कळवण एकात्मिक आदिवासी विकास प्रकल्पांतर्गत येणाऱ्या शासकीय आश्रमशाळा आणि वसतिगृहांमध्ये वारंवार घडणाऱ्या गंभीर घटनांमुळे विद्यार्थ्यांच्या सुरक्षेचा प्रश्न ऐरणीवर आला आहे. ३९ शासकीय आश्रमशाळा आणि २९ वसतिगृहांमध्ये हजारो आदिवासी विद्यार्थी-विद्यार्थिनी निवासी स्वरूपात शिक्षण घेत आहेत. मात्र, गर्भवती विद्यार्थिनी, विषबाधा आणि विद्यार्थ्यांच्या मृत्यूसारख्या अत्यंत गंभीर घटना घडूनही प्रशासनाला अद्याप जाग आलेली नाही. आदिवासी विद्यार्थ्यांच्या सुरक्षिततेशी आणि भवितव्याशी सुरू असलेल्या या जीवघेण्या खेळावर आता तीव्र संताप व्यक्त केला जात आहे. नुकतीच मोहंदरी येथील शासकीय आश्रमशाळेतील अवघ्या १४ वर्षीय विद्यार्थिनी गर्भवती राहिल्याची आणि तिने एका मुलीला जन्म दिल्याची धक्कादायक घटना उघडकीस आली असून यामुळे राज्यभरात संतापाची लाट उसळली आहे. यापूर्वी कनाशी शासकीय आश्रमशाळेत दूषित अन्नामुळे तब्बल ५९ विद्यार्थ्यांना विषबाधा झाली होती. याशिवाय चादिवासी आश्रमशाळा, गोपाळखडी येथील चौथीतील विद्यार्थिनी आणि गणोरे आश्रमशाळेतील विद्यार्थ्याचा दुर्दैवी मृत्यू अशा अनेक वेदनादायी घटना घडल्या आहेत. या घटनांमुळे आश्रमशाळांमधील सुरक्षा, आरोग्य सुविधा आणि प्रशासनाच्या एकूणच कार्यपद्धतीवर गंभीर प्रश्न उपस्थित होत आहेत. शासनाकडून मोफत शिक्षण, निवास आणि भोजनाचे दावे केले जात असले, तरी त्याची प्रभावी अंमलबजावणी होत नसल्याचा आरोप पालक आणि सामाजिक संघटना करत आहेत. केवळ चौकशी समित्या नेमून प्रकरणे दडपण्याऐवजी, विद्यार्थिनींच्या सुरक्षेसाठी प्रभावी महिला सुरक्षा यंत्रणा, सीसीटीव्ही, नियमित आरोग्य तपासणी, समुपदेशन आणि सक्षम तक्रार निवारण व्यवस्था उभी करण्याची मागणी जोर धरत आहे. तसेच मुख्याध्यापक, अधीक्षक, शिक्षक व कर्मचाऱ्यांनी मुख्यालयी राहणे बंधनकारक करावे आणि संपूर्ण सुरक्षिततेची जबाबदारी प्रशासनाने स्वीकारावी, अशी मागणी आदिवासी संघटना, सामाजिक कार्यकर्ते आणि पालकांकडून केली जात आहे.

Laxman Kisan bagul

Advertising agency सुरगाणा, नाशिक, महाराष्ट्र•

9 hrs ago

कळवण एकात्मिक आदिवासी विकास प्रकल्पांतर्गत येणाऱ्या शासकीय आश्रमशाळा आणि वसतिगृहांमध्ये वारंवार घडणाऱ्या गंभीर घटनांमुळे विद्यार्थ्यांच्या सुरक्षेचा प्रश्न ऐरणीवर आला आहे. ३९ शासकीय आश्रमशाळा आणि २९ वसतिगृहांमध्ये हजारो आदिवासी विद्यार्थी-विद्यार्थिनी निवासी स्वरूपात शिक्षण घेत आहेत. मात्र, गर्भवती विद्यार्थिनी, विषबाधा आणि विद्यार्थ्यांच्या मृत्यूसारख्या अत्यंत गंभीर घटना घडूनही प्रशासनाला अद्याप जाग आलेली नाही. आदिवासी विद्यार्थ्यांच्या सुरक्षिततेशी आणि भवितव्याशी सुरू असलेल्या या जीवघेण्या खेळावर आता तीव्र संताप व्यक्त केला जात आहे. नुकतीच मोहंदरी येथील शासकीय आश्रमशाळेतील अवघ्या १४ वर्षीय विद्यार्थिनी गर्भवती राहिल्याची आणि तिने एका मुलीला जन्म दिल्याची धक्कादायक घटना उघडकीस आली असून यामुळे राज्यभरात संतापाची लाट उसळली आहे. यापूर्वी कनाशी शासकीय आश्रमशाळेत दूषित अन्नामुळे तब्बल ५९ विद्यार्थ्यांना विषबाधा झाली होती. याशिवाय चादिवासी आश्रमशाळा, गोपाळखडी येथील चौथीतील विद्यार्थिनी आणि गणोरे आश्रमशाळेतील विद्यार्थ्याचा दुर्दैवी मृत्यू अशा अनेक वेदनादायी घटना घडल्या आहेत. या घटनांमुळे आश्रमशाळांमधील सुरक्षा, आरोग्य सुविधा आणि प्रशासनाच्या एकूणच कार्यपद्धतीवर गंभीर प्रश्न उपस्थित होत आहेत. शासनाकडून मोफत शिक्षण, निवास आणि भोजनाचे दावे केले जात असले, तरी त्याची प्रभावी अंमलबजावणी होत नसल्याचा आरोप पालक आणि सामाजिक संघटना करत आहेत. केवळ चौकशी समित्या नेमून प्रकरणे दडपण्याऐवजी, विद्यार्थिनींच्या सुरक्षेसाठी प्रभावी महिला सुरक्षा यंत्रणा, सीसीटीव्ही, नियमित आरोग्य तपासणी, समुपदेशन आणि सक्षम तक्रार निवारण व्यवस्था उभी करण्याची मागणी जोर धरत आहे. तसेच मुख्याध्यापक, अधीक्षक, शिक्षक व कर्मचाऱ्यांनी मुख्यालयी राहणे बंधनकारक करावे आणि संपूर्ण सुरक्षिततेची जबाबदारी प्रशासनाने स्वीकारावी, अशी मागणी आदिवासी संघटना, सामाजिक कार्यकर्ते आणि पालकांकडून केली जात आहे.