ବଲାଙ୍ଗିର ଜିଲ୍ଲା ମୁରିବାହାଲ ଥାନା ଅନ୍ତର୍ଗତ ମାଲିଶିରା ପଞ୍ଚାୟତର ଖରାଲି ଗ୍ରାମରେ ଘରଜ୍ଵାଇଁ ଭାବେ ରହୁଥିବା ୪୫ ବର୍ଷୀୟ ହିରନ୍ ମାଝୀଙ୍କ ଝୁଲନ୍ତା ମୃତଦେହ ଉଦ୍ଧାର କରାଯାଇଛି। ମୃତକ ପ୍ରାୟ ୧୭ ବର୍ଷ ପୂର୍ବେ ଉପାସୀ ମାଝୀଙ୍କୁ ବିବାହ କରି ଶ୍ଵଶୁର ଘରେ ଚାରି ସନ୍ତାନଙ୍କ ସହ ରହୁଥିଲେ। ବିଗତ କିଛି ଦିନ ହେବ ପତ୍ନୀଙ୍କ ପରକୀୟା ପ୍ରୀତିକୁ ନେଇ ସ୍ଵାମୀ-ସ୍ତ୍ରୀଙ୍କ ମଧ୍ୟରେ ତୀବ୍ର ବିବାଦ ଲାଗି ରହିଥିଲା, ଯାହାର ସମାଧାନ ପାଇଁ ଗତ ରବିବାର ଉଭୟ ଗ୍ରାମର ଭଦ୍ରବ୍ୟକ୍ତିଙ୍କ ଉପସ୍ଥିତିରେ ଏକ ଆପୋଷ ବୁଝାମଣା ମଧ୍ୟ ହୋଇଥିଲା। ଗୁରୁବାର ଦିନ ଶ୍ଵଶୁରଙ୍କ ନୂତନ ନିର୍ମିତ ଘରୁ ହିରନ୍‌ଙ୍କ ମୃତଦେହ ମିଳିବା ପରେ ପରିବାର ପକ୍ଷରୁ ମୁରିବାହାଲ ଥାନାରେ ଏହା ଏକ ଯୋଜନାବଦ୍ଧ ହତ୍ୟାକାଣ୍ଡ ବୋଲି ଲିଖିତ ଅଭିଯୋଗ ହୋଇଛି। ମୃତକଙ୍କ ବଡ଼ଭାଇ ଅର୍ଜୁନ ମାଝୀଙ୍କ ଅଭିଯୋଗ ଅନୁଯାୟୀ, ପରକୀୟା ପ୍ରୀତିକୁ ବିରୋଧ କରିବାରୁ ଉପାସୀ ଓ ତାଙ୍କ ସହଯୋଗୀମାନେ ମିଶି ହିରନ୍‌ଙ୍କୁ ହତ୍ୟା କରିଛନ୍ତି ଏବଂ ଏହାକୁ ଆତ୍ମହତ୍ୟାର ରୂପ ଦେବାକୁ ଚେଷ୍ଟା କରୁଛନ୍ତି। ପୋଲିସ ଶୁକ୍ରବାର ଘଟଣାସ୍ଥଳରେ ପହଞ୍ଚି ମୃତଦେହ ଉଦ୍ଧାର କରିବା ସହ ତିତିଲାଗଡ଼ ମେଡିକାଲରେ ଶବ ବ୍ୟବଚ୍ଛେଦ କରାଇଛି। ମୁରିବାହାଲ ଥାନାରେ ଏକ ଅପମୃତ୍ୟୁ ମାମଲା ରୁଜୁ ହୋଇଥିବା ବେଳେ ଏସଆଇ ପଙ୍କଜିନୀ ବାଗ ଘଟଣାର ତଦନ୍ତ କରୁଛନ୍ତି। ଆଇଆଇସି ବୁଲୁ ମୁଣ୍ଡାଙ୍କ ସୂଚନା ଅନୁଯାୟୀ, ଶବ ବ୍ୟବଚ୍ଛେଦ ରିପୋର୍ଟ ଆସିବା ପରେ ମୃତ୍ୟୁର ପ୍ରକୃତ କାରଣ ସ୍ପଷ୍ଟ ହେବ।

