ଯୁବ କଂଗ୍ରେସ ନେତା ଅବିନାଶ ମିଶ୍ରଙ୍କ ଗିରଫ ଏବଂ ତାଙ୍କ ବିରୋଧରେ ହତ୍ୟା ଉଦ୍ୟମ ଭଳି ସଙ୍ଗୀନ ଦଫା ଲଗାଯିବା ପ୍ରତିବାଦରେ ଶୁକ୍ରବାର ପୁରୀ ଜିଲ୍ଲା କଂଗ୍ରେସ କମିଟି ପକ୍ଷରୁ ପୁରୀ କଚେରୀ ଛକଠାରେ ଜୋରଦାର ବିକ୍ଷୋଭ ପ୍ରଦର୍ଶନ କରାଯାଇଛି। ଜିଲ୍ଲା କଂଗ୍ରେସ ସଭାପତି ଇଂ ରାଜେଶ କୁମାର ମିଶ୍ରଙ୍କ ନେତୃତ୍ୱରେ ଅନୁଷ୍ଠିତ ଏହି କାର୍ଯ୍ୟକ୍ରମରେ ଦଳ ପକ୍ଷରୁ ରାଜ୍ୟ ସରକାର ଓ ଜିଲ୍ଲା ପୋଲିସକୁ କଡ଼ା ସମାଲୋଚନା କରାଯାଇ ଏକ ସ୍ମାରକପତ୍ର ପ୍ରଦାନ କରାଯାଇଛି। କଂଗ୍ରେସର ଅଭିଯୋଗ ଅନୁଯାୟୀ, ଗତ ୬ ଜୁଲାଇରେ ମୁଖ୍ୟମନ୍ତ୍ରୀ ମୋହନ ମାଝୀ ରଥଯାତ୍ରା-୨୦୨୬ର ସମନ୍ୱୟ ବୈଠକ ପାଇଁ ପୁରୀ ଆସୁଥିବା ବେଳେ ବୀର ହରେକୃଷ୍ଣପୁର ଛକରେ କଂଗ୍ରେସ କର୍ମୀମାନେ କଳା ପତାକା ପ୍ରଦର୍ଶନ କରିଥିଲେ। ଏହାକୁ ନେଇ ପୁରୀ ସଦର ଥାନାରେ ମାମଲା ରୁଜୁ ହେବା ସହ ଅବିନାଶ ମିଶ୍ରଙ୍କୁ ହତ୍ୟା ଉଦ୍ୟମ ଭଳି ସଙ୍ଗୀନ ଦଫାରେ ଗିରଫ କରି ଜେଲ ପଠାଯାଇଛି। କଂଗ୍ରେସ ନେତାମାନେ ଏହି ପୋଲିସ କାର୍ଯ୍ୟାନୁଷ୍ଠାନକୁ ଉଦ୍ଦେଶ୍ୟମୂଳକ ବୋଲି ବର୍ଣ୍ଣନା କରି ଉକ୍ତ ଦଫାଗୁଡ଼ିକୁ ପ୍ରତ୍ୟାହାର କରିବା ପାଇଁ ଦାବି କରିଛନ୍ତି। ଘଟଣାସ୍ଥଳରେ ଅତିରିକ୍ତ ଆରକ୍ଷୀ ଅଧିକ୍ଷକ ସୁଶୀଲ ମିଶ୍ର, ସିଟି ଡିଏସ୍‌ପି ଏବଂ ଟାଉନ୍ ଥାନା ଅଧିକାରୀ ଗୋକୁଳ ରଞ୍ଜନ ଦାସ ପହଞ୍ଚି ବିକ୍ଷୋଭକାରୀଙ୍କ ସହ ଆଲୋଚନା କରିଥିଲେ। ପୋଲିସ ପକ୍ଷରୁ ମାମଲାରେ ଲାଗିଥିବା ଦଫାଗୁଡ଼ିକର ସମୀକ୍ଷା କରାଯିବ ଏବଂ ଆଇନ ଅନୁଯାୟୀ ପରବର୍ତ୍ତୀ ପଦକ୍ଷେପ ନିଆଯିବ ବୋଲି ଆଶ୍ୱାସନା ଦିଆଯାଇଥିବା କଂଗ୍ରେସ ପକ୍ଷରୁ କୁହାଯାଇଛି। ଏହି ବିକ୍ଷୋଭରେ ସତ୍ୟବ୍ରତ ପାତ୍ର, ଜୟନାରାୟଣ ପଟ୍ଟନାୟକ, ବିଦୁଲତା ଆଚାର୍ଯ୍ୟ, ସୁଜିତ ମହାପାତ୍ର, ବିଶ୍ୱରଞ୍ଜନ ମହାପାତ୍ର, ନିରଞ୍ଜନ ରଥ, ସୁକାନ୍ତ ପ୍ରଧାନ, କାଳୀପ୍ରସାଦ ନାୟକ, ସରସ୍ୱତୀ ପାତ୍ର, ଲଲାଟେନ୍ଦୁ ଦାସ ଏବଂ ଜୟଶ୍ରୀ ପାତ୍ରଙ୍କ ସମେତ ଶତାଧିକ କଂଗ୍ରେସ କର୍ମୀ ସାମିଲ ହୋଇଥିଲେ।

