ભાભર નગરમાં છેલ્લા કેટલાક દિવસોથી વારંવાર વીજ પુરવઠો ખોરવાઈ રહ્યો છે, જેના કારણે સામાન્ય જનજીવન ભારે પ્રભાવિત થયું છે. ચોમાસા પૂર્વેની કાળઝાળ ગરમી અને અસહ્ય ઉકળાટ વચ્ચે વીજળીના વારંવારના કાપને લીધે બાળકો, વૃદ્ધો અને પરિવારો હાલાકી ભોગવી રહ્યા છે. સ્થાનિકોનું કહેવું છે કે વીજતંત્ર દ્વારા કોઈપણ પ્રકારની પૂર્વ સૂચના આપ્યા વિના ગમે ત્યારે વીજ પુરવઠો બંધ કરી દેવામાં આવે છે, જેની સીધી અસર ઘરગથ્થુ કામકાજ તેમજ દુકાનદારો અને નાના વેપારીઓના ધંધા પર પડી રહી છે. સ્થાનિક નાગરિક સુરેશભાઈએ આક્રોશ વ્યક્ત કરતા જણાવ્યું હતું કે, રોજેરોજ અચાનક વીજળી ગુલ થઈ જાય છે અને ફરિયાદ કરવા પર વીજ કચેરીમાંથી અન્ડરગ્રાઉન્ડ કેબલના કામ કે અન્ય બહાના આગળ કરવામાં આવે છે. બપોરના સમયે વીજળી જવાથી ગરમીમાં બાળકોને સાચવવા મુશ્કેલ બની જાય છે. લોકોની માંગ છે કે જો મરામતનું કામ કરવું જ હોય, તો એક દિવસ અગાઉ જાહેરાત કરીને શેડ્યૂલ મુજબ વીજ કાપ રાખવો જોઈએ જેથી કામનું આયોજન થઈ શકે. વીજતંત્રના સૂત્રોના જણાવ્યા અનુસાર, હાલમાં પ્રિ-મોન્સુન કામગીરીના ભાગરૂપે અન્ડરગ્રાઉન્ડ લાઈનના જોઈન્ટનું કામ ચાલી રહ્યું છે અને ચોમાસામાં અમુક જગ્યાએ કેબલ ફોલ્ટને કારણે પુરવઠો ખોરવાય છે. હાલની કાળઝાળ ગરમીમાં વીજ પુરવઠાની સ્થિરતા જાળવવા અને જરૂરી મરામતનું કામ સમયસર પૂર્ણ કરવા માટે લોકોએ વીજતંત્ર સમક્ષ તાત્કાલિક પગલાં લેવાની માંગ કરી છે.

Journalist bharmal mali

News Anchor ભાભર, બનાસકાંઠા, ગુજરાત•

13 hrs ago

ભાભર નગરમાં છેલ્લા કેટલાક દિવસોથી વારંવાર વીજ પુરવઠો ખોરવાઈ રહ્યો છે, જેના કારણે સામાન્ય જનજીવન ભારે પ્રભાવિત થયું છે. ચોમાસા પૂર્વેની કાળઝાળ ગરમી અને અસહ્ય ઉકળાટ વચ્ચે વીજળીના વારંવારના કાપને લીધે બાળકો, વૃદ્ધો અને પરિવારો હાલાકી ભોગવી રહ્યા છે. સ્થાનિકોનું કહેવું છે કે વીજતંત્ર દ્વારા કોઈપણ પ્રકારની પૂર્વ સૂચના આપ્યા વિના ગમે ત્યારે વીજ પુરવઠો બંધ કરી દેવામાં આવે છે, જેની સીધી અસર ઘરગથ્થુ કામકાજ તેમજ દુકાનદારો અને નાના વેપારીઓના ધંધા પર પડી રહી છે. સ્થાનિક નાગરિક સુરેશભાઈએ આક્રોશ વ્યક્ત કરતા જણાવ્યું હતું કે, રોજેરોજ અચાનક વીજળી ગુલ થઈ જાય છે અને ફરિયાદ કરવા પર વીજ કચેરીમાંથી અન્ડરગ્રાઉન્ડ કેબલના કામ કે અન્ય બહાના આગળ કરવામાં આવે છે. બપોરના સમયે વીજળી જવાથી ગરમીમાં બાળકોને સાચવવા મુશ્કેલ બની જાય છે. લોકોની માંગ છે કે જો મરામતનું કામ કરવું જ હોય, તો એક દિવસ અગાઉ જાહેરાત કરીને શેડ્યૂલ મુજબ વીજ કાપ રાખવો જોઈએ જેથી કામનું આયોજન થઈ શકે. વીજતંત્રના સૂત્રોના જણાવ્યા અનુસાર, હાલમાં પ્રિ-મોન્સુન કામગીરીના ભાગરૂપે અન્ડરગ્રાઉન્ડ લાઈનના જોઈન્ટનું કામ ચાલી રહ્યું છે અને ચોમાસામાં અમુક જગ્યાએ કેબલ ફોલ્ટને કારણે પુરવઠો ખોરવાય છે. હાલની કાળઝાળ ગરમીમાં વીજ પુરવઠાની સ્થિરતા જાળવવા અને જરૂરી મરામતનું કામ સમયસર પૂર્ણ કરવા માટે લોકોએ વીજતંત્ર સમક્ષ તાત્કાલિક પગલાં લેવાની માંગ કરી છે.