నంద్యాల జిల్లాకు చెందిన ప్రముఖ చిత్రకారుడు కళారత్న చింతలపల్లె కోటేష్, ప్రపంచ పర్యావరణ దినోత్సవం సందర్భంగా వినూత్నమైన రీతిలో పర్యావరణ పరిరక్షణపై ఒక సందేశాన్ని ఇచ్చారు. జూన్ 5న ప్రపంచ పర్యావరణ దినోత్సవం పురస్కరించుకొని, ఆయన ఒక టెంకాయ చుట్టూ 620 సూక్ష్మ చిత్రాలను మైక్రో బ్రష్‌లతో, వాటర్ కలర్ పెయింటింగ్స్‌తో కేవలం ఆరు గంటల వ్యవధిలో అద్భుతంగా చిత్రించారు. ఈ చిత్రం ద్వారా పర్యావరణం సమతుల్యంగా ఉన్నప్పుడు ఎలా ఉంటుందో, అలాగే పర్యావరణ మార్పులు సంభవించి క్షామం (కరువు) ఎలా ఉంటుందో ఆయన కళ్లకు కట్టారు. తన చిత్రంలోని భావాలను వివరిస్తూ, కోటేష్ పచ్చని చెట్లు, ప్రశాంతమైన వాతావరణం, కొండలు, కోనలు, ఎగిరే గువ్వలు, పక్షులు, జంతువులు, పశువులు స్వేచ్ఛగా విహరించడం, నదీ జలాలు, జలచరాలు వంటి ప్రకృతి సోయగాన్ని చూసి వనదేవత సంతోషంతో చిరునవ్వులు చిందించడాన్ని చిత్రీకరించినట్లు తెలిపారు. దీనికి విరుద్ధంగా, పర్యావరణం బాగా లేనప్పుడు క్షామం ఎంత భయంకరంగా ఉంటుందో చూపించానన్నారు. ఎండిపోయిన, నరికివేసిన చెట్లతో వన్యప్రాణులు చెట్లు, నీడ, నీరు, ఆహారం లేక అలమటించి వనదేవతకు మొరపెట్టుకోవడం, మరణించిన వన్యప్రాణులు, మనుషుల మృతదేహాలు వంటి దృశ్యాలతో వనదేవత కన్నీరు పెడుతూ, చేతులు జోడించి "మనుషులారా, ఇకనైనా మారండి. పర్యావరణాన్ని కాపాడండి, చెట్లను పెంచండి, ప్రతి నీటి చుక్కను వృధా కానివ్వకండి" అని వేడుకున్నట్లుగా తాను చిత్రించినట్లు వివరించారు. పర్యావరణం అనేది మన చుట్టూ ఉన్న సహజ వాతావరణమని, ఇందులో గాలి, నీరు, భూమి, చెట్లు, పక్షులు, పశువులు, జంతువులు, మానవులు వంటివన్నీ భాగమై ఉన్నాయని కోటేష్ స్పష్టం చేశారు. ప్రతి జీవరాశికి పర్యావరణమే జీవనాధారమని, అయితే మనుషులు తమ స్వార్థ ప్రయోజనాల కోసం పర్యావరణాన్ని నాశనం చేస్తున్నారని ఆవేదన వ్యక్తం చేశారు. చెట్లను నరికివేయడం, విపరీతంగా ప్లాస్టిక్ వినియోగించడం, ప్లాస్టిక్ వ్యర్థాలతో భూమికి హాని కలిగించడం వంటి చర్యలను ఆయన ఖండించారు. పరిశోధకుల అంచనా ప్రకారం ప్రతి సంవత్సరం 11 మిలియన్ టన్నుల ప్లాస్టిక్ వ్యర్థాలు భూమ్మీద, నీటి మీద చేరుతున్నాయని గుర్తు చేశారు. వాతావరణంలో పెద్ద మార్పులు సంభవించడం వల్ల వేసవిలో 45 నుండి 50 డిగ్రీల వరకు ఉష్ణోగ్రతలు పెరుగుతున్నాయని, పరిస్థితి ఎంత భయంకరంగా ఉందో మనం చూస్తున్నామని కోటేష్ పేర్కొన్నారు. అత్యంత వేడిమిని తట్టుకోలేక ప్రపంచవ్యాప్తంగా ఏడాదికి లక్షలాది మంది మనుషులు చనిపోతున్నారని, ఈ సంవత్సరం భారతదేశంలో 30 వేల మందికి పైగా మరణించారని అంచనా వేశారన్నారు. ఈ నేపథ్యంలో పర్యావరణంపై ప్రభుత్వం ప్రత్యేక దృష్టి పెట్టాలని, ప్రజలు కూడా ఇందులో భాగస్వామ్యం కావాలని ఆయన పిలుపునిచ్చారు. విపరీతంగా చెట్లను పెంచాలని, ప్రతి నీటి చుక్కను వృధా చేయకూడదని కోరారు. పర్యావరణం పచ్చగా ఉంటేనే జీవన విధానం బాగుంటుందని నొక్కి చెప్పారు. ప్రతి సంవత్సరం ప్రపంచ పర్యావరణ దినోత్సవం సందర్భంగా వినూత్న చిత్రాలు వేస్తుంటానని, ఈసారి బొచ్చు తీసిన టెంకాయ మీద వేశానని ఆయన వెల్లడించారు.