Taranisen Meher

Archive ବଲାଙ୍ଗୀର, ବଲାଙ୍ଗୀର, ଓଡ଼ିଶା•

9 hrs ago

ବଲାଙ୍ଗିର ଜିଲ୍ଲା ମୁରିବାହାଲ ଥାନା ଅନ୍ତର୍ଗତ ମାଲିଶିରା ପଞ୍ଚାୟତର ଖରାଲି ଗ୍ରାମରେ ଘରଜ୍ଵାଇଁ ଭାବେ ରହୁଥିବା ୪୫ ବର୍ଷୀୟ ହିରନ୍ ମାଝୀଙ୍କ ଝୁଲନ୍ତା ମୃତଦେହ ଉଦ୍ଧାର କରାଯାଇଛି। ମୃତକ ପ୍ରାୟ ୧୭ ବର୍ଷ ପୂର୍ବେ ଉପାସୀ ମାଝୀଙ୍କୁ ବିବାହ କରି ଶ୍ଵଶୁର ଘରେ ଚାରି ସନ୍ତାନଙ୍କ ସହ ରହୁଥିଲେ। ବିଗତ କିଛି ଦିନ ହେବ ପତ୍ନୀଙ୍କ ପରକୀୟା ପ୍ରୀତିକୁ ନେଇ ସ୍ଵାମୀ-ସ୍ତ୍ରୀଙ୍କ ମଧ୍ୟରେ ତୀବ୍ର ବିବାଦ ଲାଗି ରହିଥିଲା, ଯାହାର ସମାଧାନ ପାଇଁ ଗତ ରବିବାର ଉଭୟ ଗ୍ରାମର ଭଦ୍ରବ୍ୟକ୍ତିଙ୍କ ଉପସ୍ଥିତିରେ ଏକ ଆପୋଷ ବୁଝାମଣା ମଧ୍ୟ ହୋଇଥିଲା। ଗୁରୁବାର ଦିନ ଶ୍ଵଶୁରଙ୍କ ନୂତନ ନିର୍ମିତ ଘରୁ ହିରନ୍‌ଙ୍କ ମୃତଦେହ ମିଳିବା ପରେ ପରିବାର ପକ୍ଷରୁ ମୁରିବାହାଲ ଥାନାରେ ଏହା ଏକ ଯୋଜନାବଦ୍ଧ ହତ୍ୟାକାଣ୍ଡ ବୋଲି ଲିଖିତ ଅଭିଯୋଗ ହୋଇଛି। ମୃତକଙ୍କ ବଡ଼ଭାଇ ଅର୍ଜୁନ ମାଝୀଙ୍କ ଅଭିଯୋଗ ଅନୁଯାୟୀ, ପରକୀୟା ପ୍ରୀତିକୁ ବିରୋଧ କରିବାରୁ ଉପାସୀ ଓ ତାଙ୍କ ସହଯୋଗୀମାନେ ମିଶି ହିରନ୍‌ଙ୍କୁ ହତ୍ୟା କରିଛନ୍ତି ଏବଂ ଏହାକୁ ଆତ୍ମହତ୍ୟାର ରୂପ ଦେବାକୁ ଚେଷ୍ଟା କରୁଛନ୍ତି। ପୋଲିସ ଶୁକ୍ରବାର ଘଟଣାସ୍ଥଳରେ ପହଞ୍ଚି ମୃତଦେହ ଉଦ୍ଧାର କରିବା ସହ ତିତିଲାଗଡ଼ ମେଡିକାଲରେ ଶବ ବ୍ୟବଚ୍ଛେଦ କରାଇଛି। ମୁରିବାହାଲ ଥାନାରେ ଏକ ଅପମୃତ୍ୟୁ ମାମଲା ରୁଜୁ ହୋଇଥିବା ବେଳେ ଏସଆଇ ପଙ୍କଜିନୀ ବାଗ ଘଟଣାର ତଦନ୍ତ କରୁଛନ୍ତି। ଆଇଆଇସି ବୁଲୁ ମୁଣ୍ଡାଙ୍କ ସୂଚନା ଅନୁଯାୟୀ, ଶବ ବ୍ୟବଚ୍ଛେଦ ରିପୋର୍ଟ ଆସିବା ପରେ ମୃତ୍ୟୁର ପ୍ରକୃତ କାରଣ ସ୍ପଷ୍ଟ ହେବ।