पुणे शहर पोलिसांच्या चंदननगर तपास पथकाने रस्त्यावरून गाडी नीट चालवण्यास सांगितल्याच्या रागातून एका व्यक्तीला गंभीर मारहाण करून जबरदस्तीने मोबाईल हिसकावून पळवून नेणाऱ्या दोन आरोपींना अटक केली आहे. पोलिसांनी गुन्ह्यात वापरलेली स्कुटी आणि चोरीला गेलेला मोबाईल असा एकूण ३८,००० रुपये किमतीचा मुद्देमाल जप्त केला आहे. ही घटना ०९/०६/२०२६ रोजी चंदननगर येथील बोराटे वस्तीतील लेन नंबर ०२ मधील वेलकम किराणा स्टोअर्ससमोर घडली. फिर्यादी यांचे पती भारत गॅसचा सिलेंडर घेण्यासाठी गेले असता, एका काळ्या रंगाच्या स्कुटीवरून (क्रमांक ८०९३) जात असलेल्या तीन अनोळखी व्यक्तींपैकी (दोन मुले आणि एक मुलगी) स्कुटीचा त्यांना धक्का लागला. त्यांनी गाडी नीट चालवण्याबाबत टोकले असता, याचा राग येऊन गाडीवरील दोन अनोळखी मुलांनी त्यांना लाथाबुक्क्यांनी बेदम मारहाण करून गंभीर जखमी केले. एवढेच नाही तर, त्यांच्या जवळील ८,००० रुपये किमतीचा मोबाईल फोन जबरदस्तीने हिसकावून तेथून फरार झाले. याप्रकरणी चंदननगर पोलीस ठाण्यात भारतीय न्याय संहिता २०२३ च्या कलम ११९ (२), ११७ (२), ३(५) अन्वये गुन्हा (गु. र. नं. २८७/२०२६) दाखल करण्यात आला होता. गुन्ह्याचे गांभीर्य लक्षात घेऊन चंदननगर पोलीस ठाण्याच्या तपास पथकाने घटनास्थळावरील आणि आजूबाजूच्या चौकांमधील सीसीटीव्ही फुटेजची कसून तपासणी केली. यामध्ये गुन्ह्यात वापरलेल्या एम. एच. १२ एफ. एस. ८०९३ या स्कुटीचा पूर्ण क्रमांक निष्पन्न झाला. गाडीच्या नंबरवरून केलेल्या पुढील तपासात, हा गुन्हा गाडी मालकाच्या मुलाने आणि त्याच्या मित्राने केल्याचे समोर आले. पोलिसांनी तात्काळ कारवाई करत अनिश संदीप सावंत (वय २० वर्षे, रा. वडगावशेरी, पुणे) आणि वेदांत विजय देशमुख (वय २१ वर्षे, रा. वाघोली, पुणे) या दोन आरोपींना अटक केली. अटक केलेल्या आरोपींकडून गुन्ह्यात वापरलेली स्कुटी आणि जबरदस्तीने काढून घेतलेला मोबाईल असा एकूण ३८,००० रुपये किमतीचा मुद्देमाल हस्तगत करण्यात आला आहे. सहाय्यक पोलीस निरीक्षक श्री. गणेश जगदाळे या दाखल गुन्ह्याचा पुढील तपास करत आहेत. पुणे शहर पोलिसांच्या वरिष्ठ अधिकाऱ्यांच्या मार्गदर्शनाखाली ही कामगिरी पार पडली. यामध्ये मा. अपर पोलीस आयुक्त, पूर्व प्रादेशिक विभाग, पुणे शहर श्री. मनोज पाटील; मा. पोलीस उपआयुक्त, परिमंडळ-०७, पुणे शहर डॉ. प्रशांत अमृतकर; मा. सहाय्यक पोलीस आयुक्त, खराडी विभाग श्रीमती नुतन पवार; वरिष्ठ पोलीस निरीक्षक, चंदननगर पोलीस ठाणे श्रीमती अश्विनी जगताप; आणि पोलीस निरीक्षक (गुन्हे) श्री. अमोल धस यांचा समावेश होता. तपास पथकामध्ये सहाय्यक पोलीस निरीक्षक श्री. गणेश जगदाळे यांच्यासह कर्मचारी रमेश मेमाने, अमरसिंग डांगे, विकास कदम, रामदास घावटे, किरण घुटे, ज्ञानोबा लहाणे, चंद्रकांत पाटील आणि सुशील बेंद्रे यांनी मोलाचे योगदान दिले.