Naga kanth

బండి ఆత్మకూరు, నంద్యాల, ఆంధ్రప్రదేశ్•

9 hrs ago

నంద్యాల జిల్లాకు చెందిన ప్రముఖ చిత్రకారుడు కళారత్న చింతలపల్లె కోటేష్, ప్రపంచ పర్యావరణ దినోత్సవం సందర్భంగా వినూత్నమైన రీతిలో పర్యావరణ పరిరక్షణపై ఒక సందేశాన్ని ఇచ్చారు. జూన్ 5న ప్రపంచ పర్యావరణ దినోత్సవం పురస్కరించుకొని, ఆయన ఒక టెంకాయ చుట్టూ 620 సూక్ష్మ చిత్రాలను మైక్రో బ్రష్‌లతో, వాటర్ కలర్ పెయింటింగ్స్‌తో కేవలం ఆరు గంటల వ్యవధిలో అద్భుతంగా చిత్రించారు. ఈ చిత్రం ద్వారా పర్యావరణం సమతుల్యంగా ఉన్నప్పుడు ఎలా ఉంటుందో, అలాగే పర్యావరణ మార్పులు సంభవించి క్షామం (కరువు) ఎలా ఉంటుందో ఆయన కళ్లకు కట్టారు. తన చిత్రంలోని భావాలను వివరిస్తూ, కోటేష్ పచ్చని చెట్లు, ప్రశాంతమైన వాతావరణం, కొండలు, కోనలు, ఎగిరే గువ్వలు, పక్షులు, జంతువులు, పశువులు స్వేచ్ఛగా విహరించడం, నదీ జలాలు, జలచరాలు వంటి ప్రకృతి సోయగాన్ని చూసి వనదేవత సంతోషంతో చిరునవ్వులు చిందించడాన్ని చిత్రీకరించినట్లు తెలిపారు. దీనికి విరుద్ధంగా, పర్యావరణం బాగా లేనప్పుడు క్షామం ఎంత భయంకరంగా ఉంటుందో చూపించానన్నారు. ఎండిపోయిన, నరికివేసిన చెట్లతో వన్యప్రాణులు చెట్లు, నీడ, నీరు, ఆహారం లేక అలమటించి వనదేవతకు మొరపెట్టుకోవడం, మరణించిన వన్యప్రాణులు, మనుషుల మృతదేహాలు వంటి దృశ్యాలతో వనదేవత కన్నీరు పెడుతూ, చేతులు జోడించి "మనుషులారా, ఇకనైనా మారండి. పర్యావరణాన్ని కాపాడండి, చెట్లను పెంచండి, ప్రతి నీటి చుక్కను వృధా కానివ్వకండి" అని వేడుకున్నట్లుగా తాను చిత్రించినట్లు వివరించారు. పర్యావరణం అనేది మన చుట్టూ ఉన్న సహజ వాతావరణమని, ఇందులో గాలి, నీరు, భూమి, చెట్లు, పక్షులు, పశువులు, జంతువులు, మానవులు వంటివన్నీ భాగమై ఉన్నాయని కోటేష్ స్పష్టం చేశారు. ప్రతి జీవరాశికి పర్యావరణమే జీవనాధారమని, అయితే మనుషులు తమ స్వార్థ ప్రయోజనాల కోసం పర్యావరణాన్ని నాశనం చేస్తున్నారని ఆవేదన వ్యక్తం చేశారు. చెట్లను నరికివేయడం, విపరీతంగా ప్లాస్టిక్ వినియోగించడం, ప్లాస్టిక్ వ్యర్థాలతో భూమికి హాని కలిగించడం వంటి చర్యలను ఆయన ఖండించారు. పరిశోధకుల అంచనా ప్రకారం ప్రతి సంవత్సరం 11 మిలియన్ టన్నుల ప్లాస్టిక్ వ్యర్థాలు భూమ్మీద, నీటి మీద చేరుతున్నాయని గుర్తు చేశారు. వాతావరణంలో పెద్ద మార్పులు సంభవించడం వల్ల వేసవిలో 45 నుండి 50 డిగ్రీల వరకు ఉష్ణోగ్రతలు పెరుగుతున్నాయని, పరిస్థితి ఎంత భయంకరంగా ఉందో మనం చూస్తున్నామని కోటేష్ పేర్కొన్నారు. అత్యంత వేడిమిని తట్టుకోలేక ప్రపంచవ్యాప్తంగా ఏడాదికి లక్షలాది మంది మనుషులు చనిపోతున్నారని, ఈ సంవత్సరం భారతదేశంలో 30 వేల మందికి పైగా మరణించారని అంచనా వేశారన్నారు. ఈ నేపథ్యంలో పర్యావరణంపై ప్రభుత్వం ప్రత్యేక దృష్టి పెట్టాలని, ప్రజలు కూడా ఇందులో భాగస్వామ్యం కావాలని ఆయన పిలుపునిచ్చారు. విపరీతంగా చెట్లను పెంచాలని, ప్రతి నీటి చుక్కను వృధా చేయకూడదని కోరారు. పర్యావరణం పచ్చగా ఉంటేనే జీవన విధానం బాగుంటుందని నొక్కి చెప్పారు. ప్రతి సంవత్సరం ప్రపంచ పర్యావరణ దినోత్సవం సందర్భంగా వినూత్న చిత్రాలు వేస్తుంటానని, ఈసారి బొచ్చు తీసిన టెంకాయ మీద వేశానని ఆయన వెల్లడించారు.