परभणी जिल्ह्यातील मानवत तालुक्यातील मौजे आर्वी येथे जलजीवन मिशन योजनेअंतर्गत झालेल्या कामांमध्ये मोठ्या प्रमाणात अनियमितता आणि निकृष्ट दर्जाचे काम झाल्याचा आरोप भीमशक्ती संघटनेने केला आहे. या गंभीर अनियमिततेची खातेनिहाय चौकशी करून दोषी अधिकारी व कर्मचाऱ्यांवर कारवाई करण्याची मागणी संघटनेने जिल्हा परिषदेचे मुख्य कार्यकारी अधिकारी आणि अध्यक्ष यांना दिलेल्या निवेदनाद्वारे केली आहे. निवेदनात नमूद केल्यानुसार, गावकऱ्यांसाठी स्वच्छ पिण्याचे पाणी उपलब्ध करून देण्यासाठी बांधण्यात आलेली पाण्याची टाकी अत्यंत निकृष्ट दर्जाची असून, त्यातून काही मिनिटांतच पाणी गळून जाते. तसेच, घराघरांपर्यंत पाणीपुरवठ्यासाठी टाकलेली पाईपलाईनही निकृष्ट दर्जाची असल्याचा आरोप आहे. काही ठिकाणी ही पाईपलाईन सांडपाणी आणि मलमूत्र वाहणाऱ्या नाल्यांमधून टाकण्यात आल्यामुळे वारंवार गळती होते आणि दूषित पाणी पिण्याच्या पाण्यात मिसळत असल्याची गावकऱ्यांची तक्रार आहे. यामुळे गावात संसर्गजन्य आजारांचा धोका वाढला असून, नागरिकांच्या आरोग्यावर गंभीर परिणाम होण्याची शक्यता वर्तवण्यात आली आहे. याबाबत प्रशासक सरपंचांकडे तक्रार केली असता, त्यांनी आपला कार्यकाळ संपल्याचे कारण देत जबाबदारी झटकल्याचा आरोपही करण्यात आला आहे. याशिवाय, गावातील शासकीय जमिनीवर अवैधरित्या बोअरवेल करून त्याचा पाणीपुरवठा खासगी वापरासाठी केला जात असल्याचा आरोपही आहे. तसेच, ग्रामपंचायत कर्मचाऱ्यांकडून नागरिकांशी अरेरावीची भाषा वापरली जात असल्याची तक्रारही निवेदनात करण्यात आली आहे. भीमशक्ती संघटनेने जलजीवन मिशन योजनेतील सर्व कामांची सखोल चौकशी करून प्रशासक, ग्रामसेवक, अभियंता आणि विस्तार अधिकारी यांच्यावर आवश्यक ती कारवाई करत दोषींविरुद्ध गुन्हे दाखल करण्याची मागणी केली आहे. संघटनेने असा इशारा दिला आहे की, जर त्यांच्या मागण्यांकडे दुर्लक्ष केले गेले, तर जिल्हा परिषद कार्यालयासमोर गावकऱ्यांसह आमरण उपोषण करण्यात येईल. यावेळी भीमशक्तीचे जिल्हाध्यक्ष सतीश भिसे, सिद्धार्थ भिंगारे, विद्यासागर वाव्हळे, विक्रम काळे, संजय वाव्हळे, वसंत मस्के, अनिल मस्के, रवी कांबळे, सूरज मस्के, चंद्रगुप्त मस्के, भास्कर वाव्हळे यांच्यासह अनेक ग्रामस्थ उपस्थित होते.

Kapil Ashokrao Shinde

मानवत, परभणी, महाराष्ट्र•

23 hrs ago

परभणी जिल्ह्यातील मानवत तालुक्यातील मौजे आर्वी येथे जलजीवन मिशन योजनेअंतर्गत झालेल्या कामांमध्ये मोठ्या प्रमाणात अनियमितता आणि निकृष्ट दर्जाचे काम झाल्याचा आरोप भीमशक्ती संघटनेने केला आहे. या गंभीर अनियमिततेची खातेनिहाय चौकशी करून दोषी अधिकारी व कर्मचाऱ्यांवर कारवाई करण्याची मागणी संघटनेने जिल्हा परिषदेचे मुख्य कार्यकारी अधिकारी आणि अध्यक्ष यांना दिलेल्या निवेदनाद्वारे केली आहे. निवेदनात नमूद केल्यानुसार, गावकऱ्यांसाठी स्वच्छ पिण्याचे पाणी उपलब्ध करून देण्यासाठी बांधण्यात आलेली पाण्याची टाकी अत्यंत निकृष्ट दर्जाची असून, त्यातून काही मिनिटांतच पाणी गळून जाते. तसेच, घराघरांपर्यंत पाणीपुरवठ्यासाठी टाकलेली पाईपलाईनही निकृष्ट दर्जाची असल्याचा आरोप आहे. काही ठिकाणी ही पाईपलाईन सांडपाणी आणि मलमूत्र वाहणाऱ्या नाल्यांमधून टाकण्यात आल्यामुळे वारंवार गळती होते आणि दूषित पाणी पिण्याच्या पाण्यात मिसळत असल्याची गावकऱ्यांची तक्रार आहे. यामुळे गावात संसर्गजन्य आजारांचा धोका वाढला असून, नागरिकांच्या आरोग्यावर गंभीर परिणाम होण्याची शक्यता वर्तवण्यात आली आहे. याबाबत प्रशासक सरपंचांकडे तक्रार केली असता, त्यांनी आपला कार्यकाळ संपल्याचे कारण देत जबाबदारी झटकल्याचा आरोपही करण्यात आला आहे. याशिवाय, गावातील शासकीय जमिनीवर अवैधरित्या बोअरवेल करून त्याचा पाणीपुरवठा खासगी वापरासाठी केला जात असल्याचा आरोपही आहे. तसेच, ग्रामपंचायत कर्मचाऱ्यांकडून नागरिकांशी अरेरावीची भाषा वापरली जात असल्याची तक्रारही निवेदनात करण्यात आली आहे. भीमशक्ती संघटनेने जलजीवन मिशन योजनेतील सर्व कामांची सखोल चौकशी करून प्रशासक, ग्रामसेवक, अभियंता आणि विस्तार अधिकारी यांच्यावर आवश्यक ती कारवाई करत दोषींविरुद्ध गुन्हे दाखल करण्याची मागणी केली आहे. संघटनेने असा इशारा दिला आहे की, जर त्यांच्या मागण्यांकडे दुर्लक्ष केले गेले, तर जिल्हा परिषद कार्यालयासमोर गावकऱ्यांसह आमरण उपोषण करण्यात येईल. यावेळी भीमशक्तीचे जिल्हाध्यक्ष सतीश भिसे, सिद्धार्थ भिंगारे, विद्यासागर वाव्हळे, विक्रम काळे, संजय वाव्हळे, वसंत मस्के, अनिल मस्के, रवी कांबळे, सूरज मस्के, चंद्रगुप्त मस्के, भास्कर वाव्हळे यांच्यासह अनेक ग्रामस्थ उपस्थित होते.