಿ ಮುಖ್ಯ ಭಾಷಣಕಾರರಾಗಿ ಭಾಗವಹಿಸಿದ್ದ ರಾಷ್ಟ್ರೀಯ ವೈದ್ಯಕೀಯ ಆಯೋಗದ ಮಾಜಿ ಅಧ್ಯಕ್ಷ ಡಾ. ಬಿ.ಎನ್. ಗಂಗಾಧರ್ ಮಾತನಾಡಿ, ಜನಸಂಖ್ಯೆಯ ವೇಗವನ್ನು ತಕ್ಷಣಕ್ಕೆ ನಿಯಂತ್ರಣಕ್ಕೆ ತರಲು ಸಾಧ್ಯವಿಲ್ಲದ ಕಾರಣ ಮುಂದಾಲೋಚನೆಯ ಕಾಲಮಿತಿಯ ಯೋಜನೆಗಳು ಅಗತ್ಯವಾಗಿವೆ ಎಂದರು. ಇಂದು ಜನಸಂಖ್ಯೆ ನಿಯಂತ್ರಣಕ್ಕಿಂತ ಜನಸಂಖ್ಯೆಯ ನಿರ್ವಹಣೆ ಹೊಸ ಪರಿಕಲ್ಪನೆಯ ಆದ್ಯತೆಯ ವಿಷಯವಾಗಿದೆ ಹಾಗೂ ಗುಣಮಟ್ಟದ ಉತ್ಪಾದಕ ಜನಸಂಖ್ಯೆಯು ದೇಶದ ಅಮೂಲ್ಯ ಸಂಪನ್ಮೂಲವಾಗಿದೆ ಎಂದು ಅಭಿಪ್ರಾಯಪಟ್ಟರು. ಪಟ್ಟಣದ ಲಯನ್ಸ್ ಭವನದಲ್ಲಿ ಸುರಭಿ ಸಂಗಮ, ಲಯನ್ಸ್ ಕ್ಲಬ್, ಕಲ್ಪತರು ಲಯನ್ಸ್ ಚಾರಿಟಬಲ್ ಟ್ರಸ್ಟ್, ಸ್ಟೇಟ್ ಬ್ಯಾಂಕ್ ಆಫ್ ಇಂಡಿಯಾ ಮತ್ತು ಕರ್ನಾಟಕ ಬ್ಯಾಂಕ್ ಸ್ಥಳೀಯ ಶಾಖೆಗಳ ಸಹಯೋಗದಲ್ಲಿ ನಡೆದ ಚರ್ಚಾಸ್ಪರ್ಧೆಯಲ್ಲಿ ಪ್ರಿಯಾ ಇಂಗ್ಲೀಷ್ ಶಾಲೆ ಪ್ರಥಮ ಹಾಗೂ ಜೆ.ಪಿ. ಆಂಗ್ಲಶಾಲೆ ದ್ವಿತೀಯ ಪಾರಿತೋಷಕ ಪಡೆದವು. ವೈಯಕ್ತಿಕ ವಿಭಾಗದಲ್ಲಿ ಪ್ರಿಯಾ ಶಾಲೆಯ ಡಾಲಿಯಾಮೃತ ಪ್ರಥಮ, ಜೆ.ಪಿ. ಶಾಲೆಯ ಅಫ್ಸಾ ದ್ವಿತೀಯ ಹಾಗೂ ಇಂಡಿಯನ್ ಪಬ್ಲಿಕ್ ಶಾಲೆಯ ಸುಚಲ್ ತೃತೀಯ ಬಹುಮಾನ ಪಡೆದರು. ಕ್ಷೇತ್ರ ಸಂಪನ್ಮೂಲ ಅಧಿಕಾರಿ ಸುರೇಶ್ ಕಾರ್ಯಕ್ರಮ ಉದ್ಘಾಟಿಸಿದ್ದು, ಡಾ. ಚೌದ್ರಿ ನಾಗೇಶ್ ಅಧ್ಯಕ್ಷತೆ ವಹಿಸಿದ್ದರು. ಉದ್ಯಮಿ ಎಂ.ಡಿ.ಮೂರ್ತಿ, ಬ್ಯಾಂಕ್ ಅಧಿಕಾರಿ ವಿನಯ್ ರಾಮಕೃಷ್ಣ ಹೆಗಡೆ ಸೇರಿದಂತೆ ಹಲವು ಗಣ್ಯರು ಉಪಸ್ಥಿತರಿದ್ದರು.