क्राईम महाराष्ट्र लाईव्ह न्यूज

Voice of people हवेली, पुणे, महाराष्ट्र•

11 hrs ago

पुणे शहर पोलिसांच्या चंदननगर तपास पथकाने रस्त्यावरून गाडी नीट चालवण्यास सांगितल्याच्या रागातून एका व्यक्तीला गंभीर मारहाण करून जबरदस्तीने मोबाईल हिसकावून पळवून नेणाऱ्या दोन आरोपींना अटक केली आहे. पोलिसांनी गुन्ह्यात वापरलेली स्कुटी आणि चोरीला गेलेला मोबाईल असा एकूण ३८,००० रुपये किमतीचा मुद्देमाल जप्त केला आहे. ही घटना ०९/०६/२०२६ रोजी चंदननगर येथील बोराटे वस्तीतील लेन नंबर ०२ मधील वेलकम किराणा स्टोअर्ससमोर घडली. फिर्यादी यांचे पती भारत गॅसचा सिलेंडर घेण्यासाठी गेले असता, एका काळ्या रंगाच्या स्कुटीवरून (क्रमांक ८०९३) जात असलेल्या तीन अनोळखी व्यक्तींपैकी (दोन मुले आणि एक मुलगी) स्कुटीचा त्यांना धक्का लागला. त्यांनी गाडी नीट चालवण्याबाबत टोकले असता, याचा राग येऊन गाडीवरील दोन अनोळखी मुलांनी त्यांना लाथाबुक्क्यांनी बेदम मारहाण करून गंभीर जखमी केले. एवढेच नाही तर, त्यांच्या जवळील ८,००० रुपये किमतीचा मोबाईल फोन जबरदस्तीने हिसकावून तेथून फरार झाले. याप्रकरणी चंदननगर पोलीस ठाण्यात भारतीय न्याय संहिता २०२३ च्या कलम ११९ (२), ११७ (२), ३(५) अन्वये गुन्हा (गु. र. नं. २८७/२०२६) दाखल करण्यात आला होता. गुन्ह्याचे गांभीर्य लक्षात घेऊन चंदननगर पोलीस ठाण्याच्या तपास पथकाने घटनास्थळावरील आणि आजूबाजूच्या चौकांमधील सीसीटीव्ही फुटेजची कसून तपासणी केली. यामध्ये गुन्ह्यात वापरलेल्या एम. एच. १२ एफ. एस. ८०९३ या स्कुटीचा पूर्ण क्रमांक निष्पन्न झाला. गाडीच्या नंबरवरून केलेल्या पुढील तपासात, हा गुन्हा गाडी मालकाच्या मुलाने आणि त्याच्या मित्राने केल्याचे समोर आले. पोलिसांनी तात्काळ कारवाई करत अनिश संदीप सावंत (वय २० वर्षे, रा. वडगावशेरी, पुणे) आणि वेदांत विजय देशमुख (वय २१ वर्षे, रा. वाघोली, पुणे) या दोन आरोपींना अटक केली. अटक केलेल्या आरोपींकडून गुन्ह्यात वापरलेली स्कुटी आणि जबरदस्तीने काढून घेतलेला मोबाईल असा एकूण ३८,००० रुपये किमतीचा मुद्देमाल हस्तगत करण्यात आला आहे. सहाय्यक पोलीस निरीक्षक श्री. गणेश जगदाळे या दाखल गुन्ह्याचा पुढील तपास करत आहेत. पुणे शहर पोलिसांच्या वरिष्ठ अधिकाऱ्यांच्या मार्गदर्शनाखाली ही कामगिरी पार पडली. यामध्ये मा. अपर पोलीस आयुक्त, पूर्व प्रादेशिक विभाग, पुणे शहर श्री. मनोज पाटील; मा. पोलीस उपआयुक्त, परिमंडळ-०७, पुणे शहर डॉ. प्रशांत अमृतकर; मा. सहाय्यक पोलीस आयुक्त, खराडी विभाग श्रीमती नुतन पवार; वरिष्ठ पोलीस निरीक्षक, चंदननगर पोलीस ठाणे श्रीमती अश्विनी जगताप; आणि पोलीस निरीक्षक (गुन्हे) श्री. अमोल धस यांचा समावेश होता. तपास पथकामध्ये सहाय्यक पोलीस निरीक्षक श्री. गणेश जगदाळे यांच्यासह कर्मचारी रमेश मेमाने, अमरसिंग डांगे, विकास कदम, रामदास घावटे, किरण घुटे, ज्ञानोबा लहाणे, चंद्रकांत पाटील आणि सुशील बेंद्रे यांनी मोलाचे योगदान दिले.