Puri Update News

Court reporter ପୁରୀ (M), ପୁରୀ, ଓଡ଼ିଶା•

11 hrs ago

ଯୁବ କଂଗ୍ରେସ ନେତା ଅବିନାଶ ମିଶ୍ରଙ୍କ ଗିରଫ ଏବଂ ତାଙ୍କ ବିରୋଧରେ ହତ୍ୟା ଉଦ୍ୟମ ଭଳି ସଙ୍ଗୀନ ଦଫା ଲଗାଯିବା ପ୍ରତିବାଦରେ ଶୁକ୍ରବାର ପୁରୀ ଜିଲ୍ଲା କଂଗ୍ରେସ କମିଟି ପକ୍ଷରୁ ପୁରୀ କଚେରୀ ଛକଠାରେ ଜୋରଦାର ବିକ୍ଷୋଭ ପ୍ରଦର୍ଶନ କରାଯାଇଛି। ଜିଲ୍ଲା କଂଗ୍ରେସ ସଭାପତି ଇଂ ରାଜେଶ କୁମାର ମିଶ୍ରଙ୍କ ନେତୃତ୍ୱରେ ଅନୁଷ୍ଠିତ ଏହି କାର୍ଯ୍ୟକ୍ରମରେ ଦଳ ପକ୍ଷରୁ ରାଜ୍ୟ ସରକାର ଓ ଜିଲ୍ଲା ପୋଲିସକୁ କଡ଼ା ସମାଲୋଚନା କରାଯାଇ ଏକ ସ୍ମାରକପତ୍ର ପ୍ରଦାନ କରାଯାଇଛି। କଂଗ୍ରେସର ଅଭିଯୋଗ ଅନୁଯାୟୀ, ଗତ ୬ ଜୁଲାଇରେ ମୁଖ୍ୟମନ୍ତ୍ରୀ ମୋହନ ମାଝୀ ରଥଯାତ୍ରା-୨୦୨୬ର ସମନ୍ୱୟ ବୈଠକ ପାଇଁ ପୁରୀ ଆସୁଥିବା ବେଳେ ବୀର ହରେକୃଷ୍ଣପୁର ଛକରେ କଂଗ୍ରେସ କର୍ମୀମାନେ କଳା ପତାକା ପ୍ରଦର୍ଶନ କରିଥିଲେ। ଏହାକୁ ନେଇ ପୁରୀ ସଦର ଥାନାରେ ମାମଲା ରୁଜୁ ହେବା ସହ ଅବିନାଶ ମିଶ୍ରଙ୍କୁ ହତ୍ୟା ଉଦ୍ୟମ ଭଳି ସଙ୍ଗୀନ ଦଫାରେ ଗିରଫ କରି ଜେଲ ପଠାଯାଇଛି। କଂଗ୍ରେସ ନେତାମାନେ ଏହି ପୋଲିସ କାର୍ଯ୍ୟାନୁଷ୍ଠାନକୁ ଉଦ୍ଦେଶ୍ୟମୂଳକ ବୋଲି ବର୍ଣ୍ଣନା କରି ଉକ୍ତ ଦଫାଗୁଡ଼ିକୁ ପ୍ରତ୍ୟାହାର କରିବା ପାଇଁ ଦାବି କରିଛନ୍ତି। ଘଟଣାସ୍ଥଳରେ ଅତିରିକ୍ତ ଆରକ୍ଷୀ ଅଧିକ୍ଷକ ସୁଶୀଲ ମିଶ୍ର, ସିଟି ଡିଏସ୍‌ପି ଏବଂ ଟାଉନ୍ ଥାନା ଅଧିକାରୀ ଗୋକୁଳ ରଞ୍ଜନ ଦାସ ପହଞ୍ଚି ବିକ୍ଷୋଭକାରୀଙ୍କ ସହ ଆଲୋଚନା କରିଥିଲେ। ପୋଲିସ ପକ୍ଷରୁ ମାମଲାରେ ଲାଗିଥିବା ଦଫାଗୁଡ଼ିକର ସମୀକ୍ଷା କରାଯିବ ଏବଂ ଆଇନ ଅନୁଯାୟୀ ପରବର୍ତ୍ତୀ ପଦକ୍ଷେପ ନିଆଯିବ ବୋଲି ଆଶ୍ୱାସନା ଦିଆଯାଇଥିବା କଂଗ୍ରେସ ପକ୍ଷରୁ କୁହାଯାଇଛି। ଏହି ବିକ୍ଷୋଭରେ ସତ୍ୟବ୍ରତ ପାତ୍ର, ଜୟନାରାୟଣ ପଟ୍ଟନାୟକ, ବିଦୁଲତା ଆଚାର୍ଯ୍ୟ, ସୁଜିତ ମହାପାତ୍ର, ବିଶ୍ୱରଞ୍ଜନ ମହାପାତ୍ର, ନିରଞ୍ଜନ ରଥ, ସୁକାନ୍ତ ପ୍ରଧାନ, କାଳୀପ୍ରସାଦ ନାୟକ, ସରସ୍ୱତୀ ପାତ୍ର, ଲଲାଟେନ୍ଦୁ ଦାସ ଏବଂ ଜୟଶ୍ରୀ ପାତ୍ରଙ୍କ ସମେତ ଶତାଧିକ କଂଗ୍ରେସ କର୍ମୀ ସାମିଲ ହୋଇଥିଲେ।